名苑酒家 (已結業)

今日同朋友聚餐，對方住天晉，所以選擇jor樓下既酒樓～我地一行12人選擇jor個套餐套餐有龍蝦伊麵、蒸魚、老火湯、涼拌小拼盤等～而且仲有壽包、粽子、雪梨糖水等套餐黎講，內容非常豐富但係有啲過多我地最後都食唔曬～味道則不過不失～最好係哩到既裝修，因為偏新所以坐得舒服～不過空間就好細啦.而且哩到既經理服務係無笑容㗎而且上菜成日係小朋友隔離上菜（如果整親小朋友點算）細節位如果可以留意多啲可以多啲街外客（宜家普遍都係附近住戶客）而且價錢仲要偏貴，貴的話服務相對提高會好啲

今日下午來到名苑飲茶最希望吃到的是紅棗糕真的是我吃過最好吃的 {{ 乾清棗皇糕 }}熱騰騰 煙煙韌韌的 紅棗味好足糕添喔👍👍而叉燒腸粉 賣相已經很吸引了切成一小份令平時不太喜歡吃腸粉的我也引不住吃了好幾條皮薄 餡又多👍👍全部點了味道都很不錯下次要再來😋

之前買落coupon ，$5xx 有4人套餐，係抵食既，但每樣份量唔多，食完只是剛剛飽～食左先影🙈🙈🙈前菜：口水雞，手拍青瓜口水雞同青瓜都唔太辣，老人家食都得。但實在太太太咸啦！！！口水雞同青瓜都咸到不得了，食到狂飲茶，最後要用水沖沖d醬先食得落！冬瓜盅有6碗，好足料的。味道唔錯，唔似落左味噌，有家的感覺碧翠象拔蚌，都係咸左少少。沙巴龍躉，好食，無腥味，唔細條，疆蔥味好香仲有個冬蟲草泡青菜，簡簡單單，無影到相。明蝦球，外面好脆，入面好熱，有隻大蝦，蝦脆而爽口，配埋外面既醬，好好食全餐唯一的澱粉質，蜂蜜小米糕，清甜的蜂蜜味，口感似馬拉糕。糖水。將貨就價啦～簡單中菜，不錯👌🏻

今次第一次去光顧，人不是太多，等位等了半小時，見佢平時都好似幾多人食，唸住去試下，首先等執枱又等，入座時話下午茶時間，到埋單欲計正價，因為話唔係填下午茶點心紙，但個menu入面找不所謂的下午茶點心紙，點心味道不過不失，叫碟炒野，落左單又話賣曬，轉第二樣時又話廚房可以炒唔使轉，但係最後都係冇黎，又冇人加水，冷氣完全弱到爆，食到一身汗，唔怪得兩點後已經唔使排隊等位，因為實在唔值得再次光顧，簡直食到一肚氣。

2018年5月19日 (星期六) 1:30pm 33°C 環境光亮整潔，餐具乾淨。 我喜歡茶壺、瓷杯、瓷碟均印有綠色花卉圖案，秀麗典雅，散發一種淑女氣質 ❤_❤ 瓷碟左邊位置微微突起，設計新穎時尚；每個座位都各自提供公筷和私筷，衛生意識高，值得一讚！ 侍應臉帶笑容，收拾蒸籠和碟子的速度快，服務殷勤。 人數：3 人 HK$426 銀芽肉絲香煎麵 - 麵餅炸得非常脆口，咬下時卜卜有聲，正呀！ 豬肉絲不肥膩，完全沒有肥膏，感覺健康一點。銀芽爽口，最特別的是蔥，比較大條和粗厚。玻璃茨汁不算多，否則麵條就會腍和失去脆感。【推介之選】❤❤❤ 蜂蜜柚子雞中翼(4隻) - 雞翼炸得金黃，外脆內嫩，面層塗抹蜂蜜，加上灑遍柚子汁，味道酸酸甜甜。底部鋪滿炸米粉，小朋友至愛。【推介之選】❤❤❤ 原隻蝦球燒賣 - 大大隻蝦，爽口新鮮，豬肉餡料肥美，味道佳。 鮮味筍尖蝦餃 - 餃子皮厚了些，但質感滑溜，蝦肉甜美。 秘製叉燒腸粉 - 賣相相當獨特，切開六段，三人分享最合適，每人兩件。叉燒味香，不煙靱；青瓜清涼爽口，夾雜著蔥絲，於點上豉油後進食，整體味道得以提昇。 桃膠西施杏仁茶 - 杏仁味道香濃，幼滑清甜，只是

今晚五人去完沙田辦事，回將軍澳晚飯。此館是我們其中一人至愛，無他，因為招呼好，食物好，價錢在此區算街坊價。招呼好有不同準則，此店店員說話直接，有些人可能覺得不禮貌，有些人卻覺得十分街坊，倍感親切。晚飯分兩輪，我們6時準時到達，已經八成坐滿。小食是海鹽生焗脆秋葵主菜有胡椒酸菜煮海斑件、鮑汁花膠珍菌豆腐、金獎蝦醬海山骨、鐵皮黑豚叉燒皇、湖北欖菜肉碎四季豆甜品奉送杏仁茶和綠豆沙脆秋葵有點醒胃，是吃主菜前入口佳品。秋葵據說有清熱作用，但生焗後不知還有沒有效。我們叫了五道菜，本來我們以為叫了靚湯，但幸好漏了叫，因為胡椒酸菜煮海斑件本身是魚湯窩，份量很足夠，每人可添兩至三碗。金獎蝦醬海山骨以蝦醬醃制再炸，十分香脆。據聞港島某高級餐館亦有此菜式，但價錢貴三倍。 店員備上鐵皮黑豚叉燒皇時特別做一個花巧示範；在枱上先放下燙熱鐵板，再將叉燒倒在鐵板上，招牌叉燒頓變成一道高貴菜式。  叉燒肉質鬆軟，沒有多餘肥肉，食後明白為何食館要花那麼多心思安排此道菜。甜品我只嘗了杏仁茶，雖然是送的，但做法毫不馬虎。整體來說，樣樣菜式都很好，份量大，服務亦十分快捷。芸芸將軍澳區的中式菜館，此店算得上招呼朋友不會失禮之選。 

諗住近屋企所以都試下，都知道星期六，日都會好多人，但發覺連續兩次個侍應都先俾自己識既客人入先，問左有無得打黎book 位，門口既話無，但又見有人打黎佢幫佢mark booking, 問入面既侍應又話有。到叫野食，叫左幾次都無人應，加單又漏單！野食偏油，選擇不多！叉燒包皮不夠軟熟，叉燒好少，小籠包好粉好難食！排骨味道正常但好大嚿，下面腸粉無味！真心服務態度咁差，食物普通，如果唔係近屋企其實唔會想黎，可惜星期六日所有地方都咁多人！價錢偏貴！

星期天去飲茶，9點多去已經要排隊，人很多。前幾次人不算多，亦覺得食物過得去，於是再次光顧。其實茶樓的食物質素很難說的，因為有些點心是出自同一個點心製作工廠，再批發出去，有時候試過幾間酒樓點心，總覺得千篇一律，所以飲茶最看重的反而是服務和環境。點心不錯，這家酒樓面積不大，要服務有服務，服務不錯不過可能太忙，食物質素不一，今次覺得粉腸很油，有時候不明白，明明油也要成本，為什麼不節省用油，食得健康，大家也開心。

Popwalk 果邊開左咁耐，都好少行過去果邊，聽聞開左好多新餐廳都未試過，心思思成日想試新野！加上早前見到Yahoo團購，有名苑酒家有呢個“4人九大簋晚市套餐“（$498唔包茶介加一），但都諗住同屋企人去試下啦！！訂左6點，去到都係得一台食客，陸續先有人入座！本身因為訂台果時係訂4人，臨時加左個人變5人， 門口知客就話我地唔預早通知人數變左，因為full booking 安排唔到大啲嘅台，都係坐番4人細台！（呀姐語氣有少少串，但態度還好！（其實我地都無要求過要大啲台！）等左一陣先安排到我地入座（其實都無得轉台，都係本身果張加多個位，唔明點解要我地等....）一坐低， 阿姐問我哋飲咩茶，然後拎咗啲茶出嚟同埋一杯秋葵乾， 阿媽就話係咪送嘅，侍應行過就話唔係，係要收番$28......有少少覺得怪怪....其實如果唔食係咪可以比番佢，就唔收錢？ 不過我地都幾鍾意食秋葵，咁就是旦啦！都幾香脆可口幾好食嘅！！！個造型都幾得意！！要讚下先係，上菜速度好快，員工都好快手！一開頭上嘅係頭盤！“陳醋珊瑚紅海蜇頭“+“沙薑豬手“！份量都唔算少！第一次食珊瑚紅海蜇頭，其貌不揚，質感好爽口！好好食！陳醋酸酸

今日懷著試新嘢的心態嚟名苑。我地約早上十點到，等了十多分鐘便有位。由於今日公衆假期，坐近門口也無所謂啦！但一坐底，先嚟一個點心，之後要等到十一點先嚟餘下的點心！芋角多油到成個紙盞都係油。腸粉係要有油，但都唔洗油光滿瀉！嚇死人！個义燒包內好多肥膏，仲好甜！真係咩茶樓嚟架！一定無下次！

為了食片皮鴨而去因為將軍澳冇乜地方有片皮鴨食，於是就去咗試依間酒樓。首先去到有炸秋葵做前菜，一改我對秋葵嘅印象，好似薯條咁，好好食！點菜嘅時候，嗰度嘅員工都好親切、好有禮貌好nice！我叫左片皮鴨兩食炆茄子、龍蝦伊面、仲有隻蟹(爸爸想食，但我唔記得叫咩蟹)、齋煲。個到片皮鴨係即叫即片，仲係你面前片添鴨皮好脆，燒得好好不過片得冇乜肉係上面，而且包鴨嘅皮比較厚，不過已經好不錯太開心所以淨係影左片皮鴨同埋有段小插曲佢上左包片皮鴨啲皮先開始幫我地片鴨，佢叫我地吾好開個個裝住包片皮鴨嘅皮嘅籠蓋住，到片完鴨之後先開因為怕會凍，然後，差唔多5分鐘之後，佢終於片完，然後一開蓋嘅時候，包片皮鴨嘅皮俾個啲水氣整濕咗，因為太熱又冇開蓋，我媽咪就問吓啲員工，點知員工一聽到，二話不說就幫我地入去換多一籠完全冇推搪同埋個到食物都好有水準，好有自家小菜感覺，可能因為個到細，比起大酒樓更有心思！而且食完一次片皮鴨有優惠卷，下一次可以$88一隻再食，第1次食要$228一隻，不過食完1次就有卷了不過一定要提早預留，因為一晚只有數十隻總括而言，很好會再去👍🏻

起菜又慢，菜又少！ 7個人食了兩個幾小時，分開來慢慢上菜，所以食極都食唔飽！ 又不敢再加菜驚唔知要等到幾時！見到旁邊幾張枱都要向服務員/經理追幾次菜！我最後走時要去旁邊的美X快餐買了三個外賣返屋企再食！ 幾個月前去過食，當時還可以的，所以今次再去，點知食到一肚氣！總公司真的要睇睇是不是想做飲食生意的，咁樣的服務下次點會再來食！

以前可能大家都會聽過，飲茶最緊要都係果壺靚茶嘅茶葉要好質素，留住客仔嘅武器。但今時今日並唔係咁簡單，要配合埋 點心嘅質素同味道先算合格。"名苑酒家" 分店不少，而將軍澈澳呢間就剛剛先開張並位於ＰＯＰＷＡＬＫ入面。可惜樓底較矮，周邊亦相對較嘈，要傾計嘅可能要大聲少少。服務方面亦有點兒參差，全因果位乜都唔講就一野隧碟野埋黎嘅姐，ＥＱ要再高一點 ...食物方面就有驚喜，因為小編就正正俾佢地果條 "厚切蜜汁叉燒" 吸引左，而翻丁左幾次。其他點心都算合格，大家不訪試試。

星期日中午同老公2人來名苑飲茶，無下午茶時段，即係sell服務同食物質素，點知！？服務奇差不特止，重要卑個帶位推撞！帶位個阿姐，為左招呼d熟客，一手推開我要我讓路比佢d熟客，之後若無其事，一句sorry或者唔好意思都無！😡又親疏有別！熟客無訂位就即刻入座，我地呢d生客就等勁耐。以為門囗個個只是冰山一角，點知，坐低之後，叫個茶水姐姐加水，黑口黑面，仲倒瀉唒d水係張枱！😡隔離熟客要咩都有求必應，仲送甜品，我地就叫咩都扮聽唔到😡不過作為食評，我都提下d食物，免得篇文卑人DQ，佢個花膠灌湯餃，個湯幾好，不過價錢就$43一個！紫米鬆化銀蘿脆腸粉，都入口鬆軟，隻碟就好長啊，但係就得6粒！平心而論，野食係ok，但咁的價錢，咁的服務態度，真係完全唔掂👎🏻

星期六、日去飲茶食點心寧舍啱feel...反而閒日放假又唔太想去飲...奇怪呢…PopWalk天晉滙係將軍澳新開嘅商場...自自然然吸引咗其他食店進駐...「名苑酒家」就係其中之一...此乃正門...有一級...唔明點解唔整斜梯...首先將軍澳唔係舊區、二來PopWalk唔係舊商場、三來「名苑」只係開業無耐...點解無障礙設施做得咁唔細心？！其實將軍澳一帶有好多輪椅使用者...因為係新市鎮...而社區嘅無障礙設施做得唔錯...所以係街上唔難見到輪椅使用者及老人家...不過公平d咁講...酒樓有另一側門可以入去...但事前要侍應搬開所有雜物...咁既然樓酒願意左搬右搬....作為消費者亦覺得fair...室內空間較為擠迫...枱與枱之間亦擺得較貼...從茶杯就知呢間酒樓唔會平...所以$13/一位茶錢紫米鬆化銀羅脆腸粉（$36）做得精緻餡料係蘿蔔絲...味道ok...遼參菜苗餃（$36）清清哋...幾好食！四寶滑雞扎（$36）呢個好味！食到雞肉有少少薑味...芋頭亦夠粉...最緊要夠熱...奶黃流沙包（$32）好好食！食到蛋黃有粒粒狀...好夠鹹香...餡料亦夠多...最回味呢款點心！