君戶鍋貼大王 (已搬遷) 新店位置

今晚又經過尖東科學館對面的”美食巷”又覺得有點餓，就去了君户買鍋貼醫肚！店內食客算多，站我前面買外賣的也有兩三個。輪到我時，店員竟招呼在旁插隊的人，已令人感不滿我又等了一會，跟男店員下單及付款及後，我見大媽店員剛上左一盤新鮮出爐的鍋貼，並將在舊盤賣剩的五隻轉移到新盤子上，我便跟她說我要新鮮煎好，熱辣辣的那些鍋貼，想著可以即時食，味道更可口。怎料這個操普通話的大媽店員竟趕客！她無禮地大鬧說，”沒有新跟舊的，不買就走！” 還擺出圖中的面口及眼神！可恨的是我已先付錢了，逼迫著貼錢買難受！我離開後，她依然在大聲自言自語，不斷嘮嘮叨叨我已經早早在排隊，站了五分鐘，她們先招呼了插隊的人我都已經沒有說什麼了，這女店員竟惡言相向，連基本禮貌都不懂。點評一下食物：招牌鍋貼 （5隻） $14新鮮出爐，熱的味道還可以，底部很脆口皮不厚咬開會有肉汁流出，這點不錯但餡料可改善，每隻𥚃面都有肥肉+咬不開的筋外賣會附上辣醬及醋汁希望老闆請管理好自己的員工，做飲食業的，除了食物質素，服務質素也同樣緊要的，即使食物再好，有此種極為需要再陪訓的員工在前線趕客，實在令人擔憂及婉惜呀！

中午時間黎到，鋪內好多人。位置超窄，坐底食咁耐，比人撞足咁多次.. 侍應行過行埋都唔會講聲唔好意思，直接撞埋黎。野食方面，叫左炸醬面，係上海面底既撈面，炸醬入面有東菇碎，成碟野都好咸！完全唔想食落去！

見到running man嘅人黎食過，行過尖東就諗住同friend試下呢到嘅雲吞麵，呢到上菜都好快手，不過雲吞麵就只係一般。呢到嘅雲吞都好大隻，入面嘅餡料都還好，味道不過不失。只係佢嘅湯麵味道好淡，落左辣醬都提升唔到湯底嘅味。

傍晚行過尖東，諗住快速醫肚，便入去了這間餐廳。叫了炸豬扒菜飯，侍應問飲什麼，我說不用了，但她說是跟餐的，於是便叫了熱豆漿。豬扒菜飯上碟賣相ok, 但豬扒是冰冷的，菜飯是微溫的，暖豆漿過甜，沒有豆味。食完飯在櫃檯埋單，那待應說合共50 ，我問不是豆漿跟餐嗎，於是他問我誰說的，我指向那下單的女待應，但他並沒有跟對方澄清，便說要收$50，並沒有任何解釋。我再三問跟單不是不算豆漿錢嗎，他也沒有任何表示只說應該合共50 。我表示不滿後也沒有任何結果，店舖經營手法不當，以後永遠也不會幫襯！！

嗌左雞翼粗抄 點解雞翼會係魚腥味？菜飯 乾到冇朋友燒賣又係乾 連豉油都差過人豆腐花係鞋既😑凍既係好差 熱既係仲差 又係腥既唯一食得落係鍋貼同杯凍檸茶Very bad restaurant, extremely bad taste

本身都幾中意食鍋貼大王，但去完尖東呢間就決定冇下次！！尋日5點幾去到，喺冇乜人嘅時候已經落單嗌野食，但突然就有一堆內地人衝入黎，樓面又得一條友，然後我張單就從此被遺忘。。。。後尾等得太耐決定轉外賣，門口負責外賣果位姐姐又愛理不理，等左勁耐都冇人理我。。同老闆講，老闆又話已經派左人專門服侍我地，但實際上係個人係咁做其他野，催下佢佢先施施然咁處理我地張單！但其他遲過我地到嘅客人都拎晒㫢走！或者佢地唔至在我地張單啦，但係咁嘅服務真係世界級〜

I was by the Science Museum Road at Tsim Tsa Tsui hoping to get some Japanese food today but  didn't plan properly and ended up seeing a "will be back on Friday" on the shops' gate. So anyway, while trying to find something to eat on a super quiet Chinese New Year day, I saw this shop which has another branch back in Wanchai. I've been to the Wanchai branch before but I haven't written a review yet but I will one day. Anyway, I really love the quality back onthe island so I expect the same here.

星期六下午三幾無咩人 以為可以食下佢堂食叫左個豬扒粗抄，加左鍋貼豆漿。鍋貼豆漿好快到，但豬扒粗抄就遲遲未到。等左20分鐘到，咁我見到有個員工攞住碟野就問係咪我，佢話唔係就比左隔離枱就同我講等下，明明隔離枱仲遲過我座底佢有得食我無得食嫁。跟住最好笑係佢拿左碟錯ge比我明明豬扒粗抄變左上海粗抄。我問佢係咪miss左單 佢原來張我碟野同隔離調轉左 佢話人地食緊叫我等 。仲等你估傻仔咩 緊係走啦，我話走之後佢地d人 就係到罵來罵去 我就唔會再去啦 咁你地呢！Ps:有2個阿姐互罵 一個攞錯比人 一個係幫我落單 跟本浪費時間同金錢

一早喺尖東，個肚餓得很，天氣又涼涼地，想食碗粥暖下個肚。尖東藥房就大把，又唔想食大連鎖店，行到科學館附近見到有間個門面十分普通既上海小食店，點知中伏，個地板油立立不特只，叫碗皮蛋瘦肉粥，都要成$24一碗，用外賣豆腐花碗乘著，唔算大碗，最可惜係揾到碗底，竟然係一塊完整啲既皮蛋都揾唔到，頂多得啲比手指尾指甲更細既碎片，覺得好唔值。雖然味道不算太差，但係既無料，又唔平，伏味太濃，食左覺得仲空虛，絕對無下次。

Popped into this place for a quick dessert.Whilst this road has many food shops there is only one other dessert restaurant which I found was rather expensive and not that good so decided to try this shop.We ordered the tofu fa and a red bean pancake.The red bean pancake was too oily but tasted nice otherwiseWhilst the tofu fa was super sized and pretty nice

一向對上海嘢食有d情意結，譬如小籠包、擔擔麵、鍋貼、煎餃、生煎包etc～😂經過科學館道地下看見鍋貼大王大大個招牌，同埋menu價錢好貼地，於是抱著try try冇壞心態入左去。招牌主打鍋貼，所以鍋貼係必點，鍋貼賣相少少肥膩感，食落口外皮算脆口，肉餡味道唔錯，一咬肉汁bit晒出黎好juicy，but鍋貼皮略嫌厚。擔擔麵麵嘅口感唔錯～跟餐配豆漿，豆漿味雖然唔係太濃郁，不過飲落凍凍的，哈哈，即時緩和左油膩感～鍋貼擔擔麵配埋豆漿全部加埋都係$47only，平得黎d嘢食可以接受，啱晒香港嘅速食一族😆

尖沙咀近紅磡附近不是酒樓就是酒吧，想來個快餐，醫醫肚就離開，經過這家店，見那招牌的光管十分搶眼，裡面環境比較迫，人多就一定會搭枱了。鹹豆花：比較少機會吃到鹹味的豆花，一於試試吧。平日吃的總是加了黃糖／糖漿，而鹹的則加了醬油、蝦米、梅菜、蔥花及炸蒜粒。味道當然是鹹鹹的，豆花有微微豆香，滑溜的，挺特別。韮菜水餃：水餃皮十分厚，韮菜味不出，而湯底只是清湯，沒有什麼味道，份量挺多。平民上海菜，選擇眾多，價錢經濟，不過食物質素一般，不過不失。

炸豬扒菜飯($43)-豬扒好大塊，個人認為加辣椒醬會更加好味，菜飯都好好食，推薦！炸豬扒雞翼菜飯($48)-就算多咗兩隻雞翼，豬扒嘅份量都絕對無減少，如果覺得有小小dry嘅朋友記住要加醬啊，呢個大力推薦！鍋貼($14)-5隻鍋貼呢個價錢已經算扺，1隻就$3.5，所以5隻扺好多，咬出黎仲要啖啖肉汁架！蠔油菜心($18)-冇咩特別，份量都足夠。

誤打誤撞黎到尖東呢間食店呢到冷氣風口都幾勁，野食一下就吹涼晒除左少數local食客外，都係被國語人包圍，可能呢到近紅磡站叫左呢到應該算係幾出名的炸豬扒麵，因為我坐底左大約5分鐘，都聽到9成的local食客叫呢樣野仲有就係生煎窩貼值得一讚就係呢到的職員姐姐服務態度好好，會主動睇下你地食物到齊未，落完單又會大大聲講多謝晒然後我又叫左街頭小食—魚肉燒賣，不過不好食，似係食緊一舊不知道點樣形容的粉團所以都係食返豬扒麵好過

經過咁啱又想食下鍋貼，就成為左座上客～order左五隻豬肉鍋貼同鮮炸豬扒麵，等左幾分鐘，就有得食！「鮮炸豬扒麵」－豬扒豬扒超油！碟底油光閃閃嫁，不過油炸有油當然係正常既。豬扒應該係連皮，炸粉雖然好薄，外觀望落炸到金黃、幾靚，但入面豬扒既肉同皮係分離嫁。由於太過油同多脂肪，我唔敢食層皮同炸粉，自己整走左外層炸皮，淨係食啲肉。所以係咪即炸既我就唔知啦，去完皮先食豬扒熱都變左凍><去皮後豬扒瘦肉都仲痴住啲黃色皮下脂肪豬扒肉質雖然結實，但一啲都唔juicy同略鞋口，不過未至於咬唔開。同埋豬扒冇肉味。－麵用左上海麵既中麵，本身以為中麵粗啲，食落會煙韌啲，但其實唔係。可能煮麵既時間耐左又或者本身麵條就係相對淋身，麵條冇口感，質地麻麻－湯底湯底係清湯，但明顯見到有唔少油脂係湯面飄浮，唔知啲油份係邊到黎我冇飲到，唔知係咪味精水。－配料湯麵有椰菜、雪菜同蔥作為配料。（外食可以食到菜其實都幾開心）椰菜保持到爽脆，唔錯雪菜同蔥就正常。整體而言，鮮炸豬扒麵質素偏低。不過以$36哩個價錢係尖沙咀可以食到咁大碗既麵，性價比算唔錯。如果單純想填飽肚，絕對係唔差既選擇；但對味道、食物質素有要求，千其唔