味中味餐廳

营业中

休息中

朋友叫開飯..今晚試完..冇下次 白鱔球拼斑球煲仔飯..D班球一陣味羊腩煲..又碎..又吾好食豆苗...食咗兩啖吾食了煲仔飯.Ｄ飯冇預期甘好食...飯蕉都吾脆成餐得潤腸好食

當冇煮飯果晚, 又唔想行咁遠, 又想食平d. 我地首選就係 lee 度.如同一般的茶餐廳, 佢地每晚都有幾個快餐如碟頭飯等比客叫; 老實講 lee d餐的水準都係咁上下冇乜特別, 勝在大件抵食。而個人認為味中味的小菜都幾出色, 味道同價錢都算合理. 由於上次見到隔離枱食切雞大大份, 所以今次就試下叫個例牌, 結果份量都真係幾少下 (只係$38 - 想要幾多呀??!), 但係d雞就真係幾好味, d雞幾滑同入味.另外我又叫左全場最平的炒通菜。 一餐平平地每人~$33, 仲想點.

天氣持續寒冷，又是一個心思思想吃點熱呼呼的東西暖肚的日子，想到熱氣騰騰的煲仔飯，又想到這間「味中味」。這晚來到，竟見全場幾近滿座，座上客多是街坊裝朿，足証這裡可算是附近的一處價廉物美的飯堂。正在打量何處還有空座位的時候，幸好一位獨坐於卡位吃飯的中年單身女士正打算結帳離開，我才能和太座兩人坐到唯一沒客人佔據的卡位吃飯，都算幸運。此行的目的既然主要是吃上次一試難忘的煲仔飯，當然是必然之選啦！不過望向牆上的小菜晚餐後，竟發覺在9款小菜晚餐中，竟有「瑤柱扒豆苗」在內，而且價錢不貴，只售$48，已包餐湯、白飯和餐飲，似乎頗為抵食，便稍稍改變原來的計劃，改為一個煲仔飯------上次吃過，感到水準甚佳的「白鱔球拼斑球煲仔飯」和一個小菜「瑤柱扒豆苗」晚餐。這天的例湯是「西洋菜湯」，與前次的「蓮藕豬骨湯」一樣，雖是淡淡的清湯，只得少量的西洋菜為湯料，不過喝得出沒有下味精，清清的一碗例湯，熱熱的，在吃飯前先暖暖肚，都不錯。「白鱔球拼斑球煲仔飯」保持上佳水準，白鱔球脆韌、斑球軟滑，加上配菜的翠玉瓜，淋點略帶甜味的豉油在熱騰騰的煲仔飯中同吃，滋味十足！不過這次有部分的飯焦稍稍過了火，略燶了點，扣了一點分呢！

突然想食煲仔飯,上黎 openrice 度search 下d食評~感激前三位留食評報料既食家 ^^佢位置應該算比較近深水埗, 如果係太子荔枝角既 "金鳳" 對面馬路黎行,向深水埗方向直行兩至三個街口左右.好家庭式經營既感覺,好好服務啊~我地5點幾去到,已經坐左7成人 ~.~ 好彩我地兩個都仲有卡位可以坐^^一坐低已經放低兩個例湯,真係似無味精 ,清清地,幾好丫~男友叫左個特式煲仔飯 : 勁麻辣牛柳粒飯 $48(唔太辣,連我呢個唔食得辣既人都食到.但佢都好惹味 -0- 仲有d翠玉瓜添,份量唔小架.唔止配菜甘簡單)我就叫左個普通煲仔飯 : 雙腸飯 $38(好多腸 @.@ 竟然有三條臘腸+兩條潤腸,飯中間仲有d薑絲添 -0- i'm loving it ~)==煲仔飯好夠身,有小小飯焦,d飯一粒粒架,豉油好味,同埋兩煲都係超多餸的! !==叫煲仔飯個價錢,包埋熱飲架喇,只係凍飲要 +$2 囉~ 仲可以+ $5 要多碟油菜!! GD,d菜唔係頭頭尾尾架~因為今次第一次黎試,所以只係同男朋友兩個人黎~叫唔到其他小菜食 ~.~遲d叫埋d朋友黎就可以試埋

來這間食店又是下面一篇好的食評，之後上網查一查原來這間食店在上一年十二月中時在其中一份免費報紙中做過宣傳，文中講這裡有一些 ”首創的煲仔意粉”，還有一些比較”另類”的煲仔飯，由於天氣轉冷，看完之後心癢難撾，就在元旦晚上來試一試。在分區上說是大角咀，其實地點上偏向深水渉，在荔枝角道和楓樹街的附近，晚上行來時都比較偏僻和比較黑，不過有另外的發現是在塘尾道口開了一間新的狀元過橋米線和久違了的馬家莊清真館，忽然湧起了心癮想試一試米線或羊，不過今晚的主角是特式煲仔飯，算了吧，繼續前行。來到的時候大約六時，心中非常大安主義想這個鐘數一定會有位子的，但一入店內望一望，竟然是無位的，六時正去茶餐廳竟然會是無位，這種感覺真是難以形容，不過好彩有一台人坐在卡位的剛剛離開，所以才突然有位的，心想真是好運的。餐廳的格局是港式的普通茶餐廳，兩排的卡位在旁邊而中間放了二張大長台，裝修佈置都沒有什麼特別，顧客大多數看來是街坊，而大部分都是上了年齡的，位子也是比較窄和焗促，由於是開著電視加上其他人客的談話，氣氛也比較嘈吵。食物的種類都幾多元化，除了一般茶餐廳有的常餐和晚飯套餐之後，還有火窩選擇的，當然還有今晚最重要的

今晚早收工跟朋友去早前在報章食評看到的介紹煲仔飯食店, 味中味. 我們叫了膳片煲仔飯及牛肉煲仔飯, 膳片的汁不是很夠, 如能加多些辣椒絲及蔥蒜就會香D, 牛肉不夠鮮味但夠多, 味道調得剛好不用加鼓油, 煲仔飯的油不多剛好, 不會在煲底看到有油, 記得上次吃煲仔飯都是去年差不多的時間在銅鑼灣跑完步後吃了那間煲仔飯底好多的. 看到鄰桌的人點的小菜都不錯, 煲仔飯整體水準都算幾掂, 下次會再去, 還有魚湯浸西洋菜好大盆, 好像外出兩倍份量只係28元好抵吃魚湯夠鮮味, 下次會試其他菜

從報章中得知這間茶餐廳有特色煲仔飯吃，趁著天氣又再轉冷，心思思想去一試。想不到在openrice瀏覽過後，竟發現這茶餐廳還未有人寫過食評。好！這次就讓我先打頭陣，去試試這裡的特色煲仔飯是不是真的好吃吧！這間位於大角咀舊區的茶餐廳，雖然自稱它是餐廳扒房菜館，其實還不是地道街坊茶餐廳一間，地方簡陋，門面殘舊，來幫襯的也多是街坊街里，牛記笠記，一家大細或是三數大漢，來此吃個價格相宜的早午晚餐，可是這間其貌不揚的茶餐廳，無論中西式的碟頭飯，各款中式小菜、海鮮、煲仔菜還是火鍋，都有得食呢！這次幫襯，主要是因為看過報紙的介紹，提及這裡的特色煲仔飯既有創意，又好味道，所以特地來試，而這次試後的評價就是這裡的特色煲仔飯，確是好吃。原來這裡的特色煲仔飯真的有不少款式，包括「勁麻辣牛柳粒」、「啫啫滑雞球」、「椒仔田雞」、「南瓜芋蓉珍菌」、「香芹師傅臘味」和「白鱔球拼斑球」等，而且還可不要飯，改要意粉，煲仔飯就試得多，煲仔意粉就可真未見過，這裡果真破格兼有創意呢！叫了兩個煲仔飯，分別是「香芹師傅臘味飯」和「白鱔球拼斑球煲仔飯」，與老婆仔一起分享。煲仔飯未到，例湯先到。這晚的例湯是「蓮藕豬骨湯」，這湯的味道偏