名煌金閣

营业中

休息中

第一次黎這邊食飯，經朋友介紹，一行四個人，叫咗四個菜：1.鹹蛋金沙骨：脆漿上得啱啱好，唔會好油同好厚，隔咗一陣食仍然feel 到香脆，鹹蛋啱啱好包住金沙骨，唔使太多，因為太多就會好油同有時會太鹹 2. 古法陳皮蒸頭腩：用料食得出好新鮮，魚皮彈牙，有陳皮香味，連埋個蒸魚豉油，即刻可以送幾碗白飯 3. 鮑魚雞煲：一上枱，已經有個種醬香飄出嚟，鮑魚食落口，好有口感，雞亦有滿滿嘅醬香味，夠曬惹味 4.鼓油皇海蝦：海蝦新鮮，泡油泡得香脆，加埋包惹味鼓油，想連殼食埋隻蝦。最後叫左四個生磨蛋白杏仁茶，好香杏仁味，飲落口好滑，唔會有好似出面食個d 會有d 粉狀物體係碗到，甜度適中，加埋蛋白，又香又甜。四個小菜加甜品，已經好飽，人均消費大概$200，以咁嘅貨素有係唔錯，之後應該會再嚟想試吓佢個魚米之香同杏汁白肺湯。

小菜出色，款式多，下次有機會再試下其他菜式。四個人食左四個餸再一人加一個生磨蛋白杏仁茶(網上食評必叫)。我認為最出色係陳皮古法蒸斑頭腩，真係啖啖肉，蒸到岩岩好，魚汁送飯一流，不知不覺食咗成碗飯👏🏻👏🏻今次仲試左邪惡鹹蛋黃金沙骨，鮑魚雞煲，豉油皇海蝦添😋😋下次會想試下魚米之鄉同麻辣手撕雞，見到隔離枱有叫，不過已經點咗菜，無辦法。環境都唔錯，新派風格又帶點傳統，坐得幾舒服，重點係乾淨🤓🤓

平時同朋友想食中菜又想經濟啲，都唔多選擇。搵到呢間抵食又唔錯嘅餐廳。地點都算方便。先叫個蟹肉金絲炒飯$128，呢個飯份量非常之多，幾個人一齊食就啱。蟹肉一絲絲，而且飯炒得夠乾爽，調味又恰到好處。菜叫左大澳蝦醬芥蘭煲$108，我鍾意嘅蝦醬好香，而且係個煲入邊所以可以保持溫度，啲菜夠熱辣辣。芥蘭爽口新鮮。鹹蛋黃金沙骨$98，呢一個我覺得係必叫。因為個鹹蛋黃非常邪惡，鹹蛋黃非常香。啖啖充滿鹹蛋黃，好好食！魚米之鄉，呢個係大沙巴龍躉，魚嘅肉質新鮮，好食！最後嚟返個甜品，蛋白杏仁茶。呢個天氣食真係唔錯。

長沙灣區較多舊式食肆，呢一間食肆門面以為係較舊式，點知入到去裝修好靚，而且座位坐得好。我哋四個人好多嘢都想食。▶️鹹蛋金沙骨$98呢個充滿鹹蛋，整得好好食😋口感豐富而不油膩。金沙骨肉夠林，相當唔錯。▶️蒜片燒汁安格斯牛仔粒$148蒜片夠香，加上安格斯牛仔粒肉質juicy ，一粒粒充滿燒汁。▶️大澳蝦膏肉片蒸豆腐$98呢個好似好簡單嘅餸菜，但係佢整得相當出色。蝦膏鹹鹹地，帶有肉片，然後豆腐夠滑，真係可以用來撈飯。▶️大沙巴龍躉魚米之鄉$398呢個肉魚一上枱已經非常吸睛，賣相靚；而且非常有氣派。魚夠大條，肉質夠新鮮，魚肉彈牙。▶️生磨蛋白杏仁茶$28/碗呢個估唔到咁好食，有淡淡杏仁味，但係唔會太濃，所以就算唔鍾意杏仁味嘅朋友都啱食，而且非常滋潤。

頭先買外賣 湯飯，個牌寫明話附送黑松露蛋白因為本人好鍾意食蛋白所以先會買呢個湯飯套餐比錢個陣都已經有問個企收銀既經理會唔會有，佢話有之後我拿外賣返去拆開個袋發覺無，我就原封不動拿返返去問佢；經理：個陣忙，所以答唔到，如果你要投訴可以搵我，我最大我：咁我落單個陣問你你又話有，依家比完錢又話無，咁我想退錢經理：小姐，無呢個規矩架wor，食物出到黎無得退架啦，你要投訴搵我咯—————事後我將袋食物原封不動比返佢，更贈言「祝你生意興隆」我想講其實我可以投訴消費者委員會，佢咁樣係做出虛假說明條例，但係我無，因為佢唔值得我搞咁多野相同咁多位準備去食呢間餐廳既人講，如果你要食，你要準備好承受返呢個經理出爾反爾既態度話唔定下次個個就係你PS：如果唔係貪方便都唔會去呢間

長沙灣近年開了一間以魚香招來，主打魚之風味，餐廳好古色古香，地方簡單又不失風味豉油王海蝦炒到非常惹味，豉油嘅鹹香在鮮蝦中發揮得淋漓盡致，蝦身爽口又彈牙爆炒呢款牛仔粒真係好惹味，牛肉粒都幾嫩腍，入面仲有杏鮑菇口感似足鮑魚粒鮑魚雞煲都可以一試，鮑魚爽口彈牙而雞件都很嫩滑入味，用送飯一流上湯菜苗都要叫，淡淡清香嘅上湯，茶苗簡單吸味已好好食，菜很新鮮翠綠魚米之鄉大沙巴龍躉係呢到賣點，用咗魚米之鄉方法去煮，湯底呈奶白色，而沙巴龍躉非常新鮮又甜美，魚肉入口嫩滑，整體不錯喔最後一定要試埋甜品，呢個係蛋白杏仁茶，非常養眼又滋潤

長沙灣有水準既中菜館！估唔到環境咁靚😍感覺好得體❤️店員嘅態度好好👍🏻食物非常有水準！又大份！所以我哋都一致覺得CP值好高！蜜桃京都骨 $98肉質彈牙😍味道啱啱好！出色！必試呀！下次再食先🤤大沙巴躉 $398招牌菜之一！好大條龍躉呀！出菜果陣已起肉，細心，啖啖魚呀🥰魚肉好鮮甜😍肉質幾嫩滑～好掂呀！個湯都可以飲埋🤤我哋一邊食一邊大讚好有水準👏🏻豉味涼瓜炒牛肉 $98正常水準，岩晒媽咪既口味，大碟抵食！京蔥爆海參 $138比想像中大碟！海參嘅數量都算多~好入味呀，香口幾惹味👍🏻上湯杞子花膠絲浸菜心 $98菜好清甜，有益呀🤣奇趣小炒皇 $128一向好鍾意食小炒皇，呢間既都好食～生磨蛋白杏仁茶 $112/4位杏仁茶好香滑，係個好好既飯後甜品🤍

真係好耐都冇晚餐食中菜⋯今次嚟到長沙灣呢間中菜餐廳試下～佢面積都幾大，每張檯都好大坐得好舒適。不過我哋坐咗入房，就冇咁闊落。呢度嘅定價算係中中等等，唔特別貴，亦冇話好抵。款式選擇多，由各款海鮮、小菜、煲類，到甜品糖水都有。首先真係要推薦呢個手撕雞！應該都係佢哋比較招牌嘅菜色～《麻辣手撕雞（半隻）》$148係勁大碟！就咁睇個價可能會覺得有啲吊高咗，但其實佢都唔hea, 有好多配料。調味恰到好處，麻辣唔會太重，慢慢累積會開始辣，但唔會好辛苦好麻。 唔太食辣嘅朋友都應該食到。雞肉口感都算軟嫰但我稍嫌佢未夠香同滑。可能因為佢係冇汁，所以整體都會偏乾少少。青瓜大大條，清爽味道剛好中和番雞嘅麻辣。仲有扎肉做配料，都幾出奇～而且份量唔少。《生啫大澳蝦醬唐生菜煲》$108之後講下呢個生菜煲～都幾浮誇！因為佢係臨上檯先喺個熱煲內灑水同放菜炒，炸一聲～～～ 勁多水氣令到個菜上檯時係超熱，亦保持到菜嘅爽口。個蝦醬汁掛咗上菜就啱啱好，就咁食會太鹹。個汁混有肉碎，而且食完啲菜都淨好多汁。如果加碗飯送埋佢會勁正！《砵酒焗桶蠔》$188呢個係令我頗失望嘅菜色⋯事慣我都幾鍾意食桶蠔但佢呢個製法就好似用桶蠔嚟整蚵仔煎咁

這家中菜館位於長沙灣區，裝修典雅舒適，深木色的椅框襯托墨綠色座椅，配以紅色的山巒牆飾，再加上木條天花，整體感覺雅緻又舒適，很適合一家大小或朋友聚會。菜館以粵菜為主、當中有包括多款前菜小食、燉湯、小菜、炒粉麵、甜品等一應俱全。如果想吃得豪華一點，鮑參翅肚不可少，價錢方面亦相當大眾化。金磚豆腐粒（HK$58)👍👍👍👍👍吃主菜前，先點了一款香口小食。豆腐切成粒狀，外層炸至金黃香脆，裡面則軟綿幼滑，佐以醒胃的喼汁，一粒接一粒，令人吃過不停。奇趣小炒皇（HK$128)👍👍👍👍這碟小炒皇材料十分豐富，有韮菜花、蝦乾、魷魚、菜甫、銀魚乾、紅辣和腰果等。那麼為什麼會叫奇趣/脆呢？原來材料方面還有一樣獨特的配搭，就是炸芋絲，炸過的芋絲香脆可口，令這碟小炒皇增添奇趣。砵酒煎焗斑球（HK$168)👍👍👍👍👍菜式用了深海龍躉切片，炸過的龍躉魚肉鬆脆香口，肉質鮮嫩，魚皮煙靭彈牙。配合了酸甜的砵酒汁、洋蔥粒和辣椒粒，味道和口感都配搭恰宜。麻辣手撕雞（HK$148/半隻）👍👍👍👍半隻手撕雞堆，一座山那麼高，手撕雞肉還夾雜了切條扎肉、爽脆青瓜，配以麻辣的醬汁，淨吃或餸飯，同樣美味。生磨蛋白杏仁茶（HK$28)👍👍👍👍

這間手工粵菜館座落長沙灣，地點不太近港鐵站，都花了一點時間才找到。不過食物水準實在十分高，這點時間我倒不介意花，很有卧虎藏龍的感覺。點了魚籽銀湖雪影大蝦，惹味陳皮欖角骨，蒸斑頭腩，花膠雞湯翅，粉絲蒸元貝，炒安格斯牛柳粒。除了牛柳粒較油膩，其他小菜在味道上，還是賣相也是無可挑剔！花膠雞湯翅的湯呈奶白色，味濃鮮甜，魚翅花膠足料。陳皮欖角骨煎得香脆，味道甜甜的，忍不住一件又一件吃下！魚籽銀湖雪影大蝦賣相很美，雖然用上雪藏蝦，但配上滑溜的蒸蛋，清淡得來不失美味！元貝大得驚人卻蒸得一點都不過火！沒想過每人埋單只是$300，值得不斷幫襯！

華麗堂皇中菜。 點止少少，但裝修非常骨子，冠冕堂皇。 我們一坐低看一看餐牌就比魚翅濃雞湯吸引了，毫不猶豫就order了這個。湯底非常濃郁，裏面有全隻雞，魚翅嘅份量亦都10分多，足夠六個人享用。價錢只係$400左右，非常抵吃。把一大鍋分成六小碗，每碗都有滿滿的魚翅呢，非常滿足。跟住就是這裏馳名的魚米之鄉，兩斤重的桂花魚， 非常鮮嫩， 上桌後才下的炸米，卜卜趣，多重口感，很有趣。最後吃一碗生麻杏仁茶作結，圓滿的一餐。

來過天悦廣場好多次，呢個算係我人生見過最奇怪的商場。係上面個間茶樓，食個好多次，感覺麻麻，因為老公屋企人喺呢邊住所以成日喺呢度飲茶。不過朋友就推介我過嚟呢間餐廳食飯，話好有驚喜。開頭睇個名以為又係一間酒樓，但去到其實係間小餐店。星期一晚上八點去到，竟然高朋滿座，仲要等咗一陣位，都幾surprise ；我覺得應該有啲料到。裝修非常之好，侍應有禮貌，全部官仔骨骨。最出奇嘅係呢度嘅菜式全部都唔係好貴，怪不得咁多人。本來想叫幾個菜式，雞煲翅二百幾蚊好大煲，好想食，但冇訂就賣晒，非常可惜，下次真係要記得預訂。先點菜，而家最好食冰菜，胡麻醬冰菜，$48，正。麻辣手撕雞，驚喜不斷，麻辣好正，竟然有扎肉，飲杯啤酒送，一流。魚米之鄉，絕對係正到不得之了，一斤已經好大碟，用上雞煲翅湯底，齋飲個湯已經好正，加上脆米，是晚無龍躉，用上石班，正到無朋友，配菜更有淮山和雲耳，個湯同魚送飯一流。荔芋香酥鴨，絕對是精彩，唔油又大份，荔芋好鬆化，好好食，中間夾著啲蔬菜，感覺就冇咁油膩，好細心。生磨蛋白杏仁茶，可能剛剛所有菜式都太好，甜品就相對淡淡的，簡簡單單件結。呢度嘅員工服務態度非常好，晚飯仲竟然唔計茶芥，價錢公道，

💛 長沙灣新開中菜館，座位寬敞，坐得幾舒適👍🏼💛 金磚豆腐粒 $58🐼見到呢個就話要嗌，皮薄夠脆，唔會話太厚皮。💛 椒鹽金沙骨 $98呢個送飯一流!! 金沙骨都有好多件😊 🐼仲用埋啲椒鹽嚟撈飯食😂💛 麻辣手撕雞 $148重點重點！😍 仲可以叫走辣或者小辣👍🏼👍🏼 好大盆！調味好好味，下面仲有青瓜，我瘋狂食呢個菜🤣💛 干煸欖菜肉鬆四季豆 $78炒得好香💛 薑汁炒白菜仔 $78可以自己揀唔同嘅煮法，同埋唔同嘅蔬菜🥬👍🏼💛 生磨蛋白杏仁茶 $56超滑😋 杏仁味唔算太重，啱我呢啲唔係太鍾意重杏仁味嘅人😂 做甜品一流！

今晚和好友來到位於長沙灣【名煌金閣】晚飯。我地其實只是娛打娛撞來到，經過天悅廣場看到間門面唔差既中菜館，反正大家也累了，就在此開飯吧。 中菜館當然以中國風為裝潢，很多精緻的小擺設， 令客人感到舒服又不浮誇。 大廳兩邊四人卞位和 圓形卡位，坐位夠寬敞， 可惜我們沒有預約，無卡位坐， 坐在大廳中間冷氣是挺冷的，大家要小心。 當晚是週末，基本上全是街坊, 少有我哋呢亭過街客 朋友負責點菜，不久兩小菜、一炒飯也奉上。麻辣手撕雞$148第一印象是超大碟，看真一點原來除了手撕雞肉之外，連雞殼同上碟， 真心有點怪，明明啖啖肉現在又要挑雞殼， 到底係乜野玩法呢…….以味道而言是合格的， 材料有雞絲、扎肉、青瓜絲等。 醬汁特別小小有麻辣外，還有點麻醬香，醬汁味夠霸道，喜歡重口味既朋友不坊 試試。 瑤柱蛋白炒飯$118同樣是超大碟，色澤金黃，睇落唔差。炒飯也干爽不油，可惜瑤柱和蛋白也小，間唔中先見到一兩注瑤柱絲，陰公。 砵酒煎焗班球$168班球其實是班片, 約有六大片，班片尚算厚身，魚肉結實有彈性，口感微微香脆，不俗。砵酒汁厚重微酸，嫌醬汁份量太小，唔夠分。 本來想試燕窩杏仁茶 $48 ， 最

久違了同老友記一齊坐底食個飯計一計應該有大半年 咁就年尾🤦🏻‍♀️拿拿林見疫情少左 即刻約食生日飯去左老友屋企樓下嘅名煌金閣地方大 坐得舒服 防疫功夫做足 食得安落店員推介麻辣手撕雞同埋佢地嘅招牌菜 魚米之鄉先黎手撕雞 半隻雞勁大碟 佢加左好多青瓜同扎肉入口少少麻辣 好惹味好醒胃 雞肉嫩滑配上青瓜嘅清爽同埋扎肉 呢個組合正跟住叫左脆皮咕嚕肉 唔係得個名 真係脆架啲醬汁痴住每一舊肉 酸酸甜甜 食唔停口豉油皇鵝腸 本身唔好內臟嘅我都忍唔住夾幾次鵝腸好爽口 但唔會太咸 終於到主角出場 魚米之鄉 一定會用兩斤重嘅魚整魚肉嫩滑 而且無骨 岩晒我呢啲大懶人而且面頭重有啲脆米 加埋鮮甜嘅魚湯一齊食 好味到停唔到口 重點係一啲都唔腥最後叫埋佢地另一招牌甜品 蛋白杏仁茶唔會太甜 但好滑 呢啲天氣食岩岩好 潤一下