吉豚屋吉列豬扒專門店

营业中

休息中

今日同女朋友諗住平平地食個飯就入左去吉列豬扒專門店，以前有好多人排隊但今次覺得好好彩前面得5個人排緊隊所以就排隊等左陣，去到要嘟安心出行同掃針卡，個職員竟然夠膽死話全線唔接受針卡同安心出行分開。心諗政府都接受針紙，加上長者可以用寫紙仔代替安心出行，咁樣姐係叫佢地唔好食啦。疫苗通行證實施以來第一次遇到一間咁撚垃圾嘅餐廳，如果佢一早出聲明話唔可以分開都還好，唔好等人排完隊輪到啦先講呀。又要做呢啲野又唔敢俾全世界人知。

呢間吉豚屋吉列豬扒專門店係香港開咗咁多店，我卻一次都未幫襯過😬估唔到第一次食會係食外賣！滑蛋吉列豬扒丼$51本身冇特別高嘅期望，反而出乎意料👀飯嘅醬汁好味😋豬扒炸得幾好，就算係外賣焗咗一陣都仲係有啲脆，豬扒肉質正常！滑蛋都幾好食！飯上面仲有少少洋蔥！撈埋個汁食正！價錢、食物質素成正比！下次有機會試下堂食🤔呢個丼令我諗起十幾年前係荃灣成日都去一間日式小店食個碗滑蛋豬扒飯～不過啲小店一早執晒了～

好耐之前經過旺角，成日都見到人排隊，都唸住試。。。但一路都無時間同真係次次都有人排，完全唔想浪費時間排，所以一直無試過。今晚星期六，周圍都排晒隊，行行下就見到竟然無人排，心唸咁幸運，咁就入去食啦！叫左個吉烈雞牛肉壽喜燒，平時好中意食壽喜燒，甜甜地咁唸住無死啦，點知。。。一黎到個吉烈雞已經俾啲汁浸到淋晒啦，跟手食第一淡鹹到死，個下就知點解已經無人排隊🤣🤣真係唔使再去。

平日下午都會見到不斷有人係門口排隊等餐🙊今日咁岩有時間可以試試見到新推出抗疫價🥳即刻試但最後大失望，感覺吾會再食了🥲豬柳每一啖咬落去都係油$50 有3塊豬柳都抵不過真心太油太咸食咗兩塊放棄了

已經冇得堂食一段時間，又估唔到油麻地吉豚突然有個超級抗疫優惠，30大元就可以食到吉列雞扒和牛肉壽喜燒兩餸飯！！好足料最近天氣寒冷，辛苦咗一日有個平靚正熱飯食得感動！！

.今日lunch去左食吉豚屋🐷都好多年無食lu🐖以前都幾鍾意食😆😆經過就想再回味下😂✨………….🌟吉列豬柳泡菜鍋烏冬🍜($75)👩🏻‍🦰好鍾意食泡菜湯😍🤤所以好岩口味🤤🥳唔會好淡，都幾濃泡菜味❤️😙但就有d太大份😂差d食唔曬🐷🙈…………..🌟滑蛋豬扒飯(梅)($49)🐖🐷叫左最細嘅份量😮但食完都好飽😙✨係幾抵食嘅!!!🥰🥰………….🌟+$12💸有桂圓紅棗茶❤️👩🏻‍🦰好岩女仔飲🥰🥰女仔每個月黎m係要補返d😙………….🌟+9💸朋友就+左巨峰乳酸…………味道：🌕🌕🌕🌖🌑3.8/5性價比：🌕🌕🌕🌕🌑4/5衛生：🌕🌕🌕🌕🌑4/5環境：🌕🌕🌕🌕🌑4/5種類：🌕🌕🌕🌕🌕5/5(多到我心大心細唔知簡咩好😂😂)回頭率：🌕🌕🌕🌕🌗4.5/5…………..

吉列皮變咗腐皮，完全唔係滑蛋，鰻魚又腥又多骨，連啲飯都出事，多汁到濕透。成$89 食個限定，水都唔比杯。第一次食到咁嬲！照騙一樣，失望到極，整唔到就唔好賣啦，仲要期間限定！

見平時咁多人排隊，但今日無咩人排， 我就入左去試吓叫左個又有海老、肉餅及豬扒的飯，一次過試晒佢地食物。 但估唔到天婦羅海老咁厚粉， 粉厚過海老 ，豬扒的肉很硬實！雖然唔貴，但下次不會再試了！

外想賣自取，下午一時正致電門市落Order，15分鐘後到取，收現金或八達通。滑蛋豬扒飯便當(梅)$49滑蛋好少好少，豬扒外層炸皮一啲都唔脆，淋的，整體來講味道是合格。唔會刻意再幫襯，試過就算

講起過江龍餐廳，之前都介紹左好多，不過今次想介紹一間相比起其他餐廳冇咁高調，但係性價比十足嘅日本過江龍餐廳。其實呢間餐廳已經嚟咗香港有一段日子，仲要位於彌敦道鬧市位置，不過可能冇乜宣傳所以就好少人知。其實佢喺日本係一間好出名嘅連鎖式吉列豬排專門店，喺全日本仲有超過300間分店，有20幾年歷史㗎喇。呢間餐廳嘅套餐大部份都唔超過$100，對比起其他過江龍嘅吉列豬扒店黎講，佢嘅CP值真係超高！而且佢哋跟隨返日本嘅做法可以選擇份量，啱晒我呢啲想食多幾樣野既人。我哋今次就叫咗個細嘅滑蛋吉列豬扒丼同埋一份吉列炸蝦雞扒定食，加埋都係$200有找勁抵食。整體味道我覺得合格以上，可能係因為即場烹調嘅關係，所以佢哋嘅炸物都好鬆脆唔會淋晒，而且絕對唔會因為定價太平而去減低食物嘅份量。雖然佢哋嘅質素一定唔會係最高嘅級別，但係我覺得平價餐廳黎講，佢都算係高質之選，大家如果有興趣嘅話就去試吓啦！

.吉豚屋吉列豬扒專門店📍 油麻地彌敦道546號旺角大樓地下B-C舖.1️⃣滑蛋吉列豬扒飯HKD59配野菜豚肉湯(大)+飲品2️⃣鐵板滑蛋鰻魚定食HKD69配野菜豚肉湯(小)+白食.味道 ★ ★ ★ ☆ ☆睇個賣相好似麻麻地，但食落味道係唔錯既，就好似去日本食foodcourt咁，真係唔差吉列豬扒炸得ok，係厚肉既，份量多，但嫌d蛋唔夠多唔夠滑，但呢個價錢真係算抵食。鰻魚份量都多，有d驚喜，冇骨，d蛋夠滑，雖然話鐵板，但唔似茶記鐵板個d吱吱聲上碟個隻😂我諗多左d湯雖然都係味精湯咁，但勝在足料，話豚肉湯係真係有豚肉片，仲有d薯仔紅蘿蔔，真係算係咁。.服務 ★ ★ ★ ☆ ☆.環境 ★ ★ ★ ☆ ☆地方都算大，枱又夠大，坐得舒服既。.價錢 ★ ★ ★ ★ ☆親民價日式丼飯，我地覺得呢個質素對得住呢個價錢既，偶然食下都ok!

-哩間吉列豬扒專門店經常都要排隊等位，我哋星期六晚去都要等咗幾張檯🐷💕 不過真心覺得可以一試✌🏻-我要咗一個吉列豬柳泡菜湯烏冬鍋（$75），一上枱就覺得好吸引，熱辣辣咁，依家天氣涼咗，食哩個暖笠笠真係好正😆💕-雖然比起之前，感覺豬柳嘅size細咗🥲 不過美味依然，脆卜卜又唔會好油膩🐷💕 而且烏冬都好彈牙，最鐘意佢個湯底有少少泡菜嘅香味，仲有蛋花，睇返價錢，我覺得都幾抵食👻👍🏻-不過當然咁實惠嘅價錢，就唔會可以食完再坐多陣，基本上一放低筷子就有侍應嚟收拾，但睇返價錢，我覺得都可以接受☺️☺️

晚上七点多去的，需要排一小会队，前面大概有三四个人的样子，没排几分钟就进店点餐了，点了一份，网上看着比较可以的吉列猪扒定食，有猪扒有沙拉，有米饭有汤，桌边有酱料可以自行加在沙拉和猪扒上，味道超级赞，这份饭加上6元左右的服务费一共76元。

成年幾冇得飛去日本. 掛住日本和幸既炸豚肉~~~~ 係香港唯有食吉豚屋... 開餐... 首先係...1)吉列豬扒定食保持水準, 豬扒厚身, 外皮鬆脆而唔油膩! 2)和味姜蔥吉列炸蝦鮪魚定食新口味,  炸蝦同豬扒一樣外皮鬆脆而唔油膩蝦肉爽口, 炸鮪魚魚肉厚身, 但油脂比較多, 姜蔥好香好惹味, 同嚟撈飯一流3) 唐揚炸雞雞肉唔乾, 有肉汁仲好滑, 但比較咸,  一般般整體上唔錯, 可以繼續支持, 如果個唐揚炸雞唔係咁咸就仲正! 

這天六時多到油麻地，想着去食附近的牛肉飯，可惜大排長龍，便隨便選擇了附近的吉豚屋。梳化位的座位幾寬敞，與旁邊的乘客有些距離。<<吉列豬扒定食$69>>吉列豬扒炸得香脆，肉質鬆軟，中間有油脂的地方味道香濃。定食有白飯及椰菜絲，淋上吉列豬扒汁，送飯一流。椰菜絲切得幼細，十分新鮮鮮甜，不過沙律醬汁只有一款胡麻沙律醬，雖然選擇比較少，但配上椰菜絲味道一流。店內的筷子採用即棄的木筷子，雖然有環保的考慮，但確實比較衛生。