同撈同煲 (堅拿道西)

营业中

休息中

第一次嚟呢間火鍋店，首先被佢哋嘅職員嘅服務態度impressed， 因為我哋啲食物嚟切咗佢都好細心咁解釋，之後我哋叫咗海鮮拼盤.都好細心解釋每一樣海鮮究竟要煮幾多分鐘，而且食物嘅quality非常新鮮，下次一定會再幫襯.

最近幾日，我和一群朋友前往銅鑼灣品嚐火鍋，選擇了一家充滿香港特色且提供新鮮食材的火鍋店「同撈同煲」，位於鵝頸橋附近，地理位置一流。火焰雞煲🔥這款煲有兩種食用方式，我們先享用雞煲，然後再加入湯底轉為火鍋。雞煲可選擇辣度，微微麻辣，香氣撲鼻，帶有香噴噴鍋香。特級本地牛肉、手打牛肉丸、牛舌🐮每種食材都呈現鮮紅的色澤，很新鮮，並且無冷藏味道，不會滲水，明顯是優質食材。本地牛肉的油脂和牛肉味道平衡恰到好處，牛舌口感乾淨爽口，牛肉丸則結實有彈性。脆鯇魚片、招牌老友鬼鬼（油炸鬼墨魚滑）魚片同樣新鮮宜人，老友鬼鬼獨具特色，墨魚滑富有彈性，油炸鬼鬆脆，絕對值得一試。品嚐完火鍋後，店家還提供了啫喱甜品和金魚造型糖不甩，非常適合拍照。

香港地道的火鍋店，數一數二的經典設計裝潢，一定要來出名既同撈同煲，包你對火鍋餐廳有重新的認識，絕對大開眼界。銅鑼灣同撈同煲，正正是其中一間充滿懷舊味道風格的火鍋店，呢度由於電視劇同撈同煲的環境一樣，集合了70-80年代人的回憶，來到呢度第一時間當然係打卡，打卡影相簡直係一個景點般必做之事，更讓人回味無窮。影完相就要點野食啦，呢度的野食味道質素都十分好，直頭可以用高質來形容。首先來同撈同煲，我一定要推介呢個必食既雞煲翅$438，真係勁大煲勁多魚翅勁補，男女老少都要食，完整一隻雞再有大大條魚翅加持，整煲雞煲翅真係完美無瑕，一定要試。再來一個賣魚勝海鮮拼盤$398，同時附送甜品——懷舊糖不甩😍呢個海鮮拼盤犀利啦，可以選三款海鮮，而且樣樣都係勁新鮮勁高質的海鮮，我們選左8頭鮑魚，大元貝同聖子王，真係食到lamlam俐。其實以上份量都夠3 人食，我們仲想試下呢度招牌前菜——涼拌魚皮$88， 果然沒介紹錯，超級爽口彈牙，值得推薦啊😘😋

前幾日係最熱嘅3月日子，我個fd竟然話要去打邊爐🤣唔好以為佢叫做九龍城同撈同煲，其實佢係喺鵝頸橋附近。我哋揀咗火焰雞煲，呢個煲有兩種食法，首先侍應會點火，食咗雞煲先，之後就會加入湯底變成火鍋。雞煲可以自由選擇辣度，少少麻辣，非常香口，有鑊氣，半隻雞share嘅話可能唔夠。特級本地牛肉、手蛋牛肉丸、牛舌，每樣都係鮮紅色，冇雪藏味道，唔會出水，睇得出用咗靚料。本地牛肉嘅油脂分布平均，又有牛味，牛舌乾淨爽口，牛肉丸紮實。除咗牛之外我哋仲叫咗脆鯇魚片，以及招牌嘅老友鬼鬼（油炸鬼墨魚滑），魚片都新鮮，老友鬼鬼好有特色，墨魚滑彈牙同埋油炸鬼鬆脆，性價比之選。食完火鍋後會送啫喱甜品，好耐冇見過小油傘紙啦。老細話送多個糖不甩比我地，佢會將糯米糕放入火鍋入面煮，再沾花生糖粉，呢個仲好食

坦白講，佢食物質素唔係差，不過價錢昂貴，大大隻標題寫住七五折，半價，我哋三個人一張$2400嘅單嘅七五折，只係得$57 ，原因係因為佢所有貴價野都係冇折‼️例如海鮮，刺身，牛肉，湯底，過分到連飲品都係冇折‼️完全地喺度玩文字藝術，用OpenRice訂有七五折，咁冇辦法啦佢條款係有寫明嘅，但係捉住食客抱住有折就會帶得好爽啲嘅心態，我哋咪就係中咗伏囉‼️ 店員埋嚟upsell嘅時候，係冇提過海鮮係冇折㗎‼️食材服務都OK嘅，除咗有一兩個游魂嘅服務員之外.... 呢個文字藝術引人入局法實在有點兒那個，⚠️⚠️⚠️⚠️⚠️〽️所以特登提醒一下友誼幫襯嘅朋友仔，我哋三姊妹當然絕對唔會再有下次啦‼️另外，分享嘅相片係想話俾大家聽，嗰啲係冇折㗎‼️➡️訂座編號 20240316368043⬅️尋晚食完，頭先再睇返今日3月17號七五折唔見咗

*/銅鑼灣行完街，好想食打邊爐🤣搵到間正野🤩🤩餐廳環境 ：成間餐廳由門口到入面好懷舊feel🤩我哋好中意好有70年代既感覺，播啲歌都係好懷舊，老一輩首首都岩聽好中意😂😂😂食物方面：由於唔太肚餓所以嗌左唔係好多野。清清地揀左個咸蛋介菜湯底，個湯底十分推介，野食未黎之前係可以飲左啲湯先，超鮮甜，好似屋企滾啲湯咁😋我都飲左兩碗🤩🤩叫左個懷舊蝦多士🦐小食打邊爐既地方竟然有蝦多士食仲要唔錯👍🏻好香脆，配上個甜酸醬，一個人竟然食到3件😋肉類方面叫左個秘製豬頸肉，上菜果陣見到佢係一串串好左既豬頸肉有小小驚喜，果然係秘製豬頸肉🤭🤭吾似平時打邊爐一碟切片咁上，熟左之後有少少孜然粉嘅味道，唔使點豉油都有味👍🏻👍🏻👍🏻我哋仲叫左牛胸爽，唔多地方有得食，一碟都有好多件，肥美又好爽😄🤩🤩🤩最後仲有甜品送，係啫喱同埋糖不甩😍啫喱仲可以落花奶😍個糖不甩好有驚喜好得意係條魚既形狀，職員首先將佢擺咗落個爐度煮熟佢，未食嘅時候就覺得好奇怪，因為個湯底係鹹嘅，煮完個糖不甩之後，職員會幫手剪開一粒粒然後再撈落啲花生碎度。食落又幾好味又鹹又甜咁，食到湯底個小小咸咸地，又有花生既甜味👍🏻👍🏻真係好特別😋😋😋九龍城同撈同煲 (堅拿

今次和朋友揀左一間特式火鍋店打邊爐滾一滾，一進門已經好似回到舊香港六七十年代一樣，牆身貼滿舊時代的電影宣傳海報，地面鋪上復古花紋瓷磚，加上五光十色的霓虹招牌，牆上手畫的舊香港街景的壁畫，店舖播放著四大天王的懷舊金曲，裝滿幾代香港人的溫馨回憶。好有香港特式火焰醉雞煲+豆卜店員會先把火酒倒上雞煲，一邊煮一邊攪拌，陣陣乾花椒麻香，好惹味，熱辣辣的爽滑炒雞配上自家製的調味料，好惹味好好食，食完雞煲再加濃湯一齊打邊爐，正安格斯牛肉安格斯牛的大理石花紋油花豐富，牛肉味道香濃，入口細嫩，柔軟又多汁，必點！牛胸爽牛胸爽入口爽口不油膩，最適合打邊爐食鳳城水餃鳳城水餃主打用大粒嘅海蝦肉、筍、木耳和豬肉去製作，口感爽脆，皮薄餡靚，讚脆鯇魚片脆鯇肉質結實、清爽脆口，必點啫喱兩款甜品的造型都係滿分，啫喱用兒時懷舊的七彩啫喱杯盛裝，中間放著紙傘牙簽，係細細個起酒樓會見到既懷舊小物，啫喱配上花奶，好有童年回憶❤️懷舊糖不甩店員把錦鯉糯米糕放入火鍋煮滾，灑上花生粒和白糖，外層脆卜卜，內層軟腍腍，糯米吸收咗雞煲湯底嘅精華，又鹹又甜，口感煙靭，好正好好食！

天氣又凍返，最啱就係食雞煲打邊爐同朋友去左銅鑼灣既同撈同煲餐廳裝修好有特色滿滿本地懷舊色彩首先嗌左個火焰醉雞煲職員首先倒左酒再用火槍真係同名一樣滿滿火焰然後好細心幫你炒埋食落有醉雞味同幾香口邊爐嗌左本地手切牛肉牛肉紋理好靚，食落幾軟腍黑栢葉彈牙爽口田園拼盤有齊娃娃菜生菜皇帝菜仲有粟米同蕃茄即炸響鈴好香脆，唔算好油大檸茶真係超大杯藍妹啤酒配戰鬥碗飲落特別有Feel最後仲送啫喱同懷舊糖不甩整體食物水準唔錯，可以一試！

回憶殺！香港六七十年代裝修～ 再加上電影宣傳海報同埋霓虹招牌，仲有四大天王嘅金曲！🥢火焰醉雞煲最正係個雞煲可以加豆卜同枝竹。店員加入中國烈酒，點火🔥再攪拌，濃烈嘅酒香芬香撲鼻。滑雞件配上自家製的調味料，惹味又好食。豆卜吸晒酒味，唔小心會飲醉😂食完雞煲就加湯轉火鍋🍲🥢安格斯牛肉大理石花紋油脂豐富，入口細嫩，抵食🥢牛胸爽大塊又夠薄，爽口感覺加上濃郁牛油味🥢脆鯇魚片肉質結實、清爽脆口🥢鳳城水餃大粒口感爽脆，皮薄餡靚⛱️啫喱兒時懷舊的七彩啫喱杯，中間插住紙傘，啫喱配上花奶，好經典🎏懷舊糖不甩錦鯉魚形狀嘅糯米糕！放魚入鍋。再灑上花生粒和白糖，軟腍腍口感煙靭，色香味俱全

晚上嚟咗呢一間打邊爐食雞煲火鍋。叫咗個火焰雞煲，另外再配豆卜。落完單職員就會俾你揀醬料，可自行調配想要嘅醬。雞煲上枱後加左酒變火焰再炒香，雞煲醬汁底幾香濃，少少辣，豆卜吸晒啲醬汁好野味。食完雞煲職員就會再加湯開始打邊爐。其他配料點左本地手切牛肉、黑牛栢葉、田園拼盤、即炸響鈴。手切牛肉嘅肉同牛脂比例一半半，牛味正常黑牛栢葉幾爽口。田園拼盤有粟米、蕃茄、皇帝菜、生菜、油麥菜，份量都幾足夠，蔬菜幾新鮮。最後甜品係啫喱同懷舊糖不甩，滿足！

呢幾日天氣咁凍🥶, 食個火鍋暖暖身🍲, 揀咗銅鑼灣懷舊特色火鍋 "同撈同煲" , 裝潢好有五、六十年代色彩, 好懷舊🤩🥔胡椒豬肚少爺雞湯(湯底) $248胡椒好濃鬱, 飲埋啖湯成個身暖曬🥰, 雞係另上, 雞肉唔會煲到嚡曬🥔美國桶蠔 $198超正, 好大隻, 完全冇腥味, 非常新鮮👍🥔鵝肝墨魚丸 $68墨魚膠打得爽口彈牙, 裏面仲藏住粒鵝肝, 必點！😋🥔牛舌 $88入口即用, 香濃牛味🤤🥔秘製豬頸肉 $88豬頸肉醃好咗, 用竹籤串住, 肉質嫩滑彈牙, 油脂滿滿🫶🥔妃子笑1 $78造型好似粒荔枝, 係炸咗嘅蝦丸, 蝦丸打得非常彈口鮮味🥳, 點埋佢個靈魂甜酸醬先至係最好味😘, 值得一試🥔啫哩上面放咗層花奶嘅提子味啫哩, 好懷舊🥰🥔糖不甩錦鯉魚造型好可愛😍, 店員會放入我哋個火鍋裏面幫我哋煮, 咸咸甜甜, 好好味😋

🍴🍽🍴🍽🍴🍽️🦪🦪🦪🦪🦪🍴🍽🍴🍽🍴🍽🥢 花鵰醉雞美人鍋 $188 🆙餐廳沙底招牌之一，花鵰醉雞重酒香，飲落好甜，雞件大塊，食落好嫩滑🥢 手切本地牛肉 $288 🆗肥牛好新鮮，有牛味，肉同油脂每片都好平均，打邊爐一流🥢 牛胸爽 $88 🆙牛胸爽口感爽脆，好香牛味，夾埋牛肉食無得輸🥢 沙巴龍躉 $188 🆗龍躉脆口，食落淡淡肉，唔會好腥🥢 懷舊蝦多士 $68蝦多士好香脆可口，沾埋酸甜醬，好開胃🥸評價 𝗥𝗮𝘁𝗶𝗻𝗴𝘀 🥸
食物 𝗙𝗼𝗼𝗱 8/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 9/10
服務 𝗦𝗲𝗿𝘃𝗶𝗰𝗲 9/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 8/10🍴🍽🍴🍽🍴🍽🦪🦪🦪🦪🦪🍴🍽🍴🍽️🍴🍽️🗺️ 九龍城同撈同煲銅鑼灣堅拿道西10號冠景樓2樓B號舖#bakdiu日式 #bakdiu銅鑼灣 #bakdiu灣仔區

【灣仔區】【同撈同煲】除夕晚上，港鐵通宵行駛，踏入 2024 年嘅第一日就當然係同我最景仰嘅經理哥一齊食宵夜。宵夜邊爐選擇不多，揀咗呢間喺老銅嘅樓上火鍋店，用 Openrice 訂枱仲有優惠。去到見佢哋都有懷舊陳設同裝修，食老香港情懷。叫晒嘢之後，店員幫手用熱水洗埋碗筷，好好服務。熟食嚟先，$68 嘅「懷舊蝦多士」幾好。$98 嘅「黃金炸魚皮」好多同埋夠濃味。而跟住嚟嘅係 $38 嘅「唐生菜」，冇我份啦。火鍋到，我哋叫嘅係 $254 嘅「火焰雞煲」。店員即場落料「玩火」之外，都加入咗豆卜，又香又濃，視覺同味覺都有享受。火鍋料方面，$388 嘅大「特級手切牛肉」都有牛味，幾好。$108 嘅「鴛鴦滑」我哋揀咗「黑松露墨魚滑」同「蟹籽蝦滑」，兩者都幾鮮同幾足料嘅。而 $98 嘅「肥美鮮鵝腸」同 $78 嘅「黑栢葉」都幾夠食，唔算細份，同埋都好味。我哋仲叫咗 $398 嘅「活魚刺身」，唔記得咩魚嚟，但都好新鮮好好食。嘢飲方面，全部 $48 一杯大大杯嘅，我飲咗「兒童鴛鴦」同「菠蘿冰」。兩款都幾好飲，前者係好立克加阿華田，有驚喜。經理哥飲「絲襪奶茶」同「菠蘿冰」，佢都話幾好。甜品係「啫喱」同「懷

主打特色火鍋，超有香港懷舊特色～值得一讚是店家的服務，很親切，而且在起筷前會為我們消毒所有餐具，很好！點了的冬甫美人湯，十分足料！雞就是吃到有新鮮的味道，更有大量配料，例如冬瓜、竹笙、桃膠等 ，所以煮出來的湯底十分清甜～真正吃火鍋之前我都喝了3－4碗湯，吸取更多精華！邊喝湯，邊吃雞件，肉質十分嫩滑🤤小吃老友鬼鬼是油炸鬼配黑松露墨魚滑，可以即吃，香脆惹味！安格斯肥牛味道特別濃郁，油花豐富最後更送上懷舊甜品～啫喱、糖不甩都好吃！ 糖不甩需要先煮一煮，之後再加上花生粹一起吃，好特別的甜品~

一班朋友最鍾意就係打邊爐，不過平時啲酒樓就冇咩特色，朋友介紹咗呢間餐廳，裏面嘅風格全部都係八、九年代嘅舊香港味道，啲歌仲係播嗰陣時嘅流行曲。湯底方面都係有齊美人鍋、雞煲麻辣芫荽，唔同既味道，我哋揀嘅美人鍋（$228）仲係原隻雞上，有蟲草花桃膠，都係可以先飲湯美顏下，再去食雞同打邊爐。打邊爐料方面都可以話應有盡有，不過呢度有一款招牌老友鬼鬼，其實係類似油炸鬼裏面包着啲魚肉，都幾好味😋。餐廳最後仲送甜品，由細個最鍾意食嘅煉奶啫喱，仲有賣相好別致嘅錦鯉糖不甩，店員會幫你煮返熱個糖不甩再幫你撈，唔使落手落腳服務好好😝