名煌金閣

营业中

休息中

今日同屋企人去咗長沙灣到買野 佢哋又話想食中菜 於是拿拿聲上網搵咗呢間名煌金閣夜晚嚟到都幾多街坊喺度食飯 證明質素有保證 餐廳嘅裝修豪華麗嘅中國風 枱櫈夠曬闊落坐得超舒服蜜桃京都骨 京都骨嘅汁酸酸甜甜 配埋生果水蜜桃一齊食更加開胃蔥爆牛肉 牛肉份量都好多 調味非常惹味 送飯一流原籠荷香金銀蒜蒸龍躉球荷葉飯 荷葉味非常香濃 入面嘅炒飯好夠鑊氣 蒜頭同龍躉嘅味道互相輝映 好夾魚米之鄉大沙巴龍躉 超級推薦用魚湯雞湯浸熟嘅沙巴躉 肉質嫩滑而且仲有啲彈牙 證明夠曬新鮮 湯底可以飲埋好甜 上面加上脆米口感豐富 有媽媽嘅味道

6月1號星期二两個人出長沙灣目的係想試吓宜家香港好少地方有得食嘅魚翅撈飯12點15分左右到 唔洗等位就有得入因為家母十分中意食魚翅撈飯同龍躉 所以諗都唔諗就叫咗個花膠魚翅撈飯$88再試埋個金銀蒜蒸龍躉飯$88 两個飯都有燉湯送 如果其他他套餐想小食轉飲燉湯就要加$10 本人就覺得燉湯十分值得飲 原價$38十分足料即叫即燉 好好飲 平時出街飲起碼40蚊以上 所以呢餐送燉湯絕對加分花膠魚翅撈飯$88到重頭戲係花膠魚翅撈飯 一上枱隻碟係超熱 應該係即叫即做 花膠同魚翅份量係完全唔會少 絕對值回票價金銀蒜蒸龍躉 $88呢個亦都令我十分之驚喜 荷葉包住嘅飯粒粒分明 龍躉分量亦都唔少 但最重要嘅係 D蒜蓉真係好好味 係多到可以撈晒每一羹飯嚟食出面酒樓食起碼要$90-120 但呢間送燉湯之餘又多料 係CP值高嘅選擇招牌濃湯雞煲翅 (半份, 2-3位用) $188出面嘅個價錢係原全食唔到呢個質素同份量店員會幫你分埋碗 個砂煲一上枱就係熱到會滾嘅程度 唔會太咸 好多魚翅 差唔多每飲一大啖都有魚翅 好正一定要試一個職員都好nice會向你推介菜式 服務態度好好 而且會主動幫你沖茶唔洗叫出聲 两個飯分量真係好

呢間名煌金閣位於長沙灣天悦廣場地下，從門面驟眼睇落同一般小店無咩分別，內裡裝潢都算舒適順眼，環境幾潔淨，但重點係，其食物質素猶如其名，擺碟有落過心思，而且味道拍得住知名中菜廳，但價錢卻相當平民化，值得回頭再來。特色鮮沙薑煎雞 ($138): 這道菜並不是隨處可見，所以都有啲吸引左我眼球，大量鮮沙薑粒及蔥段炒至香味四溢，雞件煎至金黃微焦，肉汁被鎖在雞件入面，肉質仲幾嫩滑，味道幾濃郁，送飯一流。原籠荷香金銀蒜蒸龍躉球飯 ($168): 呢籠飯都幾大份，三人分享都綽綽有餘，整體十分出色，首先，黃金色嘅炒飯夠乾身，粒粒分明，真心炒得好；龍躉球份量超多，鮮味且肉嫩，魚肉以及飯粒都吸曬金銀蒜嘅味道，十分香濃入味。XO醬炒蝦球 ($168): 蝦球爽滑彈牙，非常鮮味，用XO醬炒更為惹味，其餘佐料有西芹、紅黃椒、雲耳及蔥段等等。生磨蛋白杏仁茶 ($32): 作為一款中式甜品，都算幾合我心意，口感極為幼滑，杏仁味香，濃而不澀，仲加入左蛋白增強口感，非常美味。

個日同朋友來食飯地理位置唔算方便同埋果個天悅廣場有好多個入口好彩我打去問人,人地一講油站對面就見到 (._.)-今天食左魚米之鄉,好好味, D魚魚好滑同埋D魚湯好鮮好好味,連不吃魚的朋友都說好味>w<我覺得佢真係份量好足, 我地4人食真係好多, 如果一家人多d人來食都可以叫條魚食下-食左咕嚕肉, 皮好脆同埋酸甜汁好夠味同埋d肉都好有肉汁, 唔會乾除左有脆皮, 仲有冰陣的VERSION, 但會貴小小下次都想試下有咩分別!-仲食左個了魷魚, 覺得好好味呀d脆醬好夠薄唔會成口都係粉又夠味~-呢間餐廳真係有下次<3

係我印象中長沙灣係好多嘢食嘅然後今日想同朋友食中菜但係又想坐得舒服唔去大排檔我哋路過就見到呢間 就決定入去試吓估唔到有意想唔到嘅驚喜老闆介紹呢個係招牌沙薑煎雞顛覆咗我嘅睇法平時我好鍾意食海南雞因為鍾意無骨呢個雞佢勁滑 勁林 仲要超香同埋仲要係冇骨嘅勁正！我真係明點解佢係招牌叫咗個龍蝦湯烏冬佢係比較清甜啲嘅 就唔係好似西餐咁全部都黃色咁佢就有少少蕃茄粒同埋節瓜粒感覺似家常小菜多啲 XO醬炒帶子蝦帶子同埋蝦 都係比較厚肉同埋彈牙 所以我覺得幾加分另外我覺得呢個甜品出面好少有杏仁茶蛋白 大家都可以試吓

魚米之鄉，本身唔係好鍾意食魚嘅我，平時係極度抗拒魚，一啖都唔會食，但係佢呢一個魚整得好滑好香，冇咩骨，連湯都勁好飲，啲湯好雪白，飲落有少少西式嘅感覺，好清甜又有少少忌廉湯嘅感覺，好鍾意好欣賞，份量又勁足勁大條菠蘿咕嚕肉，上嚟啲肉仲係勁脆皮，連埋啲咕嚕汁，甜酸適中，啲肉食得出新鮮，唔係啲急凍肉梅菜蒸菜心，平時好少會食梅菜蒸，今日突然想清淡少少所以叫咗呢個菜，梅菜連埋菜心去蒸好甜，成碟菜都好新鮮，又唔會蒸得太老，正杏仁茶，係用新鮮杏仁磨出嚟，唔似出邊坊間大部份用杏仁粉沖出嚟嘅，就連我呢啲唔太鍾意飲杏仁茶嘅人都覺得好正，食得出好重杏仁味，甜度都適中唔會死甜，飯後黎一碗咁嘅糖水真係好正

今日來到朋友家中玩，之後在附近吃晚餐。朋友推介這家在天悅廣場的名煌金閣，中菜菜式創新美味，十分吸引。魚米之鄉 虎杉魚賣相有驚喜，很壯觀，魚很大條，魚湯呈奶白色，將魚起肉後再煮熟，鮮甜嫩滑，吸收湯底精華，加上有粒粒香脆的爆米，連湯一起飲晒很美味。特色鮮沙薑煎雞必點之選，用熱鍋呈上，香氣撲鼻，沙薑份量多，惹味可口，油脂香味散發，雞肉煎得外脆內軟，嫩滑多汁而入味。胡椒紅薯粉絲浸大蜆大蜆鮮甜嫩滑，很大隻厚肉，入口爽滑美味。湯底帶有微辣的胡椒味，紅薯粉爽滑彈牙，清甜而入味。黃金蝦多士這道菜很有心思，即叫即做，多士炸得很鬆脆，入口香脆而不油膩，蝦肉多而彈牙，加上有鹹蛋黃醬，十分惹味滑溜，口感層次豐富。生磨蛋白杏仁茶香甜滑溜，杏仁味清甜濃郁，蛋白滑溜清甜，入口即溶。

同朋友仔一共四人想吃中菜，來試試這間小店一坐低店員就推介魚米之鄕，鍾意食魚的我一於試試魚好大條（說有兩斤重）是沙巴躉，魚肉好滑，仲有魚湯好鮮味，鮮味得來又唔會腥，同枱朋友唔係好食魚都話好味還試了咕嚕肉，肉不會太多炸粉，外脆內軟，好有肉味，又唔會太酸，超讚！！避風塘鮮魷，呢個又係好惹味，炸得好乾身，又唔會好咸，正！！梅菜蒸菜心，食了咁多肉一定要食下菜，好少食蒸菜，配上梅菜配搭新穎，顯得菜心非常鮮甜，又唔會蒸得太老，好味道鴛鴦炒米粉，米粉配上粉絲來炒，炒得非常乾身不油膩，好愛吃這種米粉好飽之下店員還推介了他們的馳名杏仁茶，是用杏仁新鮮磨制，非常滑溜，還配上蛋白，好養顏非常豐富的一餐，又同朋友傾得好開心，好適合三五知己聚聚，會再來啊

之前黎過食完之後，今年慶祝母親節決定再黎食，媽咪中意食哩間中菜小館，的確高質！哩d卡位裝修都好精緻，我地預約左坐哩張。漁米之鄉-大沙巴躉 $398左右哩碟魚係我地最喜歡的，好值得推薦！清蒸魚塊好滑起左骨，奶白色既魚湯都係亮點，好鮮甜，仲有鮮椎山食到，哩碟魚適合4人份量，超高水準！豉椒炒大蜆 $118新鮮鮮甜，足夠鑊氣，部份有少少沙，可接受。蜜桃京都骨 $98哩道菜送飯一流呀，啖啖肉，酸甜醬好受大家歡迎。椰汁香芋排骨煲 $108哩個煲出面比較少食到，好香椰汁香味，份量都好大煲，南瓜有營，又林，排骨都幾林。上湯杞子花膠絲浸菜心 $98生磨蛋白杏仁茶 $112/4位哩個都係必食既飯後甜品，美顏養生，好滑又香，好味。

今晚放工跟同事一齊食晚餐，大家都想食中菜，所以經過呢間中菜餐廳，見到裝修都幾新淨，都幾多食客，所以就決定食呢間餐廳。店員安排左卡位比我地坐，叫左香片茶，睇完menu就點左：精選晚市孖寶：鮑汁柚皮扣玉掌、豉椒炒聖子（改蒜茸粉絲蒸聖子皇4隻）；聖子有手掌咁大隻，聖子洗得好乾淨無沙，肉身爽口鮮甜味，上面舖滿有很多粉絲，炒香蒜茸特別香口，爆香蒜茸加聖子一齊食非常夾。而鮑汁柚皮扣玉掌即係鵝掌，有2件都幾大塊的柚子皮，柚皮炆得好腍身，鵝掌約有5隻，鵝掌炆到剛好，不會太腍又不會太硬，好有膠質腍腍地十分惹味，充滿骨膠原，孖寶$338有二食都唔貴食物有水準。上湯杞子花膠絲浸唐生菜$98:有半透花膠絲比較有咬口，而杞子、薑片、中芹帶出香味，青綠唐生菜🥬鮮甜又爽口。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

今晚和個同事一齊去九龍深水埗元州街天悅廣場地下，有間【名煌金閣】食中菜地方，但座位是卡位格局，我地約6點半到已座有好多人，好彩仲有位，坐低後開左香片茶，店員都十分有禮貌，我地睇完menu就叫左：招牌鎮店之寶魚米之鄉大沙巴龍躉（約2斤重）$458: 2斤魚十分足稱，魚肉很嫩滑又厚肉，魚皮更彈牙，濃濃的魚湯非常鮮甜又不會腥，值得一讚；內有淮山初看以為是蘿蔔，十分清甜，雲耳爽口，炒米通是上枱之後才鋪上面，這樣就不會太腍，名付其實既《魚米之鄉》！（半份特價）招牌濃湯雞煲翅$188:半份都幾多魚翅和一份雞，雞湯很濃郁鮮甜，雞肉都很嫩滑，味道剛好，魚翅都有幾塊，極重骨膠原，沒有味精，十分滿意！生磨蛋白杏仁茶$32: 我地叫左2碗，這碗糖水最勁就是很花心機整既生磨杏仁，真是又香又滑，做得好食過好多糖水店，內有蛋白食落有口感，如果大家過來食飯後一定要叫呢度既招牌甜品：生磨蛋白杏仁茶。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

名煌金閣可說是長沙灣地鋪私房菜，食物以海鮮及小菜為主，款式多而價錢實惠，味道上乘，因此也吃上不止一次。黃金蝦多士普遍酒家均是以手打蝦滑拌上咸蛋黃，再鋪上方包香炸。師傅卻是採用原隻大蝦開邊，保留蝦肉原隻口感，爽口彈牙。咸蛋黃增加咸香度，多士鬆化酥香。蒜蓉白菜仔鑊氣足，師傅以大量香蒜爆炒白菜仔，白菜脆中帶嫩。魚米之鄉今次以兩條杉虎斑切片，再以高湯熬煮。杉虎斑是由杉斑與老虎班混種而成，比沙巴龍躉更嫩滑，魚味及鮮味濃郁。湯頭奶白幼滑、鮮味富魚香，湯中夾雜脆米粒，更顯豐富。生磨蛋白杏仁茶自家打磨杏仁粉，杏仁香香濃，茶湯質感幼細順滑。蛋白絲質感似啫喱，呷一口茶吃一羹蛋白絲，美味而富層次感。總括來說，食物高質好味，每款菜式也蠻高質，質素也十分穩定，值得再吃。

.係長沙灣俾我搵到間坐得舒服又衛生既中菜館。.叫左款小食胡麻醬秋葵 $58新鮮既秋葵拌以胡麻醬，清新既涼菜。.麻辣鴨舌 $68鴨舌同雲耳以麻辣醬汁拌勻，惹味又唔會過分辣，越食越想食。.特色鮮沙薑煎雞 $138用新鮮沙薑粒去煎雞真係第一次食，無骨雞肉充滿沙薑既香味，好食。.胡椒紅薯粉絲浸大蜆 $128用胡椒湯浸住好大隻蜆，好正。識食一定係食吸收晒湯既粉絲！.黑松露鮮淮山蝦球 $127大蝦已剝殼成蝦球啖啖肉，配合爽脆淮山件以黑松露醬炒成，清淡而黑松露香氣撲鼻。.生磨蛋白杏仁茶 $32食完小菜好想食甜品，店員推介蛋白杏仁茶。本身我唔太好杏仁茶，但呢間中菜館做得好出色！杏仁茶香而不膩，仲有滑滑既蛋白，好滋潤。

第一次光顧，吃午飯，點了：1瑤柱福建炒飯（$78）送小食份量很大，飯底炒得香，上面鋪滿了醬汁和帶子粒、豬肉粒、冬菇粒、紅蘿蔔粒等豐富食材，味道很不錯。小食是麻辣蓮藕粒，味道較淡。2原籠荷香金銀蒜蒸龍躉飯（$88）送原盅燉湯以往在其他食店以差不多的價錢點過類似的蒸飯，是個小蒸籠，而這店用的是大蒸籠，米飯多，龍躉也多，蒸籠一上桌，我們傻了眼，兩個人不可能吃得完。這飯不但份量多，味道也好。米飯和魚片的上面鋪了滿滿的金銀蒜，蒜味滲入魚片和米飯中，很香，魚片肥美，又很嫩滑，好吃，飯略嫌濕了一點，荷香也不足，不過整體來說已很不錯。湯是雞腳瘦肉湯，清清的，也算不錯。3冰鎮鮑魚（ $28 ）這冰鎮鮑魚價錢平，但淡而無味，不好吃。總括來說，除了冰鎮鮑魚以外，這店食物不俗，環境服務也好。

今日和朋友往長沙名煌金閣食晚飯聚舊, 我們了金磚豆腐粒, 原籠荷香金銀蒜香蒸蝦炒飯和避風塘鮮魷。金磚豆腐粒炸得金黃, 每顆豆腐粒的大小均勻,食落豆腐香滑, 配上醬汁食落惹味；原籠荷香金銀蒜香蒸蝦炒飯份量十足, 蝦大大隻, 食落新鮮彈牙, 不會過熟,炒飯炒得乾身美味, 飯配上炸蒜和雲耳, 炸蒜能升惹味口感, 雲耳爽口能中和油膩感, 整份原籠荷香金銀蒜香蒸蝦炒飯份量十足, 賣相吸, 材料豐富；最後避風塘鮮魷炸得金黃香脆, 鮮魷食落惹味彈牙, 配菜青椒食落鮮爽口, 整碟避風塘鮮魷食落有鑊氣,佐酒一流。酒樓座位闊落, 燈光光猛, 餐具整潔企理,食物夠鑊氣, 食物美味高質, 份量十足,適合三五知己聚會地方。