名苑酒家

营业中

休息中

今年遲來慶祝父親節 ，簡簡單單食餐飯，落長輩樓下名苑第一次訂家庭團餐，老闆好好招呼知道有幾位老人家，就安排咗房間俾我哋食飯，好讓老人家食得開心！因為遲咗慶祝，又係閑日，變咗我哋可以訂到呢個1888/10位餐！但雖然話係10人餐，但係喋喋餸都好足份量，而且有啲意外驚喜添😍大家都可能因為放工太肚餓啦，好多餸都影唔到落檯果刻既完美擺盤😂不過除咗擺盤一啲都唔馬虎之外，味道確實係值得一讚！陳皮鮑魚好腍，超級適合老人家咀嚼，而且又入味，推薦！翡翠百合炒鳳凰，一上枱就深受檯上嘅年青人/保健人士嘅喜愛，滿滿嘅蛋白質雞肉加翠綠嘅瓜菜炒得唔錯，有咬口之餘唔會太濕或乾身👍🏻👍🏻鮮奶卷同脆秋葵，一嚟到就深受大家嘅熱愛😂欣賞餐廳一改傳統團餐菜裏面脆炸選擇。既有老少咸宜嘅鮮奶卷，並且考慮到唔太喜愛食脆炸食物嘅家人可以選擇健康脆口嘅秋葵，既有新意又有心思🫶🏻impressed!!呢碟蒸斑腩，成枱人都好喜歡，魚骨分明 啱唔同Level嘅食魚人士之餘，又有咬口，味道合適，而且食完唔會口乾👍🏻👍🏻一魚兩味第二個選擇就係碧綠炒海斑件，蒸嘅海斑件咬口又Q又彈牙 係滿滿魚膠吸收🥰🥰，呢碟炒嘅就香口之餘有魚味👍🏻兩碟魚我都食左唔

第一次試呢間酒樓，朋友喺附近做近所以約咗嚟呢度食下午茶。嗌咗15樣點心，牛肉球同燒賣夠哂大粒，係咁多樣點心入面最滿意嘅兩款。炸魷魚鬚同椒鹽海蝦就相對遜色，特別係椒鹽海蝦食落冇味。效率相對普通，個叉雞飯等咗九個字未到，於是嗌人跟跟，結果催咗三次先嚟到。服務態度算不上熱情但可接受，未至於「差」。

新年期間早幾日打電話想訂枱，但被通知細枱無得預約，咁都無辦法只可以去拎飛。去到細枱輪飛個半鐘都等唔到4張飛。中間望到有吉枱佢又唔叫飛，等等下就有熟客就咁入去坐。建議唔係熟客都唔好去等

名苑酒家九龍聯合道198號樂富廣場商業中心1座3樓3108號舖今日放假，好友約我去飲下午茶，我地食左：生拆蟹粉小籠包（2隻）$38，拼盤（蝦餃、菜苗餃、五穀粗糧糕）2個 $96，蟹子燒賣（3隻）$25，白玉棉花雞 $30，下午茶孖寶（煎腸粉+山竹牛肉）$38，茗茶每位$8。點心係我的至愛，尤其是生拆蟹粉小籠包，熱辣辣的蟹粉餡料，連汁都食埋，好味👍！白玉棉花雞的雞肉嫩滑好食。難得好友一齊飲茶，一定要食飽飽呀！

隨意揀咗揀就腳嘅茶樓食中秋節飯. 樂富地鐵站上蓋,好方便.服務我嘅女侍應態度好好,有禮貌,笑容滿面☺️叫咗一隻燒BB豬,一個冬瓜盅套餐（有燒味雙拼,雞,龍蝦伊麵）,一隻片皮鴨,一個特色套餐（東星班,雞同海鮮菜煲）, 再點多金菇沙嗲牛肉粉絲煲,金銀蛋莧菜. 9個人食夠晒.食物唔算好出色. 燒味嘅叉燒肉質比較硬😓BB豬皮脆. 片皮鴨擺盤幾靚☺️冬瓜盅,多料嘅,有螺肉蟹肉蓮子瘦肉...清清哋🥰之後送上番薯糖水作結尾, 本身番薯都甜嘅保得有夠薑,好味！

今日陪老人家，中午第一次光顧呢間酒樓，我叫左一碗油雞飯，見沒有俾薑蓉，我便問一位看似部長的男士，麻煩他給我一小碟薑蓉，想不到他竟然說：「油雞有味㗎，唔需要薑蓉。」需要需要是由他決定嗎？我是客人，見微知著，呢間可以不用再幫襯。

今早到樂富名苑酒家外賣自取一個胡椒豬肚, 這麼簡單不需蒸煮只要裝落外賣盒但等左半個鐘還未有得取, 要投訴先即時送出來而且沒有半分歉意, 超沒有責任感的酒樓, 以後不會再光顧.

早前已經預約了位置，準時到，等了20分鐘，先至入得去。途中有好多熟客都沒有預約，但是很快就進去。入咗去個水壺入邊冇水，點左嘢食，等咗20分鐘先有。對餐廳十分失望。

補寫食評用餐日期：2021年12月5日 星期日Weekend，生活節奏自自然然的放慢，睡飽飽，到達樂富廣場差不多是下午茶時段，名苑酒家門口有幾人在等 (裏面有位，但下午茶時段未開始，店員不安排入座)等了約15分鐘，可以入座，點了以下的：#普洱茶：濃淡適中，挺好喝的！#安蝦鹹水角：皮卜卜脆，餡料足，好吃！#糯米釀雞翼：微辣，糯米飯軟糯，不錯！#叉燒湯米線：叉燒有點硬，不推薦。#胡椒酸菜豬肚：本餐最貴亦最差！豬肚沒處理好，有股羶味，胡椒湯底太重手，嗆！總體一般的用餐體驗！

今日做吓孝順女，同老爸去嘆早茶，可能係假期關係，時間尚早，唔洗等位就直入坐低叫嘢食。脆皮䐁肉韮菜餃 🥟$26真係炸得幾香脆，韮菜亦很香，可惜真係勁多油，一路食一路滴油。鮑魚汁炆鳳爪 🐓 $52呢個值得推介，鳳爪夠大隻，炆得夠入味，又夠腍。個鮑汁味道亦很好，濃味得嚟又唔會太鹹。鮮淮山百合炒西芹 🥗 $68呢碟淮山同百合都炒得夠爽口，但d西芹真係唔得，有陣澀味，最後成碟食晒，剩返d西芹。海班件煲仔飯 🥘 $68魚很新鮮，夠肥美，食魚一向嘴刁嘅老爸都讚d魚好食。不過飯底落水太多(或者未夠火喉，收唔到水)，食落太腍、太黏，失去煲仔飯嘅神髓，如果呢煲叫海班件蒸飯應該會更好。酒樓嚟講，食物質素唔算十分好，但比起商場內另一酒樓，呢間叫做好好多。不過侍應唔多，我們坐位較入，要叫侍應唔太方便。

疫情下，真係人都煮到癲，當諗唔到有啲咩idea嘅時候，外賣係時候要出馬了。名苑最近出了疫情外賣套餐，兩個餸外賣$148 ，每個外賣盒加兩蚊，所以買單是$152。小炒王雖然份量比較少，但是醬汁調味得很好味，很有風味，有蝦有帶子仔。咕嚕肉份量比較大，啖啖肉，啱晒屋企有細路仔。

餐廳裝修新淨，內部環境好寬敞，最近有推出多款廣東海鮮配sake既新menu！新穎嘅配搭，再加上價錢相對合理，吸引左唔少年輕人🤭🤭今次就同朋友試咗以下呢一款配搭：$118一位享用蛋白蒸鮮帶子，時間上掌握得啱啱好，鮮甜嫩滑，健康又好味🙈再以$388叫左一支南部美人吟銀河純米吟釀清酒！清酒飲落有淡淡花果的香氣，口感偏圓融滑順，後勁味道較濃厚。用sake嚟襯托帶子既鮮味好絕配，更能帶出整體香味！👍🏻

咁啱同屋企人喺呢間酒樓食飯，見到有個叫做神鮮配搭嘅推廣，望一望原來係做緊海鮮加清酒嘅套餐配搭 而且都有鮑魚食😍😍冰鎮三頭南非鮑魚 $188 只三頭呀，可想而知有幾大隻，其實呢個價錢食到三頭真係算好抵，況且南非鮑魚一向都唔平，平時普通酒樓食都要幾十蚊一隻，啖啖肉新鮮 爽彈😍😍 食10隻都得🤣真澄 茅色KAYA 純米酒 $238 支推廣menu 嗰度介紹食冰鎮鮑魚就要配返隻純米酒，原來「茅色」係取自收穫的季節個陣金黃色的稻田。而且仲用咗當地長野縣產米釀造，特意降低左精米既程度，以將米中所富含旨味完美咁呈現出來。唔怪得知咁香米味🥰🥰

呢間酒家位於樂富商場 地點非常就腳 見餐廳最近搞緊個清酒活動”Seafood loves sake” 作為清酒發燒友 咁新派嘅配搭 特登嚟試一試🤣成個體驗要$118/位 我地仲以$388加左清酒一支 都覺得好值得！今次試咗蛋白蒸鮮帶子 新鮮清甜嘅帶子配上廚師秘製嘅芡汁 肉質較厚身 口感偏彈牙爽口 而蛋白蒸到剛好既狀態 好滑身🤤可惜份量真係唔大👉🏻👈🏻再配上由唎酒師推介既南部美人吟銀河純米吟釀 同帶子嘅味道非常相襯 將整個味道嘅層次提升👍🏻👍🏻

大大隻大閘蟹又有酒飲😍去到11月就係大閘蟹嘅季節，跟住就同左屋企人去明苑酒家度食啦佢哋而家做緊個套餐，$118隻精挑江蘇大閘蟹仲可以以優惠價$268加有一支清酒Seafood love sake 呢個活動係限定嫁呢隻大閘蟹特別大隻，佢個殼非常之鮮色腳蟹肉好多，蟹肉鮮味非常之出色另外我哋加個支清酒就係真澄 辛⼝⽣ー本 純⽶吟釀佢呢支清酒會相對上比較乾身，完全提升左成個大閘蟹嘅鮮味，仲可以減低蟹膏嘅肥膩感因為佢都要入口，所以其實唔覺唔覺都飲咗幾杯但身心唔錯自己應該都會想買番一支嚟飲