吉豚屋吉列豬扒專門店 (已結業)

本人是豚汁超級大粉絲，除了它的味道本身可人，也因為有曾經被日本朋友家傳豚汁招待過的情意結，故每次見到也一定會試。點的是大豚汁定食，這家的豚汁用料挺多，有蔥蘿蔔洋蔥大根片椰菜絲薄豚肉，幾乎啖啖都吃到材料（但好像沒有豚汁必有的食材：牛蒡），味噌湯底乃略淡口味，由於提供豚汁的地方不多，喝上覺得幸福～根據日本朋友的說法，豚汁合適冬天喝，因為有肉在其中比較暖身，而這家的豚汁上菜時只是溫暖，如果能燙一點會更滿足。定食配了炸豬扒和飯，豬扒的炸粉不算很厚，吃上去還有少許juicy感，只是算不上很有豚肉味，如果沒有豚汁，吃著應該會覺得挺乾。飯是珍珠米大盛，挺有嚼勁，吃不完便乾脆倒進湯中，是另一種滋味。（純個人喜好XD）另外點了鐵板生姜燒豬扒，這個味道略嫌普通，尤其是用鐵板上卻完全沒有"滋滋" 作響這一點，跟碟上沒兩樣，而附上的蒜粒沒有味道，生姜燒醬汁也是偏淡。總結是，人家名叫とんかつ，還是乖乖點炸豬扒吧。等位點菜上菜整個過程挺快，價錢算是合理，也不失為一個不錯的晚飯選擇。

-想搵間高質又平價日本菜？🇯🇵呢間啱你💓Lunch set 中等價錢而食物很不錯-🔸和風汁吉列三重奏飯 $65三重奏分別指: 蝦丶豬柳丶黃金豚肉餅🐖份量不可少看喔🤭兩大條吉列蝦🦐各一塊豬柳丶豚肉餅大大件🧐完全蓋過下面的珍珠米🍚而且炸得非常香脆炸粉不會厚肉質彈牙多汁💦配上和風醬一流💯-店內還有推出更多不同定食好想每款都試下😍

琴晚兩個人入嚟食，侍應帶位坐左張四人枱。當時餐廳仲係冇乜人，咪隨手將個袋放係隔離位度。點完餐，之後就等野食嚟啦。等嘅途中，冇啦啦旁邊出現左把女聲好唔客氣咁講：「先生，你個袋呀！」我望一望，原來個中年阿姐侍應想俾兩個人坐我隔離個位。其實餐廳人多要搭枱我明白，我亦好樂意拎開個袋。但係你句「先生你個袋呀」真係聽到我即刻火滾，一啲禮貌都冇。如果我係食茶記就話姐，阿姐你間餐廳收加一嫁，啲服務態度咁差學咩人收服務費呀？老實說野食係好味嘅，之前幫襯過其他分店都好好食。但係呢個中年阿姐嘅態度真係食到我成肚火，以後唔會再幫襯呢間分店了。

父親節lunch time 週圍都好多人，間間餐廳爆滿，唯獨呢間冇咩人，完全唔洗等，大把位，幫襯完就知點解咁少人，同無人都好合理。先講服務態度，西面侍應香港好常見，呢啲餐廳都唔求咩服務，個位中年女侍應落單甩甩漏漏， 上餐速度慢過慢煮餐廳。叫佢抺個枱，因為見佢西面已經好聲好氣對佢講晒唔該，又講晒唔好意思，可能咁佢就得寸進尺，抺抺下將我成個餐推開，粗聲粗氣話未抺完，難得同朋友食飯想傾下計費事影響心情，第一次我忍佢，唔同佢計。隔一陣食食下佢又黎，我仲咬緊舊豬佢就一聲唔出就推開我份餐，差啲成份倒喺我身，我移返好佢又推，係咪傻㗎？基本常識禮貌都冇，叫佢唔好再整，我同佢講你可以講聲先，佢就啤住我，我成餐飯就俾佢啤住食物：$79 吉列豬等左勁耐，外皮脆但豬係完全無味既，唔知俾咁多椰菜做乜，無俾任何醬我，賣相唔靚冇影相。燒豬肉又係無味唔入味，靠點醬，白飯又係可以完全無飯味。呢個價真係俾多佢，仲要收加一。吉x家豚肉，白飯，同大x樂吉列豬扒，食物什至服務都好過佢 ，至少唔洗受氣。大家自行判斷，唔信我可以體驗一下，我就一定一定唔會再去！

今日差不多六點幾見肚餓去食飯，難得興致勃勃想食炸豬扒。一入到去埋去坐低，呀姐斟水就斟得果三分一杯，咁不如唔好斟啦？落單，眼見到兩個人，明明講左要兩個餐加一份炸雞，都可以落漏單唔覺得出奇。食物上係無問題既，雖然份炸雞每份細得可憐都炸過龍，都算啦，起碼所有野都叫入得口。去到最後，因為都剩得多食物，唔想浪費，所以想拎外賣盒拎走。成間鋪得幾枱客，又扮見人唔到，員工繞埋雙手企埋一邊，都係想拎個盒入完就走，佢仲可以慢條斯理繞住雙手慢慢行過黎問你要咩，嘩，好似佢先係客咁。第一次覺得呢間野差，以前食過其他分店都覺得無問題，但今次食完以黎都真係唔會要幫襯。真係寧願比多d錢食Tonkichi就算，完全係貼錢買難受。

唔知有冇人有睇過一套韓國綜藝《姜食堂》呢其中一款招牌菜就係炸豬扒！睇完之後好想係香港食炸豬扒，於是就黎左淘大既吉列豬扒專門店食啦。今次我點左吉列豬扒定食，配埋白飯同野菜豚肉湯。最期待既炸豬扒果然不錯，表面既炸皮好薄，而且非常香脆豬扒本身好厚身，但肉質有啲實，肉汁不多，較乾身，有點可惜但係豬扒汁令成個定食加分不少。醬汁酸酸甜甜，淋落去豬扒同椰菜絲到都好夾好好食！而且豬扒汁可以因個人喜好黎調節份量*吉列豬扒定食 $69*總括黎講，呢間吉列豬扒專門店CP值好高，價錢親民，味道亦不錯

呢間其實之前想試好耐想睇下唔算貴既價錢睇下 佢d吉列豬會做成點同friend今日兩個人黎食我叫左個吉列豬柳拼炸蝦 跟烏冬飲椰果荔枝茶佢本身跟左d椰菜絲 加d芝麻醬就可以食定食本身可以配白飯或者烏冬既吉列豬我加左少少豬扒醬食但個醬汁偏鹹 建議一次唔好加太多豬柳夠淋 而且皮唔厚 好鬆化 好食👍🏼👍🏼可以比美另一間貴價既吉列豬餐廳烏冬都好好食 煮得啱啱好 而且好彈牙俾我下次再食我都會揀烏冬唔揀白飯炸蝦就發揮正常炸粉稍微厚左少少 但都可以接受蝦唔會有雪味 但未算超級大隻我一個人食曬成個set其實超級飽如果細食可以兩個人加多碗白飯/烏冬share呢個價錢呢個質素 而且上台速度快 我覺得絕對可以再食

呢間以食吉列為主嘅日式食店，吉列選擇有豬扒、蝦、雞等！呢份吉列雞扒定食，包餐湯及飯，幾抵食！先講雞扒，幾大件，肉質幾嫩口，唯個炸漿偏厚，好在夠脆；仲有椰菜絲作中和作用，爽脆多汁；白飯夠大碗；個湯係麵豉湯底配豬肉片、洋蔥及紅蘿白，味道幾好！

今日係淘大睇完戲，就係附近搵食喇！都幾多野食喎！😎😎最後想食炸豬扒，所以就揀左呢間（吉列豬扒專門店）喇！係香港都幾多間分店。食過一次都幾好味。今次就試下食吉列三重奏定食喇！😋😋係最新推出既！有三款：豬柳，吉列蝦同吉列豬肉餅。包左一碗湯同白飯。可以加錢轉烏冬。睇見都覺得熱氣🤣但唔理得咁多！吉列蝦有兩條，大大條。都幾爽口。唔錯。最鐘意就係沾埋沙律醬，最夾！😋炸豬柳就得一件，食落好嫩肉。外脆內嫩，反而就對個豬肉餅有d失望，覺得有d韌。都係炸豬扒好味d.下次都係叫番炸豬扒食先！😋

話說一個悶爆既星期六，原本諗住喺屋企煲埋未睇晒既劇。臨時被朋友叫出去，要幫佢檢視吓佢黎緊日本半個月之旅既行程。咁啱九龍灣新開咗ZOFF，想去睇吓有無合適既眼鏡，大家就約咗喺九龍灣見面。睇晒眼鏡就想搵個地方坐低食嘢同傾行程，㨂咗喺吉豚屋。我哋兩個一人叫咗一個豚肉壽喜燒鍋烏東。最衰我無影個MENU，唔係可以比你哋睇返佢個壽喜燒鍋有幾咁圖文相符。一半既火鍋面比豚肉覆蓋咗，下面就填滿晒芽菜同椰菜，本身我係一個怕食芽菜既人，我真係被佢芽菜既數量嚇親。我怕食煮唔熟芽菜嗰陣草青同生生哋既味，所以我KEEP住煮佢耐啲先食。出奇地芽菜勁好味，條條都肥嘟嘟好飽滿。豚肉份量好夠，再加上碗烏東，我飽到晚飯都唔係幾食得落。阿里山烏龍菊花茶－朋友有啲唔舒服，所以㨂咗呢杯清清哋，一大包茶葉同菊花，真係健康之選話梅柑桔咸檸蜜－分開上既話梅粒同柑桔咸檸蜜，等你可以整開啲話梅肉自己放入杯入面。自從我心愛既吉野家轉咗另一款烏東，我再無平價壽喜燒一人一鍋既心水。宜家吉豚屋已經成為咗我新既心水啦❤️

九龍灣真係超多餐廳。尤其是2邊商場。 真係花多眼亂，最後揀咗呢一間食日式吉列豬扒，貪佢價錢相宜。環境：雖然要搭枱，但都算地方闊落，完全冇擠迫嘅感覺。服務：以年輕人為主，整體都幾好。 隔離枱倒瀉水佢哋都好緊張，馬上主動幫手做清潔。抵讚!食物：吉列炸蝦雞扒定食 非常掂！ 全部熱辣辣脆、卜卜但係又唔會好油膩。 如果跟他他醬而唔係普通沙律醬就 perfect！和風汁吉列三重奏飯吉列蝦+吉列豬柳+吉列免治肉= 大滿足。 如果吉列食物同飯分開擺就 perfect 喇。整體非常抵食一定會返轉頭幫襯！

平時喺日式餐廳食個吉列類嘅飯, 閒閒哋都要成百蚊｡ 今次上網搵到呢間餐廳, 聽聞係又高質素又經濟, 所以夜晚專登去九龍灣試下 (其實佢喺香港有好多分店)｡ 餐廳喺淘大入面個美食街盡頭, 都算易搵, 而且 7 點幾去到都唔洗等位｡ 今日 Order 左兩個超值套餐, 套餐係包一杯餐飲｡和風汁吉列三重奏飯套餐 吉列三重奏究竟有邊三樣, 其實係吉列蝦、吉列豬柳 & 吉列黃金豚肉餅, 一次過可以食到三款, 全部都炸得好香脆, 同時又唔會炸到入面 D 肉乾爭爭, 配埋酸酸哋嘅和風汁, 食落去非常開胃｡吉列炸蝦雞扒定食平時食開吉列豬同吉列蝦, 吉列雞都係第一次食, 估唔到都有驚喜, 吉列雞外層好脆, 入面仍保留好多肉汁, 而雞肉嘅口感仲好嫩滑, 真係好好味  ｡ 呢個定食跟左碗飯 & 野菜豚肉湯, 個湯材料十足, 味道一 D 都唔薄弱｡總結: 食物份量夠多, 味道唔會輸過出面嘅吉列日式餐廳, 而且價錢絕對係抵食｡

吉豚屋在香港有多間分店, 食物大部份也是炸物, 有時也會熱氣。今晚和朋友來到吉豚屋吃飯。餐廳價錢不是昂貴, 最便宜也有$39的和風雞扒飯。我和朋友去了淘大商場地下一間分店吃晚飯, 並點了 :滑蛋豬扒飯 (竹) $62野菜豚肉湯定食 $65朋友吃了滑蛋豬扒飯 (竹), 份量是中等, 還有細份量 $49 (梅), 及大份量$85 (松), 豬扒即炸, 熱辣辣的上枱。滑蛋亦煮得十分滑, 整個飯很滿意。每次差不多也野菜豚肉湯定食, 因為有湯,有飯,有沙律菜,有吉列豚肉, 湯好入味, 而且材料豐富, 價錢很優惠, 附有沙律菜, 喜歡加入大量芝麻汁混合來吃, 滋味非常。朋友住淘大花園, 住戶有優惠有9折, 還有優惠券給你下次使用。

收工同男友係佢公司附近鋪頭食飯，行經淘大三期附近決定去呢間日式鋪頭吉豚屋吉列豬扒專門店，呢間鋪頭第二次同佢食，可能時間較晏同夜，入面都有好多吉位，鋪面乾淨。我同男朋友分別一人叫左一個餐食佢食左個滑蛋鰻魚飯，我就食左個咖哩吉列豬扒烏冬，咖哩味都好濃同吉列豬扒都較鬆軟，唔錯既，我自己就覺得味精好似濃左啲。而我男朋友叫左個滑蛋鰻魚飯定食，有個湯飲，不過可能相對男仔黎講個份量較少，佢食完之後就追加左個白飯，但個白飯價值15蚊，食到佢牙痛咁聲。兩人最後埋單164蚊，食完座左陣傾左一陣計，員工招呼無乜特別，可以多啲笑容，總括黎講不錯不錯

好想好想食吉列豬扒！今日決定去淘大食近近地！下午茶餐非常之抵食！人流有比較少可以舒舒服服！Order 咗個吉列豬扒飯！有個湯送嘅！我當然覺得唔夠食，所以加左兩隻炸蝦非常滿足嘅一餐！食完一餐連夜晚都唔使食呀！就算係下午茶佢份量都唔會俾好細份！豬扒有成五六塊！同埋我好鍾意食你嗰啲菜啊！配佢吉列豬扒食呢系非常之好味！不過，佢個吉列蝦，啲粉厚咗d！下次都係唔order 蝦了！呢個下午茶餐只係60幾蚊！大滿足！