名人館

营业中

休息中

今日放假又係時候出去外面搵好嘢食。搵咗呢間酒店嘅中菜廳-名人館去試吓。睇到有個休閒二人餐，望落有幾個唔錯嘅餸，所以決定嗌呢個。➖杏汁燉豬肺湯用茶壺裝好似功夫茶咁樣上嚟，個外型真係好靚。啲湯都好好飲，有杏汁嘅香同啲豬肺豬肉一齊好夾好好味，諗起都想再飲。➖冰鎮南非鮑魚加埋海蜇拼醉香鴨舌海蜇好想口，包住亦都好鮮味。➖滷水鵝肉雙拼我哋就揀咗肉定豬手。呢度啲滷水好有水準，味道真係唔錯，佢個底仲襯托咗啲滷水豆腐，對我嚟講呢個係滷水三拼先啱。➖竹炭豆腐呢個係全晚最有驚喜嘅菜式。外面顏色黑媽媽，咬開入邊係雪白嘅豆腐，真係外脆內軟，口感唔錯。➖招牌撈麵➖魚湯杞子浸時蔬個撈麵有少少辣，好爽口，我已經好飽都想食晒佢。真係一個豐富嘅晚上估唔到個二人餐可以食到咁飽，最緊要係好食，好滿足。

酒店中菜館通常都好有保證，今日就近，去咗觀塘名人館食潮州菜。心思思乜都想試吓點咗個休閒二人餐$688，呢個選擇真係冇錯，每一樣嘢都超好食。🌟竹炭脆豆腐好驚喜，竹炭麵包烘得香脆，包住軟滑脆豆腐，口感非常豐富。🌟冰鎮南非鮑魚🌟海蜇拼醉香鴨舌大隻嘅冰鎮鮑魚，酒香味濃郁。🌟燉湯: 杏汁燉豬肺湯一人一壺，好似功夫茶咁樣斟出嚟飲。豬肺湯工序太麻煩平時屋企唔會煲，通常去中菜館都會點點個湯，呢一間特別好味，夠清潤夠香。🌟滷水鵝肉雙拼(元蹄/大腸/五香牛展/鵝掌/ 鵝翼/腩肉/豬頸肉/滋味雞)我哋點咗鵝肉同聯元蹄，底仲有滷水豆腐。鵝肉同圓蹄非常嫩 ，份量多好夠食，滷水醬汁好香但唔會濃味蓋過食材嘅味道。🌟米湯杞子浸時蔬大大碟菜，二人份量嚟講好多，杞子飽滿，非常好👍🏻。🌟招牌撈麵（少辣）呢款冷麵都非常推介，少少辣味，炒得夠火候又不會油膩。總括嚟講值得推介，係觀塘非常有質素嘅潮州中菜館。

在觀塘，上樓覓食是常識吧。今天就特別一點，和朋友走到位於鴻圖道的帝盛酒店一樓的名人館吃晚飯。朋友說這裡的滷水鵝頗有名，所以很想試。這個二人餐超豐富，除了有滷水鵝肉拼盤，還有湯、小吃、菜和麵，價錢亦比單點划算，當然點這個二人餐😁先喝湯，為這頓豐富的晚餐揭開序幕。兩款燉湯我們各要了一款。杏汁燉豬肺湯杏汁味突出，奶白色的湯水感覺感覺很滋補；姬松茸燉雞湯亦很足料夠火喉，味道濃郁。冰鎮鮑魚、海蜇拼鴨舌賣相很漂亮，用這三款食材砌出一條魚，頗有心思。鮑魚已預先起殼，亦砌成三小塊，可以方便而優雅地吃。冰鎮鮑魚酒香十足卻不會苦，味道亦不會苦澀或過濃，恰到好處；海蜇爽口彈牙，充滿麻油香，令人開胃。竹炭脆豆腐外層非常酥脆而乾身，一點也不油膩，脆皮帶點咸味內裡的豆腐非常嫩滑，很好吃👍🏼主角滷水鵝肉果然沒有令人失望，滷水汁香濃惹味卻不會死鹹，味道平衡得很好，無論鵝片還是雞肉都很搭配，還有滷水豆腐作配菜，豆腐夠入味，正招牌撈麵外表雖然簡單平凡，卻很滋味。以蔥花，麻油，蝦乾混在一起，麵超級爽口，微微辣的撈麵也令我吃不停口。

嚟到觀塘食中菜，地鐵站行一陣過嚟，嚟到酒店嘅中菜廳，有包廂、有大廳，座位寬敞～～食物款式幾多選擇，而且份量都幾大份～先嚟一個例牌滷水鵝片，滷水好夠味，鵝片肉嫩多汁，鋪底嘅豆腐都好嫩滑～金絲煎蠔餅，蠔肉飽滿，煎炸得香脆～胡椒黃金大虎蝦，兩隻大大隻蝦，啖啖肉，胡椒陣陣香味，黃金炸到外殼脆卜卜～蒜蓉龍躉荷葉蒸籠仔飯，好香，蒜味十足，龍躉肉鮮味，荷葉飯香濃入味～店員服務殷勤，上菜速度好快，唔錯～食物質素水準高～

黑松露鵝肝流心蛋蛋黃一碰即破，蛋漿四濺，口感絕佳。鵝肝嘅濃郁同黑松露嘅香氣相得益彰，為味蕾帶嚟豐富嘅層次。風霜黑醋骨嘅擺盤精緻好適合打卡。肉質鮮軟嫩多汁，黑醋嘅酸甜為肉香增添了深度。潮式凍烏頭展現咗潮州菜嘅特色。烏頭魚肉質鮮美，凍食更能突顯其細膩口感。名人炒飯融合咗多種滋味食材，有鵝肉、櫻花蝦、XO醬，非常惹味。反沙芋要整得好食並唔容易，呢道外脆內軟，芋頭同椰汁、糖嘅甜香完美融合，完全係高水準嘅發揮。呢幾道菜式展現咗精緻嘅中式烹調技藝，融合咗傳統與創新嘅元素。加上餐廳服務態度一流，係一次好好嘅用餐體驗！

與家人晚膳，長老喜歡中菜，決定食好些，去了位於酒店內的中菜館。金絲煎蠔餅 - 蠔餅炸得香口，用上飽滿的蠔，入口酥脆，火喉控制得宜，令人食不停口。大澳蝦乾芥蘭煲 - 熱騰騰的菜煲，芥蘭嫩身爽口，加上大大隻的蝦乾，充滿咸香，整個菜煲更添惹味。家鄉炒鴛鴦米 – 米粉幼身彈牙，炒得入味夠鑊氣，配上蝦仁、銀牙、蛋絲、鴨肉絲等，豐富足料。 蛋白杏仁茶 - 杏仁磨得幼滑，加上蛋白，微甜的既養生又美味。食物具水準，份量又多，中菜聚餐之選。

呢間餐廳環境都真係好舒服，企理乾淨，可以俾客人傾計，慶生既好地方。職員好有禮貌仲同我地推薦左好味既菜式，今晚叫左一碟擺盤好靚既香芒貴妃蝦球，佢擺到好似一盤盤栽擺設甘好有園林景致，見到甘靚既擺盤真係好想影多幾張相。蝦肉大粒彈牙加上脆卜卜既脆米餅口感香脆，仲要外皮唔厚粉，香芒汁既酸甜令人一啖接一啖甘想食多幾粒。炸子雞外皮炸到脆卜卜又無損佢入面既肉質，肉質好嫩滑，重點係炸蒜既出色令到成碟炸雞既香味出晒黎。

有朋友推薦觀塘這間潮州菜味道很出色，價錢合理，上網一查原來這間餐廳的前身是被譽為平民米芝蓮的阿鴻小館，曾連續五年獲得米芝蓮一星，之前都略有耳聞，原來現在已重來改名為名人館，上星期終於有機會一試🫶🏻餐廳開在舊店對面的觀塘帝盛酒店，空間很寬敞，有不少大圓枱，非常適合家庭或一大班朋友聚會👍🏻 餐廳在觀塘開業多年累積了不少熟客，當日晚市時段生意很好，我們見到不少人都是訂了枱，所以建議大家提前在OpenRice訂位😝餐廳有不少招牌菜式，除了滷水馳名之外，香蒜竹炭豆腐、陳醋豬手、金絲煎蠔餅我覺得都是必點，朋友果然沒有介紹錯🫢香蒜竹炭豆腐這個竹炭豆腐看似普通，吃了後發現可以炸到如此外酥內軟並不簡單，友人都讚不絕口😙陳醋豬手 就係開胃小菜一流，酸酸甜甜，口感爽滑，一試難忘😋金絲煎蠔餅蠔餅炸得金黃酥脆，見到個厚度已經知道非常足料，算是我在香港吃過數一數二好吃的的蠔餅，真心推薦👍🏻滷水鵝掌翼相比於鵝片，個人更喜愛連骨的掌翼，肉質嫩滑，師傅滷得夠入味，令人齒頰留香，不愧曾獲米芝蓮一星🌟韭菜鵝紅煲不同平時打冷吃的豬紅或鴨血，這裏選用鵝紅，味道的確很大分別，煮得很軟腍入味豉油王鵝腸鵝腸肥美爽口，十分惹味，底部有

周圍搵野食最開心就係又可以食媽咪最愛嘅中菜，今次嚟到觀塘嘅帝盛酒店食好評中菜「名人館」。名人館，主打潮式美食裝修相當典雅，雖然唔算金碧輝煌，但係都幾有氣派。前菜醉香南非鮑魚拼海蜇，鮑魚非常鮮甜，配上酒香更加係將鮮味完美昇華。海蜇色香味美爽口彈牙，以前菜計已經非常出色。主菜方面豉油王大虎蝦味道香濃，估吓足足有半隻手掌咁大，而且肉質非常鮮嫩加上濃郁嘅豉油味配搭則非常惹味，連蝦頭入面嘅蝦🦐膏品嚐更加令人回味無窮。除咗以上嘅菜式，其他菜式都值得推薦，下次一定會再返嚟食❤️

屋企人住觀塘，話附近有間好出名嘅潮州菜餐廳，開係酒店入邊仲攞過米芝蓮一星，睇落都幾岩一家人食飯。竹炭豆腐賣相好特別，出邊用咗黑色嘅炸粉，入邊豆腐都滑咁，食完先知冇影相，可以一試架。陳醋豬手香濃花生味，又唔會太重口，做開胃小菜適合而家嘅天氣。金絲煎蠔餅炸得金黃酥脆，見到個厚度都feel到足料，好過唔少大排檔啦豉油王鵝腸爽口，滷水汁都撈埋食飯，個底嘅芽菜幾適合送飯韭菜鵝紅煲足料，我好少食鵝紅，但係呢個真係唔錯，都幾香。雖然唔係啲排隊名店，但係都幾適合一間食飯，我阿媽都好鍾意潮州菜，香港可以做到呢個水準亦都好唔錯。

食物好吃，份量夠,招呼一流，無論樓面及傳菜的員工都笑容可掬。另外，炭燒豆腐可以逐件下單，很是驚喜，不用浪費，兩個人吃午飯，選擇很多！點心拼盤，價錢合理，二人份量，剛剛好，每樣也可以試一試

星期日晚落住微雨，岩岩APM睇完奧運，然後walk in去咗呢間之前未試過嘅潮州餐館，有d驚喜。黑松露鵝肝流心蛋呢個配搭幾新穎黑松露嘅香氣，鵝肝creamy嘅口感，配埋流心蛋，一啖都好濃郁好惹味。潮式凍烏頭食潮州菜必點菜式之一魚肉鮮嫩，輕點惹味既sauce ，係夏天食真係冇得輸。其實可以加錢將魚皮拎去炸做兩食，不過今次我地就冇咁試，下次先😂風霜黑醋骨呢份黑醋骨味道好有層次感，糖霜嘅甜、黑醋骨嘅酸甜，配埋飯食完真係令人回味無窮名人炒飯呢度炒飯有d驚喜。配料有新鮮鵝肉粒、櫻花蝦、XO醬等等，香氣同味道都好豐富。反沙芋呢道反沙芋係超有驚喜！作為一款中式甜品，上枱嘅擺盤已經好吸引。係炸得好香脆，芋頭嘅鮮甜再加返少少糖漿嘅襯托，而且份量比想像中多，所以下次可能主菜食少啲，留肚要預encore番呢份甜品😹而且值得一提呢間餐廳嘅服務態度係好好，大家都好有笑容，所以成個用餐體驗感覺好舒服😌

星期日陪完小女都觀塘海濱遊玩，知道有此潮州菜館，決定玩完一家人食個early dinner。環境寬落企理，侍應有禮。先來些開胃前菜。酸菜爽脆，調味適中。醉鴨舌充滿花雕香，素鵝層層的腐竹都滷得香甜入味，簡單前菜已見用心製作。經典的炸蠔餅，泡得薄脆，中間沒有任何粉團，又不油膩，蠔粒肉厚結實，師傅一展功架。另外的蝦乾芥蘭煲同樣出色，熱辣辣奉上。芥蘭段爽脆無渣，蝦乾大大隻鹹鮮味十足，肯定是揀手靚貨。今天小試牛刀，發現餐廳用料上乘，用心製作侍客，絕對有下次。

原來觀塘有間隱世潮州菜，由米芝連星⭐️級主廚主理，仲聽講座無虛席。要是一間潮州菜好唔好食當然少不了潮式滷水，點咗份滷水鵝片，果然鵝肉非常鮮嫩，滷水汁味道鹹香適中與餓肉也十分匹配。最欣賞嘅係佢墊底嘅豆腐都做得非常好味。另一樣推薦菜式就係潮式炸蟹棗，蟹棗呢個名可能有啲人唔係好知係咩，其實有啲似我哋打邊爐食嘅蝦滑，混入咗蟹肉，加入馬蹄、沙葛等等嘅材料，再拎落去炸到金黃色。依度菜式其實好考功夫，首先係蟹棗做得夠唔夠爽、其次就係炸嘅時間要拿捏得啱啱好。呢度嘅師傅就將呢一度菜式發揮得淋漓盡致，彈牙之餘外表係香脆嘅金黃色。

呢間餐廳位於觀塘酒店入面，入面有好靚既環境，座位舒適，職員友善親切，一入到去就問我地飲咩茶想食咩，我地叫左份鵝片例牌，拼盤仲有豆腐底，鵝片入味香濃，片片都切都岩岩好，擺盤好靚即叫既切，師傅刀功可以切到片片一樣厚度都幾勁。另外叫左一碟好靚既香芒炸蝦球，呢個小編推介除左擺盤用心精緻之外，食物仲好新鮮，蝦球用左大條既蝦肉，爽口彈牙，如果個擺盤可以加埋乾冰出煙既仙境效果就更正，呢個價錢可以食到甘正既大蝦真係好抵。