名煌金閣

营业中

休息中

係FB見到朋友post即刻好想試，以為好貴但價錢合理，優惠係冰鎮鮑魚同雞湯翅二選一，我們選了$188雞湯翅2~3人，味很濃雞好滑但翅份量一般，二人剛好，第二碗已經冇翅😅魚湯好鮮甜魚肉很滑配米通很特別又香口，杏仁茶都是必叫，甜度剛好，不會太甜，但二人呢個份量，三樣美食已經令我捧腹滿足🥰

話說因為有朋友生日所以四個人一齊去聽聞長沙灣呢間中菜幾好食所以就book咗時間過嚟試一試.我哋四個人就嗌左1. 舟山海蜇2. 麻辣鴨舌3. 金磚豆腐粒4. 鳳梨脆皮咕嚕肉5. 奇趣小炒王6. 黃金脆鮮魷7. 爆米花沙巴龍躉8. 白飯😹.首先講一講個海蜇彈牙得來夠爽調味相當恰到好處讚.麻辣鴨舌超好味夠麻夠辣好惹味出色！.金磚豆腐粒豆腐外脆內軟熱辣辣豆腐味濃且香好食.鳳梨脆皮咕嚕肉鳳梨少酸咕嚕肉係我鐘意既瘦肉味厚 脆香good.奇趣小炒王內有蝦乾，韭菜花，炸芋片，腰果乾等‥林林總總好多配菜炒得夠乾身 好食.黃金脆鮮魷咸香 重手咸蛋黃重重包住魷魚炸後略嫌有少許油膩.爆米花沙巴龍躉魚夠滑 味道好4人份量岩岩好湯好飲.呢間絕對可以encore

放縱星期四團隊今次來到長沙灣的名煌金閣。每枱可以用一個優惠quota, 我哋揀用$188來試他們的雞煲翅。超。好。食。呀！湯好濃郁，好足料👍🏻 誠意推介試埋佢哋嘅冰鎮咕嚕肉。一上菜，見得十幾件，冰多過肉，個碟超太，肉得十幾件，好稀疏😅。而每一件亦比較細。本身個汁都甜酸好食的，份量方面可以調節一下會更好。見到冰鎮鮑魚$28一隻，諗住咁低，每人一隻，點知我哋已經用咗我哋嘅優惠額，我哋要$38一隻，叫兩隻試吓，好食再追加……最後吸引不到我們，味道偏淡，鮑魚質素偏冧，唔夠爽口。叫了條龍躉仔，鮮甜好食，湯都好飲，加埋米通脆脆粒更香口。沙薑煎雞比預期差，煎得啲肉乾了。蝦乾銀蒜蒸勝瓜， 蝦乾鹹鹹香香幾好食😋

朋友公司最近搬咗過咗長沙灣，相約筆者晚飯一聚，兩個人太耐冇見，相約一定到。店內裝修頗新，兩邊卡位，右手邊那個圖形卡位，適合四位朋友傾談頗舒服。由於我們二人，雞湯翅又可以半份上，一於試下二人前份量如何⋯⋯招牌雞湯翅(半份)雞湯份量適中，二人剛剛好。就算二人份量，店員也不馬虎，細心地分上⋯⋯由於朋友㕑藝了得，一見雞身就指出，雞毛仍未清理徹底。鳳梨咕嚕肉$128~用上新鮮鳳梨，咕嚕肉帶點肥美甘香，粉薄而脆口，做得不錯。椒鹽鮮魷~Juicy 有咬口，適合大伙兒。蛋白杏仁茶~由於唔夠熱，蛋白杏仁茶帶點分離，還有進步空間。整體來說: 小店中，服務態度不錯，三兩知己飯聚小天地。

長沙灣收工搵野食，早幾日睇定呢間食雞煲翅，見呢間好評好多，門面都好乾淨好靚試試佢啦招牌濃湯雞煲翅（2人份）$188 🌟🌟🌟🌟🌟💯分雞煲翅，好濃濃既雞湯，明顯煲左好多個鐘，唔會水，好入味重點‼️重點‼️好大排翅，唔係散開哂，唔係一條條，係一排咁黎，份量都唔少，好抵食，必叫黃金鮮魷 🌟🌟🌟🌟 鮮魷有3種食法，椒鹽/黃金/避風塘，我地叫左黃金，姐係鹹蛋黃炸鮮魷，又要一讚，完全唔覺好油，好漏既口感，鮮魷size放入口岩岩好，但唯一份量唔算多，2人食都係岩岩好，不過多人叫埋其他餸都應該岩岩好最後，送上暖暖既木瓜雪耳糖水做結尾，又點可以唔再黎食呀

涼瓜炒牛肉，涼瓜整得好好，唔會太苦，而且牛肉好滑，一啲都唔老，而且醃得好夠味🥰🥰🥰🥰香酥芋泥鴨，外皮炸得好脆，中間包住啲芋泥同鴨肉碎，成個都好香，而且一啲都唔油，😚😚😚勁快比屋企人清晒🤣🤣🤣🤣而且點埋佢啲醋，冇咁油膩魚米之鄉，成條魚有成兩斤重，食之前佢會撒啲炒米喺上面，魚肉食落去超級滑，而且冇乜骨，連佢嘅魚湯都勁好。一啲都唔腥😛😛😛超級欣賞呢條魚，我淨係一個人都食咗超級多🤣🤣紅棗糕，好香紅棗味，食落去唔會死甜，勁好❣️❣️

之前都食過一次啦 間餐廳🍴咁好食梗係唔好俾佢停🤣豉椒苦瓜炒牛肉勁入味煮得 啲牛肉又勁林一路食一路停唔到口♥️豉椒炒蜆係我最鍾意食嘅菜式所以我好會每間中菜都叫黎試吓食😂但係好驚喜因為佢竟然用咗大蜆😍超級開心 啖啖肉香酥芋泥鴨係朋友介紹 食落口真係好多好多芋頭 佢有一層薄薄嘅用鴨嚟嘅 食落去好有口感好有層次！鍾意食罐頭嘅一定要食😍仲有個招牌魚我唔記得咗叫咩名😂不過你問個侍應佢一定知平時我唔鍾意食魚既 我都覺得好好食 因為佢冇骨 同埋啲魚肉好林好香(個魚有啲似水煮魚或者酸菜魚入面果d魚) 個湯好好飲一定要飲晒✨👀炒米粉！可能係我見識少好少食炒米粉加粉絲 覺得好特別🥰最後就食埋個紅棗糕就完啦 哈哈大大既滿足 環境又舒服 幾好幾個♥️

媽媽最近想食龍躉，跟同事講起他介紹我一間在長沙灣的中餐館。位置在天悅廣場，正正在油站對面，非常易找到。天氣炎熱，餐廳有充足的冷氣，十分舒適。餐廳佈置優雅，半圓形的梳化，讓一班人聚在一起食飯，更為親切。我們點了主菜沙巴龍躉魚米之鄉，店員送來的時候把炸米灑在魚身，吸收了魚湯的精華，份外好味 。沙巴龍躉非常新鮮，魚肉爽口彈牙。底部還有一些淮山木耳，養生非常適合。鮑汁蝦子柚皮扣鵝掌，鵝掌非常淋，入口即溶，柚子皮沒有柚子的苦澀味 ，鮑汁每一份精華都滲透其中。他採用蝦子，更覺珍貴。蛋白杏仁茶，杏仁茶好滑，下面的蛋白不會很大舊，一絲一絲的蛋白好有咬感。生炒菠蘿骨，你只會一直食下去，酸酸甜甜，老少咸宜勁夠鑊氣的啫啫煲生菜最喜歡食腳趾，夠淋夠入味

同屋企人食飯，所以特登搵間好野一齊試下～果然無失望呀🤣🤣值得一試～重點分享下先🙋🏻‍♀️••🍀首先當然整個小食啦，冰鎮飽魚～好爽好入味，自己買嚟整都無咁平🤔🤔第一道菜已經有驚喜，所以都期待之後既質素下🤫🤫🤫••🍀另外，我最鐘意既係金磚豆腐粒，賣相其實真係幾吸引下，好脆口👍🏻👍🏻••🍀跟住就係魚米之鄉，本身好鐘意食魚既我，見到有兩斤既魚已經胃口大開，試味後～魚肉都好滑，湯夠濃，仲要有脆米，暫時都仍然印象好好😎😎••🍀甜品方面就有生磨蛋白杏仁茶，好好食既甜品～因為最近個人好唔健康，所以飲翻d潤既甜品，哈哈🥳🥳🥳🥳🥳

今晚同屋企人一齊去食飯，難得屋企人話好耐無食過中菜，我哋就入去試下啦！依間餐廳真係唔好睇少，以為細細間，但裝修得非常之靚，又好舒服，最！重！要！d野食真係好有質素呢😎😎😎😎😎金磚豆腐粒，炸得剛剛好，d炸粉又唔會太厚，外脆內嫩，讚！！！冰鎮飽魚，好入味，好爽口呢🥰🥰🥰🥰特色鮮沙薑煎雞❤️❤️❤️❤️❤️我的最愛呀！好鐘意佢好惹味，估唔到真係咁好食！雞肉好嫩滑，原來咁樣炒真係好正❣️❣️❣️❣️招牌經典雞煲翅❤️❤️❤️❤️唔好講笑，依個真係飲多幾碗都得！個湯底夠濃，相信落足好多料，亦都好甜！佢d翅都絕不少，一疏疏咁食好過癮！！！魚米之鄉！足足有兩斤沙巴龍躉！！又有脆米，又有湯，好正呀！魚肉又好滑！最尾梗係要食個甜品啦，生磨蛋白杏仁茶！！！！完滿的結束！

出色中菜，平時唔鍾意食魚，但係呢間嘅魚真係出色，湯都完全唔會有腥味，出色！1⃣️椒鹽魷魚配埋d炸蒜好好食！2⃣️香酥鴨真係第一次是香酥鴨，入面有芋頭，鴨肉，出面酥脆，第一印象非常好👍🏻3⃣️黑松露淮山蝦球蝦好新鮮，黑松露味好入淮山4⃣️🐟魚對於平時唔食魚嘅我黎講，呢條魚一開頭都唔入我眼，但係我試左第一啖之後完全停唔到落黎，湯好濃，而且一d都唔會腥，完全冇魚腥味，反而係甜甜地嘅湯味，出色！5⃣️炒米粉真係好鍾意粉絲炒嘅炒米粉，而且料真係好足，味道好濃，粉絲嘅硬度啱啱好！6⃣️生磨蛋杏仁茶呢個唔記得影相，飯後甜品叫左杏仁茶，因為太好味，一上個陣就掛住食唔記得影，份量啱啱好，食飽都可以食得落，味道唔會好甜，唔係太鍾意食甜嘢嘅都可以試下！

又母親節又父親節比較出名既中菜餐廳都爆曬場仲要食指定菜式先有位,咁我地唯有再搵過其他餐廳訂位係偉大既GOOGLE幫助下搵到一間係20年先開業既中菜餐廳評價亦到相當好,我地就訂位過去食飯服務比想像中好,環境亦好比起酒店既中菜餐廳呢度無論環境服務都好過唔少餐廳落單前先上茶水例行洗下茶碗茶杯啦,始於新餐廳碟唔會崩,硬件上都好新淨招牌沙薑煎雞同一道菜式,我係另外地方食過呢度做得更香口更好食雞肉用上無骨雞肉,無骨食落更軟滑更嫩新鮮既沙薑清香,雞肉吸盡香味估唔到呢度既菜式真係咁高水準食得出食材係好高質素之餘係用心做撈飯食一流,香而不會蓋過雞肉既味道另外一個招牌濃湯雞煲翅半份足2-3位用$188咋,超抵!半隻雞加上大大抽翅~仲有濃郁既鮮湯鮮味既濃湯都係主角飲得出係熬了好長時,呈奶白色既話多數係用老雞煲,個湯特鮮特濃郁一碗湯翅,3種滋味,濃雞湯,翅,雞肉入口味鮮香,濃,滋補養顏,記得預訂留起又湯又翅十分滿足,仲有雞肉食呢!份量勁多!貪心地叫多個小菜椒鹽鮮魷,雖然飲完湯食左雞肉已經非常飽足,但係呢款好香味惹味 大量既蒜碎辣椒蔥花,未食已經漂起濃濃香魷魚掛上薄薄一層脆衣,包住鮮味十足魷魚片單吃覺得非常爽脆

經朋友介紹長沙灣有一間好好食既中菜咁就約左屋企人黎一齊試試椒鹽鮮鱿 一般 普通香酥鴨 必點必叫 係我食咁多間香酥鴨最好食嘅一間黑松露蝦球 蝦肉新鮮彈牙雜菜粉絲煲 可以唔洗叫 無味既

收咗工同成班朋友一齊食晚飯經過呢間中菜餐廳見裝修都唔錯於是乎投票決定食呢間椒鹽鮮魷💰128炸得好香脆炸粉薄 唔厚魷魚厚肉彈牙 炸蒜味突出加埋個椒鹽同喼汁簡直係超級夾食曬d魷魚之後記得留番d炸蒜瑤柱真菌鴛鴦炒米粉💰108炒米粉偏清淡 唔會太鹹幼米粉口感Q彈炒到乾身 再撒上芝麻我將之前食剩既炸蒜撈埋一齊食別有一番風味可以一試黑松露鮮淮山蝦球💰128西芹、淮山口感爽脆加埋大大隻蝦球完全唔油膩估唔到呢個餸有驚喜荔芋香酥鴨💰118鴨肉紮實、酥嫩不柴 外皮炸得香脆可口芋泥同鴨肉嘅味道完全融合金黃酥脆，入口綿密🐟米之鄉 💰428/兩條🐟魚肉清蒸 魚肉數量頗多口感嫩滑，無乜魚腥味魚湯濃郁呈奶白色我反而覺得似豬骨湯味好味海味雜菜煲💰98雜菜煲內有蝦米、冬菇、粉絲、木耳、蔬菜味道清甜啱曬我地成班食肉獸生磨蛋白杏仁茶💰32食完一餐咁好味既晚餐一定要食番個甜品來做結尾杏仁茶香滑無出面果種「藥水味」好重蛋白味飲完覺得自己養生又養顏

五月的是時候出動，帶父母去食好嘢，聽朋友介紹長沙灣有間好味的中菜廳，正正在天悅廣場下面。生啫大澳蝦醬唐生菜煲，服務員在另一張枱放了燒紅的沙煲，馬上把生菜炒熱快速撈勻，完全係震懾全場。蝦醬調味料的鮮味掛在唐生菜上面，好好味，重點是全場都知道我們點了這一個菜。鳳梨脆皮咕嚕肉，他改的名字真的沒有錯，他的炸醬非常脆後，就算放久了，依然鬆脆無比。鮑汁鳳爪，下面放了紅腰豆，鳳爪的膠質出來了。鮑汁蝦子柚皮扣鵝掌，油子皮的香，蝦子的獨特香味，鵝掌超淋，膠質完全清晰地感受到，柚子皮價格不是很貴，但是做得好食要費時。沙巴龍躉魚米之鄉大約兩斤，送上嚟的時候服務員把炸米灑上龍躉上面，龍躉肉很滑，但仍要小心小剌。下面放了西山藥和黑木耳，黑白雙配，降膽固醇降脂肪，健康首選。蛋白杏仁茶，杏仁茶好滑，下面的蛋白不會很大舊，一絲一絲的蛋白好有咬感。看得出大廚下了一番功夫，對食物有要求，而且餐廳有很多餸菜都適合老人家，所以極力推薦和長輩一起用膳。滿分為10分(1分最低，10分最高)食物：9環境：8.5衛生：9服務：8.5價錢: 8舒適度：9總分：9