君戶鍋貼大王 (已搬遷) 新店位置

今晚喺新文華中心地下嗰條食街度掃街， 掃掃下就入咗去間君戶。呢度可以講得上冇乜裝修只可以講係好普通嘅麵檔裝修加全部白色嘅光管。衛生環境都係一般。呢間嘢係主打鍋貼同麵食，我哋叫咗碗韭菜水餃麵 、五隻鍋貼再加支豆漿。鍋貼個底煎得幾脆，咬落去有肉汁味道ok唔錯。 碗韭菜水餃麵就一般般啦。韭菜水餃冇乜特色皮又厚。 比出面其他麵檔都係差咗一皮。麵係上海白麵都係一般。 個湯又係冇乜味。如果你哋對食物冇乜要求但求飽肚，呢度都算ok嘅。 但係我應該唔會再返轉頭！！

放工經過君户門口見到有一窩蜂的人群，想必一定會有美食在內。剛巧有點肚餓，就打算淺嘗一點，滿足自己的食慾和好奇心。排了大約十分鐘才到我人内下單。我點了痴飯和5隻鍋貼。下單後就企於一旁等待，只見店員忙個不停，不斷被吹單，可能實在是太多客人了，不夠人手招呼。外賣終於到了！熱騰騰的鍋貼 - 14蚊5隻外皮煎得香脆、口感不錯。偶爾有一、兩隻會嘗到有肉汁。是我個人的小推介。即包粢飯 -$ 20可是粢飯就有點失色，隨便搓兩下，都還未包好就給我了。保鮮紙外面全是油，害我吃得非常狼狽。粢飯的外層是糯米，包裹著炸菜、肉鬆及油炸鬼。油炸鬼偏硬，炸菜不太咸、配合肉鬆後也只覺普通，無大驚喜。因此，個人認為要等待時間太長，不是很值得。

鍋貼煮法太求其, 是是但但煎一下就上碟,  蒸飯的飯份量太少, 店鋪運作混亂, 令到客人不知道怎樣取食物,  又不是叫輪候編號, 侍應生隨時叫出食物時.. 好像任何人伸隻手就可以拎到一樣,  沒有秩序,  生煎牛肉飽又太多油, 唔知以為d油唔洗錢的, 非常之不健康! 涼伴木耳份量亦很少 不過尚算好食, 汁夠辣夠入味 

今日嘅活動結束後，剛剛喺紅磡區散Brand，夜晚晚又有啲餓，就見到呢一間「君戶」，門口有個熟食檔仔，新鮮生煎鍋貼出爐！二話不說就立刻入去坐低，整番一碟鍋貼啦！估唔到竟然有驚喜！除咗新鮮出爐勁加分，鍋貼本身餡多，肉汁仲非常多！食完之後個碟底，都係肉汁；特別一提，五隻鍋貼都只係HKD14，我都好想屋企樓下有一間啊！除咗鍋貼，仲叫咗炸豬扒同一碗豆腐花。首先講下塊炸豬排，係即時點蛋漿即炸嘅，熱辣辣但水準一般，係平時都會食到嘅口味。而豆腐花真係好大碗，滑夠滑，但食落就好似無乜黃豆味道。個人認為，好豆腐花係好難求嘅，要黃豆味重就可能唔夠滑，所以過下口癮嘅貨仔算係咁啦。題外話，食豆腐花個人比較鐘意不停落黃糖。於是我叫侍應加多少少黃糖，無諗過侍應會問我需唔需要換過半碗熱啲嘅豆腐花，因為擔心碗豆腐花唔夠熱啲黃糖唔溶。我真係非常驚訝，無諗到今時今日仲會遇到咁貼心嘅服務，基於唔好浪費，當然婉拒咗，不過諗番起真係難得少見嘅服務態度啊！總結番，經紅磡去尖咀，不妨試下個「生煎鮮肉鍋貼」，好食得泥又夠平，試過就知無介紹錯！係咁！