名苑酒家 (已結業)

多了一天假期，又唔想出去太遠的地方搵食（始終打風嘛），於是又去幫襯《Popwalk》的餐廳，數下數下已經是這個新開商場的第五間了。打風的日子，一家大細最好去飲茶磨時間，於是去了《Popwalk》內唯一一間港式粵菜酒樓「名苑」。去到酒樓已經接近中午12點，即使是平時的週末，港式飲茶都會有很多人，何況打風的日子？算好彩酒樓不是超級多人輪候，只是等了半個小時左右就獲安排入座。近年港式粵菜酒樓愈開愈細間，並且走較精緻路線，已經沒有可能再重現幾十年前筵開百幾席的大場面，傳統酒樓的龍鳳大禮堂也已消失無踪。「名苑」隸屬於某飲食集團旗下，單是「名苑」本身這個品牌已有幾間分店，全部也是跟隨潮流趨勢，只勉強稱得上是一間中型酒樓，包括這間新開的將軍澳分店。午市的餐牌也比較簡單，只有一張點心紙、前後兩頁。反而餐具設計卻相當值得欣賞，一杯一碟、茶壺等等皆有統一獨特的圖案；雖然並不是什麼名牌瓷器，但卻有一份高貴優雅的氣派。直至一星期後，筆者在某個私人會所內的中式酒樓用膳，才見識到另外一套筆者認為更值得讚賞的中式酒樓餐具。遼參菜苗餃（大）（$33），一見到這個名字就覺得非常吸引。眾所周知，遼參是中菜的高級食材，亦即

在精緻的餐具襯托下，飲茶確是一種享受。高身茶壺for滾水，圓壺鐵觀音，茶香味濃。名爐叉燒腸粉上枱連碟都係熱上，一絲不苟！腸粉都唔係浪得虛名，叉燒好食唔在講，仲有翠肉瓜和莞茜，視覺見到好精緻，食落又好有層次感的腸粉。生拆蟹粉灌湯包，皮薄餡靚，見到包住蟹粉湯已經流口水。瑤柱紅米珍珠雞好健康，碎咸蛋、雞粒、瑤柱、紅米，比一般珍珠雞高級，可細意品嚐。花膠灌湯餃也很足料。養顏蛋白杏仁茶極力推薦，一向好怕食杏仁味食品，但係呢個杏仁茶處理得宜，帶着絲絲蛋白，秋冬滋補好選擇！

6人中午飲茶給你一張4人枱, 要求換枱要再等, 但熟客入來不用一分鐘即可入座, 問經理原因佢話人家有訂枱, 但我上午致電想留枱, 佢明明話飲茶冇訂枱, 擺明只想做熟客生意, 生客過主

星期日中午飲茶兩位唔派飛，9成9嫌你霸張台食得少，聽都未聽過，未見過酒樓咁大支野，唔駛錢都唔會再黎openrice最鍾意無野食唔俾post, 但我入都入唔到去試野食，今次嬲嬲豬點都要話俾人聽唔好幫襯，將軍澳大把酒樓揀唔駛食佢

新開張做推廣，有特價食品，被3頭飽魚吸引只售$68。所以全家出動，吃番餐晚飯，順道慶祝生日。鮑魚軟韌適中，醬汁味美，值得一試。至於小菜牛柳粒，略為味濃，而前菜青瓜海蜇的青瓜不入味，稍為失色。而其餘餸菜:西蘭花帶子，菠蘿咕嚕肉，壽包等也不錯。

被特價的蠔皇翡翠3頭鮑魚伴椎茸而吸引選擇名苑進餐，雖然是特價，但仍保持水準，鮑魚沒有煮得過火，軟硬適中，蠔汁沒有過鹽或過淡，而配菜椎茸，雖然厚肉，但仍入味，也不令人失望。另外，值得試的蜂巢芋盒鳳尾蝦，芋頭餡配蝦，味道不俗。而遼蔘菜苖餃，味道不過不失，但遼蔘由於切得過細，很難試其真正的味道。最後，京式叉燒包，特別在於包皮，用生煎包皮，有別於一般廣式叉燒包皮，餡料比較少，實屬一般。