名家韓國餐廳

营业中

休息中

今晚來到isquare既名家韓燒，預早已book位，窗口位有時間限制，與朋友來聚緊係想一邊燒一邊傾計啦，於是取了中間位置，沒時間限制，呢度環境的確唔錯坐位寬敞，食物新鮮，唯侍應服務參差我就第一次來，而朋友之前來過，話說全是韓國侍應，但現在轉晒本土侍應了，唯獨還有一位是韓國侍應，以前係侍應幫你燒埋，而家搵鬼黎幫你燒啦! 但這個我又沒所謂，反正我不喜歡食殘廢餐，就自己動手燒吧!雖然唔係坐窗邊位，但中間既都ok喎，也看到景觀至於食物方面有前菜海鮮香蔥餅美國特級霜降牛肉、牛肋骨、牛舌、牛肩胛肉，牛肉肉質好嫩，唔肥膩大蝦~真係好大隻蝦，好厚身帶子~爽口彈牙

韓潮橫行，香港的飲食文化也在近年深受一襲韓風影響，韓燒店如雨後春筍開遍全城。可相反，自己吃了接近二十年的尖沙咀老牌韓國餐廳竟在年前結業，可惜之餘又良久找不到代替品。通常吃飯我會自動排除韓國料理，韓燒這類也真的不會主動去碰。難得多年不見的uncle從外國回來，他今次選的竟是這家 - 名家韓國餐廳。Set Menu 精選牛肋骨 (醃)在其他什麼連鎖韓燒店吃肉，一直都是失望而回，特別是牛肋骨，醬醃的味不對之餘，肉質又韌。而這回吃的牛肋骨，好吃得讓我們多叫一份。先談肉質，就算厚度足也是柔軟之極，入口不用多嚼；醃味相當出色，韓國醬油味道中透出一絲梨子滲出的甜味，正是醃料中的重點食材之一。輕輕燒個45秒，千萬不要猛翻肉料，記住一面燒好再轉。澳州和牛肉眼 和牛肉眼的份量比肋骨少，但每塊都是厚切，吃多了其實也膩，所以都算足夠。油花滿滿而分佈平均，無醃過的牛肉眼也好吃，與牛肋骨各有千秋。鮮大蝦套餐包括的材料也不少，這碟大蝦足以4人分享，每隻的體積都中等，蝦肉雖未能稱是超級鮮美，但也不差，肉質都在合格之上。炒牛肉粉絲、韓式拌飯、人蔘雞湯這三道主食的確做得是一般，上枱溫度通通都不夠熱，而味道不過不失。每款主

名家一直都係飯堂。高檔既肉質，高級既景觀，合理既價錢。大時大節有咩都去名家食，每次都滿意地離開。一坐低對住維港景，即刻心情都好晒！然後店員就放低不同既韓式前菜，除左最大路既泡菜，其每次都唔太一樣，最推薦黑豆，甜甜地好開胃！最鍾意叫佢既霜降牛肉，入口即化，正到呢！龍蝦尾都好正，店員會同你燒埋唔驚燒得太老！另外點少得燒豬五花肉，勁香口，建議同生菜一齊食一絕！最後食埋個紅豆雪糕冰，正！完滿結束！Ps隨時會有靚女韓妹侍應喔<3

很久之前到過名家食晚飯，感覺水凖唔錯，今天相約同事食一齊去試試他們的lunch. 午餐時間，陽光照入室內，感覺開揚，高空瞭濶的景緻令人以心曠神怡，和晚餐的氣氛節而不同。午餐定價由$88-$153。前菜共有六款，款款味道唔錯，泡菜唔辣，幾醒胃。而清湯很清澈，有好幾片海帶，沒有半點油膩。石頭雞肉雜錦$88這雜錦五彩繽紛，賣相唔錯，有四款唔同的蔬菜、去皮雞肉同旦。上枱時，熱哄哄，再把材料拌以微辣的拌飯醬，味道比想像中淡口，雞肉唔係咁嫩滑，但肉質ok.拌飯口感比較淋身，沒有焦香的感覺。燴牛肉片套餐$98這燴牛肉片份量唔少，有一碟！牛肉唔韌但比較老身；醬汁甜甜地，有少少日式牛肉飯的醬油味，幾好下飯；配菜有洋蔥、蘿蔔同冬茹，蔬菜也唔少。甜品是凍柑子蜜，冰凍甜美，十分清潤。整體感覺這兒的午餐一般而己，價錢、味道同份量是ok, 但沒有像晚餐留下深刻印象，一試無妨。

在香吃韓國燒烤本身價錢就比高，如果想優惠點，可考慮午餐。吃韓國料理最開心的就是即使是單獨吃飯也有很多前菜，絕不單調。在名家吃過晚餐，質素尚可，只是韓牛則不太必要試，雖然餐牌有註明是1++，但跟韓國吃到的 1++ 及 CitySuper 買到的 1++ 是有很大分別。另外是濟州豬肉經常缺貨，如果是想吃濟州五花而去，最好先致電問一問。炒粉絲及煎餅都可以。午餐的話，海鮮辣湯麵很好吃，份量也很足，味新鮮。他們家尖沙咀分店景觀一流，天氣放晴時上去吃個午餐，心情很好！

一間不知所謂的食肆（尖沙嘴店）。訂了位仍要呆等，你準時到係你錯，侍應態度惡劣，粗魯無禮，最叻扮時運高：我睇你唔到，不知服務為何物，唔係唔駛俾錢㗎，永不會再幫襯！

atmosphere 环境好好， service亦唔错。但食物味道..... 整体普通过普通。价钱market price 个 range ，但牛肋骨难食，唔入味，好老。其他僅合格，唔差亦唔算好。

與朋友來個午餐小短聚我們都喜歡韓國菜式所以挑選了較為有保證的名家不知道是因為一早預定了的關係還是店裹不多人安排了一張可以望到外面景色的4人位給我們2人在這個位置享用午餐也算是一種享受韓國菜餐前都會有伴菜小小一份的冷盤、泡菜都是令人開胃的2人簡單點了2份午餐set一份人蔘雞湯一份炖牛肋骨人蔘雞湯不油不膩，湯味都濃郁雞肉亦都好嫩，沒有粗燥感令人不禁喝完一口湯再想喝多一口炖牛肋骨好入味，以為大大塊骨頭就會沒有太多肉結果又不是，依然有好多肉，亦好JUICY而且煲過牛肋骨的汁用來配飯非常適合簡單叫了兩個SET都已經擺滿了一桌真是令人好滿足

其實我都已經唔記得第幾次黎食，但一想食韓國菜一定黎呢間，因為夠哂正宗，有韓國人侍應之餘，再配合個海景，真係一流!而我每次黎大多個會叫牛肋骨食!佢個份量係超級之多!牛肉大大件伴有少少脂肪，香濃牛肉味，而且仲入蘿蔔，蘿蔔係屬於中間軟硬程度，但都好入味，最重要佢個牛肉汁係超濃，用黎送飯一流!除左主食，仲有六碟配菜都好好味!唔講唔知，原本平時一入座飲個杯唔係茶，而係粟米水!我鍾意啊~唔怪得之飲左唔會失眠，哈~而呢到每次食完比既甜品都唔同，有糯米糍或者柚子凍湯，真係飽到行唔到!

When it comes to Korean barbecue in Hong Kong, there are only two places I trust - Myung Ga Korean Restaurant (名家韓國餐廳) and Seorae (喜來稀肉).And if I don't want to get my hands dirty that day, I would normally go with Myung Ga, who has been my go-to Korean barbecue restaurant for years.The harbour view certainly scores some extra points.Galbi Jjim Jeongsik ($125) - It looks like they've raised the price a little bit since my last visit but considering the generous portion, the new prices still look

早兩個月試過銅鑼灣世貿中心的分店，今日約左朋友去尖沙咀I Square，臨時臨急，都俾我book到，所以今日既lunch 又來名家。不過，冇booking的，建議12點便要到，因為呢到12:30已經好full.Set lunch 價位在100 至180之間，以地段、環境、食物，加上呢到開揚海景，係無得輸既。落完order,以目測估計，無論你係1人2人，還是3人，都會配6碟不同的kimchi的。主菜方面，牛肋骨係必食既，牛肉軟身，味道少少甜，有少少令人越食越開胃。雞肉石頭窩飯，味道正常，但如果可以加D辣泡菜和再熱D會更好。不過，去I square lunch,最重要都係坐得舒適😉

星期一至五的午市套餐價錢是$85-153，而且還可欣賞維港景色。打電話來訂座，可惜窗邊海景座位已全滿了，幸好我們的座位也遠看到一些海景。前菜的六小碟全是蔬菜，炆薯仔帶甜味，其餘的沙律菜、芽菜、菠菜、泡菜和辣青瓜味道不過不失。炆牛肋骨套餐 有大約六件巨型牛肋骨，白蘿蔔也是厚切的，底部還有些栗子。牛肋骨濃郁入味，但不是每件也相同水準。吃第一件時覺非常軟腍，牛筋部分很香。但第二件時，肉質偏韌，有點失望。每份套餐也配一碗白飯，而牛肋骨的醬汁送飯一流。

名家是我其中一間常到訪的餐廳，食物雖不算令人眼前一亮，但環境服務價錢俱佳，在iSquare或世貿中心的分店皆能欣賞到維港海景，吃午餐非常划算🏙燒牛肋骨🐮($118平日)瘦肉部份肉質鬆化，坦白說水準不太穩定，有時會有點韌；而帶筋近骨，帶肥脂的位置亦算得上軟稔豐腴。炆牛肋骨($108平日)伴飯一流！牛肉一般炆得入味，通常晚一點(eg 1:30pm後) order會較入味🐥PS 平日和週末的lunch set menu有點不同食物 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️價錢 ⭐️⭐️⭐️⭐️地址: 尖沙咀彌敦道63號iSQUARE國際廣場27樓

喺香港約會朋友，又想舒舒服服，悠悠閒閒咁食個lunch原本就難，臨時轉地方就更難！今日（臨時）揀咗名家食韓國菜，係一個明智之舉！下午12:20便來到尖沙咀，避開了打工仔嘅lunch hour,唔使等位就即刻可以入座仲可以坐近窗卡位，望住個海景食飯零舍爽我地點左三個餐一齊share ，炆牛肋骨套餐+泡菜豚肉湯，滑豆腐豚肉辣湯套餐，烤芝士辣汁雞扒套餐！一坐低就有六小碟泡菜，有甜有辣開胃醒神！蘿蔔炆牛肋骨，蘿蔔夠淋，牛肋骨夠香軟，除咗蘿蔔仲用咗紅棗去炆，帶出甜味，整體非常入味，而且份量十足！唔怪得坐附近的三枱客人都有叫呢個餐啦！滑豆腐臀肉辣湯，一上枱用石碗盛住嘅湯仲滾緊，非常吸引，湯夠辣豆腐夠滑，味道濃郁只係稍嫌䐁肉，份量較少，鍾意食辣嘅一定好鍾意（邊飲湯邊出汗呢)，如果多番啲肉仲正！烤芝士辣汁雞扒，果然名不虛傳，鐵板上枱熱辣辣，好多芝士係面，用筷子一夾拉起，拉出一絲絲香軟嘅芝士（名副其實嘅拉芝）雞加左辣汁，配冬菇丶蘿蔔等蔬菜炒成，夠香夠野味原本餐廳已經採用玄米茶（夠香好味），食到最尾仲有一人一碗冰凍嘅柚子茶，食完辣野飲凍柚子茶,將頭先食物嘅辣完全消除，為呢一個休閒聚餐畫上完美嘅句號！

無情情掛8號波，仲驚今晚泡菜國大餐泡湯添餐廳位於Isquare高層，夜景尚算一流，唯獨半島酒店阻擋了少許景觀。但無阻過節時煙花美景，希望國慶可再來一趟。我們一行7人，叫左2個set(2人前+4人前) 分量其實都唔細，可能烤肉好快有飽肚感，食到個個都捧住個肚走 美國特級霜降牛肉 有圖有真相d雪花幾靚又分怖平均。烤起來好香，可能韓烤所以d牛油迫晒出黎，食落唔會覺得肥膩，肉質仲好嫩 燒大蝦 蝦肉都好厚身，有咬口脆身，好新鮮 精選美國牛肋骨(上)、頂級韓牛肉眼扒(下)黎到食韓燒叫牛肋骨是常識吧！好味到震~~食到停唔到口好冧肉質好嫩，味道比霜降香濃塊肉眼扒估唔到超，可能有專人處理，烤到外脆内嫩，超重牛味推) 夏日限定既涼麵唔好以為紅卜卜係辣(完全唔辣) 麵質仲好彈牙添~ 好味！ 韓式辣炒年糕年糕煙韌，醬汁野味帶少許辣。辣辣哋都幾夾 石鍋雜錦拌飯(牛肉)石鍋飯不過不失，無咩驚喜 人蔘雞湯雞湯有淡淡既人蔘味，雞肉尚算嫩囗。食物算有質數，下次可再黎試埋其他菜式