味千拉麵

营业中

休息中

放工後 走到上環信德吃晚飯見到餐牌上有竹輪拉麵就發光的我就進去試試 雖然個人認為麵底就好一般但就幾足料既🙂點了芝士竹輪豚肉拉麵套餐芝士竹輪拉麵係幾足料既有蛋又有粟米又有豚肉😋包括有小吃: 沙律/八爪魚丸沙律🥗有薯仔同雜果都唔錯既套餐價錢不貴 仲有咁多野食👍

早前，經過上環信德中心2樓的 <味千拉麵> ，發現增設早餐！除了方便返工一族之外，亦方便去搭船的旅客呀！平日早餐時段比較少人，坐得舒適寬敞！而且有位置供給旅客安放行李非常貼心！日式拉麵餐 (日式叉燒) $32食湯麵我慣性先飲湯底，入口味精味濃重，卻是總有令人喝上癮的感覺呢！煥醒味蕾！日式叉燒有兩塊，煎得香口而薄身，夾雜脂肪，食起來肉質鬆化！拉麵富彈性又掛湯，吸收湯底精華，都咪話唔鹹呀！熱檸檬茶水溫頗熱，有三片檸檬，茶味香濃，兩者混合起來，口味平衡！況且，有助解鹹解膩！

今日放工剛好到信德中心，隨便選擇下到了味千拉麵，我地叫了全盛拉麵，日式手造餃子，金菇牛肉卷 日式炒雜菜，麻辣牛肉拉麵作為晚餐，先黎拉麵全盛多夠餸，配豬骨濃湯，唔錯！另一碗係麻辣肥牛，配拉麵食味道就有點似錯配咁再黎小食，煎餃子，味道都一般金菇肥牛卷，呢個小食反而煮得唔錯值得推介一下，個卷唔會散開，卷得好實所以口感較好，同個汁都好夾最尾仲叫左個炒雜菜，充滿牛油胡椒味，味道濃左dd,用拉麵店可以提供既比較都算唔錯

早排同男朋友去左澳門玩落船後大約夜晚10點到，就去左食味千拉麵先再返屋企呢個套餐幾抵，仲要得呢間味千先有，所以就一人一份豬軟骨叉燒拉麵，又有豬軟骨又有叉燒湯底好香蒲燒鰻魚飯，鰻魚份量好少，好硬蟹肉忌廉薯餅，完全食唔到蟹肉不過都好大件下！高山木耳，味道正常熱蘋果蜜，有粒粒蘋果好潤

信德中心，不選茶餐廳及快餐店，食肆選擇範圍不多，揀了味千拉麵。拉麵的溫泉蛋蛋黃溜出來似的，蛋黄軟林林柔軟有質感。叉燒簿而柔韌，湯底肥左Ｄ，拉麵有Ｄ滯。 隻碗夠大，餸菜未鋪滿麵面，賣相有待進步。餃子尚算可以，不油多餡。一碟份量，２人食剛好。第一次來味千拉麵，裹腹可以，小食選擇不多，叫了碗拉麵，可以吃其他東西空間不多。湯底決定了麵質，拉麵好不好吃影響招牌。

好耐無食過，因為有一排真係差到暈，特別香港開咗好多間拉麵店更加唔明點解味千仲生存到。幾年無食過，不過信德中心根本無野好食，又人山人海，難得見到有間唔洗排隊，唯有幫襯。食物：味道正常，同自己係超市買番嚟煮一樣，無乜特別差亦唔會特別好。服務：普通，信德人來人往，員工做到傻傻地，態度唔會好得去邊，無對你呼呼喝喝都算唔錯。價錢：幾抵食，依家百物騰貴，味千都唔算加得勁，咁耐無幫襯好似都係差唔多價錢，幾抵。舒適：爛商場唔好要求咁高，食完好走啦，不過最煩係好多野飛嚟飛去成日想衝落你碗野到咁，成碗麵就有4隻野係附近，好想問侍應借支電蚊拍用，不過見佢哋太忙都係算，成完就走。總括：食物以呢個價錢嚟講都可以，可以再幫襯不過一定唔會係呢間分店，衛生問題。

今日同朋友諗住食個早d的午餐，去左味千拉麵。水準其實都係普普通通，無咩太大期望，入到口同飽就得。但係，今日份叉燒又焦又縮水，麵又少，唔係呀嘛!朋友點左推介的骨雷拉麵，中晒伏，湯底太奇怪😂

每次經過味千拉麵，都記得中學時代食果陣時超級難食，完全入唔到口。今晚係上環見到，基於同朋友都完全唔明點解呢間野仲可以係市場生存到，決定試下時隔多年的口味。點左鰻魚炒飯，意外驚喜，竟然炒得不錯，鰻魚味道亦鮮甜，份量充足👍招牌味千拉麵，無左以前果陣"簡" 水味，叉燒嫩，流心蛋正，除左湯底唔太真材實料外，其他都滿意。總括黎講，呢間野做番平民拉麵係正確的方向，雖然唔係正統大師級拉麵，但價格味道綜合，起碼會再考慮下次食😋

昨天我同家人經過信德覺得肚餓就隨便揾D嘢食，剛好見到味千便入咗去，我哋四個大人加一個BB，於是我同阿姐講要四個位的，我想阿B太細不能自己坐於是坐大脾。果個阿姐卻好怒氣的指住阿B說阿B不是人！當時真係好嬲，吃碗面姐卻被人駡不是人。最後仲要啤住我哋吃面。見到我哋一吃完嘢，就同我哋收細D碗碟想趕我哋走。嘜嘢態度。你好嘢！新年我唔同你吵！仲有依間味千D嘢好難食，真係憤怒的一餐。

今日從澳門返黎，係信德中心食飯，第一眼見到味千拉麵， 諗到好耐無食於是決定再去試下入去餐廳唔多人 服務員問我地幾位 我地話兩位 就比我地坐兩人位 但我地拎住很多野 就問可唔可以換位 服務員態度很惡 我地叫左兩碗拉麵 豬軟骨拉麵（66蚊）同埋 豬軟骨叉燒拉麵 （57蚊） 豬軟骨拉麵賣相好 豬軟骨份量唔少 煮得很腍 仲有d筍 酸酸地媽咪叫既豬軟骨叉燒拉麵買相真係麻麻 豬軟骨很少 叉燒得薄薄一片 但兩份拉麵個湯好油 我同阿媽唔敢飲 炒雜菜 （36蚊） 拉麵食完先送黎 有得慢 追佢地時服務員態度差 理直氣壯地說尼個炒菜係慢d架！加一後兩個人175 蚊 唔算平 服務員態度仲咁差 店家係要反思下 相對比 內地味千拉麵又平又抵食囉

好耐冇去過食味千拉麵，諗住再試吓啦。lunch time 時候去，竟然唔駛等位，感覺伏伏地。叫左過熊本拉麵，等左好耐，但竟然係微暖嘅。朋友叫左個黑蒜拉麵，佢就話ok。嗱，我就未試過，大家唔想等位嘅時候，可以一試。

今次趁假期快閃澳門，等上船時就到味千拉麵食個晏啦！男朋友中意食芝士麵-新產品，就叫左個芝士拉麵了！味道上唔係好夠芝士啊，賣相都好正常，同平時果啲一樣啦，要讚個流心蛋，每次都岩岩好我就點左個豬軟骨拉麵，豬軟骨炆得夠晒林，我中意食硬小小嘅麵，所以就同店員講我要硬身啲啲喇！so far出黎嘅效果都啊錯啊我地再叫左個餃子雖然係交貨嘅質素，但勝在即整，都算唔錯喇，好食過我早幾日係白*屋食果個

百香果: 太甜了...冷麵: 冷麵汁比較咸, 雞肉超級"鞋"...冷麵麵質煙韌!不錯!!!不錯!!!三片罐頭菠蘿和生的蕃茄令這冷麵更開胃!拉麵: 豬骨湯十分濃郁, 也比較咸了一點點...芝士波波: 炸得不夠乾身...餡料有很多芝士, 但沒有芝士味道...辣椒醬: 很辣!!!...以日本餐廳來說, 它應該是比較辣的一種辣椒醬...

坐船前都會先醫肚，明明到澳門都會大食大喝架啦，但順德中搵食已食指定動作。中午叫個炸雞定食，連加一服務費 53蚊都包左好多野， 麵豉湯夠味唔會如水淡，有豆腐海帶， 飲入口暖笠笠。個炸雞皮脆肉唔乾， 擠d 檸檬汁又可以減油膩，可以點沙律醬都得，雞都有成7，8件，仲勁大件下架。個蒸蛋甜架。。。。一定係用錯蛋漿啦，入面有魚肉蟹柳， 基於個蛋變左甜味超怪，我只係食左蟹柳肉就算，想唔到2合1送甜品比我呀，一定係見我靚啦！哈哈

中午仲未想到食甚麼就比這雞髀拉麵的poster吸引了，坐低細看仲有新年記事本，就來一客吧平日的拉麵巳經不錯，夠咬口，濃湯底有日本拉麵風味，當然雞髀沒有相片咁好樣，而炸漿連雞皮比較過火一點，但入面的雞肉仲軟嫩多汁，和拉麵一起食又ok喎，配了半隻糖心蛋，有蛋香之餘仲少少流心，加番D分，可以啦，在上環下雨天加上天氣寒冷，不用等太耐就有位算不錯了，而且仲有禮物，哈哈，新年新開始 ;)