台灣郎

营业中

休息中

今日同阿媽行經西環附近行行下就覺得肚餓所以想搵嘢食見到間台灣野阿媽話想入去食下咁一坐低我哋就叫咗個鹽酥雞個份量勁多 而且佢都唔會炸得好油膩好酥脆之後就叫咗個台南滷肉飯 啲滷肉肥瘦分明而且十分惹味 真係想食多幾碗之後就叫咗個柯仔麵線 加埋啲辣椒油真係冇得頂 而且佢呢度見面先係每條麵線都好分明唔會好似喺其他地方食咁 好似食緊糊仔咁之後我哋見有少少熱氣就叫咗個避風塘炒油麥菜 個份量好多 真係超抵食以我同阿媽各人都叫咗杯珍珠奶茶呢到扺讚嘅係可以選擇甜度

幾抵食又好味既台灣餐廳🇹🇼🇹🇼-上次同朋友黎到嗌咗幾樣野食share 法國呢到有幾樣野係必嗌🤤🤤🤤 -1.魯肉飯🍚雖然碗飯唔大碗但係表面d肉碎勁多😳 真係舖滿曬個飯！ 而且d魯肉整到勁入味😋-2. 秘整蒜香雞翼🐥佢呢到既雞翼真係整得好好食 佢蒜味真係好香好重 另外個皮應該係炸過所以都有小小脆脆地🤤 同埋佢係將隻雞翼既骨拆過 得反單骨 食起黎又方便🙈-3. 係個鹽酥雞啦🐥🐥🙈 自己個人真係比較偏好食雞 次次見到有雞翼呀鹽酥雞通常都會嗌🤣 佢上黎嗰下覺得佢勁搞笑拎的雞形既籠仔裝住d鹽酥雞😬唔算太咸都炸得ok 不過肉既質感就一般la🤣-而另一個蚵仔煎都係較一般 佢個蛋底煎得比較厚 就無咁好食鳥🥺 飲品嗌咗個香芋珍珠奶茶 味道比較偏甜同珍珠有d林 反而凍冰冰飲品薑茶咁個人覺得幾正🤣-但overall想食下台灣野🧐呢間係幾抵食同個雞翼係一定要試！！-

是夜去了台灣郎尋找寶島的滋味～臨近聖誕餐廳門口也佈展了一番，進店內看到一個又一個顏色鮮豔的燈籠，氣氛不錯先來了小食，這個是充滿古早味的酥炸五香雞卷炸得很脆又乾身，不會很油，點辣豆瓣醬來吃很惹味然後是鼎香滷水拼盤，好豐富哦，有豬大腸、雞腎、雞蛋、豆腐和雞翼。雞翼煮得得軟淋，雞肉一咬就化開。豆腐吸飽水份，充滿滷汁精華。豬大腸有肥有瘦，好香好濃郁的大腸味～愛吃內臟的必定滿意。這個是新鮮岀爐的廟口刈包，每次去台灣必吃～ 熱燙鬆軟的刈包夾著花生粉、香菜、解膩的菜脯酸菜和油脂豐胦又厚實的五花控肉主菜點了台灣紅燒牛肉麵，有好多件牛肉哦，很大碗份量超大方！牛肉燉煮得柔嫩好吃，湯頭甘甜濃郁，蘿蔔也很軟淋入味喔飲品點了一杯珍珠奶茶和一杯蜂蜜薑茶。奶茶很香滑奶濃，珍珠很Q彈而蜂蜜薑茶很適合冬天喝，喝完身子都暖暖的～

星期日，同阿媽去咗上環行海味街，由上環嗰邊開始行到西營盤，阿媽有收穫，但我哋行到尾想回程先發現原來已經兩點幾我哋仲未食嘢，喺呢個住宅區，細細間嘅食店其實為數唔少，見到呢間主打台式食物的門面唔錯，貪佢坐得舒服，又有位可以容納我哋一袋二袋嘅戰利品。先點飲品，洛神花茶和水蜜桃乳酸爆珠，可以話係一個係傳統，一個屬於創新，雖然唔係第一次食爆珠，但二十蚊有爆珠絕對抵飲。再來台南魯肉飯，$35好抵食，有半隻蛋，睇落碗仔唔大但裝到滿滿咁，大量嘅肉碎舖滿喺飯面，好滿足，天氣凍咗係要有啖飯落肚嘅。台灣郎蚵仔麵線都係我必點嘅台式美食，超開心，因為頗大碗，造法都幾正宗，蚵仔大大粒，仲有煮得啱啱好嘅豬大腸，加埋香菜，大愛。估唔到喺西區呢個改革咗嘅社區會有咁高水準的台式食店，除咗好似我呢類嘅遊客，仲見到有唔少街坊幫襯。

朋友話正在進行戒澱粉質減肥方法，但又約飯聚，去她主場西區食飯，她選了這台式餐廳，從西營盤地鐵站出口行過來只需幾分鐘。為了遷就她，我們三人都全部點了蛋白質為主的肉類。看餐牌，感覺幾正宗，連四神湯都有。還記得多年前在台灣飲過四神湯後一試難忘，想不到這店也有，而同做得很不錯：料多，微微的藥材味，最要讚的是豬大腸，是腸套腸那種，完全無羶味。朋友點了牛肉羹，牛肉是一件件類似港式的滑牛。雖說肉為主，但每餐也應該食點菜，店員推介A菜，又對，A菜正正就是台灣特有的菜，大大碟，無得輸。朋友因為見餐牌的鹵水拼盤大大碟很吸引，果然很豐富，我還發現實物比圖片多了一隻雞翼，絶對比「設計圖片」還好。除了雞翼，還有腎、豬大腸和鹵水蛋，連豆腐都好好味，絕對推介！三杯雞也是台灣特色菜，以煲上的三杯雞，味道帶點甜而微辣，好好味，看來起碼有半隻雞的份量。完全是一間有誠意的食店，台式食品也做得正宗，我們三人都給予高評分！要給一個讚！

西營盤有好多cafe 茶餐廳食早餐。試過好幾間，都係依間好食同有特色。本人無去過台灣所以唔知依間係咪地道，但試過佢幾款早餐都好食，鍾意佢嘅台式早餐新竹米粉湯。第一次叫都唔知咩係新竹米粉湯，原來係啲清湯同牛丸、蝦丸、雞骨丸同有米粉。味道清清哋啱曬做早餐。朋友叫左排餐，發現佢比嘅方包原來係烘左底嘅牛油多士😍好好食同抵食呀！整體而言，依間餐廳好啱追求健康嘅人或者想坐底慢慢食個早餐嘅人。餐廳隔離頌要係地鐵站，好方便。

筆者作為台灣郎嘅忠實粉絲，決定再俾一次機會佢嘅早餐港式扒餐。作為第二份早餐，筆者叫左牛排加薯角，薯角炸得非常鬆脆，值得一讚，可以知道佢係炸完無耐，只係等埋牛排一齊上碟並無吸收到水分而導致變霖。至於牛排就略嫌鹹過頭，食得出廚房為左闢除急凍牛排嘅冰鮮味而用左好多鹽去醘牛扒，而係煮完之後仲落咗好多豉油，再加埋牛扒係煮嘅時候分泌出嚟嘅油脂感覺非常油膩。所以筆者推介叫排類套餐嘅時候，可以選擇翻d有水分嘅蔬菜配料作為中和。主菜之前嘅焗多士就非常好食，明顯睇得出係有烘過底，而且牛油呈獻略融嘅狀況，可惜份量唔多，每set只有半塊。最後，筆者想講下環境方面，台灣郎嘅店面裝潢非常有心思，入到去會俾到你一種好似去左士林夜市嘅感覺，尤其係收銀位置設計得好似夜市小食店咁。另外，牆壁上都有好多老台灣嘅相片，再加埋懷舊嘅背景國語歌作為陪襯，感覺上令人真係好似翻左老台灣。

上次食完台灣地道口味嘅新竹米線，今次專登黎試下港式早餐。作為台灣郎嘅長期食客，筆者今次就覺得有少少失望。香港版本嘅早餐就有d遜色，塊雞排雖然香脆但係略為肥膩，而肉質都有d乾，唔適合早餐唔鍾意食咁dry嘅人，同樣，生菜同青瓜都係乾乾地，唯一有少少滋潤嘅只係塊番茄。呢個請情況下加埋香腸同煎蛋就更加令人唔太開胃。另外煎蛋嘅蛋黃係未熟，但係凝固左，未有做到流心嘅效果，明顯食得出個煎蛋係煮完之後擺咗一陣先攞返出嚟，大扣分數。

呢間位於西營盆嘅台灣餐廳雖然唔太出名，但係質素一d都唔會輸俾正宗嘅台北食物。筆者係平日嘅早餐時段到台灣郎，人流並唔多，大約有2/3嘅位置都係空嘅，非常之快就可以搵到位。但係留意位置越近午飯時段就會越緊張，所以有興趣嘅朋友係鄰近午餐嘅時候可能需要等位。早餐有關於台灣嘅食品並唔多，只有早餐F嘅新竹米粉set選擇，而筆者今次食左台灣新竹米粉同埋試左地道嘅香港扒類早餐。講下新竹米粉，內容可以話係非常豐富，入面分別有牛丸魚蛋各2粒，另外仲有酸菜作為點綴。牛丸嘅味道並無香港特有嘅胡椒辣味，反而多左一分煙韌，非常有㬭勁；而魚蛋就不過不失，有著平時一半魚蛋嘅爽口，但係略厭有d過鹹（可能係筆者食唔慣台北口味），但係呢個時候，酸酸甜甜嘅爽口酸菜就發揮佢嘅作用，配埋米線一齊入口即刻中和翻口腔嘅鹹味。同時，米線嘅口感已唔會話過硬或者過淋，唔似係整定然後擺住或者浸住，值得稱讚。

呢間台灣菜既選擇十分多，環境都十分雅緻，好適合黎聚會！黎到台灣餐廳當然要試下滷味，拼盤既每款食物味道都好入味，但又唔會太濃味或者得個咸字，不得不提豬大腸處理得好乾淨，一啲異味都無，伴碟既調味都好香，有台灣味道之餘都幾貼緊香港人口味紅燒牛肉麵係另一個黎到台灣餐廳又會心癢癢想試既食物，雖然去個日掛住girls talk無趁熱品嚐，但啲麵一啲都唔淋身，仲好煙煙韌韌，我自己就非常中意，配菜既紅白蘿蔔都煮得好香好入味，而且就算飲左一碗紅燒牛肉湯都唔會覺得口渴台灣貢丸湯又係另一樣好地道既食物，湯底係濃郁既質感，唔會係溝左水既味道，飲落覺得湯底好足料，加上大大粒貢丸，熱辣辣飲嗰陣真係好滿足。

餐廳內在環境唔錯，價錢又平，同朋友就入左去點菜一般餐廳比較少有油麥菜，所以我就嗌左呢個菜，估唔到個菜咁大碟，炒得好香，帶少少辣椒味又有炸蒜味，最終食晒成碟，食咁多肉一定要食碟菜中和一下呢個沙律有d似薯蓉，口感好滑，涼涼地咁，做前菜好開胃，仲加左番茄同黑淑，令味道更豐富😋肉燥飯作為台灣最出名同地道既野食，呢間台灣菜做得都好地道，肉香而唔膩，好有台灣特色，而且份量好足，每一啖飯都可以食到肉。另外，佢個汁好香口，有油香，滲入飯入面好入味！配上蛋，菜同醃蘿蔔，三樣都係台灣地道食法，係香港都食到正宗台灣風味！至於餐飲，就叫左杯凍既珍珠奶茶，普遍珍珠奶茶都會好甜，但呢到既珍珠奶茶就比較少甜，奶茶味相對重啲，好適合中意飲珍奶但又怕重甜致肥既我

點了外賣豬軟骨飯 單子上也打印著飯 結果拿回家是麵 珍珠奶茶也沒給我吸管 讓我用手喝？！打電話去詢問竟說了一句對不起就主動掛了 這樣的服務如果也能經營下去那真是可笑！祝倒閉。

呢間台式餐廳身邊有人讚有人彈，我泥驗證下，一試便知龍與鳳👆🏻台灣我去過十次左右，雖然近呢3年冇再去，但台北台中台南都玩過食過。呢度裝修方面係較為台式，有少少九份feel，懷舊復古。午市有兩種套餐，我見牛肉麵既推介次數較多，就試試。餐飲點左凍檸茶，蜂蜜金桔，中規中矩。牛肉麵好大碗，份量好似好多。紅白蘿蔔各兩舊，牛肉約4-5件。唔知係咪個樣好似好，大家又推介，一食係完全談不上好食，牛肉唔冧，配菜麵條各樣都冇特別。就算唔同台北某出名林X芳牛肉麵店去比，連香港某連鎖台式餐廳都好味過呢碗麵，實在令我太失望了怎麼會這樣子的朋友話某學校既飯堂食到既三杯雞仲好食，我覺得係重口味，但唔惹味。你想像下$91既台式午餐應該要有咩質素，就知我係咩心情

🐻<SYP> 三杯雞正呀！來到西營盤，除了#高街 美食，還可以來C出口這邊比較貼地的吃一下台灣菜。來到地方蠻大的，拼盤有我最喜歡的大腸（是職業大腸控了），然後可以點個麵線棒棒噠。古早味三杯雞（$128）味道還挺鮮的，朋友一直吃沒停過，雞肉也嫩，也不會太油膩。避風塘炒時蔬（$78）因為好多人推薦我以為會驚天地 泣鬼神的好吃，但只是加了炸蒜嘛！也是好吃，本來就很喜歡吃皇帝菜了，滑滑的和炸蒜也蠻配。鼎香滷水拼盤（$88）有好多大腸啦，雞翼尖和滷豆腐不俗。台灣郎蚵仔麵線（$58）麵線是我我最愛啦，基本上一個人吃完沒問題。台灣菜完全是對口味，覺得這家餐館還滿正宗的，侍應都很nice，棒棒噠。

呢間台灣菜叫台灣郎，舖頭內裝潢充滿特色。牆上掛滿七彩繽紛的燈籠，加上木製家具，以及充滿民族色彩既音樂，更添視覺享受。開始上菜，我地就簡簡單單叫左2個滷肉飯+兩個小菜同一杯珍珠奶茶同峰蜜綠茶。滷肉飯份量就少啲，大食嘅人就要叫多碗啦，不過料係足既，啲滷肉食到最後都仲有。珍珠奶茶啲珍珠一粒粒唔會痴埋，而且有奶香，綠茶就有濃厚峰蜜味。柯仔煎，有台灣嘅味道。最後我覺得最好食係個澎湖小魷魚，味道酸酸甜甜幾開胃，而且啲魷魚肉係滑嫩兼新鮮，不錯。