味之時計台 (已結業)

我係果邊返工，成日見到依間拉麵。lunch 都要成舊水一碗，所以都掙扎左好耐先入去叫左個普通麵豉叉燒拉麵，賣相都正常當我飲第一啖湯就知中伏。又係得死咸咁我又試下係肥dudu 既叉燒。你估唔到佢會又鞋又有渣，omg直係離譜，請我都唔會再黎

「味之時計台」🏫相信去開日本北海道既拉麵達人應該不會感到陌生，主打札幌味噌拉麵既「味之時計台」成立於1986年，在北海道札幌、旭川、帯広、釧路等道内有55店、全国111店舗的『味の時計台ラーメン，每年獲獎無數，所以在香港開店的一開始曾經排了長龍。😅😅是日下午點了招牌味噌拉麵，價單來說是相對較貴的，而且湯底亦不是特別吸引🤨🤨豚骨湯味道十分大路，只是簡單加了味噌醬就成事。不知是否已經開了一段時間，客人量亦不多，而且拉麵配料只是燒豚腩片及溏心蛋，驚喜感吹奉，與札幌當地吃到的「味之時計台」完全是兩回事🤨🤨🤨

牛蒡粟米沙律，沙律有被沙律醬撈勻，但是牛蒡就只放在沙律的上面，在食的時候左又夾一啲，右又夾一啲，一時只食到沙律好味的部份，一時只食到牛蒡的苦澀。最後我只是食晒完沙律沒有食到牛蒡。日式餃子，感覺普通過平時超市買到的餃子。特濃蝦醬油拉麵，好彩沒有點到加底因為一碗就已經足夠飽飽了，湯底不是我吃過的最濃的龍蝦醬湯，麵的口感適中配料十分十分之多，多到很難夾到麵條，每一啖只可以和配料一起吃。豚肉醬油叉燒拉麵，湯底還可以麵條也是適中，但臀肉不太好吃，肥的部份很肥瘦的部份很受肥瘦。

自問唔係一個對飲食好有要求嘅人但係食完呢碗嘢頂唔順獻上第一個食評等大家唔好中伏...本身見到價錢都有啲遲疑畢竟餐廳坐落喺food court入面不過好想食拉麵 結果鑄成大錯佢有得畀你填麵要軟硬度填左軟麵 但係上到黎啲麵唔軟反硬 一夾啲麵就斷到一截截 分裂程度歎為觀止唔知究竟係軟到斷定硬到斷....自己喺aeon買包$20出前一丁拉麵煮都冇咁嬲食完佢啲筍先知筍原來可以難食 腥的叉燒雖然厚 但係唔入味 得粟米係正常仲要收你80幾再加一伏到唔係路服務係可以的 服務生都有禮貌但係食物質素真係不敢恭維⋯⋯

我同老公都鐘意食拉麵，成日周圍試，估唔到都遺傳左比仔仔佢話未食過拉麵，好想試下（其實食過佢唔記得左😅），旺角地鐵站一出近近地就試下，每碗一張點餐紙，麵既硬度，追加，小食等⋯⋯📍特濃蝦湯味增拉麵我至愛濃湯，再配埋蝦湯，一陣陣香味飄上黎，好味📍味噌牛油粟米拉麵仔仔一見到粟米即刻就指住要叫呢碗，我個人覺得湯底唔夠濃📍豚骨醬油叉燒拉麵呢個都係濃湯之選，仔仔試完一啖之後佢話：「你呢個好食啲喎，雖然有啲喊，但係我鍾意你呢個多啲😂」📍豚骨鹽味叉燒拉麵同樣係豬骨湯底明顯冇醬油咁濃湯總括嚟講真心覺得不錯麵既軟硬度適中，叉燒亦不會太瘦，環境亦幾舒服。於旺角煮場凡惠顧滿$50，就可穫一個印仔，集齊五個可以當$50使用。

行開旺角TOP商場咁岩又好肚餓, 發現了一間位於地庫嘅北海道拉麵店。名為 , 非常特別嘅名字。時計台意思大概係札幌市鐘樓嘅意思, 非常充滿特式。平時都愛食幼身拉麵, 好耐冇食過粗身嘅拉麵配味噌湯味。所以毫不猶豫就進去點餐了。豚骨醬油叉燒拉麵 $89麵身點了普通硬度, 口感算不錯, 份量也算多。 可惜醬油湯有點過濃, 頭幾啖還可接受, 但久而久之會愈食愈咸。叉燒份量算多, 肉質算唔錯幾有口感。辛辣味噌叉燒拉麵 $87辛辣有點偏辣遮蓋了味噌的味道, 不過食落比醬油冇咁咸, 所以比較岩口味。叉燒肥瘦適中, 食完不會太膩。麵質硬度點了硬, 非常爽口煙韌。日式餃子 $38日式餃子基本上不錯, 皮脆肉香。份量剛好夠兩個人。

終於工作稍為緩和，多了時間，可以約他出街吃飯^_^。這是我們第一次逛旺角Top，見到一間拉麵店，他想食，就入去了。我們較早來到，店內不多人，裝修簡約。有小小似在日本食拉麵牆上的拉麵食物相，好特別，日式風味更加濃。小店選擇多，口味亦可以不同。他點的係蝦鹽味拉麵餐（$95），麵適中，湯要了特濃，蝦味確實十足，香味夠，剛上夠熱。我點的係比較簡單，味噌粟米拉麵（$85），湯不會太「結」，肉夠肥美，溏心蛋好味。我們都幾滿意，餐有飲品送，正常。

旺角新商場,底層有餐廳區入面有一間號稱日本人氣北海道拉麵味之時計台提供既款式都相當多,牛油拉麵,特濃蝦湯醬油拉麵其中特濃蝦湯真係好鮮味原來蝦湯底係由蝦乾磨粉再放濃湯,叉燒有再燒過,食起來乾身一點,無咁油膩而拉麵條本身都係由日本麵粉與雞蛋製成,麵身相當有彈性而且掛到湯汁半隻溫泉滷蛋加2片叉燒,食起來濃香味十足喜歡重口味既朋友一定會愛上這一款拉麵$95 都可以一試既,但味曾牛油粟米拉麵就下次先試湯加埋麵,份量真係幾大但幾飽

繼「山下X子」跟「大力X手炸雞」之後，我又在旺角前「工業貿易署」的新商場「T.O.P」裡面，發現到多一間新開張食店，食店是日本拉麵餐廳，餐廳的名稱叫做「味之時計台」。「時計台」在日文漢字裡面的意思，即是解作「鐘樓」。顧名思義，「時之時計台」售賣的日本拉麵口味，屬於日本北方「北海道」風格，含有濃厚味噌風味，屬於北海道代表口味的「味噌湯拉麵」。雖然在日本其他的地方，都有屬於自己製造的「味噌湯拉麵」，但是論味道最出色的「味噌湯拉爽」，始終非北海道的札幌莫屬，札幌「味噌湯拉麵」成為了「味之時計台」招牌拉麵食品。不過，我個人其實不是一個很能適應味噌湯味道的人，回想我第一次在其他的拉麵店裡面，試食日本味噌湯拉麵的時候，就始終覺得味噌湯底有類似麵豉，似甜非甜，似鹹非鹹的奇怪味道感覺。但是我之後我在其他拉麵店，再幫襯試食過其他日本味噌湯拉麵之後，就開始適應得到味噌湯獨有的氣味味道。適逢當時的旺角「味之時計屋」，居然也有推出三款不同配料，但是同樣以味噌湯作為拉麵湯底的拉麵，於是我在三款味噌湯拉麵裡面，選擇了價錢最便宜的「辛辣味道拉麵」先試食看看。恰巧「時之時計台」的自助點餐紙裡面，原來也推出了最貼心的設

特濃蝦湯味噌拉麵Ebi Miso Ramen (HK$95)Ranking: 3/5 ⭐️The prawn soup was quite flavorful however the roasted pork is clearly just fat, no meat, or 10% meat (as you can see). The service wasn't great, and its not cheap given the location, its not a must try.個蝦湯的確幾濃，但個叉燒真係肥到有啲過火😂服務態度唔多好感覺似連鎖快餐店但係charge 中環價，旺角呢個價格大把選擇，唔洗話特別要試呢間，行過都可以一食嘅

又到我睇完中醫去尋覓食物的好時間係旺角好少見到有拉麵店🍜所以膽粗粗入左去試下😏一到去都算叫坐得寬躺唔使同人迫睇下個餐牌好多各種各樣的拉麵而本人很喜歡食辣的麵條所以叫咗個辛辣味㬝叉燒拉麵🍜黎到個色都叫ok叫起碼吸引到我想食再望下啲麵條唔係正宗的拉麵面條😂再食落去成個感覺就似喺日本便利店可以買到的拉麵杯麵一樣😂食每一啖都係::.油膩膩 感覺好普通叉燒我見佢煎完再放落麵到所以都尚算還可以但係$87一碗麵吾算平如果$50我會再幫襯

一直響日本都有去開味之時計台，還記得第一次係幾年前響東京涉谷分店，一吃便愛上了牛油粟米味增拉麵，可惜渋谷分店已經關門,幸好上野分店還在，隨後去札幌旅行，又再次幫襯，仲有現成面可以買返香港。本人很喜歡吃味噌拉麵，可惜香港有名拉麵鋪大多是豬骨，豉油湯底，麵條都是那些幼直麵.所以我都唔鍾意幫襯。今日終於可以試香港嘅味之時計台叫了$85 牛油粟米味增拉麵，湯底沒有日本那麼鹹，有淡淡牛油味，不會太口渴叉燒很入味，唯一美中不足就是太少麵，有d食唔飽. 下次會再返嚟試其他拉麵

本人超喜歡濃厚湯底的拉麵，但香港比較小有。有朋友話呢間餐廳夠濃，即管去試下啦。在TOP的地庫，門口幾特別，成排面壁高櫈的食台好有日本feel。入到去就有正常的坐位，地方燈光都幾舒服。我本來想叫好多人叫的蝦湯底，但朋友已叫，可以食佢兩野當試味哈哈！我咪試下其他新野「成吉思汗羊肉拉面」話係廚師新創推介！估唔到真心好味！羊有羊味，好鬼香！另飲左幾啖朋友的蝦湯底也超正，夠濃郁囉湯底，肉同配料都足既，noodle質量彈牙，口感十足🤤！會再去！雖然對住我呢啲平民系貴dd 但都值口票價既！

旺角開左個新商場 T.O.P除左買野之外，樓下都有個food court，味之時計台係其中一間叫左：鹽味叉燒拉麵：湯仔淡淡，唔會太咸。麵質都唔錯，幾彈牙。蛋既味道，只係一般。叉燒就太肥了～蝦味噌拉麵：蝦味濃，再配上味噌湯，更濃。麵質一樣唔錯。蛋一樣都係一般。叉燒一樣太肥啦～

說實在，在香港，以札幌為名的拉麵店有很多，但以味噌、醬油或鹽味為主要湯底的拉麵店卻並不多，味の時計台可算是代表之一，但原因為何不多，最主要是香港的拉麵店大多數以豚骨湯作湯底，又或者以牛油拉麵就作為札幌拉麵的代表。味の時計台，在日本類似Openrice的平台，眾多分店的評價得分都只是平庸，當然在香港只此一間，又開設在最方便的旺角區，其附近拉麵店只得一間漁場台風，不愁没有客路。再者在其餐牌上有着穩陣的安排，雖然主打是味噌醬油及鹽味三款湯底，但是亦以蝦湯或豚骨湯作輔助，客人有多款選擇。我剛去了北海道旅行一趟，亦去了拉麵橫丁吃拉麵，趁著味蕾仍有點當地的風味，回港後嚐嚐兩地的分别，於是回到香港翌日便走去旺角味の時計台一試。我點選了味噌叉燒拉麵及白桃疏打飲品，由於晚上九時才入座，客人不多，五分鐘後拉麵已在桌上。味噌叉燒拉麵總評不過不失，拉麵麵條都是太麵，在札幌吃的似乎爽身一點，原因有可能是札幌師傅在煮麵前將麵條團弄得稍為鬆身一點，有點類似廣東雲吞麵麵餅做法。味噌湯香港和札幌真是有天淵之别，在北海道各處吃的味噌拉麵，味噌都是淡淡的易入口，吃完麵條後帶點餘香。但在香港，不止味の時計台，很多的味噌湯都是