味千拉麵

营业中

休息中

聞説味千拉麵的質素改善了，於是抱著冒險的心態一試。本想點拉麵便算，但看見信用卡優惠的套餐較豐富，所以點了信用卡優惠套餐。先來是沙律，原來所謂的沙律只是中華沙律。顏色比一般吃到的淺。一放進口，吃到的是時間的味道！到底這些中華沙律放了多久！？像放了很久的怪味使我只吃了一口便停手了。拉麵，普通，溏心蛋太鹹小食之一的炸雞翼，炸得太乾了。最令人拍案叫絕的是煎餃子！吃拉麵時看見鄰桌上的煎餃子已心知不妙。到我的那份時，外表溶溶爛爛，還有數隻是燶的，實在使我忍不住要為它留下倩影，放上來分享！若果只叫拉麵，或許這頓飯會好過一點。

一年365日3餐都喺街食嘅我，又到左收工嘅覓食時間💪🏼💪🏼已經10點幾喇，又攰又肚仔餓，去左公司附近嘅味千拉麵🇯🇵其實已經多年無食過味千，同朋友仔兩個人入到去睇左一輪餐牌之後，最後都係覺得二人餐最抵食！163蚊有齊兩碗拉麵，兩款小食，仲有飲品！一於就二人餐啦🍴👣本格豚組拉麵濃湯，叉燒唔算厚但肉質嫩口，肥瘦比例啱啱好！麵質軟硬適中❤️全盛拉麵我係貪心的人，當然揀左呢碗餸菜好豐富嘅全盛拉麵啦！有蟹棒，福袋年糕，炸蝦，叉燒。。見到咁多餸都開心！湯底濃厚，油脂分佈剛剛好。。而且粟米粒粒確實係超甜！蟹子沙律同平時食開嘅蟹子沙律差不多，不過勝在蟹柳絲好多！日式秘制炸雞炸雞嘅"炸熟"程度剛剛好，一入口，係脆卜卜嘅咸香。。咬開後，雞肉係嫩嫩的！唔錯提子汁,芒果冰其實我都幾鍾意飲果汁，成日喺街食飯，餐廳嘅飲品都係離不開凍檸茶，凍檸水，凍奶茶。。有杯果汁飲下都叫做特別啲！總結黎講，呢餐真係食到我哋兩個女仔好飽，其實有時放工食飯，填飽個肚都係其次，最開心嘅莫過於係返左一日工，有人陪自己坐低食下飯，傾吓計，開心下，舒緩下！🎏最後朋友用左東亞信用卡買單仲有折，兩個人合共都係$174！抵食🎎

到味千食拉麵,其實都別無所求吧,就好似快餐店一樣,草草食完就走了那些番下劣評既,其實可以考慮下價錢囉...湯底係味精湯就唔評論了,大家都知道啦,豬軟骨醃得幾滑幾易咬,一咬即化, 要說豬軟骨本身的味道?本身豬軟骨就係食醃料味的...拉麵太稔完全無咬口,其實都唔係新鮮事...糖心蛋不夠糖心,有一部分過熟, 都唔太重要了其實同上面既評語幾近相同,不同只係份量較多,叉燒比部分平價拉麵店好,至少是用日式卷叉燒,60元黎講, 算係合格了

我同男朋友叫咗2個拉面（粟米拉面同吉列豬扒拉面）2個湯底都係冇味既. 吉列豬仲硬個柴. 之後叫咗2個小食（炒雜菜同牛柳粒）炒雜菜又係冇味. 成晚較好既就係個牛柳粒但都麻麻地👎👎👎環境同衛生應該咁多味千最差... 好不乾淨

叫左:唐揚豆腐,日式手造餃子,九州烏冬,麻辣牛肉拉麵唐揚豆腐:炸得好硬,豆腐唔香又唔滑.個汁比較淡,唔得.日式手造餃子:煎得剛剛好,唔太油,肉香滑入味,皮好脆.九州烏冬:烏冬爽滑唔粉,豬骨湯香濃酥香,蛋好好味,义燒太細仔件但好香好重味,唔錯.麻辣牛肉拉麵:拉麵彈牙幾滑,麻辣牛肉一般,唔太辣,普通.

團購原因走去食.叫左:蒜香豚粒炒飯,日式秘製炸雞,味千拉麵,蒜片牛肉粒蒜香豚粒炒飯連飲品$36:飯炒得好香唔太油,蒜味十足係用蒜片炒,以下午茶來講真係幾大碟.唔錯.日式秘製炸雞$0:團購送嘅,炸雞香脆夠味,點上沙律醬非常好味.味千拉麵連飲品$34:反而這個唔得,拉麵湯底太淡,拉麵太厚粉,麵質唔夠彈牙,义燒算唔錯.一般.蒜片牛肉粒連飲品$32:除蒜香外再加左黑椒,令香味更濃.牛肉粒份量唔小,牛肉好油香夠味,入口唔嚡有口感,醃得好入味.整體唔錯,會再去幫襯.