味之時計台 (已結業)

點左麵豉蝦拉面冇蝦味又冇麵豉味都唔知咩味杯面都好食過佢肉得個兩塊平過佢既拉面都唔會咁孤寒啦...收加一要自己出去埋單都算 好多店都係咁連紙巾都冇憑咩收加一?多謝104蚊

旺角最近開左個新商場，周圍都貼住TOP既宣傳，放假決定走去行一轉商場落到最底果層全部都係餐廳，有大力水手，蓮香，CAFE等等....最後都係決定走去食拉麵。嗌左個特濃蝦鹽味麵，入面都有唔少配料，整體上都幾好味，不過個湯底稍微有啲過鹹，食完之後會有啲口渴。

1. Very delightful flavoured soup base2. The butter tops up the taste and texture of the soup3. Decent BBQ pork4. Lovely onsen egg5. It took me some time to soak the ramen in the soup base and detangle it to eat

因爲我得一張圖只有部份真相進餐日子：14/06 （應該還算新吧）時間： 1930排隊時間：20-30分鐘上菜時間：20-30分鐘😅進食items：牛油玉米拉麵；鹽味叉燒拉麵；炸雞說起來香港的北海道拉麵店真少呢，人氣的大多是豬骨湯啊海老濃蝦湯啊直幼麵啊～難得黎到北海道過江龍，當然要試味噌拉麵吧😂先講炸雞粉唔厚，肉唔會乾曬仲有少少汁剩調味唔會太過咸係非主食炸雞的店食到這質素合格有餘食完會期望有杯啤酒😂鹽味叉燒拉麵叉燒是偏薄的炙過的腩的肉味不重，質地松軟好不好見人見智麵是曲麵呢！是曲麵呢！口感ok，有點小彈但明明叫的是硬身呢，跟外間的普通差不多（還是忘了呢？不知道啦～）鹽湯非常不錯不會有過份突出的鹽味（即太咸）也不會像某些店弄得像海鮮濃湯該怎說呢，比較像足料有下肉的菜湯😂整體湯底有厚度最後講的是牛油味噌拉麵味噌湯入口不會「拿」口醬香也有，不是很強就是了玉米我不太懂評XD整體都是比較solid的一碗麵插曲送牛油味噌拉麵來的時候其實送來了一碗有牛油同玉米但貌似是清湯的麵看顏色不對就問了問staff，她會答這是正常的就是這顏色試了口湯完全沒有味的😂再問另一staff這是什麼湯，他反問是豬骨湯嗎？還

好少食拉麵 因為怕鹼水味旺角開左新商場 落黎睇下有咩食好多新餐廳 呢間拉麵鋪排哂隊都排下先因為拉麵鋪其實因為食物種類唔多 食客食完就離座 等位好快 都唔怕等下等左10幾分鐘就入得幾闊落 座位都幾多叫左碗 豚骨醬油义燒拉麵$89义燒都幾肥 係有揀水味（我奄尖啲）偏咸

見煮場新開業 見都唔少人 諗住試下應該無事卦點知人多原因 係因為佢出菜出得好慢平均15分鐘先出到一碗麵見到有些客人都唔係好耐煩 催佢出快d友人叫左濃蝦湯個款拉麵味道好濃 本人覺得有d腥腥地 一般般啦另外叫左個餃子 個賣相都可以味道唔錯 最正常既一味小食我等左15分鐘先到既豬骨醬油叉燒拉麵佢有得揀 軟 普通 同硬 我揀左軟麵 點知煮出來係仲硬過友人個碗 普通麵 個湯咸到無朋友 ⋯⋯⋯問佢拿左杯熱水倒哂落去先勉強可以沖淡一下 叉燒好油 成個湯除左咸同油 食唔到鮮味真係極失望 ！應該唔會再有下次了

在香港，很多過江龍的拉麵店，這又是在旺角新插旗的，主打北海道札幌拉麵，牛油拉麵，麵都算小小彈牙，叉燒採用腩肉位，燒著香口滴，湯底不夠热，溫溫的，餃子就感覺急凍貨，可以放棄，希望半年後還能夠保持水準

今日經過旺角新人氣商場TOP,竟然冇意中發現開咗我喺日本好幾年前一試難忘嘅味之時計台,仲記得佢哋嗰塊大大塊牛油加上味噌湯底,真係超好食。冇諗過終於喺香港開佢哋嘅第一間分店,當然要即刻試吓啦！😍 不負衆望,個湯底好香濃,麵質(我揀咗普通硬度)但依然好彈牙好正,啲豚肉煎得好香唔太肥,係隻蛋略為咸咗少少,但整體依然保持喺日本嘅水準,值得一試。另外叫咗碟餃子,都煎得好香脆。😋下次我會再去試埋佢哋嘅濃湯蝦味噌豚肉麵,依款睇落都幾吸引！

噚晚試左呢間喺旺角新開嘅拉麵店(味の時計台)本店係開喺北海道札幌，我點左個特濃蝦鹽拉麵，湯底蝦味幾濃厚，但比較油，而麵條係用曲身麵，麵質比較粉口唔算爽滑，而叉燒亦偏肥同薄，溏心蛋半隻但浸左落湯已經無乜蛋黃，個人覺得碗麵湯同麵都ok嘅，但最大問題係竟然會有幾條麵黐埋一齊未煮開，呢個簡直係低級錯誤，啱啱新開都攪到咁又點比信心客人繼續去食呢!至於服務又點呢?原本我一個人入去唸住坐bar枱，但店員就叫我坐table枱，但張枱又未抹好喎(枱面係有啲水同油漬)咁佢又叫番我坐bar枱啦～轉頭又話不如你坐喺table枱等一陣我盡快幫你抹番張枱，但坐到我落完單碗麵上枱都未抹枱!枱面仍然有水同油漬，咁嘅所謂服務仲要收加一服務費，真係成個飲食業比你哋攪彎晒，無心做就唔好做啦，點解香港飲食業咁差咪多得你呢班無心嘅人囉，日日喺度呃飯食，又唔係忙都可以煮到碗拉麵咁，真係影衰晒香港啲拉麵店。

今日行開新商場，諗住試吓最新開嘅拉麵店，我同老婆各點了一個味噌拉麵、蝦味味噌拉麵。湯底用味噌調製，而隨拉麵附上嘅蛋同鹹蛋差唔多鹹，過份調味了。叉燒用了較多脂肪，瘦肉較少的部份，湯底是充滿邪惡的油香的，只是個人來說真的太鹹(札幌特色？)。其餘小食選擇唔算多，價錢都係一般港式拉麵價(90零蚊碗)，新店環境算闊落乾淨，可以止吓拉麵癮但唔試都冇損失。

貪新鮮試新野中伏。去旺角TOP行，其實都冇咩店開，冇野行嘅，見係DINNER時間咪試下囉。D野都幾重口味嘅。叫左炸雞，咸，但唔算太厚粉。呢個豬骨湯底真心難食，重口味，但又唔好食，仲要义燒有D燒焦左。吃不下口。蝦味湯底都係重口味，但味道都過得去，BB同我交換左。佢幫我食埋個豬骨湯麵。加9蚊就有杯咁大嘅野飲，真心抵。雖然D野唔好食，但服務都幾好嘅。侍應好忙，但態度非常好，一讚。

今日去咗旺角新開商場T.O.P., 去咗地庫嗰層叫“煮場”嘅food court, 先知原來日本北海道間"味之時計台"喺香港開咗!! 當年喺北海道食完一試難忘，所以即刻入嚟食番餐😋裝修格局簡單， 有高bar枱，又有矮枱， 中間隔著屏風，啱哂我呢啲單身狗食飯。枱上放有點餐紙半自助式。服務員好快俾左杯凍水同餐牌我睇，態度很好。好快我就決定食人氣一番之選的“豚骨醬油叉燒拉麵”，$89一碗，價錢正常。加$9可選飲品。不到10分鐘已有得食! 好香好香的叉燒，湯底香濃。經介紹下原來呢度啲餸全部會煎過先上，唔怪之得咁香，仲有少少脆邊。味道很不錯，雖然溏心蛋有點咸，但整體很好，誠意推薦俾大家!

話說首次進軍香港的北海道拉麵「味の時計台」，最近登陸旺角新商場 T.O.P 地庫的旺角煮場！自1986年成立，已在日本有四十多間分店的拉麵連鎖店，以牛油湯底及豐富配料成名。我身為半個拉麵迷，當然要去試試味道如何。(地道北海道風格是吃完後感覺會略鹹)可能剛剛開張，未見人龍不用排隊就可入座且眼見店內人流亦不算多。餐單的選擇比總店多另外配有三款醬料 (辣粉/蒜泥/紅醋)(第一處敗筆，餐具擺放問題。可見筷子直接擺放在無蓋木盒裡，很容易在顧客進食期間被弄髒。)人氣之選的味噌牛油粟米拉麵($85)，湯底的牛油粟米味湯濃厚帶有豬骨味。(第二處敗筆，說好的粟米呢。我點的是味噌牛油粟米拉麵，但沒有粟米是什麼玩法?還是粟米已進化到融化在湯底裡?黑人問號)(第三處敗筆，麵條硬度問題。我個人吃拉麵會選硬身麵條，着重有嚼頭的口感，但現場點一碗選硬的卻比另一碗選普通的麵條偏軟。)薄切叉燒是燒炙過的，個人覺得普通。特濃蝦湯鹽味拉麵($95)，湯底的蝦味香醇帶有鹽味的後韻，個人比較喜歡吃這個。【整體評分】食物味道 : ★★★☆☆環境裝修 : ★★★☆☆衛生清潔 : ★★★★☆服務態度 : ★★★★☆個人評語: 剛開業