和三昧

营业中

休息中

————————————————————————和三昧 Wa San Mai地址：銅鑼灣軒尼詩道555號東角中心22樓22/F, East Point Centre, 555 Hennessy Road, Causeway Bay一定要book位試試既鐵板燒，超級好味😋，值回票價！🟠推薦食物🔹佐賀A4級和牛🥩/鮑魚🦪鐵板燒：師傅會係面前全程serve你，煮之前會拎食材出來同你confirm同埋俾時間影相。鮑魚🦪好新鮮好彈牙，龍蝦🦞超大隻足料好味道，蝦頭會煲埋湯🥘，清酒煮蜆既清酒好足料，煮完d清酒🥃唔會蒸發曬得返甜味，啖啖清酒啖啖鮮甜蜆味。個人覺得美國厚燒牛肉🥩好食過美國薄燒牛肉片🥓，2款都無肥膏，d炒蒜🧄令到陣味有d昇華，中間都有d蔬菜，南瓜，冬菇同豆腐，最尾會有埋炒飯🍚，點都會食到飽。🟡不推薦食物🔹無🟠員工師傅講廣東話但係好professional，唔會有d好華麗既功夫但係煮到d野好好食~我地share 幾個set都好nice咁幫我地分~🟡環境好好，一個師傅全程serve一張枱，好spacious同埋relax🟠總評分（10/10）💰$1300/person#ezukokofood

佢個menu實在太多字，仲要純文字😅Badboy當日好眼瞓兼同朋友踩完板先嚟，本身睇字又慢嘅badboy懶得睇😂交哂俾飯腳拍板😎-🥩佐賀牛石燒膳佐賀牛油脂分佈平均，肉汁豐富口感幼嫩😋茶碗蒸蛋味濃又夠滑👍🏼其他前菜、漬物都唔錯。甜品係芝麻雪糕，香濃好味😋。-🍚明太子茶漬飯飯粒分明，明太子無得輸😋-🍤天婦羅膳天婦羅就比較遜色，麵衣ok但蝦唔新鮮，所有炸物都無咩味，唔甜，好一般。跟餐刺身幾鮮甜唔錯。-🦪北海道貝柱唔算大粒，麵衣薄脆，唔錯。-總結，嚟呢度食牛性價比會高d，其他無大驚喜。環境唔錯，坐卡位夠私隱度同偏靜，枱好大上哂餐都大把位。

約咗客未夠鐘忽然想起和三味就獨自一人上去吃午飯海鮮澳洲牛肉套餐有彈牙大蝦，肥瘦適中嘅澳洲牛肉滑脫脫嘅魚肉，爽口芽菜熱辣辣嘅麵豉湯，滑脫脫冰凍豆腐雪糕再來一杯咖啡，好滿足豐富的午餐

今次係兩星期內第二次來呢度 lunch，上次食和食料理，今次試鐵板燒，兩次既水準都好高，上次和食有不同刺身sushi, 中Toro 都有兩片厚切，都係四百幾，加煮物。今次就order 二人商務set 選佐賀牛 $1160+，兩次都食到你飽，鮑魚係南非唔係大連，仲有松葉蟹腳，鴨肝，舊牛就細左啲，但整體都好抵食

坐得舒適，招呼也好。如常，我叫了個雜錦魚生飯，有四種生魚，每種兩塊，也有大粒魚子和細粒魚子，兩粒帶子，少許海膽，一隻蝦。鋪滿整個碗，下面便是一層薄薄的日本飯。除了生魚飯外，前菜是新鮮沙律，醃製蘿蔔絲，再加日本蒸蛋和蜆蚧日本湯。食完後，再有日本甜品，再加四款雪糕可選擇：豆腐，綠茶，芝麻，紅豆。食個飽飽，在可選擇飲料：咖啡或茶。其他朋友，叫了一份煎魚套餐，一份銀雪魚套餐，小朋友便食滑蛋豬扒飯，再加蟹柳和雞蛋寿司卷。個個都識得很開心。每個大人大約要三百二十元左右。

聞說和三味鐵板燒非常出名，所以預早一個月就book定位，果然全場滿座。幸好安排坐近窗口位。，景色開揚影相又不會背光😄,U型枱圍住個鐵板燒，可以睇到專業師傅的功架，邊食邊欣賞都係種樂趣。叫左2個餐一齊食，鮑魚，帶子好新鮮，蝦都好彈牙，銀雪魚好滑，基本上毋須額外沾醬料已經好好味 ，薄燒牛肉好嫩滑夾埋蒜片更加正👍👍,厚切牛扒煎得啱啱好，保留肉汁唔會鞋。反而炒飯太乾，有點硬。

日本料理之中，我最喜歡嘅都係魚生同壽司。和三昧嘅北海道三色丼飯，賣相吸引。金黃色的海膽綿密柔軟，非常鮮甜，完全沒有苦澀或腥味。三文魚籽大大粒，而且唔會太咸。帶子新鮮，味道濃郁鮮甜。我特別鍾意和三昧嘅魚生飯，因為佢哋會加入少許紫菜醬，可以帶起魚生嘅鮮味，連豉油都唔需要落！簡單的海鮮丼飯更能品味出食材本身的鮮美，令人吃得心滿意足。和三昧地點位於銅鑼灣中心地帶，交通方便。餐廳闊落，分開鐵板燒同和食兩個區域。仕應們都有一定經驗，態度有禮又親切。

和三昧係我食過覺得性價比高的鐵燒。食物材料新燒，廚師火喉掌握得好，環境舒適，服務員態度好。各方面評分都高。😋同朋友來通常會share食，可以試多啲唔同口味。我覺得必食推介的有：-🌟匈牙利鴨肝 ～鴨肝香嫩豐腴。香氣十足。🌟南非鮑魚 ～ 材料新鮮，煮的時候會見到個鮑魚郁來郁去。師傅會落牛油去煮，更能帶出鮮甜味而不單調。鮑魚肉肥厚彈牙。🌟薄燒牛肉 ～ 牛肉煮到半生熟，肉汁豐富，入口即溶。🌟厚燒牛肉 ～烤燒牛肉較有口感。上菜時會放上烘多士上面，麵包索晒牛油嘅精華，都幾好食。以上就是我的心水推介。

這店其實是間出名的老店，開了好多年。今次我同朋友第一次去。店一邊是食鐵板燒，另一邊是食魚生。午飯所以我們揀了去食魚生。餐牌食set的也有好多選擇，差不多有十多款可揀，價錢也不貴，從二百多元至四百多元都有。每一個set，都有前菜，蒸蛋，大蜆清湯，主菜，甜品： 有雪糕和日本甜小點，再可選擇咖啡或茶。想嘗試這店的水準，我當然是選擇去試食魚生。我是食魚生飯，當然是有魚生，魚也新鮮肥美，有兩塊細小的海膽，一隻蝦，兩件細扇貝，三文魚子等。所有魚生是放在好冷嘅日本壽司飯上，飯不多，我覺得可以加些，還有我覺得比較甜，糖太多。我另一位朋友，便點了食燒魚。這條魚叫日本赤坴魚一夜干（Blackthroat Seaperch). 侍應介紹，這條魚是日本漁夫，每晚出海釣的魚。我們聽都未聽過。乾身，都幾好食，新嘗試，可以試試。甜品雪糕可選擇：芝麻，紅豆，豆腐，同柚子雪葩，各有特色。當然最後要飲返一杯，齋啡，舊濃和香，非常好。用這一個價錢，去食咗一餐，我覺得物有所值。餐廳內，沒有豪華的裝修，只是平實，但店內寬敞，生得非常舒服。招呼得好好，專業。相信會再去。

雖然一早預定了，但位置比想像中差，獲安排在餐廳中間，不夠開揚，燈光一般，除鐵板燒師傅外，其他服務人員態度都很一般。今次選了特選套餐，比最便宜的套餐多了銀鱈，牛肉選了厚燒美國牛肉和澳洲和牛。打頭炮是非常普通的麻醬沙律，此時師傅亦開始表演鐵板燒。大蝦非常鮮甜，師傅有用黑椒稍作調味，不沾任何醬料都好美味，不過我都好奇師傅有沒有推介我沾甚麼醬比較好，他說無所謂，隨自己喜好就好。旁邊的帶子相對遜色，雖然啖啖肉，但不及大蝦鮮甜。鱈魚有一點點腥，而且有骨，要小心吃。蝦頭燒得酥脆，不過蝦內臟有點苦。個人比較喜歡美國牛肉，肉汁更多。麵豉湯、炒飯和雜菜都不太突出，就不特別說了。差不多吃完之際，店員帶我們移師到咖啡區，以雪糕和咖啡作結。

我通常都會㨂中午食日式鐵板燒，價錢在我可接受的範圍，同時又可以享用高級的鐵板燒，性價比好高。由於想食海鮮，我地三個人齊齊叫咗商務套餐，有清酒煮蜆，魷魚，蟹腳等，方面就有薄牛肉同埋豬肉卷。由於我哋三個都唔係咁鍾意飲酒，所以個清酒煮蜆就覺得一般，好重酒味。牛肉同豬肉都係好好味，最鍾意食薄切牛，配啲蔥同蒜，好惹味。本身覺得板燒有豬肉，好似好蝕底咁，但係呢個豬肉卷有少少似北京填鴨咁，個皮好脆好香口，而肉質好嫩好Juicy, 大推！！呢間餐廳最特別係食完鐵板燒之後，會邀請你去另外一個corner,飲埋杯餐飲，即刻可以慢慢坐之餘，餐廳可以空返鐵板燒為比第二台，我地唔使食完急急腳咁走。另外，同朋友我生日，可以帶蛋糕上去，有蠟燭，仲唔收切餅費。餐廳安排好貼心。

♨️和三昧銅鑼灣軒尼詩道555號東角中心22樓❤️據說係香港三大鐵板燒之一，佔地14000尺，滿心期待反而今次有D失望，先唔講食物，我地食鐵板燒正常應該一道道菜慢慢上，但見佢一次過落晒所有食物去鐵板度整，發生咩事呢？好趕時間有下場？廚師亦冇同我哋有任何交流，真係疫情好好生意所以咁忙，今次體驗未達預期的理想😔總括嚟講咁老字號嘅鐵板燒店有少少Hea客人，食物材料未係好靚，一鑊過上菜真係嚇死寶寶，但我估計佢好多die hard fans, 因為都全院滿座，但我食一次應該夠唔會encore📍清新沙律好普通好似食普通居酒屋提供的沙律📍車海老大蝦唔夠彈牙但鮮甜的📍北海道貝柱未夠鮮甜但爽口的📍南非鮑魚點下汁食還可以的📍銀雪魚正常的銀雪魚味道📍松葉蟹棒正正常常無驚喜📍特上鵝肝鵝肝夠濃郁肥美漏口啱我口味📍美國牛薄燒冇牛肉味的薄燒，失望📍炒飯睇住佢炒點解好似我自己炒都炒到咁嘅款，味道係好住家feel😔📍炒雜菜：芽菜、菇為主好味成碟食晒📍咖啡特別之處食完要去另一位置休閑區飲咖啡食雪糕，又可以Hea一陣吹水，咖啡係好飲的📍柚子雪芭少少孤寒要加錢先有雪糕，竟然冇乜柚子味，又係失望食物：7.8/10抵食：7.5/10

一行五人來吃鐵板燒慶祝屋企人生日😚叫左一個澳洲鮑魚套餐(3人前)一個龍蝦套餐(2人前)🦞整體來講，食材好新鮮，但味道偏重口味。環境寧靜，私隱度高，我哋5個可以有一個包廂，坐得都幾舒服😌鐵板燒部份，啲海鮮好新鮮、和牛都無得輸，包住蔥蒜煎香，好好味😋炒飯加入和牛粒炒，增添油脂香味🥰湯用左燒過嘅蝦頭，呢個夠濃味，重味噌味😌清酒煮蜆好出色，我哋都好鐘意！！蜆又新鮮又大隻，酒味好香，好鮮甜！😋😋

You would never go wrong with this jap resto that serves every style of Japanese cuisine from teppanyaki to sushi, shabushabu to yakitori, sukiyaki to don. The Japanese Pork sukiyaki we had tonight was just as good as it can get. Only be cautioned that servicing momentum could get kindda slow.

四個女仔慶祝生日我哋就點左鮑魚 大蝦鵝肝 燒鰻同兩款牛美國牛肉薄切 同和牛厚切頭盤我揀咗白子據聞係安康魚嘅精囊白色有啲似人腦嘅感覺講真我真係覺得好鮮甜好好食幅相out咗Focus所以delete咗下次再影過跟住係清酒煮白蜆仔真係蜆有蜆味點解啖湯都可以咁甜嘅？然後我見到好大隻嘅鮮鮑魚同大蝦大蝦爽滑鮮甜鮑魚爽脆口感 回味無窮後來仲各自點咗鵝肝同鰻魚鵝肝係甘香 油脂夠重鰻魚我就冇食啦因為我要食多蔥薄燒牛肉肉質鮮美 入口即溶 正最後就係我嘅至愛厚切和牛 因為唔係我點菜所以我都唔知係咩部位口感一流 肉質好鬆冧 好juicy 今晚真係大滿足 呢餐雖然唔平 不過物有所值丫