名苑酒家

营业中

休息中

重陽節紅日午市時間同屋企人飲個茶11點零到，等位15分鐘左右紅日嚟講算ok不算太耐4個人叫咗11樣嘢，午市正價$540整體質素中上，點心應該係自家製比較大型連鎖店工廠製嘅好食好多！特別值得推薦嘅點心有：1️⃣原隻鮑魚燒賣鮑魚好淋，一口咬得開2️⃣遠年陳皮牛肉球大大粒，好足料好多芫荽馬蹄3️⃣遼參野菌餃素食，皮薄，好香，無肉都好惹味4️⃣黑金流沙奶黃包熱辣辣，好流沙，麵包鬆軟⭐️⭐️⭐️⭐️⭐️⭐️⭐️⭐️見到點心紙上，假日12點前結帳都有早市優惠有特價點心，抵食啲！下次試下！

中式飲茶，香港人日常，沒甚麼特別，只講今次幾款有水準之作。鱿魚鬚，調味適中(纯個人喜好)，皮脆鱿嫰，熱燙燙，即叫即炸，"赞"，不是這麼细碟，吃了一半才記得拍照。燒鵝米線，燒鹅瘦且腍仲係小脾，"贊"，其實要碰運氣，隻鵝賣到邊部份。煎堆仔，又係即炸，盪咀，"贊"，最怕室温食品，不知放了多久。以上三款是老媽至愛必吃，其它一般，不講。

曾經名苑對我來講係一間好好食嘅酒家，我記得好多年前就算特登搭車，都會嚟最近嘅杏花邨名苑飲茶，而唔喺屋企樓下飲茶但係依家真係往事只能回味今日難得放假，特登又來搭車諗住飲個靚茶食個回憶，點知！嗌咗同伴最鍾意食嘅炸鮮奶，點知！點知！點知！黎到竟然係凍嘅！ ！第一次食凍嘅炸鮮奶！之後嚟咗金錢肚，我都唔知係個金錢肚本身壞咗定係個汁有問題，有浸酸宿味食完去到飲茶尾聲都仲有浸臭臭地味都唔知關唔關佢事。其他排骨飯啊，腸粉，燒賣就冇乜嘢好講⋯普通屋村級酒樓水平哭咗，早知去食個all day breakfast 好過成日都有個念頭想努力寫多啲食評，好嘅都寫吓，結果每次都係劣到喊㗎我先的起心肝即刻寫食評名苑no more

作為一個清酒愛好者，周不時都會留意下有咩清酒嘅活動。今年第二輪Seafood Love Sake活動新增咗唔少餐廳，我就搵咗間公司附近嘅名苑酒家，放咗工約埋同事一齊去食😆😆平時都係同同事喺居酒屋飲清酒，而家連酒樓都可以品嚐到。根據返餐牌上推薦嘅配搭，我哋揀咗款蛋白蒸帶子，配南部美人純米吟釀，酒身飽滿，飲落口圓潤得來帶點有甜味，店員拎埋個冰桶出嚟幫我哋雪住，方便一路食一路飲。主菜嘅蛋白蒸鮮帶子，較為淡口，所以加上一層芡汁入味，加上帶子嘅鮮甜味，整體不錯。如果帶子份量多啲就更加好同抵食！

去日本餐廳飲sake就飲得多，喺廣東酒家飲清酒呢？🍶我都可以係一個幾唔錯、幾新鮮嘅體驗。原本都係諗住叫點心食，但係見到呢個餐牌幾得意：有三個菜式分別配了唔同清酒。我自己鍾意食帶子，所以就揀咗呢個蛋白蒸鮮帶子，加$388可以有一支清酒，呢支係南部美人 吟銀河 純米吟釀。蛋白上面明顯有一層芡汁，係用高湯製作而成，味道香濃，蛋白軟滑，鮮帶子爽口，就咁配白飯食都夠晒🤣🤣清酒酒體飽滿，帶少少甜味，可以提升到成個菜式嘅鮮甜度。

平時同friends對清酒都有少少研究，🍘見到推出的呢一個🍥特色限定餐牌「SEAFOOD LOVES SAKE」，dinner time都心思思🤤上嚟試下。🤩冰鎮鮑魚好大隻。因為夠重手，用咗三頭嘅份量。所以食起身好厚身，而且係南非出產鮑魚，🤓因此更加鮮美。鮑魚好新鮮，食落去口感好唔錯，搭配埋佢哋嘅，😎純米酒真係 perfect。濃郁嘅米酒，🤤牌子係真澄茅⾊KAYA，好香米味❤match酒味係我最愛。

上網見到有人講而家一啲嘅中餐廳都會用日本sake搞返一個crossover，上網就見到一間酒家有做呢一個活動就走去試一試。坐低咗先發現，原來呢一間係需要成支清酒咁叫，而唔係一杯杯咁上，不過都唔緊要，唔太貴就叫咗一個蛋白蒸鮮帶子，配上南部美人吟銀河，算係三款酒入邊最貴嘅一支。講返主菜個蛋白蒸鮮帶子，質素比想像中高，喺蛋白面頭仲會用貝嘅精華整咗一啲芡汁，整體鮮味昇華左，蛋白亦唔過火，好幼滑嘅質感，而帶子鮮甜，大小亦算適中，搭配酒不錯👍🏻

今日又來到名苑飲茶喇，即使係平日晏晝，杏花邨呢一邊人流都非常旺盛，今日主要目的係同女朋友慶祝升職，一於決定食豪少少，見到枱頭有一張比較新穎嘅menu，係一道道餸配上清酒嘅一個組合，而當中就有一款冰鎮三頭南非鮮鮑魚，價錢$188隻，唔使我講都知有幾咁矜貴🤤而同鮑魚搭配嘅呢一支叫做真澄 茅色 KAYA純米酒，屬於一款比較清幽淡麗嘅酒，最適合一啲比較原味嘅海鮮！鮑魚上到枱賣相亦非常浮誇，size足足有我成個拳頭咁大，配豉油Wasabi咁食，同喺出面食omakase嘅鮑魚有過之而無不及，冰鎮更能突顯食材嘅原汁原味😳

趁着水尾時分，決定沖去餐廳食多次大閘蟹，平時硬係覺得喺餐廳食到嘅大閘蟹點都會好味過自己揀同埋自己蒸嘅大閘蟹，喺餐廳食到嘅膏總是特別多😂行行吓街見到杏花邨名苑酒家呢度有得散嗌大閘蟹，所以就入咗去試一試，經店員推介，大閘蟹配埋一枝日本清酒可能會有一番新口味，呢枝酒加配$268優惠價，同出面市價差不多，重點係大閘蟹即使係四兩半公，但一拆出嚟竟然有驚喜🥰爆膏不在話下，配一杯清酒提鮮之餘仲可以減低罪惡感😂說話唔多講，自己睇圖，估唔到真係爆膏，而且好似當叫下一輪大閘蟹，價錢係變$98/隻，幾合理

今晚2個人食小菜 係酒樓開飯 貪佢易搵位菜式 薑蔥爆魚腩 肉片炒芥蘭菜 油雞例牌 桂花糕一份用薑蔥爆鮮魚腩 魚腩大件肥嫩 入口肉質仍非常嫩滑之餘魚油都好甘香肥美 食鮮味不花巧唔靠醬汁爆炒肉片芥蘭菜 肉片係豬肉片 鮮芥蘭菜肉甜無渣油雞例牌份量 2人食剛好不太多 雞脾位 豉油帶甜 雞脾位特別嫩滑啖啖肉 個雞皮帶爽好食桂花糕清香不甜 一層係椰汁糕 共4層入口溶化散發淡淡清香桂花甜杏花邨盛泰道100號杏花新城1樓133-135號舖消費$300評分8/10

我們非常明白食物要耐心等候，等候期間絕無投訴，但煎腸粉等了30分鐘後，上檯時竟然全碟都是凍的!!!! 向經理投訴後，經理說只會幫我們用微波爐翻熱那碟煎腸粉，還用那對曾用作執檯的手套幫我們處理食物，相當不衛生，情況令人咋舌! 結果下單超過一小時，食物仍然未到齊，全家人要餓著離開酒樓。人手不足尚可體諒和忍耐，但食物質素和衛生情況如此差劣，實在不能容忍。我們決定以後不會再光顧這間酒樓! 希望酒樓可以改善情況!!!!

今日去名苑攞位，攞位時已通知要近玻璃的位置 因為疫情有小朋友 不想坐太多人流的位置，叫臺號的時候，專登不順臺號叫，讓其他臺號的人先坐，然後就跟我說，無近玻璃的位置 到我去到她分給我的臺時，我見到近玻璃有位，只是未收拾好，我說我等她收拾好後，要這張得嗎，她說好。結果她們收拾哂其他桌子都不來收拾我這張桌子，等了很久，我再問部長 可否幫忙收拾一下我的桌子，結果，他們說收拾好的不坐，他們無時間收拾你這張，最後我氣到走了，無食，太過份了

快樂時光像照相一般「印存腦海中」增加自己快樂嘅感受與家人相處和朋友相聚飲茶，心靈上互相支持，可以得到非錢財的滿足今早約埋家人一齊飲茶，選擇咗人流少啲嘅杏花邨，期待輕鬆自在一D！野菌餃~ 師傅混合菇菌粟米作餡料，菇菌炒到乾身薄皮潮州粉果以花生、韮菜碎、豬肉碎、蝦米等為餡料，吃到皮薄喊靚，可惜自己忘記蘸上辣椒油，不然就更完美了燒賣皮鎖住到豬肉嘅肉汁，蝦有咬口，口感唔錯啊侍應人數不算多，佢哋都好快手勤力，上點心的時間稍慢，但係都可以明白理解嘅

一向都覺得這間酒樓食物質素，味道都唔錯，所以我放假又早起就會去歎個早茶！ 不過今日我所見所聞就影響了我繼續來的期待銀針粉是凍的上枱，侍應的服務質素會因應你是否常客去招呼（明白有利事的潛規則）但真係連最基本的加茶水都當看不見🙈所以沒理由令我想再坐下去享受我寧靜的早晨

我同媽媽兩人嚟飲茶二人位攞左B飛20號前枱叫B23 24號都唔叫我地問佢點解佢就用唔咸唔淡嘅廣東話話係b枱嚟咁我就問點解b飛唔坐得佢就不耐煩咁話係大枱嚟。。。我望一望部攞飛機，明明B飛係2-4人枱，何來大枱？再問阿姐疫情期間係咪會搭枱所以兩位唔畀入？阿姐就一手抬起對住我整個stop咁嘅手勢然後無答我，繼續做自己嘢我即刻好嬲，問佢咁嘅手勢係咩意思，又唔答我問題到有位之後又無人帶位，未入去食嘢已經一肚氣