吉豚屋吉列豬扒專門店

营业中

休息中

家人一直話帶佢食好西,見今日要出油麻地訂耳機,就帶佢黎試想食只配烏冬既炸蝦啦😋😋*****因為食過3次都配飯,特登打黎問有冇得轉烏冬,答案係只要係定食就可以加3蚊轉烏冬啦,為左家人就無乜所謂啦*****一坐低店員一定會送水,但大家一定要望下先,因為咁岩我個杯有野,我諗因為係一早斟晒啲水出黎既關係,唔緊要,店員即時唔好意思咁換過另一杯咁我叫左他他醬吉列蝦豬扒烏冬;家人叫左吉列蝦豬扒烏冬烏冬我覺得無乜特別,正正常常咁。。。。咁配料一樣,有咩唔同!?分別係。。。。。他他醬係有蛋粒入面既蛋黃醬,沾沾下會愈來愈竭身同有沙感。。。。。而且仲份量好多普通既只係一小碟既沙律醬,如果可以一樣份量就好啦😝*****值得一讚(連家人都大讚)----就係大蝦同豬扒既脆粉真係超超超薄,所以超超超脆同香口!!!!*****總括黎講係大滿足😋😋抱住個肚仔離開,完全發現蝦係好大隻,而且豬扒份量都好多同埋每碟都有大量椰菜絲墊係炸物底同旁邊,撈芝麻醬真係好好食😋呢間野係值得encore嫁!!!!

《 吉豚屋唔一定淨係食吉豬嘅！！》今次黎到位於油麻地吉豚屋，見到呢間吉列豬就諗起我最愛既日本呀🇯🇵！！但係今次唔係食佢嘅吉列豬～～係炸蝦雞扒定食呀！！😋🍤 他他醬炸蝦雞定食 $75呢個定食有兩款主菜真係好豐富，好抵食。炸雞扒香脆多汁、雞肉鮮嫩。個人喜好如果他他醬再酸啲就會更好味啦～炸蝦可能放得比較耐，唔係即叫即炸，凍左就變得麻麻地⋯⋯😩

疫情關係冇得飛去日本食，唯有係香港搵間近似味道，係日本會食和幸，而香港就食吉豚屋，依間都食過好幾次，一直都吾差，有日本食炸豬扒個feel。。。招牌吉列豬扒定食豬扒吾油膩，鬆脆外皮吾油香口，豬扒多汁鬆軟，配埋豬扒醬汁冇得輸赤味噌醬溫泉蛋吉列雞扒定食雞扒外皮都係鬆脆雞肉香滑但美中不足隻溫泉蛋上碟散咗影響賣相個汁濃味噌味亦甜甜地，好好味其實好少朋友會食個耶菜絲，但我地會食埋佢，加啲芝麻醬落去食好正總結來講，吉列豬扒保持好水準，吉列雞扒有驚喜，喜歡濃味噌既朋友可以推介下比你

行過油麻地，見到呢間店，難得冇人排隊，所以入去試試。唔知系咪疫情關係，佢地既午市唔算多人，入店後就有職員招乎坐底。餐廳既放疫措施做得好好,不但有口罩套，酒精洗手，職員仲會要求客人進食時先除口罩，大大減少傳播機會。我點了一客鮮茄滑蛋吉列雞扒丼，約10分鐘就有。丼飯飯量對於女仔算多，食晒d雞扒同蕃茄都差不多飽。雞扒系脆，蕃茄系粒狀唔會煮到難晒，唔酸，加埋個滑蛋，簡直一流。

想食炸物，於是想起這間油麻地旺店，每次經過都一家有人龍在排隊，特意來試一下,排隊等位約5-10分鐘後入坐。我order了吉列豬扒定食($69)， 相信應該是店內的招牌。我首先給湯的味道到驚艷，那野菜豚肉湯不是一般由粉沖的麵豉湯， 味道豐富還有很多配菜。吉列豬扒份量一般（不算多），豬扒不太厚身，炸粉不厚，口感香脆鬆化，是完全日式炸物應有的表現😍, 豬扒肉味鮮嫩略嫌有一點肥膏， 整體感覺不錯👍👍👍👍

進到店內整股日本風情出晒嚟，餐牌都係以吉列豬扒為主，滑蛋吉列豬扒飯；豬扒烏冬；豬扒拉麵，完全係吉列系列！，我亦都因應店員推介揀咗一個吉列豬扒飯，豬扒被炸得金黃爽脆，是高級享受。

同同事出去做野，個肚打晒鼓，就入左呢間餐廳醫肚勝價比唔錯，份量亦都足雖然粉有少少厚，但係呢個價錢我覺得都算合理唯一係座位有少少迫我地算係早入場，大概12點就入去，所以好好彩唔使等位當我地食完走時，就見到門口有５／６個人等緊先發現我地算係好好彩早左食飯下次想再頹食吉豬飯的話，都會考慮再嚟

訓醒去完九龍灣就趕去油麻地我餓死‼️懶得搵餐廳附近就見到佢🤣好 就去 食孤獨餐😭剛好推緊呢個餐，有食客話蕃茄同炸豬扒夾咩😂我心諗炸豬扒同沙律醬又夾咩？其實炸豬扒可以點甜酸醬，不防試下你地下次🤣🤣🤣 認真講句真係夾喎😏 啲豬扒炸得好食，味噌湯多少有返咸味😭咁先係味噌道！好大份$65 飽死左

價廉物美 一個人路過 快靚正豚肉外脆內嫩 一啲都唔鞋 雖然有點熱氣 不過配左椰菜一齊食 又中和返🤣🤣 個湯係重點 好足料 有豚 有魚 有紅白蘿蔔 十分甜 細碗真係唔夠飲😆😆 一個餐四五十蚊 真係好過食茶餐廳 份糧夠晒

服務差，有枱又話唔知，白等十五分鐘最後要我指出吉枱，先可以自行入座，侍應毫無禮貌，又落錯單，炸豬扒無味，啲飯又無味，炸豬扒好多脂肪，食落個口好肥，街邊吉列豬扒啲質素仲高過佢

吉列豬扒係我好多年前嘅最愛 之後我個心變咗 出面太大誘惑 依家我又重投佢嘅懷抱 今日去食呢間 每次經過都見到人排哂隊 終於到我排啦yeahh等咗15分鐘左右就入座啦 餐廳冷氣極凍 好似入咗雪櫃咁🥶 我哋嗌咗吉列豬扒定食同吉列炸蝦豬扒定食 唔知冷氣太凍定點 我覺得唔夠熱 同埋炸粉太厚 定食仲配埋野菜豚肉湯🍲 我個碗嘅豚肉就嫩d 男朋友個碗就韌d 睇你好唔好彩啦但我覺得幾好飲嘅 可以嚟多碗另外個飯 濕咗d 淋得滯umm可以再比多次機會 食多次嘅

平時好少食炸物，偶然諗起尼間餐廳門外成日有人排隊，一於晚市早到食。星期六晚市6點半左右到，好彩唔駛排隊等位。叫左吉列豬扒黃金豚肉餅定食($77)，吉列雞扒定食($52)。定食會跟白飯、野菜豚肉湯(小)。食物好快就送上黎，炸物脆口，熱辣辣。底部既菜絲多，有芝麻醬可以伴黎食。豬扒厚身，炸粉唔算厚。而炸粉應該有混合木糠，食落好脆口，會一口接一口。加埋豬扒醬一齊食，感覺好似冇咁邪惡，同埋口感會清爽左。而肉餅味道幾特別，雖然一塊大約拳頭大小，但夠厚，而咬落去仲有肉汁。加$5可以將白飯及野菜豚肉湯改做讚岐烏冬，烏冬軟硬適中，湯底味道正常，飲完唔會口乾。份量都足，男仔食哂個set，夠哂飽。雞扒厚肉juicy，就算放耐左先食，都依然脆。不過白飯就較為遜色，有d凍，如果熱d會覺得好食d。雖然係小碗，但湯料有好多，滿滿既豚肉、蔬菜，湯底清甜。整體，大約7點開始人多要排隊等位，食到中途侍應突然走過黎講，話用餐時間得50分鐘，好突然。如果係入座既時候講聲，感覺會好d。或者可能有張貼，但冇留意。勝在炸物唔錯，價錢比同區餐廳更親民。

< 吉豚屋 > 📍油麻地吉豚屋係黎自日本嘅連鎖吉列豬扒店🇯🇵 香港仲要係第一間海外分店🤣和風汁豬扒飯 $49又平又好食嘅豬扒飯😆😆 有六舊吉列豬扒 炸得好鬆脆 入面嘅豬扒一啲都唔韌😋 入口鬆化 而且個汁酸酸甜甜好解膩 豬扒嘅底鋪滿椰菜絲同飯 感覺冇咁肥🤣 $49就食到呢個質素 一定要試下👍🏻👍🏻滑蛋吉列豬扒鰻魚丼 $89呢款吉列豬扒因為加咗滑蛋 所以個皮已經唔脆 滑蛋唔算多 不過個汁甜甜地幾好食😛 豬扒都係入口鬆化 不過冇咗脆嘅層次😢 另外個鰻魚都好食 冇骨而且肉質唔錯👍🏻唐揚炸雞 $18$18有五舊好抵食😛😛 炸雞好香口 加咗檸檬汁 冇咁油膩 配埋他他醬食好夾😋👍🏻

其實之前行過都經過幾次，每一次見到門口都有人排隊，但係心諗都係小店快餐，所以冇特登入去試。今日咁啱經過見到唔使排隊，所以就入左去。其實佢都係有豬扒豬扒炸蝦等選擇，所有定食連白飯同湯，亦都可以另外加錢轉烏冬。我好貪心想一次過試晒兩樣野，於是嗌左個炸蝦同炸豬扒飯定食。呢間餐廳我覺得真係好驚喜，本身入嚟期望唔大。但原來價錢平都有好嘢，佢嗰漿好薄而且炸得非常之脆，入口鬆化，豬扒仍然可以保持到有肉汁。吉列炸物來講做得非常之好！$80埋單嘅快餐，但可以媲美貴價吉列豬扒店。我覺得係超值，三個字：平靚正！

因為疫情，只能每2人一張枱；幸好快快入座，否則就無位了。坐下來，慢慢地看餐牌。每樣都好吸引。期間限定的烏冬，我都想試下，不過因為上堂到9點幾，所以食飯頂下肚。最後點了滑蛋吉列豬扒、吉列滑蛋蝦。賣相跟影相的差不多。飯量夠成年男士吃，女士就可能會食剩。飯軟夠熱，不錯。如果日後滑蛋汁可分外上就更好，始終吉列食飯要脆脆先好味，但因為有滑蛋汁，始終令到吉列變淋了。另外，如果想要汁醬，記住要a問侍應姐姐！因為擺埋左另一邊。