味滿

营业中

休息中

平時大魚大肉後都會寫下食評品評一下食肆, 今次係第一次輕食也來出個食評以粥麫鋪, 這間裝潢都好雅緻, 店舖光猛, 整潔, 這樣已吸引我地入座品嚐👍🏻👍🏻首先推介柱候牛筋腩撈麫, 牛筋腩非常之入味, 柱候味香濃, 更值一讚, 筋腩不會太淋, 有咬口, 食食下才發現有幾嚿甜美嘅蘿蔔添, 仲有彈牙幼麫, 整體已經好唔錯, 再嚐兩口清湯, 看似平平無奇, 嘩, 試一啖, 真係要講句無得彈, 因為仲可以飲到用大地魚淆湯真係少之又少，必食😍😍水餃係我嘅至愛, 蝦加筍絲, 完美配合, 好正😉不得不提蠔油冬菇, 超大隻, 以為咁大隻咁厚肉, 唔會點好食, 但卻又煮得好入味喎, 一碟咁多冬菇都係$25咋, 真抵食😋佢地原來有豬潤腸粉, 而且係即叫即蒸喎, 果然腸粉滑溜, 豬潤爽脆, 其他粥麫檔已經好少有得食而又好食呢✌🏻熱辣辣嘅蜆介鯪魚球, 一D魚腥味都冇架, 鍾意食香口, 絕對不可以錯過😛

餐牌上食物好有傳統粥麵舖嘅感覺😲 最吸晴係有爽脆灼鯇魚皮🤩，而家真係無咩地方可以食到呢啲花工夫嘅小食魚皮配上薑蔥絲、指天椒，魚皮爽、脆、滑 ~ 食過返尋味🤭 豬潤湯飯塊塊豬潤都好大片，份量十足，煮嘅時間亦控制得好好👍，豬潤唔硬，唔鞋，咁大塊都煮到呢個質感，好功夫 麻辣牛筋撈麵，生麵夠爽口，牛筋好滑，彈牙有膠質，唔會炆得過稔，麻辣汁夠惹味但唔嗆喉。當中有幾舊蘿蔔，清甜無渣 韮黃鮮蝦腸粉🦐蝦肉新鮮彈牙，無腥味，同埋都算幾大隻腸粉皮整得皮薄軟滑，透到內饀😍 飲品有薏米水、羅漢果茶、蜂蜜菊花茶，比一般茶餐廰更多選擇👍而我飲左蜂蜜菊花茶，味道雖然少少偏甜，但唔係死甜，唔似砂糖糖漿嗰類會起晒痰，係幾清潤。 全日套餐，包主食、食品同油菜，油菜份量同出面叫一碟差唔多咁多，啱晒啲成日外食嘅人，而且呢個價位同份量喺天后黎講，真心好抵食

天后炮台山一向都有唔少出名老牌既雲吞粥粉麵檔，其中有間後起之秀令人一試難忘，試過幾次，質素出眾而且性價比高，今次一定要介紹下👍🏻今次叫左個「全日套餐」🌻 手打鯪魚球撈粗麵 首先一啲腥味都無，新鮮鯪魚肉打成球好彈牙。麵條無鹼水味，有咬口，爽口彈牙，略加左啲豉油調味，夾埋薑蔥一啖一口，配上一碗上湯，大地魚味重又夠清澈，有韭黃先係傳統正宗👍🏻🌻蠔油芥蘭油菜夠嫩，澆上少許熟油加埋蠔油，爽脆可口🌻熱薏米水店家自行pan制見到有蜜棗同生熟薏米甜度較少屬於低糖飲落無負擔🌻加配小食 - 麻辣牛筋炆得唔會太腍，充滿膠質保持到咬感又香又麻帶微辣，食得出有加左少許腩汁，加埋蘿蔔，清甜又無渣，絕非配角😌成個汁我用左去拌麵，惹味開胃，保證一滴都無剩😋天后炮台山一向都有唔少出名老牌既雲吞粥粉麵檔，其中有間後起之秀令人一試難忘，試過幾次，質素出眾而且性價比高，今次一定要介紹下

下班跟朋友來到天后吃晚餐 經過這家粥店試一下裝橫簡單的一家小店 菜式種類算多 不繼有客人進出 有不少熟客 看來這家蠻受歡迎的🤭淨雲吞 全日套餐 💰68雲吞皮薄 大大粒蝦 鮮甜包括菜 （選蠔油菜心） 加熱豆漿 追加小食- 脆脆炸兩 💰30油條炸得香脆 腸粉皮厚度適中 配上甜醬 豉油 花生醬吃 口感外滑內脆 正！淨蘿蔔麻辣牛筋腩 💰80牛筋跟牛腩炆得很入味 很軟身 麻辣味香辣惹味 辣度剛好艇仔粥 💰43粥底綿滑 材料十足 口感彈牙的魷魚跟豬皮 配上咸肉絲、魚片 味道不會太淡 很開胃凍豆漿 💰10

2023 七月美食攻略天后區粥麵小店,限時用餐都要食既好味小店,套餐由$75起,一粥一油條一蘿蔔限量供應!忙到做唔切,好快賣曬啊~唔係每次都食到小店好有型格,賣完就無!皮蛋瘦肉粥配即炸油條,牛腩汁蘿蔔75蚊,超大碗呢!即煮,個粥底熱到噴煙,好似燙傷,記得降溫先食粥底棉香滑,皮蛋夠香夠味,瘦肉夠碎!!份量好大碗,好滿足,油條都係即炸,貴少少但品質上好高,係要等多5分鐘,但值得呢~腩汁蘿蔔 夠曬甜,中間位煲到甜曬即拉叉燒腸粉,夠薄皮,包住叉燒碎餡,一客3件,好食雲吞麵加配菜加2蚊有野飲傳統細蓉雲吞麵,一絲油都無麵身夠彈,入口湯有大地魚味薄皮蝦爽,好味道位少,只收現金,限量供應,性格街坊店有堅持有味道,值得消費$220評分9/10#味滿

呢間餐廳環境光鮮,舒適,有好多唔同食品選擇,包括粥,麵,雲吞,牛腩等等,我地叫左一碟淨牛腩蘿蔔,牛腩仲有牛孖筋好軟滑,牛腩好大堍,肉厚抵食,份量都好多,另外,仲有一碟淨南乳豬手,豬手整到好淋,唔會好硬,豬手好多件,仲有一碟即炸既魚球,外脆內軟魚肉味香濃必食,仲有一碗好大碗既皮蛋瘦肉粥,皮蛋好多,粥煲到好軟綿綿同熱辣辣,腸粉都有好多款,今次叫左叉燒腸粉,腸粉好滑,叉燒涵料好多,職員好友善,態度親切仲不停幫我地加水。

喺天后附近上完堂📚, 🧐想搵啲港式粉麵食,  輕盈啲😛🍴味滿-店內環境簡潔, 燈光鮮明💡👯‍♀️門口也有不少人等候座位同外賣🥡🔆全日套餐：🥢粉麵類｜ 🥣生滾粥類｜🍚飯類｜湯飯類*包油菜及飲品 //🥢粉麵套餐//🔸蔥薑豬潤麵 $68 7.5/10豬潤每塊都好大片🤩, 有5-6片😚質感粉嫩, 唔嚡口🥢幼麵麵質爽口😙湯底清甜中帶蔥薑香味🔸鮮蝦雲吞撈麵🦐 $78 7/10✔️麵選擇：幼/ 粗麵雲吞有6 粒, 大小適中👍🏻內餡份量足, 調味恰當👌🏻🔸油菜 (跟餐) 🥬可選： 芥蘭 / 菜心/ 生菜 🙌🏻白烚菜加蠔油, 蠔油放一旁🆙成餐飯感覺好balance, 更健康🥰～✅適合外食族, 菜量很多🥳//小食//🔸紅油三寶 $34 6.5/10＝水餃🥟, 菜肉雲吞, 片頭每款有2件, 面頭加咗啲花椒增添香氣💨🫣好似加咗啲黑醋, 食落微辣中帶略酸😋🔸韮黃鮮蝦腸粉 $36 7.5/10即叫即整♨️一碟有3條每條有2隻大蝦仁🦐🦐蝦肉新鮮爽彈腸粉皮薄滑溜😍//🥤飲品//🥤飲品選擇好多, 共12款😳仲有啲特色健康飲品揀🫨～✔️薏米水/柑桔蜜/羅漢果茶/蜂蜜菊花露🔸凍檸茶🍋 +$2🔸熱薏米水 (跟餐)用咗生熟薏米

呢排食得太多肉間中我都會食清啖啲比腸胃舒適下天后站一上嚟見到呢間粥店店舖唔算太大，但座位充足，乾淨衛生Lunch set有飯．麵．粥 選擇都幾多✨艇仔粥平日食開嘅艇仔粥都加咗碎牛呢度就係用新鮮魚片，好滑唔鯹又無骨粥底綿滑，好足料味道健康無味精✨紅油三寶水餃．魚片頭．菜肉雲吞酸酸辣辣好惹味✨蝦籽芥蘭芥醬爽甜新鮮曬上蝦籽有點鹹香，味道好夾✨酥炸鯪魚球見隔離枱食得滋味外皮炸得金黃，咬開裡面整粒鯪魚肉口感軟彈，沾少少蜆芥更惹味

今次決定下午茶去挑戰食一款未食過的菜式—鯇魚片腸粉，叉燒腸、牛肉腸、蝦腸聽得多，但係鯇魚片腸粉又有無聽過呢？上網Search左一下，發覺呢間餐廳的鯇魚片腸粉在港島區都幾出名下，所以特地慕名而去😎鯇魚腩粥 $50鯇魚腩肥美味濃，與粥配搭不錯👍🏻粥底每吃一口都有陣陣餘香🤞🏻鯇魚片腸粉 $35第一次見到有鯇魚片腸粉，幾特別😂與鯇魚腩明顯不同的是，居然可以無咩骨，適合唔鍾意食到魚骨的朋友們鮮蝦雲吞麵 $38價錢在港島區來說可以接受，雲吞餃皮薄，以蝦肉作餡料，正常發揮😝好味指數：8/10性價比指數：8/10餐廳名稱：味滿餐廳地址：天后電氣道64號地舖電話：24280266

天后粥麵店，有好多香港情懷風味，店舖雖小，但好乾淨整潔，而且好舒適。Lunch 時候有午餐set 可以選擇不同嘅餐，包括生滾粥、粉麵、飯，多款小食、腸粉等，充滿香港傳統特色味道柱候牛筋腩撈麵 $55+5配凍檸茶 牛筋牛腩都好彈牙，柱候醬味香，而且醬汁好惹味，撈麵跟牛腩牛筋分開上碟，可以保持麵質爽口腩汁蘿蔔 $22濃味腩汁加入清甜蘿蔔，好淋好美味酥炸鯪魚球 $40香炸鯪魚球 配有蜆仔汁味道好好味，鮮炸鯪魚球好新鮮，魚肉好彈牙

放工後黎到天后覓食，見到呢間粥麵店好受歡迎🤩🤩小店主打粥品、粉麵同飯餐，食物選擇多！今次試左佢地的全日套餐，包主食、油菜同飲品～好抵食👍🏻👍🏻🍝醒胃炸醬撈麵 $78✨呢個係佢地的人氣菜式，要試試！！幼麵口感爽彈，面層鋪滿微辣的炸醬肉絲，甜甜地辣辣地好醒胃😋😋跟餐的菜心好新鮮，份量仲好多！唔錯👍🏻👍🏻🍘脆脆炸兩 $30✨腸粉薄身嫩滑，裡面包住金黃酥脆的油炸鬼🤤🤤咬落外滑內脆🔥，蘸甜醬、麻醬同豉油一齊食就最正！！🍹蜂蜜菊花露 (+$2)✨味道清甜，帶淡淡菊花香氣🌼～～飲完好解渴，仲有潤喉潤肺、清熱解毒等功效添❤️❤️

🔹️最近想清清哋食吓粥🥣便選擇了位於天后電氣道的 "味滿"🥢店內以簡潔、清新裝修, 冷氣充足, 唔怕會熱辣辣、滴晒汗咁食粥啦😎店員細心、友善、效率高👍🔹️食物有水準、用料新鮮、最重要無味精, 健康之選🧐🔸️豬潤粥🥣粥底綿滑, 滿滿厚切豬潤, 味道鮮甜唔腥, 份量大滿足💯🔸️油炸鬼🥖色澤金黃, 十分香脆👍🔸️豬什麵🍜罕有的豬什麵, 麵底以幼麵, 口感幼滑, 份量滿滿的豬什, 能一次試齊多種口味😋🔸️韭皇蝦腸🦐🌯大大隻鮮蝦, 鮮甜彈口, 充滿非皇香, 腸粉幼滑🤤🔸️腩汁蘿蔔🍲蘿蔔炆至腍身, 容易入口, 加上濃而不鹹的腩汁, 十分開胃👍🔸️炸鯪魚球🧆鯪魚球炸至金黃, 脆卜卜, 啖啖肉, 十分彈牙, 熱辣辣送上, 配上蜆芥汁, 回味無窮😋🔸️蝦籽菜心🥬菜心鮮嫩, 加上蝦籽, 更能帶出鮮味👍🔸️熱薏米水🍵夏天最適合飲用的薏米水, 有助健脾🤗🔸️凍柑桔蜜🧉味道淡香, 化痰潤喉☺️

一間以粉麵粥為主的小店, 最罕見的是店鋪沒有一個劣評, 這令我覺得十分好奇! 🤔 店鋪不大, 配上簡潔的裝潢, 掛上幾幅很簡單的壁畫。餐廳有全日套餐供應, 套餐會奉送油菜及一杯飲品, 另外可以加錢點小食, 最多可加兩款。炸醬麵 $78 (跟餐)可以選擇粗麵或幼麵, 慣常地選擇了幼麵, 麵身爽彈, 豬肉切條, 炸很帶點脆口, 有咬口, 利用豆瓣醬加茄醬拌勻與豬肉條混合, 酸酸甜甜外再帶點微辣, 十分惹味😋另外炸醬麵還奉上一碗熱湯, 是一般雲吞麵的湯底, 可以自行調較麵的濕度, 湯底沒有鹼水味👍🏻柱候筋腩飯 $50牛腩炆得入味, 而且又淋又滑, 一咬已經幾乎散開, 牛筋也一樣美味。白蘿蔔同樣很淋, 沒有沙, 但如果再甜一點就更理想☺️炸雲吞 $35雲吞炸得香脆可口, 可謂外脆內嫩, 裡面蝦肉又大粒又彈牙! 配上酸辣醬汁, 非常美味 😁韭皇蝦腸 $36腸粉皮簿幼滑, 蝦肉跟炸雲吞一樣大粒彈牙, 加上韭皇的甘甜味和鼓油的咸甜味更豐富口感!紫薑糖心皮蛋 $32皮蛋四隻開半, 外皮有咬口, 蛋黃滑溜半黏性, 很不錯! 中間加上酸薑片, 雖然我對酸薑沒有什麼好感, 但覺得酸薑味道略為不夠。終於明白為何

到天后找晚餐，再次來到這個粵式粥品店。🥢豬潤粥 + 油條 & 腩汁蘿蔔：厚切豬潤夠彈牙，配埋以調味的粥底，值得推薦。油炸鬼都非常卜卜脆。最特別是腩汁蘿蔔，意外地清甜沒有渣～🥢牛筋腩飯 + 蠔油菜心牛筋牛腩處理到非常入味而且軟熟，非常易入口🥢韭黃鮮蝦腸粉 + 羅漢果茶腸粉夠高質，因為粉皮夠薄，而且入口非常滑溜～ 而羅漢果茶喝得出沒有加糖，味道夠甘而且喝得出原本的甜🥢炸鯪魚球﹕滿滿魚味唔腥，炸到外皮夠脆，最鍾意配埋蜆介醬汁來吃🥢灼魚皮﹕魚皮夠彈牙，配上經典薑蔥絲～🥢炸雲吞 + 雞翼：雲吞炸到酥脆，雞翼入味。兩款小食都很不錯。

味滿天后電氣道64號地舖今次同老友經開天后電氣道，呢條街好多嘢食，佢推介 味滿 食牛腩同雲吞麵，又幾高汁喎！🤤韭黃鮮蝦腸粉大廚即叫即製，腸粉夠滑，蝦肉新鮮，爽口彈牙，加了韭黃和醬油增加層次，趁熱食好正！😍鮮蝦雲吞湯麵湯底夠清甜，冇味精，好快畀我飲曬。鮮蝦夠大隻，內層調配的鹹香餡料恰到好處，雲吞有五粒，份量十足。幼麵爽口煙韌，冇鹼水味，處理得很好，必食！😻麻辣牛筋牛腩撈麵牛筋炆得夠淋，牛腩夠煙韌，唔會黐牙，口感不錯，蘿蔔夠入味，麻辣汁不會太鹹，辣度輕鬆， 送麵一流。香茅雞翼即叫即炸，炸油新鮮，外層香脆，內層嫩滑，香茅味濃，好開胃。😄蠔油生菜少油的生菜食完很舒暢，我把菜浸在湯麵中，效果不錯。😋味滿 真材實料，沒有味精，價錢公道，還會再來。😎🤘🏻