名人館

营业中

休息中

同好友聚會，要可以慢慢坐慢慢食，又夠靜嘅地方，酒店菜館係首選，好友又將範圍收窄至潮州菜，咁就拍板喇。地點喺觀塘，因為唔太熟悉呢區，一直以為喺大街，原來喺工廈堆中。約咗平日7.30pm，上到去唔太多客，我哋仲有得揀枱坐，可惜窗口位置係大枱，我哋要傾計當然揀合自己的。講到明傾計為主題，就先叫黑炭豆腐2件，鵝片墨片拼鵝翼，可以慢慢食。好友對豆腐讚嘆不已，它的確有特色，黑色脆皮包住軟滑豆腐。三拼都中規中矩。經理推介了檸檬特飲，我哋都叫咗試下，檸檬香夠，又唔太甜，好啱食住傾住飲。傾到咁上下，又點了當日特別推薦-金錢鱔，我哋選了豉汁煮，鱔肥大夠厚，又夠彈牙。冇菜喎，唔夠balance，又點個芥蘭。傾到口乾，又叫咗過豬肺湯，呢個超驚喜，佢係一個類似紫砂茶壺+2隻杯仔，因為我掛住講，聽唔清楚侍應上菜時所講，雖然睇住侍應喺茶壺倒滿2杯，當好友問嗰個係咩，我仲答係汁，好友打開壺蓋一睇，原來係湯，而其實茶具盤早已寫了「湯」。個湯好潤，我哋將杯一飲而盡又繼續傾繼續食枱上食物。過咗一段時間再斟湯，好神奇，啲湯仲暖，個壺保温力奇好。其間，侍應傳菜路過時，見我哋好奇眼光，會主動講出手中菜名，好醒目的舉動。

觀塘竟然有米芝蓮一星名店!!專食滷水小食同坊間小見的手工菜，值得一試!!- 滷水鵝肝(半份) HK$218 🦆必食!!滷水清香帶出鵝肝香氣，口感細膩綿密熟度剛好。- 滷水鵝片(例牌) HK$288 🐤鵝肉香嫩有彈性，皮帶脂肪鵝香十足。- 招牌撈麵 HK$108 🍜著名食家蔡瀾都推薦，以豬油及XO醬為蛋麵添加辣﹑鮮﹑香，味道層次感十足，再入加芽菜﹑蝦米及芝麻增加口感，成碗麵香氣迷人!!- 招牌反沙芋 HK$108 🍠少見懷舊潮州甜品，將切塊芋頭加入已融沙糖炒香脆後再將糖炒回乾粒狀態，非常考手工!!味道香甜帶微微芋頭香，口感香脆熱度十足!!- 醉香鴨舌 HK$108 🦆- 芥末雞腳筋 HK$128 🐤功夫菜，只取雞腳爽口一段，芥末味刺激香口!!- 姬松茸螺頭燉竹絲雞 HK$88 🐣🍲將所有材料精華都燉成一碗湯，帶有松茸螺頭雞的甜品，超濃郁!!- 陳年花雕蒸馬友 HK$238 🐟花雕香氣配上嫩滑馬友，香氣淡雅，馬友肉質細緻。- 金絲煎蠔餅 HK$138 🦪🥚

今晚同另一朋友第一次去名人館，叫了滷水鵝片、竹炭豆腐、煎蠔餅、南乳齋、方魚肉碎粥，每一道菜都好有水準，好味 👍滷水鵝片又滑，又香，又有咬口，好耐冇食過咁好食嘅滷水鵝片，超高賀。煎蠔餅好脆，香口，但唔太油膩。南乳齋送飯一流（但冇叫飯 😆）方魚肉碎粥好香，而且有甜品 最後以綠豆爽結尾，有驚喜，加咗馬蒂，而且蒂有鮮甜味，好新鮮 👍👍👍環境舒適，乾淨，而且招呼好，整體而言係好有水準嘅新派潮洲酒家，值得一試再試。

名人館～好豐富又好味，已經約定月尾再嚟滷水鵝片錦繡拼盤、踏雪尋龍🦞潮州蟹棗拼初戀帶子、花膠姬松茸燉雞湯🐥盤龍清蒸老虎斑🐟、潮陽梅羔骨金湯竹笙浸時蔬🥬、酒香醉乳鴿🍶香芋鵝肉粒炒飯🍚清心綠豆爽#名人館 #觀塘美食

冰鎮咕嚕肉 唔係得個樣 超脆好吃。 竹炭豆腐 有想像不到的味道也是很好吃。。蒸魚有 加椒麻 調味幾特別， 出面食唔到呢種味道。炸子雞就睇樣都知道新鮮好味啦， 最緊要肉質夠嫰 完全唔會柴雞胸都無炒車係個前菜比較普通和坊間吃到的沒有太大分別但是味道也是中上水平。 服務也是不用說， 非常殷勤經常問你要不要換碟碗。 係餐廳地點有點kick, 地鐵站行過來有點遠要坐巴士或 可能要自己揸車黎。。總體嚟講 性價比不錯 價錢都唔算貴。 值得推介

今日朋友剛剛登6。訂咗名人館，估唔到食到我從來都未食過咁好食嘅潮州菜。竹炭豆腐，陳醋豬手，都非常之好味。店長好熱情招待，我的朋友都食得非常開心。下次一定要同家人嚟品嚐一下。

環境好舒服！食物高質第一次嚟名人館食飯一入到去地方好闊落完全唔似平時酒樓枱同枱之間都好近環境舒服💯叫咗幾道菜都覺得好出色🤤🤤大虎蝦超級彈牙😍肉質有彈性之餘，仲保持到夠嫩滑而且size完全無令人失望大大隻蝦 大大啖咬真係好正🤫我地叫咗豉油王虎蝦，好夠味除咗豉油味之外亦保留到蝦的鮮甜🦐🦐屋企人食完都覺得好滿意！話下次一定要再嚟母親節同屋企人再嚟啦😆

同樣係潮州菜，唔同餐廳嘅水準都可以爭好遠！曾經有兩位朋友都食完推薦俾我，先發現呢間工作的滷水菜食店！嗰日同朋友食咗好多滷水款式佢嘅鵝掌真係最出色鹵水鵝掌其實好多都有得食但係餐廳嘅煮法同水準真係好唔同食過出面貴價，但完全CP值唔高的鵝掌😔名人館呢度嘅鵝掌真係性價比極高隻鵝掌同我手掌一樣咁長食落超級嫩滑，而且味道濃郁好香八角味🥹鹵水鹹甜都好適中 唔會覺得太鹹或者太甜好啱我口味😍希望下次快啲約朋友再去😁

而家轉咗名水準依然不錯！琴晚主要嗌他們的招牌菜，包括鹵水鵝肉、墨魚、豬大腸、陳醋豬手、素鵝和南乳粗齋。鵝肉皮脆肉嫩，每一口都散發著卤水的香氣，鵝肉夠多，我和朋友都覺的抵吃。墨魚的口感爽口彈牙。而豬大腸則肥而不膩，質感適中另一道令人驚艷的菜品是陳醋豬手。這道菜酸甜适口，豬手的胶質十足，搭配著香脆的炸花生米味道層次豐富。素鵝和南乳粗齋是素食愛好者的福音，。素鵝以豆腐皮包裹著香菇、木耳等食材，口感細膩，味道鮮美。南乳粗齋則以萝卜干、腐竹等食材為主，經過南乳的浸泡，散發出獨特的咸香，我朋友都說好吃！值得一試！！！

觀塘最好食潮州菜，必點滷水鵝滷水鵝肝😚好耐之前已經食過 ，一直念念不忘 😍一上枱 大家即刻相機食先 擺盤好靚。今日大家仲大讚蒸魚 好鮮甜 底下擺咗啲瓜好入味👍🏻👍🏻👍🏻又係打卡必點，好少地方會咁有心機😍下次再試其他菜式觀塘最正潮州滷味

嚟咗觀塘區返工之後，一直想周圍覓食，識下唔同餐廳。呢晚終於俾我搵到另外三位識食之人，同我一齊試下一間潮式打冷。佢哋嘅招牌菜有潮汕滷水、傳統潮州手工菜同各式各樣嘅特色湯羹、小菜。我哋會揀佢，因為佢完美將懷舊潮菜同新派元素結合，令無食開潮式料理嘅人，都可以更容易接受；好適合三五知己聚腳。餐牌內的滷水鵝肉感受拼盤是必吃的，眼見每枱都點最少一碟😋蒜香竹炭脆豆腐也不錯，下次再光顧都會再點👍 甜品：當然唔少得反沙芋同紅棗糕啦，芋頭有芋頭香，紅棗糕味道剛剛好，中間軟硬適中。

前幾日有朋友臨時係外國番黎想食道地潮州菜，見到OpenRice 呢個餐廳係觀塘好方便仲可以直接係OpenRice訂座，立即book 左。 我地一行四人唔係食咗好多嘢，總括嚟講環境舒適。鹵水鵝片， 一貫高水準之作！鹵水墨魚，厚薄剛剛好，很鮮甜。不會被滷水味道蓋過，煎蠔饼，啲炸漿很薄，很脆，一流！叫咗啲家常小菜，所以不貴。如果叫海鮮就不是這樣的價錢。另外，食店裝修新淨，衛生清潔，服務殷勤，實在值得再幫襯，極力推介！

同朋友聚會 去名人館 環境舒服 食物好食 可以傾得好開心😚黃鱔煲仔飯 上枱香噴噴 好惹味 食材好新鮮 超正👍🏻👍🏻海鮮全部都新鮮 食得好放心😊叫咗個炒米 大大份 連啲餸都好多 好有鑊氣 環境整潔 服務又好 係同朋友聚會飯堂😆✌🏻

🪧整體評分：8/10🪧❤️味道：8/10❤️📷環境：8/10📷👨🏻‍🍳服務：8/10👨🏻‍🍳👍性價比：8/10👍👧🏻小朋友喜愛度：8/10👧🏻呢閰餐廳位於觀塘工廠區，地理位置唔算非常就腳，但因為工廠區附近好多Office，人流都算多，入到去都坐滿很多台。雖然觀塘人多餐廳多，不過呢間作為米芝蓮餐廳推介，所以餐廳裏經常都坐滿人第一推介滷水鵝片！滷水鵝掌香濃入味，鵝肉完全唔韌，而且份量很足，價錢$288來說也十分值得！芝麻皮蛋也十分開胃對於喜歡吃皮蛋的我們來說，最爽的莫過於就是一大啖吃掉皮蛋了。皮蛋本來自帶的鹹香味，和濕潤黏稠的口感，根本就不需要太多調味和配菜，所以餐廳只加了一點芝麻，對我們來說就真的剛剛好了，不會畫蛇添足十分清香和開胃！

早幾日幾個同事跟老細過嚟觀塘做野老細請我哋食飯同老細食飯都估到應該係食中菜😆我哋平日夜晚嚟食飯，唔使等位-本身以為都係平時啲老土嘢啦點知有幾碟菜 一上菜我一見到真係心裏面嘩咗幾聲😨😨心諗使唔使擺得咁靚？🤯就連普通滷水拼盤我都覺得好靚😂😂平時普通酒樓食呢啲滷水拼盤邊有可能會擺得咁靚我哋成班都好似第一次見咁每碟菜都要影幾張😍😍😍個個都相機食先😆不過又唔好以為得個樣除咗賣相好好睇講真，味道都真係好食叫過嘅滷水菜全部都好香生薑同五香八角味🌟特別推薦滷水鵝掌，同埋豉油王鵝腸真係好入味好香口🌟🌟