和幸吧 (已結業)

和幸銅鑼灣去過幾次，尖咀呢間係第一次，今次好好book到露台位坐。 個個話牛舌好味，我就覺得好噁心，試左唔喜果種質感。反之薄薄地牛小排我覺得仲好味，牛味幾重好腍身，係衰在一碟份量唔算多，好快清晒。我仲叫左個豚肉鍋，無聽錯，上到黎咩都試下，豬肉都OK。佢都一樣係切到薄薄地，唔知係咪因為薄身，總係覺得平時出面食無佢咁腍身。And then成鍋連菜連豆腐都幾好，夜晚有風吹埋黎，暖暖地食好有火鍋feel。諗番入去時都算早，6點幾天未黑坐到9點，露台就滿人都無入面咁嘈，有風吹下傾下偈，都算坐得幾舒服。

晚晚OT食龍肉都無味，太夜食又怕肥。 見第二日紅假唔使返，捱到930，終於同個同事食我地是日唔知算唔算宵夜既晚餐。我地唔係叫左好多野食，反而每人飲左兩大杯生啤， 食物只係配角 ，爽呀!!!!!! 都係講返食，我地先食白果，真係食得既白果，原來白果叫銀杏依家先知，咸咸地餸酒都唔錯。肉都有，叫左個厚切牛舌，佢有個係連汁一碗上(見隔離檯食緊)，我地叫左原味，咩汁都冇齋肉。咬落去，冇失望，又係爽呀!!!!!! 爽得黎仲有肉汁，Encore左一次。另一個肉就叫左澳洲和牛小排肉，估唔到咁多雪花紋，我諗貴在都係呢D雪花喇。試過燒一塊熟D，一塊冇咁熟，結果都係生D好食D。真係前後燒幾下就可以入口，會有溶溶地既感覺好正。其實仲叫左個原隻魷魚，都係餸酒野，可能終於比較鍾意食泰式 / 越式燒法，呢個唔算話好特別。

同朋友6:00到，坐低無耐勁sell $8xx的海鮮餐，最終因為之後打波，因此唔叫大多，兩人叫了個特選肉盛套餐，有4隻開邊雞翼，牛舌、五花肉、和牛、2舊開邊栗米，樣樣2-4塊，份量奇少，當食tea還ok，野食質素一般，都係金馬倫道依呂x好些，特別是set mad:此外，我覺得一間店最基本是有水/茶給客人，連一杯茶都唔比客人，叫佢比，盛惠$10杯，局你要幫襯佢order飲品，同行友人即說，這間無下次，又寫明最低消費，佢又無，最嬲係食到一半放兩碟仔前菜黎，(咸魚仔同好像青瓜的小吃)，明屈你$20，問佢是否包埋，佢話唔係，話一坐低就一人一碟.......火地黎埋，咁又食到一半才黎叫前菜???坐位一d都唔好坐，頂膝頭.....埋單$394....發誓永不再來。

第一次食日本店的燒烤,自己唔食牛肉,但此店的團購賣點卻是牛肉,不過沒所謂因為還有豚肉及雞肉,當然亦要找個食牛肉的人陪我,這樣就唔會覺得浪費,每次用團購的卷,唔到最後限期都唔動身,今次亦不例外因為要配合表妹下午上課時間,所以訂了12:00這個時段,不知是否時間尚早,我們入座後眼看連我們得二,三枱食客,安排入坐卡位,自成一角都幾好.等了一陣女侍應隨隨送上食物盤,把握時間,表妹隨即放下各樣肉類,忙不迭地翻轉烤物,首先食件柚子豚Toro,醃得好入味,但可能燒過長時間有少少硬,此終自己燒的,唔懂得控制火喉吧;辣味雞肉,醃料味道麻麻而且肉質有些鞋;味噌雞肉,肉質比較嫩滑又好味些;燒汁雞翼及鹽燒雞翼,食落淡而無味,不過喜歡他們將雞中翼一開為二,吃起來好方便,後來見到碟醬汁,表妹話不如擦些醬汁再燒吓佢,又的確係有味啲;至於牛舌,牛小排表妹都好欣賞,牛小排她追加了兩,三次,而我們亦共同選了柚子豚及味噌雞肉.燒到中途以後,有位女侍應過來幫我們換上新的網,自己亦無為意原來個網燒到有好多焦物,能夠為客人設想此點做法,值得一讚青椒同粟米留到最後才燒,青椒這樣燒不但唔乾身,而且清爽,自己不知不覺都食了十幾塊,粟米

期待已久位於尖沙咀赫德道The Hart的和幸吧, 今次終於可以與朋友齊齊食個痛快! 店內有一大圓形bar枱佔了地方的三份一, 是和幸吧的特色之一. 很適合跟朋友飲酒之餘, 也可以享受日本燒烤風味. 另外, 其實店外還設有室外燒烤. 但自己還是較為喜歡坐得舒服的梳化位, 一邊燒烤, 一邊享受音樂~! 鹽燒厚切上等牛舌 - 味道一流! 肉質內脆外軟非常爽口! 牛舌厚度適中, 放進口裹時給人一種很滿足的感覺!!! 蒜味牛小排 - 不要看少它外表簿簿的, 內裹肉汁非常, 而且牛味甚濃! 因為它是簿切, 所以只要每邊輕輕燒一燒,便可以鎖住肉汁. 立刻點醬放入口, 牛肉的味道以及它的精華就發揮得淋漓盡致! 燒汁牛肋骨肉 - 這份肉又是一個驚喜! 脂肪分佈平均! 燒烤中脂肪化成肉汁包圍整塊肉. 而且燒汁令個肉味發揮得更perfect! 牛肉厚度適中, 完全可以滿足喜歡食牛的我! 芝士雞肉 - 本身都沒想到會叫這一道, 但一見到芝士, 又忍唔住點了這一道. 雞肉本身都好滑溜, 配上溶化的香濃芝士, 味道一流! 山葵豚 Toro - 豚肉的脂肪比較多, 有食豬頸肉的感覺. 肉質尚算軟滑, 而且燒完後肉

(今日難得小妹在家懶洋洋, 就一於追趕食評先~)和幸是有名的日式高級燒肉, 總店在銅鑼灣開了這麼久我倆都未到訪過, 今次難得有無限追加的午市套餐, 我和豬這兩個為食一族又怎能放過以低價試食這機會呢! 只有星期六有空來吃午餐, 小妹是在早幾個星期前book定位的! 訂位時店員已說明只可吃1.5小時, 其實一個午餐來說都很足夠啦, 又可以減少吃得太飽的機會! 1:30準時到達, 店內大部分人都是團購客, 店方甚至有一張團購客專用的餐單, 說明有哪些肉類/菜類可以無限追加, 非常細心體貼, 讚! 本來店員安排我倆坐吧枱, 不過小妹覺得不夠舒適, 要求轉枱, 由於店內都有空枱, 店員也順應我的要求, 心中滿意~ 一到埗就有冷豆腐和沙律吃, 芝蔴醬冷豆腐是典型的日式冷盤, 是小妹很喜歡的頭盤之一, 也是個開胃的前菜. 而同時, 我倆的午餐也飛快送到~~鹽燒薄切美國牛舌~~:: 非常好吃, 因又薄又爽口! 因很薄的關係燒一燒, 反一反就熟了, 非常適合凡事講求快的香港人! 只可惜這個不是追加食物之一, 真是物以旱為貴呢~~辣味及味噌雞肉~~:: 小妹就覺得辣味的比較惹味, 但豬不能吃辣的關係就當然

過百蚊食個Lunch叫唔叫抵呢?! 起碼我唔會餐餐食到過百，偶然一次試下就無妨。今次同幾個同事上左和幸，試左個 $138 Lunch，其實係一1.5小時半自助餐Lunch。點樣一半法?? 即係一半食物係只上一次，另外一半係任食。講左食一次先︰有蟹籽沙律、帆立貝、奶凍、麵豉湯。個帆立貝會用塊大貝殼裝住，不過唔係本身塊殼，要連殼一齊燒，因為佢有D牛油同清酒汁，除非你淨係想燒粒帆立貝。食落又幾好味，食唔出有雪味，同埋牛油味勁過酒味。另一半任食︰乳飼牛小排、黑豚五花肉、鴨胸肉、雞肉、雞翼、栗米、南瓜片。牛小排OK滑，加上佢薄切，雖然未至於入口即溶，不過真係滑住入口，我追加左1次。但係數最得，反而係 黑豚五花肉，因為燒得好香，同埋燒起黎幾有難度，燒得太耐會變豬肉乾，好似勁硬煙肉咁，相反可以好好食。另外雞翼都係唔錯，細細隻好易搞，入面個肉好滑，就算個皮燒得太乾，入面都仲係OK。

團購咗和幸，一直都好期待，原打算5月時食，點知自己唔得閒，要改到六月。book 咗1:30，未夠鐘無得入，要喺出面等到夠鐘。夠鐘即安排入座，一坐低，店員就枱枱開始派食物。先黎野菜沙律、冷豆腐同味噌湯。野菜沙律清新，個汁酸酸地，很開胃。冷豆腐個麻醬好淡，同埋個碟底有水，所以麻醬味很淡。味噌湯不錯，不會太咸。然後，店員就送上一大碟燒肉拼盤、牛舌同珍珠米飯。牛舌無得追加，個拼盤上嘅食物全都可追加，超正。牛舌無得追加唔算係損失，因為牛舌太薄，無牛味，又太韌，完全沒口感可言。拼盤有牛小排、柚子豚、辣味雞肉、味噌雞肉、燒汁雞翼、 鹽燒雞翼、青椒同粟米。牛小排第一輪的係好食嘅，油花均勻，牛味濃，可口。但追加嘅牛肉就無咁好喇，好肥，像肥牛一樣肥。柚子豚雖無柚子味，但係係我地全家嘅至愛，因為超厚切，口感一流，燒完之後，豬頸肉嘅肥油都燒晒出黎，所以食嘅時候唔會覺太肥膩。雞肉，雖然有2隻調味，但唔多食得出，兩者味道相約，雞肉嫩滑。雞翼，一向係我嘅至愛，佢地將雞翼中間一開成二，方便食。雞翼真係食好多隻都得~粟米好甜，食咁多肉都真係要食d vege。最後以奶凍作結，好飽好飽又好抵嘅一餐！滿意滿意滿意~~~

父親節冇假放,預早一日庆祝,千揀萬揀揀咗呢間特選肉盛$268....五款肉類有兩款係唔食得 1)豬腩片四份三係肥膏..2)牛脷薄到燒完夾唔到上嚟厚切上等牛脷$79...唔淋味竹燒肉店好好多我之前叫了生啤,但太太同個女水都唔比杯,叫侍應取了兩杯茶吃落有點唔多好吃,無謂嘥錢係呢度食.......埋單去第道食出事了三小碟小食得十粒八粒左右嘅通粉沙律每份十元兩杯茶每杯＋元每人飲咗一杯都冇好彩我冇飲事前完全沒有交待過,menu亦冇表明過以上收費老細們認真檢討吓喇仲有一家三口比個ニ人世界枱我(即係一男一女坐得好埋嗰D),個女隻腳都唔知收去邊,得一两成客都轉唔到枱幸好待應以招呼計算還可以!!! 永不光顧

同老公紀念日， 揀左近期人質急升的和幸吧！選了露台的位置，一試炭爐既日式燒肉！很有特色！不過怕熱既朋友仔就坐返室內好D～點了鹽燒厚切上等牛舌，雞翼，雞腎，清酒蜆和蝦，除左雞腎外，全部都好好味！唔會過咸，又突出到食物本身的鮮味，讚！個人認為比“盛八”好！WAITRESS既SERVICE亦好好，不會因為坐在露台而忽略了食客！不過炭爐燒既炭好快燒完，WAITRESS會幫你換過個新炭，呢個過程望住會有D驚心，會好驚佢唔小心成個炭“車”埋黎，或者佢自己“辣”親都唔好。。。不過我諗佢無得用其他方法換炭，所以無計！在露台一路食日式燒肉，一路飲啤酒，感覺真好！最後仲追加左個冷烏冬，唔記得左個名，不過第二D地方係少有D既，味道都不錯呢～推介這個地方！好的環境，美味的食物和貼心的服務！！

如果不是團購, 相信我也不會食和幸. 一來好似太貴, 二來小弟未食過爐端燒, 唔知arm唔arm胃口.以$98團購原價$268的午餐set, 最重要也是因為有無限追加, 這是變相放題. 本來想訂星期六, 但店員告訴未來3個weekend也全full了, 反而端午節有位, 當然就去馬~野菜沙律: 開胃的小食, 西式沙律加上日式醋沙律汁. 由於今日好熱, 第一口食入去就覺得好正~ 消暑~冷豆腐: 芝麻醬加上豆腐, 不是百福果d, 味道正~味噌湯: 不是開粉的~ 不錯珍珠飯: 好好味, 同燒肉好夾, 如果可以追加就正~燒物: 牛舌: 牛味濃, 有口感, 自己燒可以控制火喉, 比出面更好食, 可惜無得追加牛小排: 雪花均勻, 薄薄的入口即溶, 牛味濃, 比牛陣的好千百倍, 完全無將價就貨. 追加左2次柚子豚: 豬頸肉唔肥膩, 想要日式輕燒又得, 想要泰式的又得, 追加左2次辣味雞肉, 味噌雞肉: 不錯, 但相對牛小排柚子豚有所不及. 無追加~燒汁雞翼, 鹽燒雞翼: 開了邊, 半隻一件, 但相對牛小排柚子豚有所不及. 無追加~青椒: 好清甜, 為左平衡番, 追加左一次~粟米: 正常~~奶酪甜品好

一班同事嚟搞生日...先講好既先好就好在唔駛點等位...又有得揀相當種類既COCKTAIL...牛舌辣雞又真係好食...不過呢...最重要係! 食咗千四蚊都唔知實際食咗幾多野落肚..菜單有點點古惑...(不過可能呢D係社會風氣...)XXXXXXX....79元...沒有份量...圖呢....薑葸什麼薄牛舌那幅相就一盆滿滿的但送來的只得八小片....滿滿的一人點一碟野, 點知得呢幅相咁多...連服務費呢度差唔多值700!酒燒帆立貝...店員話係一隻帆立貝切開八份...什麼嘛...根本就係用重用隻大扇貝殼...再加D解凍咗既帶子肉切開一半咋嘛...一隻完整的帆立貝點會又無裙邊無內臟架...! 果D先好食嘛...!什麼菇煲...圖真的很精美, 好似日式食店D鍋物咁, 又蘿蔔又大草菇又蕃薯片在個瓦煲裡...實際呢..一個鍚紙兜, 金菇雞肶菇切片同其他看不上眼的菇混為一盆...一碟肉才得八塊孖骰大小的肉...七十元..!(去街市買八蚊瘦肉都大份過佢哩=___=)大家珍而重之咁慢慢燒...睇吓呢幅圖...生日派對的主餐我們燒得幾唏噓!!不過咁...商家呢樣野, 願者上釣啫... 如果大家想一試呢

因好姊妹生日而到這慶祝, 友人選了這間試試。位置不太好找... 要跟朋友解釋得很詳盡才找到。一行5人, 一入內, 很暗, (據說有室外, 但係有限時, 所以選室內)切餅費50蚊, (雖然我們的蛋糕是散裝蛋糕仔, 但都要收費)餐前小菜: 豆角 或 蓮藕, 每人收10蚊...沒有免費茶提供: 這已令我少許反感, 因我是一個喜歡飲日本茶的人。 首先叫了3碟肉類 (我忘了, 因為不是我叫的), 每碟79蚊左右, 頗貴...接著叫了個CITIBANK套餐, (用CITIBANK 卡可獲半價),半價後600幾元, (看真些原來是2人餐來的),不包飲品。最好味是帶子, 虎蝦, 還有牛(忘了是什麼牛),但以我們5名女子...(當中只有我最大食的=_=...) 居然不夠飽....埋單千二蚊, 我應該不會再幫襯, 因此價錢可去盛八食飽飽...牛角都是很好的選擇!註: 燒烤網很"渣", 經常著火...還有, 服務不太好...

文迪突然想吃日式燒肉, 就兩個人來了這裡. 沒有團購, 其實午市價位都幾便宜. 超值御膳一人前只要$58, 就要一客. 另外也要了個A+B套餐.超值御膳一人前 $58: 7分, 包括前菜, 冷豆腐, 野菜沙律, 麵豉湯, 特上燒肉盛皿(燒汁牛肋骨肉, 柚子豚五花, 味噌雞腿肉), 白飯, 甜品.冷豆腐還算滑, 不夠豆香, 加上麻醬就好香. 野菜沙律麻麻, 好乾.前菜是蓮藕, 吃得健康一點也好.三款肉是燒汁牛肋骨肉, 柚子豚五花, 味噌雞腿肉. 牛肋骨肉不錯, 幾嫩滑, 也帶肉香, 豚肉肥瘦相間, 也幾好. 雞腿肉就幾難燒得好, 好易乾, 我們也一向不太喜歡在燒肉時揀上雞. 是日個餐定了有雞肉在內, 結果也證明是麻麻地.A+B套餐 $88: 7分, 包括野菜沙律, 冷豆腐, 麵豉湯, 白飯, 甜品, 燒汁牛肋骨肉, 薄切牛舌.除了燒汁牛肋骨肉, 還有薄切牛舌. 牛舌質感幾好, 燒出來也幾香. 如果想吃牛舌的話, 唯有要這個A+B套餐.甜品是雪糕糯米糍, 雪得夠硬, 吃完燒肉, 吃這個甜品實是幾投心涼.$58有得食燒肉, 實是相當便宜, 肉的水準還算不俗, 想平平地吃一餐燒肉, 這裡會是個

忙左好耐 終於有時間嘆下世界喇$98買入張團購飛 原價$268咖同友人一人一張咁去食下日本網網燒前兩日打去book定位 個waitress好有禮貌一入到去 得兩檯客咋今日 可能係閒日啦waitress好快安排我地入座野食亦好快送到 yeah yeah一個set包括1) 日本珍珠米飯2) 野菜沙律 有蕃茄有生菜栗米 配以日式沙律汁 fresh!夏天食一流3) 冷豆腐豆腐好滑滑 仲有我最愛的芝麻醬yummy yummy4) 薄牛舌一放上網網燒一燒反一反好快熟入口牛舌味濃郁 一點都唔鞋可惜無得追加到可追加系列5) 牛小排雖然薄薄的一片片 但一點都不遜色 入口即溶燒完唔乾不止 反而更能帶出牛的鮮味 十分讚牛的脂肪分佈平均 靚牛!6) 柚子豚淡淡柚子清香味加豚肉(即係豬頸肉)可以減少豚肉肥膩感 燒完入口爽 正7) 辣味雞肉8) 味噌雞肉雞肉已去皮 肉質嫩滑 就算久燒都無有怕焦焦地更香口 9) 燒汁雞翼 10)鹽燒雞翼 全set唯一美中不足就係雞翼 味道太淡 唔太入味11)青椒12)粟米兩隻食肉獸食左咁多肉當然要食返dee蔬菜類平衡一下粟米脆卜卜又甜眾生相最後仲有奶酪做甜品好滿足的一餐啊 食完心