君戶鍋貼大王 (已搬遷) 新店位置

同朋友在尖東搵野食，見到這間有我至愛的鍋貼及豆腐花，就去試吓，結果中哂伏⋯⋯首先，我最怕油煙味，但阿姐硬要我坐一個接近廚房的位置 （在角落位有空枱的，又不是繁忙時間，但唔俾坐！）我見會快閃，所以亦費事去第二間，就勉強坐下⋯⋯結果聞到煙味好唔舒服，又成身油煙味好討厭😡鍋貼算係中規中矩嘅，不特別出色，但也不算難食菜肉雲吞啲皮勁厚，我未食過咁厚皮的雲吞，好差👎豆腐花更離譜😡我未食過咁鞋的豆腐花，仲要我叫阿姐糖另上，佢竟然成包紅糖叫我自己要幾多倒幾多，而唔係放在碟上😅我相信我唔會再來

受疫情影響，全香港餐廳六點之後禁堂食。多謝政府，令大家可以喺咁有聖誕氣氛嘅尖東街頭齊齊掃街，用聖誕燈飾送飯。鍋貼（5隻）｜$16拎住一袋二袋食物，去到長椅，啲鍋貼已經打咗好多個關斗😂附送左一包醋同一包辣醬，加埋一齊食竟然都有驚喜！鍋貼底煎到好香脆，鍋貼入邊竟然仲有少少肉汁！雖然未做到皮薄，但係咁平民價錢，食到熱辣辣新鮮出爐又幾好味嘅鍋貼，都值得一個正評！禁堂食，好多人都黎呢度掃街。附近仲有台式炸雞/雞蛋仔/茶餐廳/手搖飲品店...etc. 我地等咗兩轉先買到喔！

嗰日喺附近揼完骨 諗住瞓醒食個早餐 見到有鍋貼豆漿即刻衝左埋去食 點知係一個天大嘅伏🤦🏻‍♀️呢啲就係我叫咗嘅嘢先同大家一齊研究吓個鍋貼皮大家見唔見到啲白色位置 咬落係乾到爆🤨真係諗緊係唔係喺街食緊鍋貼 一世人未試過喺街食啲咁難食嘅鍋貼煎到咁好唔好意思學人開舖？🤯大家仲可以睇吓個底完全係煎得唔夠色水 完全煎唔夠時間個鍋貼仲要唔熱嘅 有少少凍🤯之後我同佢哋講話加熱翻俾我哋然後大家可以一齊研究吓隔離嗰pat醬點解加熱完會乾咗嘅🤔🤔除非佢係成個碟拎去叮或者蒸熱🤔🤔呢間舖頭真係非常耐人尋味🤔🤔🙈🙈🤯🤯

又是半小時這種唔拖唔水的時間吃東西覺得太趕乾等又太久不過最後還在選擇了去醫醫肚先 就點些快的吧 腸粉❤️簡單卻是不容易 只有新鮮才好吃的而這家也不錯耶雖然不是剛蒸起但其實也不失禮比起一些店的乾硬化腸粉好多了不過也有在下意見改進的地方或許醬料應該讓客人自己加會開心點味道也才會合客人的個別要求這是微微的美中不足之處再點一份紅油炒手哇 餐牌的圖片果然是只供參考真身的賣相很好耶 太好了看到就已經有了一定的滿足感炒手配肉鬆也是衝突中的唯和感感覺不配 但吃下去也沒什麼好像怪怪的但又絕不會不好吃吃了兩粒電子响 原本的預約提早了呃..這又是再一次的沒辦法慢慢品嚐味美了趕快吃完趕快閃

尋晚經過尖沙咀，看到我以前喺佐敦食過嘅一間鍋貼大王，就諗住買返屋企食，講真鍋貼就不過不失，但係個凍豆腐花係我尼世人食過最難食嘅豆腐花，食落去似布包豆腐咁，仲要比佢實d同鞋d，簡直一試難忘🤮🤮🤮。啱啱睇過其他食評，原來之前已經有好多人彈，我都唔明點解唔改善，可能佢班熟客鍾意食咁嘅豆腐花😨😨

環境乾淨，員工服務態度正常。下午時段食。唔係好肚餓所以叫咗鍋貼同豆漿😃。$15五隻鍋貼，我叫咗10隻。再加左一支$12豆漿。佢啲鍋貼又熱又脆😍😍，最鍾意食脆卜卜嘅鍋貼❤️❤️❤️🥟🥟🥟佢啲肉餡唔會好少。10件好快就比我食晒，豆漿都好大支，相信女仔咁食一定會飽曬😂😂😂。經過嘅話推薦大家去試吓💛當食下小食又得，當正餐食又得👍🏻睇餐牌其實佢仲有好多嘢食㗎，例如碗仔翅，酸辣麵，同其他麵類，飯，粗炒下次經過都會再食👍🏻👍🏻

之前喺灣仔食過覺得都ok，尖沙咀間舖又逼又細，明明張枱只可以坐四個人，老細夾硬要坐到成五六個人，膊頭貼膊頭嗰隻，跟住重點係成間舖頭九成都係大陸客，香港人冇乜得幾個感覺，喺入面要拿拿臨食完走人嗰隻，啲筷子又污糟！冇下次！

今日落大雨 經過呢間君戶餃子大王記得之前都好似食過味道幾好 既然周圍落大雨 晤方便周圍去 好啦今日就再一試啦😊😊😊😊😊同同事share的十隻鍋貼老實講有啲失望 因為本身店舖係主打呢樣野無諗過會晤係即煎 連基本番熱都係hea做黎到既時候只有表皮係暖 內部係凍的另外皮亦都晤脆 係一隻晤合格既餃子豆漿有豆味 同時都有豆渣 隔渣得晤太夠豬扒菜飯 豬扒先上 係即炸既豬扒 但係個炸漿上得麻麻有啲直程成塊皮無左。。。。菜飯等左十分鐘先有 好油呀佢用左好多油加garlic爆炒個菜飯 好咸 晤岩我口味

五隻鍋貼（$15）2.5⭐️好耐以前喺大埔食過同一間嘅鍋貼，個次啲餃子好乾，所以自從果次之後就冇再食。因為晚餐唔想食咁飽，所以今晚再試多次。岩岩好我點既時候佢新鮮出爐，今次啲餃子冇以前大粒，啲料少過以前，個餃子皮煎到有啲硬，食得有啲辛苦。唯一好處係佢肉算多汁，味道就一般啦，要點埋豆板醬先好食。15蚊有五隻，算係咁。豆漿（$10）2.5⭐️佢都算大杯，味道同以前飲開既差不太遠，都係甜味大過個豆漿味。

我十分推薦大家去試鎮江骨, 因為鎮江骨很入味， 配上菜飯,鎮江骨肉甜甜的感覺可以說也很豐富酸辣湯的酸度和辣度不足，檯面上的調味料也沒有醋，不能再把酸度提高。整體黎講一般般, 不過真係要試下個鎮江骨

話說夜晚八點鐘要聽演唱會 放工時間又趕 去到尖咀附近 求其搵左間鋪 諗住填填肚 費事一陣肚餓 時間都趕 就入左去呢間食鍋貼 1. 鍋貼 （豬肉） 內面無菜的 好似淨豬肉的 新鮮煎出來 算juicy wo 因為一咬 有少少 肉汁的 都可以 算好食的 如果 豬肉有菜做料 會更好 更有口感的 2. 凍豆腐花 千萬不好點 我未食話禁粗糙的豆腐花 豆花 好明顯看到一粒粒的 不好講滑吾滑啦 係食上口 好粗糙 好難食 我可以講 從來未食過禁難食的豆腐花 點了 一定後悔3 豆沙煎餅豆沙 好少 好少 完全食不出 淨見到一層層面粉包住 薄到吾可以再薄的豆沙 好fail , 都係吾建議點的

今天中午和同事食這間鍋貼大王，菜單上有飯/麵可選擇，中午食段生意也很好，今天選擇菜肉雲吞麵，炸小饅頭，冰豆漿，雲吞很大顆，湯的味道偏清淡，我喜歡炸饅頭配ㄧ點煉奶，超好食！

星期二午餐時間去咗食呢間上海野，個人覺得啲鍋貼唔錯3.5元一隻，我食咗五隻另外叫咗一碗豆腐花，埋單都係30蚊左右。啲座位嚟講呢，坐嘅話系有啲逼，因為枱與枱之間比較密。

最愛演唱會。小時候欣賞演唱會為一重大盛事，能夠近距離接觸高高在上的明星，即使買不起握手位，就是於中游位置仍能感受那全城注目的氛圍。而這一項活動，更是倆小無猜，男生約會女孩的必殺環節。然而，隨著科技進步，藝人利用社交媒體作宣傳，與粉絲互動，明星由昔日的高不可攀變成了親民友善。而且隨年成長，發現其實歌手也是人，賣的乃他們的樣子、才華、歌藝甚至人格塑像，儘管獲得千萬人的追隨，亦都只是營營役役。可投入欣賞，卻不願盲目崇拜。於是當黃牛黨猖厥，經正常渠道好難再買得到飛，即使買得到，同一個價值只會是最糟最尾的位置。不願以高昂的溢價選購，結果唯有敬而遠之。說到底，就是沒有一位演出者能讓小的提起非看不可的勁兒。有趣的是，同事懇求老伴為她將羅演唱會門票，老伴見横豎有飛，便多買兩張與小的一同欣賞。當小的知道老伴買下兩張最貴的演唱會門票，師奶性情立即浮面，小的對這位歌手一點興趣也沒有，怎麼會這樣地浪費金錢？轉讓不果，最後唯有投入一看。結果，來到紅磡體育館一帶，小的最期待的非為演唱會，卻是久未重踏尖沙咀東一帶之街頭美食。平日出尖沙咀，只會溜澾方便泊車的海港城。然而，小的最不喜歡那倒模式之大型商場，爾等凡夫俗子就

之前在灣仔已經中過伏一次，今次冇睇清楚就行咗入去尖沙咀呢間，仲點咗鍋貼，同菜肉雲吞。鍋貼 3.5 元1只 ，菜肉雲吞6只 33元 。但真係未食過咁難食嘅鍋貼 同菜肉雲吞！  鍋貼皮 又厚又硬，豬肉裏面有碎骨，懷疑沒有洗乾淨啲豬肉，所以連碎骨都絞埋落去，一不小心就會咬崩牙的。菜肉雲吞仲離譜，唔係用雲吞皮，係用鍋貼皮做，好厚好硬，啲豬肉都熟曬，個皮都仲未熟，個湯底係清水，完全冇味，湯裏面有啲椰菜，但冇煮過，係生嘅。真係要認住呢間食店，千祈千祈唔好再行入去！