吉豚屋吉列豬扒專門店

营业中

休息中

對出廁所位嘅枱有人出入就臭到hihi……仲要隔離就有幾袋垃圾喺度啲嘢劣咗好多……炸粉厚 炸雞凍 炸蝦啲粉仲厚過條蝦……匙羹仲要係油的……😰😰嗌咗一個滑蛋炸豬扒飯 跟set b 有一個碗好淺嘅大湯同三粒凍咗嘅炸雞…….仲有杯凍嘅椰果荔枝茶 但唔係好凍的…….仲有一個咖喱吉列三重奏飯 呃……都係咁 好厚粉的炸蝦🥶🥶🥶總括而言就係唔好食又凍又臭……極度唔建議去食 亦都冇下次 食唔落🙏🏻🙏🏻🙏🏻🥶🥶🥶劣到要上openrice打都係第一次i want my money back……

平日lunchtime 嚟食，1點坐底叫咗一個吉列豬扒定食同烏冬。點知等咗半個鐘，仲未到😅嗰個時間真係唔多人，我都唔明點解咁耐都未到。好啦追咗一下，個職員又完全冇反應冇表示🙄，最後40分鐘後先到。食完只可以話中規中矩，但如果係學生個或者趕時間就千祈唔好食

朋友推介呢間抵食吉列豬排定食，所以特登來食，雖然都好滿座，但人流去得快，所以好快有位，不過座位都好窄好迫，如果帶手袋或者太多野就要預返。不過真係大份抵食，見到連老人家都識食叫左吉豬定食。我地點左一份吉豬定食，一份超列三重奏定食，都加左飲品。吉列豬排定食 $75豬排120g 又大又厚身，炸得金黃香脆，而家炸皮夠薄，咬落啖啖肉，豬扒嫩彈鬆化多肉汁，非常好味，沾豬排醬汁，微酸開胃消膩，配白飯一流。椰菜絲清新爽脆，加芝麻醬食，好味又解膩。味噌湯偏咸，但多料好味，蘿蔔清甜。飲品點左熱檸檬蜜，唔太甜，反且夠檸檬味，也可熱。吉列三重奏定食 $85 ，加錢轉烏冬有吉列炸蝦、吉列豬柳、唐揚炸雞，好豐富好大份。吉列蝦的炸衣太厚，而且好油膩，蝦肉也很少，但味道唔錯，沾他他醬好滋味。吉列豬柳也原炸衣，豬柳薄薄無肉感，也太乾太無味。唐揚炸雞最好味，炸得香酥，雞肉嫩彈濕潤。烏冬太軟腍太糊，醬油湯底也麻麻地，可能太清淡，唔夾濃味的炸物。

一個人諗唔到食乜好，咁行過呢間餐廳時俾櫥窗的食物模型吸引到，咁就試一試呢間餐廳。吉列三重奏定食 $85(蝦+豬柳+特製唐揚炸雞)炸雞好大塊，炸皮好薄，雞肉好juicy，仲有少少肥膏位，炸雞好得👌炸蝦炸皮都幾鬆化，但有少少厚，我咬走炸皮淨食蝦，蝦都幾彈幾爽口。豬柳無肥膏位，啖啖肉，都好軟腍，配豬扒醬好好食😍椰菜絲份量好足，食完炸野食椰菜絲即刻balance 返哂😌枱面有芝麻醬，本來想喪落，唉算啦肥呀🥲味噌湯好濃味，但唔鹹，仲好多料，好多蔬菜，仲有豬肉片同蒟蒻，好正👍🏻吉豚屋吉列豬扒專門店 (油麻地)油麻地彌敦道546號旺角大樓地下B-C號舖*上述文章只供參考及以當時價格為準

好多時都有人排隊既餐廳，當然唔夠附近既牛肉飯咁多人啦。以現在香港既物價，可以在旺角用$50多元既價錢食到都唔差既飯，都已經很少很少啦，不過我就叫左個貴d既飯。滑蛋吉烈三重奏 $75炸物都幾好食，不過我就食唔到有咩蛋，洋蔥都冇條咁，所以成碗飯就有點乾身。咖哩雞扒牛肉壽喜燒飯 $79正正常常咁，日本咖哩都為甜甜香香咁, 唔會點辣法。初頭佢唔記得落牛肉比我地，不過職員好快已經跟進返。整體而言，餐廳坐得迫，地點就腳，食物都不錯，職員服務態度好。

平時行街都會經過，成日都想試，今日終於試了，嗌了吉列三重奏定食，唔貴，仲配埋麵豉湯，不過炸完出嚟嘅炸物色水就麻麻地，好濃，但味道幾好食，好鬆脆，下次再嚟睇下係咪都炸成咁先

我唔小心倒瀉再杯嘢飲，整濕咗條褲，有個服務員望到即刻衝過嚟遞紙巾俾我，同埋幫我抹枱，呢位服務員嘅態度非常之友善，個豬扒定食都唔差，不過炸粉真係厚咗少少。

家人好想食日本嘢，路經油麻地呢間食炸物，之前我每次經過呢間店都係唔多人，無需等位，以為係價錢貴人少，入內看，見人哋食嘅賣相都唔差，價錢唔算貴，約$60起。menu主要3款食品，蝦、雞、豚，另外有鰻魚，因為好想食日式滑旦同大鰻，叫咗鰻魚炸豚滑旦飯，可能唔係炸物，超快上枱，但一見到個樣，就唔開胃。滿心歡喜要食日式嘢嘅家人好失望。絕對唔係滑旦，旦已焗到熟實樣，鰻魚一堆比熟旦液蓋住個賣相甚差，鰻魚無燒煮過不夠香，豬扒炸粉同肉厚度差不多，因炸豚比醬汁同老旦整到個炸粉淋晒，最奇怪係過啲中式芫荽，至於味道屬是正常，但跟日式滑旦飯扯唔上關係另一份係炸蝦雞烏冬，見價錢比豚貴，menu又有推薦就試吓。賣相都算正常吸引。 烏冬湯明顯係味精湯，但無所謂，好味便可。炸蝦的肉真的像甜蝦仔的細小，炸皮很大，有點像佳寶買到嘅炸蝦差不多炸雞，十分佩服可以咁薄肉，甚至肉同皮可以差不多厚，炸皮同樣保持厚，比肉更厚服務方面，叫加水，就加多2杯水放枱🤣 無收走原本2杯水。 唔貴都無乜人食，係有原因，但真唔明為何生存到🤔以日式炸豚店黎講，係差！如果係日本炸粉店，佢就稱心啦

炸物保持一貫水準每次都是即炸的 肉質正常發揮 沒有太乾太柴當然以這個價錢來說 已經是很不錯 不要想像會有超水準的期待 那這個選擇真的很合適咖哩飯做一貫的日本咖哩 無論配上炸雞扒還是炸豬扒也是可以滿足的一餐每次到吉豚屋最期待的事椰菜無論配沙律醬，豬扒醬還是咖哩 一樣都好夾次次第一樣食員嘅都係椰菜之後定食附上餐湯肉騷味略重 唔知點解今日特別蘇 要狂加七味粉先稍為 冇咁啲騷味 有待改進現在跟餐附點18蚊就可以加一個炸雞加咗沙律醬同檸檬汁真係可以由頭食多一個飯食物真係水準嘅餐廳服務就超港式餐廳 甚至有啲好似現身深圳一樣 啲客仲有三四台 姐姐放break 都見到佢哋已經喺餐廳嘅具角落頭㗎喇 都明白放break係要傾下計 如果可以盡量細聲就細聲啦 不過真係聽到佢哋笑得超大聲 氣氛梗係有啲影響嘅 咁入到嚟都唔好預咗自己真係去咗日本餐廳啦反正呢個都真係只係地道嘅港式日本餐廳就唯有將就下囉

星期六約了朋友仔郊遊，決定在油麻地集合去坐Van 仔，大家諗住嗱嗱聲，是但求其吃，”拾拾” 和”皇后” 異口同聲都話要食炸豬扒，我話未食過，佢哋眼仔碌碌咁望住我，我就知道有必要去試下了⋯⋯起初以為全部煎炸野，但原來還有其他選擇。吉列豬扒定食$69~先來本店主角，吉列豬扒又幾靚仔喎，大大碟椰菜絲，仲可以自己多加麻醬，好友”拾拾”拎住支麻醬熟練地吱得滿滿在椰菜絲上，睇見佢都吃得開心。吉列豬扒拼牛燒肉定食$79~一次過可以滿足兩個願望，除可以吉列豬又可牛肉，有飯有湯，難怪很多學生排隊幫襯。雞扒牛肉壽喜燒鍋烏冬$74筆者喜歡濕濕哋，選了這個雞扒牛肉壽喜燒鍋配烏冬，圖為送錯了飯，最後更正番但忘了補影，以這個價錢有如此質素，難怪好友們會喜歡。雞扒牛肉壽喜燒飯$59~滿滿的一碗飯，吃得友人很飽滿。整體來說:店員在忙碌中仍保持良好的服務態度，一讚。所以有加一服務費，都算合理。價錢大眾化，豬扒煎炸恰到好處剛剛好，難怪吸引到咁多人排隊。

吉列炸蝦豬扒便當$75 (定食白飯加野菜豚肉湯+$3 轉讚岐烏冬)好味指數：8/10聽聞有間炸豬扒店🐷性價比好高，所以今日嚟咗試。上菜嘅時候都嚇親，豬扒數量有4️⃣件，塊塊都好大塊，一咬落去好鬆化，而且仲有少少肉汁💦，表面鋪滿咗麵包糠，所以好有😬口感。另外兩大條吉列炸蝦🍤都好大隻，而且♨️熱辣辣，炸漿亦都唔算厚，跟埋沙律醬汁，另外仲有大量🥗椰菜絲墊底，椰菜絲溝咗芝麻醬格外開胃，而且可以解油膩，正宗炸豬扒店都會有。我哋兩個都轉咗🍜烏冬，烏冬煙韌彈牙味道正常，以呢個價錢嚟講性價比好高，非常抵食。

今晚路經油麻地，就入左去食晚餐唔使等位，坐底計50分鐘就要交檯，兩個人叫左兩個主食，本身都無咩問題，食到一半發現其中一碗主食入面既牛肉係全紅色😣完全未煮熟……..即刻同職員講番，最後都重新出發過碗因為今晚太急趕要快食，見唔使等位就揀呢間，可能廚房員工都太急趕😫快手出左個唔熟既牛肉飯

其實睇相都睇得出 成個丼飯已經炒晒車......order到上菜唔洗兩分鐘 炸物唔算熱 明顯擺左一排......炸物正常咬下就算 唔好期待炸物專店果種脆口品質......飯同汁都ok 最慘係個蛋......肉眼咁睇得出連半隻蛋份量都冇 全部係晒隻蝦到 仲要係熟晒既......我食到尾都搵唔到有幾多蛋係到各位要食既話千奇唔好喊丼飯......個價雖然唔算貴.......但係我會答你兩分錢半分貨......直升機等級既伏 完全冇人監管出餐品質

琴晚上完堂 已經差唔多10點 喺附近搵咗呢間食 叫咗呢個吉列雞扒牛肉壽喜燒 因為唔想食飯加$5轉做烏冬 分量好夠而且壽喜燒汁好甜 😍炸雞扒都好脆 仲有隻蛋食添 而烏冬個湯底都唔會好稀 可能我好肚餓 我覺得今餐有驚喜 下次再試吓其他先

1. Deep Fried Pork Cutlet Bowl 🍚🐷2. Deep Fried Chicken Cutlet & Sukiyaki Set 🥩🐣📍: Ca-Tu-Ya (Yau Ma Tei), Shop B-C, G/F, Mong Kok Building, 546 Nathan Road, Yau Ma Tei💰: 1. $49, 2. $59⭐️ : 8/10 Review : One of the most affordable yet fulfilling meal for your lunch/dinner! 🙌🏻🤩 Crispy pork/chicken cutlet that makes you craving for more, and their tonkatsu sauce taste really good too! 😙 For only $49, you can get 80g of pork loin and $62 if you want to get 120g of pork loin 😍🐷 Their sukiyaki set is a