味皇茶餐廳 (已結業)

由於早上要去聯合醫院做定期檢查，所以事前去了醫院附近的屋院商場吃個早餐。商場內有兩間港式茶餐廳，最後我選了連鎖的味皇茶餐廳。原因是因為經過我兩間餐廳都看過之後，看到味皇比較多人、比較旺場，所以直覺覺得應該去呢間比較穩陣。由於等一陣要做檢查，所以費事食得太飽，只叫咗一個油占多給一杯茶走作為早餐。原本我落單時同侍應講係想食鮮油占多，但侍應答一句：「鮮油占多啊？要加錢架喎！」我：「咁加幾多？」侍應：「我唔知要加幾多喎，咁你仲要唔要呀？」。他的態度令我覺得好似唔想我叫鮮油占多咁，咁我先改叫油占多食物地都之後，我心諗：下？多士係烘一半就算拿？幸好杯茶走質素都算OK，唔算太甜，而且個茶都幾滑，算飲得過嘅。但係都打開個多士你望一望，就覺得中伏了。如大家所見牛油查一般果占查一半，咁就叫油占多了。我諗大家食多士查牛油，都唔會只係查塊多士少少部份啦，呢度廚房做到咁真係好乸西囉。幸好，個多士係新鮮烘起，食落仲熱嘅。所以都唔叫做太難食，否則的話呢份多士我一定會俾劣評。唔該啦，連鎖餐廳的質素都做到咁，即係迫班居民焗住幫襯姐，你唔好去搶！

味皇餐廳今日我為左幫朋友執屋，就去左觀塘果頭食野。果間平民餐廳，帶比我地好多驚喜。不單止味道好味，價錢仲好👌🏻👌🏻👌🏻性價比極高👍🏼👍🏼👍🏼👶🏻👶🏻👶🏻 我地總共叫左5個餐。1.咕嚕肉：味道惹味，而肉塊新鮮不老。最重要係佢有炸過d薯仔，再落醬炒，所以薯仔脆口得來吸了味道😍😍2.魚香茄子煲： 大大煲，魚香味突出👍🏼👍🏼茄子吸晒d味，亦唔會太咸，拌飯一流！3.蝦醬通菜炒牛肉：蝦醬味濃烈，少咸可接受，令人食唔停口。個人認為當日最好食，就係佢啦。4.蝦仁炒蛋：炒得過老，蛋不是滑蛋，較硬身。而蝦仁🍤份量亦不多，不過就粒粒大大粒5.豆腐魚塊煲：亦係大大煲。味道還好，特別係我幾鍾意食豆腐，真係好吸引。反而魚塊就較硬身，不太好味。每個餐都有飲品同湯。中湯，太重味精，亦較咸。而西湯雖然濃味，但十分惹味開胃，加分加分！最重要係佢飲品轉特飲好平，只需3蚊。真係十分分抵，我地轉左紅豆冰同利賓納啫喱。Nice nice😍😍😍😍

下午茶時間，喺秀茂坪曉麗苑商埸成日見好多人排隊等位，發現下午茶菠蘿油連一杯熱飲也是1X蚊到。抵！我同老爸吃，佢個包熱，我那個不夠熱、叫侍應叮熱少少俾我……之後熱騰騰就正晒！奶茶夠滑

今晚同阿爸阿媽去味皇茶餐廳食晚飯，以前都幫襯過幾次，食物都算唔錯，所以諗住再去幫襯。我哋3個未到8點去到，要等位都係十分正常。等咗大約20分鐘，終於可以入座。諗住叫生炒排骨套餐，落單個阿姐話賣晒，仲串我話晚市6點開始，你哋咁遲，賣晒唔出奇。但嗰時都只不過係8點鬆啲。之後我哋諗住叫第二啲嘢，點知呢樣又話賣晒，嗰樣又話賣晒，個人已經火火哋，跟住想叫人落單，叫咗幾次都冇人理我，一係就話轉頭，一係啋都唔啋你，我最後忍無可忍，攞部iPhone X 一嘢大大力拍落張枱度，先有人嚟招呼我！最後叫咗肉碎魚香茄子同埋羅漢齋豆腐魚柳煲，但因為魚柳賣晒，所以減咗我哋4蚊咁大把！食物終於上枱，質素只可以話正常，冇乜特別。總結係，呢間嘢，食要等位，又要冇服務，又冇貨賣，食物又普通，真係冇下次！

放假經過曉麗苑想食個下午茶 係無乜選擇之下揀左呢間味皇等左十分鐘左右就有位 但係入到去 阿姐淨係收左上手食淨既杯碟 枱都無抹下 叫阿姐幫手抹下就一直都無回應 張枱濕立立 最後都係阿媽忍唔住拎張紙巾岀黎自己抹照燒牛肉大碗飯 ($35)D汁係超濃縮版既照燒汁 真係非一般咁鹹 飯又硬 同想像中有一大段既距離 連吉野家既質素都無 好失望乾炒牛河 ($36)呢個既味道就正正常常 還可以叫左杯椰汁特飲 味道可以 但總覺得d杯碟餐具都洗得唔夠乾淨

今晚同一位朋友到呢間餐廳晚飯，每人叫咗一個客飯套餐。叫餐嘅時候個服務員黑口黑面，又冇得罪佢，點解會係咁嘅態度！後來上咗菜，但未有跟飯，我哋就問番呢個職員飯仲未到，佢就話廚房冇裝飯出嚟就無囉……一個服務員見到個客菜嚟咗但冇飯，你都會去跟下係咪呀！後來仲衰，埋單嘅時候大家AA 制，但發現大家都只有一百蚊無碎銀，所以唯有去收銀埋單叫收銀員幫我們分開找續。點知嗰位職員黑晒塊臉， 一路找錢一路哦，又話要搵散紙畀我哋好麻煩，跟住我嘅朋友同佢講，其實如果我哋兩個係分開嚟食飯，你都係要咁樣找續嘅喇，嗰個職員就話：「我知！我講多幾句啫，你唔使咁樣啄住我呀！」 我個朋友忍唔住回番佢：「我都係講兩句啫，你都唔使咁樣啄住我㗎！」我哋真係火都嚟埋，真係態度差到冇人有！ 呢個屋苑嘅百佳啲收銀員啲服務真係比佢哋好好多！ 咁嘅質素可能係因為佢哋成日啲客排曬長龍 ，唔休做啦！ 但係咁嘅服務質素真係會趕客走囉！

今日黎左女朋友屋企樓下食飯因為冇煮飯嘅關係我哋落咗屋企樓下打邊爐味皇一到午飯或者晚飯時間總係會好多人排晒隊今日同平時一樣都要等一陣先至可以入去入到去之後馬上order左一個雞煲其實除咗雞煲之外呢度都仲有一人火鍋適合一人或者兩小口食冇幾耐雞煲隨即送上＄138嘅雞煲份量都唔少架雞肉都幾多而且食落去有啲仲啖啖肉味道方面唔會十分辣, 而且唔會太過喊味道適中，唔錯！👏🏻👏🏻👏🏻除咗雞煲之外呢個雞煲套餐仲會包幾塊肥牛以及蔬菜拼盤, 蔬菜拼盤裏面都有好多嘢食除咗有丸仔，金菇，粟米，菜等下面仲有大量米線，因為雞煲做打邊爐湯底味道已經好夠濃咪先再吸收左湯底嘅味道食落去都幾好食架！整體方面都唔錯可以再幫襯

每次嚟呢度都會不自覺點個星洲炒米嚟食。有時明明諗住試下其他嘢，都會忍唔住叫翻碟星洲炒米！因為呢度嘅星洲炒米實在太符合我個人口味 ，亦係我食過咁多星洲炒米最好食嘅！米粉夠幼細，咖哩亦非常香濃，材料豐富，所以次次都食到唔停得口！好快就食晒一碟米粉啦。若果各位喜好食星洲炒米嘅朋友一定要嚟呢間試下，好食到冇人有。遇啱午巿套餐或者下午茶有呢款，就真係又抵又好味！仲有就係呢度套餐送嘅咖啡唔係一般茶餐廳嗰啲苦澀咖啡，而係即磨咖啡，雖然未必及得上咖啡店嗰啲咖啡，但都算唔錯啦！

住在曉麗苑, 來來去去也是吃兩間餐廳, 漸漸地對嘢食要求已經冇咁高了...1月1日難得爸爸放假, 兩父女一起落樓下吃下午茶. 下午茶時段這裡已經十分多人, 大概等了10分鐘便可以安排入座. 味皇已經吃過無數次, 自從自己開始寫食評之後才發覺自己對嘢食要求變得高咗.雖然到了下午茶時間, 但沒有叫下午茶餐而叫了一個咖喱湯麵咖喱牛腩米線 $36咖喱湯味道唔算太濃烈, 只是味道清清的咖喱是因為咖喱牛腩導致湯有咖喱味道, 幸好牛腩份量也算適中, 吃下可有口感. 除了咖喱牛腩外, 還有數舊薯仔, 薯仔有時先炸過, 令薯仔不會太林身, 整體感覺都不錯!因爸爸早上已吃過東西不算肚餓, 所以只叫了一份芝士蛋治, 炒蛋炒得剛剛好不會太熟, 內裡還有一些雞蛋呈半熟狀態, 而芝士會受雞蛋的熱力影響而變成半溶狀態, 味道都ok不算很大驚喜屋苑內的餐廳已經成為每個住客的米飯餐廳, 差不多一個星期總會吃到一餐, 味道不算太大驚喜但不過不失, 只要放假時間便會下來幫襯

曉麗苑商場冇乜選擇就揀咗微黃做晏晝啦牽去有得加午餐都有好幾款揀要咗個雞扒腸仔芝士汁飯諗住芝士汁聽落都幾邪惡下🤗點知上到菜有少少失望首先芝士汁係完全冇芝士味嘅仲要超級咸結果我成碗飯都冇撈過嗰個所謂嘅芝士汁不過雞扒就值得一讚有啲香草喺面一齊煎雞肉都吸有淡淡的香草味以茶餐廳地黎講引算唔錯喎其他中湯飲品就不過不失啦＄38都可以接受嘅係下次唔好再食芝士汁啦

等外賣等到後六七個外賣order 出完都未到、最後人地個order 出完四五盒嘢、我追完三次先話就出到.......我叫2個晩餐啫⋯⋯唔係挑花呀⋯⋯生意好、唔志在就無法啦、

有時媽媽唔會煮, 就會落樓下食飯屋企樓下嘅餐廳唔多只有兩間唔係A就係B, 今日揀咗A呢間味皇平時都食開, 真係可以叫做米飯班主其實每日嘅晚餐都唔同今日揀咗土魷蒸肉餅&咖喱牛腩雞中翼飯土魷蒸肉餅其實已經預先整好, 可能啱啱蒸好一大鍋既肉餅, 叫咗冇耐已經有得食👌🏻肉餅都幾多料架! 土魷同馬蹄份量都幾多, 食落去口感偏鬆軟, 味道適中咖喱牛腩雞中翼飯王牌嘅咖喱牛腩🐂口味的確冇得輸咖喱唔會好辣, 味道香濃, 配上煮到好林嘅牛腩撈飯真係一流! 👏🏻👏🏻👏🏻仲有兩隻啱啱炸好咗嘅雞中翼, 香脆無比😍 外皮炸得比較乾身不過食落去肉質唔會太過乾, 唔錯唔錯! ❗️❗️❗️❗️❗️❗️❗️❗️❗️不得不提呢度嘅衛生情況真係有啲差, 提供比客人嘅水杯三杯有兩部都好污糟😖, Dirty唔係杯出面係入面啊!!! 我飲完先至見到入面好污糟真係吐都吐唔吐切......😭😭😭😭😭😭😭😭😭😭情況就好似冇洗杯一樣, 真心希望呢個情況會好好改善一下😖

依間餐廳食過幾次覺得唔錯，亦介紹唔少人食，食物份量大又足料，但經過噚日件事我以後都唔會再去。其實件事本身好簡單，只喺少事化大咗。首先我哋一行六人去食，咁就有個叫咗8004套餐，配薯菜，發現畀錯配料，畀咗白飯，咁就同侍應講，但侍應就拎走咗我哋白飯冇畀返薯菜，咁就同返侍應講，之後有個應該喺經理或店長嘅人走嚟話有畀薯菜起哂底，我阿哥個fd就掀起個扒但確實喺冇畀到，咁我哥個fd就有少少激動話「你哋畀白飯我，即刻冇哂薯菜咁話？」，之後個經理/店長佢未搞清楚件事，就話「薯菜起哂底，識我嘅人都知我份人喺點，有咩事我負責」，咁我哋當時坐路中間個大圓檯，左邊四人卡位咁啱嗰兩個客就走。之後個經理/店長就命令式口吻叫我媽：「起身」我媽：「下？」經理/店長：「你起身」之後我媽起身，然後佢就將將圓檯同隔離個卡位泊埋之後我哥就話：「好串喎」經理/店長：「唔喺串」我哥：「你依家用命令式口吻叫我媽起身，你同我講唔喺串？唔該都冇聲」我哥想開佢拖㗎啦，喺佢朋友噤住佢先冇事成件事好簡單，喺個經理/店長未搞清楚件事，其實只要畀返個薯菜就咩事都冇，我知返茶餐廳壓力大辛苦，但你冇唔該至少都應該道下歉，如果佢好好語氣話「唔好意思，

我好肯定如果唔係貪方便，我無可能會揀呢間茶餐廳！（雖然我知呢啲質素既周街都係）😁因家住曉麗苑，而當中只有兩間茶餐廳可供選擇，呢間已經係比較good 既一間。以前媽媽要返工無時間煮飯，連夜晚果餐都會幫襯，而家prefer 食住家飯。雖然食物種類都算繁多（冬天重會有一人邊爐同羊腩煲），味道亦不過不失！不過呢個早餐會唔會求其左d d?縱然叫既野全部有齊響呢隻碟度，但係好似每一樣野都各顧各地排開，完全無heart ❤️! 魚柳細得可憐兼炸左一段時間，查實太陽旦同餐肉俾多塊都不為過丫！又是但加左丁點粟米粒同半生熟椰菜（等你感覺良好d) 當下覺得頹廢既早餐、其實唸深一層，出面動輒成百蚊既all day breakfast ，大堆頭樣樣有d ,看似物有所值，不過呢個包埋野飲先三十蚊既早餐，又似乎盡晒佢既義務同責任！

中午行經呢間茶餐廳時，可能過左中午，無咩人，但到左下午茶時間，行返去食就要等位。原來呢間茶餐廳要等叫NO.，咁岩成間FULL哂。等左十鐘左右就入到去啦，侍應都算幾有效率，我們點了五寶粗及焗豬扒飯。五寶粗:有炸魚皮，魚片，魚皮餃，魚蛋及招牌魚腐。炸魚皮唔脆，味道都可以再來焗豬扒飯:我覺得比大家樂好食，但個水就酸左少少。豬扒幾林飲品方面，無乜特別。唯一要改善係D碗筷，有D碗係裂同埋唔乾淨