和牛燒肉一郎 (荃灣廣場)

营业中

休息中

今日同老公黎到荃灣廣場頂樓嘅日式燒肉店《和牛燒肉一郎》，Lunch set 都有10款，今日就揀左〈 特選燒肉拼盤 〉同〈特選牛肋肉 〉，Lunch set 有100g肉同200g肉嘅套餐選擇，價錢由$48-$298 都有，套餐除左肉仲有泡菜、飯、湯，我地加左$20有沙律吧同無限暢飲，沙律有8款蔬菜配搭5款沙律汁可以選擇，令外我未試過有放題會提供11款茶葉架😍食得太飽就啱晒啦，佢哋另設有無限甜品，雪櫃入邊提供嘅雪條唔求其架，我喺超市買都要40至$50一盒架，呢個絕對係有誠意嘅無限追加。餐廳另一個特色就係火車送餐，不過呢個放題先有架，不過lunch set 都唔會失望，因為佢哋嘅擺盤好靚，所以都值得一試🥢特選燒肉拼盤特選牛里脊・豚肋肉・雞腿肉特選牛里脊，肉質細嫩，每一塊都帶有自然的甜味，經過火烤之後繼續保持鮮嫩豚肋肉豬肉紋理分明，瘦肉同油花嘅比例拿捏得好好，豐富嘅油脂喺口中散開，帶有淡淡嘅豬油香雞腿肉嘅鮮味，燒完之後保持左雞肉嘅鮮嫩同原汁原味🥢特選牛肋肉特選牛肋肉每片肉都整齊排列，肉質細嫩，繁複嘅紋理清晰可見，迅速將牛肋肉烤得微焦微香，烤至微焦嘅外皮保持左肉質嘅鮮嫩，而嚼勁十足嘅口感

上次去荃灣廣場已經留意到呢間餐廳，感覺都幾抵食，仲要係列車燒肉放題，成件事幾特別，見到都覺得好可愛有A—F套餐，我哋揀咗中規中矩C套餐，裡面有黑毛和牛同精選海鮮豚牛雞。特選菜式包括黑毛和牛牛肋肉同和牛里脊肉，仲有特選牛、嚴選牛、日本豚肉同雞肉等。海鮮同一品料理都好出色，而且仲有新鮮嘅野菜，燒起上嚟都幾惹味Tips ：如果想燒肉燒得靚仔啲，可以靠兩邊燒，受熱速度就冇咁快，唔洗怕燶，入口相對嫩滑餐廳點餐係用二維碼QR code，有唔同category可以選擇，款式都算多，全部任點，上菜速度算快👍🏻特別提一提佢嘅自助醬料吧，有好多選擇，例如柚子醬汁、和風沙律醬、芝麻沙律醬、柚子醋、壽司豉油同檸檬鹽汁，可以隨心搭配唔同嘅風味之後我哋仲自製左一個紫菜牛郎丼，以白飯做基礎，可以加紫菜、特製和牛肉燥同蔥花，配埋燒肉一齊食一流餐廳環境寬敞舒適，服務態度好友善。而家聖誕節，店內都佈置得好溫馨，果日去店內都幾多人，氣氛唔錯👍🏻最後，唔可以唔提佢哋嘅任飲+任食甜品，算係比較高質，可以任飲汽水、涼茶茶飲同咖啡，甜品仲有雪糕杯同雪條，食完燒肉解膩一流😆總括嚟講，燒肉放題選擇比較多元化，價錢合理，唔止有豐富嘅肉類

絕不會再去，100分鐘放題，有70分鐘可以order，每次最多order 5樣（全部食物，包括特別醬料），每碟2-4小片肉，除左第一轉10分鐘內到，之後要追完又追，每次20-25分鐘才到，叫3-4轉肉就夠鐘，到last order時間，問有冇野加，我話之前第2丶3轉既肉都未到齊….😪。最後30分鐘，去攞雪糕，攞多支雪條果陣（只攞兩次），發現後面有個男職員定眼𥄫住，好似我去店舖偷竊咁….超bad feeling，成$4XX / 人….😤永不再去！

好耐無食過燒肉喇，happy Friday約埋同事食餐好嘅❤️⭐️特選牛肋肉 200g $138無諗過咁大盤，份量係咁多！牛肋肉，牛味重！肉質有咬口，油脂分布均勻👍🏻👍🏻燒8至9成熟啱啱😋😋沾少少燒肉汁，更昇華🤤🤤真係好好食！⭐️特選燒肉拼盤 200g $138牛里脊、豬肋肉、雞腿肉每樣都試啲，當中牛里脊最出色👍🏻👍🏻肉質靚！豬肋肉都相當香口😋😋雞腿肉好嫩滑！套餐包了味噌湯、白飯、泡菜，如果唔夠食嘅話，+$20可以任飲任食沙律，+$48仲可以任食甜品。我哋無加，因為已經好飽好滿足了❤️

依幾日突然降佐小小溫，凍凍地又有借口可以食好嘢😌收工之後，朋友話佢係荃灣食過一間好好食嘅燒肉，咁我哋就去佐依間燒肉一郎。見佢有幾款唔同價錢嘅套餐，食好少少，就叫佐個course E，有12款和牛燒肉。入座之後，朋友行去拎飲品嘅同時，員工上佐塊和牛西冷，仲大塊過我隻手掌。員工仲好好人會問你想要幾成熟幫你手燒埋，等我地輪流拎完野飲就可以即刻有得食，好貼心🥰。不過之後嘅肉係要自己燒番嫁！出面水吧有飲品、沙律、甜品可以任拎。最特別嘅係佢裝醬料係一條條水管係天花垂落嚟🤣番到座位，塊西冷已經燒好，剪埋一塊塊，食落肉質軟嫩多汁。和牛盛盒，有齊6款黑毛和牛：和牛牛角切，細細粒，一啖一粒，肉質結實但又唔會硬。和牛里脊肉，肉質細嫩。和牛肉眼，食落肉質柔軟，肉汁豐富。三角腹肉，有明顯嘅油花但又油而不膩，入口即化。和牛牛肋肉，肉質爽口有嚼勁，牛肉味最重。和牛牛肋條，牛肉味濃郁。由於每一款牛肉都油脂豐富，有時可能會搶火，要小心啲！之後我哋再叫佐和牛薄灸里脊肉，燒一塊已經用佐半個爐🤣，但十幾秒已經燒好，肉嫩油香。牛舌都有兩款，極上厚切牛舌同特上牛舌棒，兩款牛舌都軟淋唔韌。海鮮方面，我哋叫佐原味同黑松露味帆立貝，原

哩期ot 得好辛苦，要慰勞吓自己，去左荃灣廣場食燒肉揀左套餐E，做個牛魔王先，和牛多達12款先黎原塊A4和牛肉眼扒，一上場就知一定好食，油花比例極至均勻，肉色pink pink 嫩嫩，為免搞禾哩塊咁靚牛肉，職員會幫你開啟序幕，佢輕輕兩邊一燒，5成熟，為你剪上慢慢享用另外，再上6款和牛及攞盤絕美🌺🌸和牛牛肉，都非常高質👍🏻 和牛肉眼必然多人encore，而我亦喜愛和牛🐮薄炙里肉，encore都可以食到咁大嘅一塊肉，性價比極高，所有牛肉類都無法挑剔😝食到咁多款式和牛，不同部位，又咁靚咁新鮮，牛魔王千奇唔好錯過😚😚多款海鮮類，蠔，蝦，青口，而帶子我系encore左3次，有原味，黑松露牛油，蒜蓉牛油，每隻帶子都好大隻，鮮味，太正了👏🏻各款小食類，吉列炸蝦🍤炸蠔，可樂餅🌟🌟每枱必點松露薯條，味淋魚乾一整塊自己燒，沾上七味粉蛋黃醬，居酒屋🏮感覺食得開始飽飽濟濟，食番啲蔬菜類中和下，牛油🧈雜菌🌟🌟🌟必食，菇類有醬油浸住燒得一啲都唔會乾身，勁香，同行朋友一人食一兜仲有食到粟米🌽芯，南瓜🎃，生菜🥬包肉，菠蘿🍍特別食左和牛刺身牛肉，都系岀面仼食唔到架😆值得一讚，外面沙律吧，醬汁，飲品，甜品，裝修得好靚，好

好久沒吃燒肉了，這次去了荃灣廣場和牛燒肉一郎吃燒肉，這間燒肉店是更是全港首推使用「日本產和牛識別番號」 讓食客可得知當日食用的日本產和牛來源及背景等資料，食得安心。這裡有6個套餐Course A至Course F ，今次我選擇咗中價位 $368 (星期一至四)的 Course C 送黑毛和牛兩款+ 澳洲M9薄炙盛合，另外精選海鮮、豚肉、牛肉、雞肉等97 種選擇可以任點任吃。建議星期一至四來吃會比較划算，星期五至日$438會比較貴喔。這裡還設有自助吧，可以隨意挑選沙律、飲品、甜品和雪糕，更可以自製牛郎丼飯。餐點方面可用手機QR CODE 下單，下單後更有「新幹線」智能送餐，送餐速度快捷又衛生。我和朋友都是牛魔王，特別推介和牛牛肋肉、熟成壺漬牛外橫隔膜。最後當然要試試甜點，這裡的雪條品牌是用明治和樂天，選擇都多達6款。另外還有雪糕、Cupcakes 和布丁等選擇，每款都有寫製造日期和賞味期限，可以吃得更安心。

朋友知我鐘意食燒肉，於是介紹哩間叫我去試吓，話幾好食，咁難得今日會出去荃灣就幾埋朋友去試吓餐廳都幾大，裝修簡約都幾舒服，我哋6點就去到，估唔到咁早都已經有其他客人叫咗個Set C嚟試吓，100分鐘有97款食物，當中包括精選海鮮、豚、牛、雞肉，另外仲有一份頭盤包括黑毛和牛2款＋澳洲 M9 薄炙盛合有自助吧拎飲品，仲有沙律、甜品、雪糕、雪條同埋爆谷返到去已經見到店員準備好頭盤，可以見到啲牛嘅油脂分佈好平均，尤其和牛燒完油份十足，而其他熟食亦都唔錯上餐速度快，好似第一次係香港食燒肉係高速列車送餐，都幾得意如果下次再去可以試吓和牛，有120分鐘，而且質素都唔錯，記住要登記apps做咗會員先有優惠價

位於荃灣廣場嘅高質和牛燒肉放題店餐廳環境寬敞舒適，採用全自動化送餐，用QR Code落單非常方便，自助區亦提供唔同類型嘅飲品，又有多款雪糕選擇，肉類新鮮又高質👍🏻Course D 日本黑毛和牛6款+海鮮（共132款）🤍和牛肉眼和牛肉眼色澤鮮紅，質地細膩，食到和牛肉嘅鮮美滋味，炭火燒完肉質嫩滑多汁，幾乎入口即化😋🤍和牛牛肉角切（一口牛）一口牛嘅肉質鮮嫩、口感豐富，燒完肉汁豐富，讓人垂涎欲滴🤤🤍和牛牛肋肉牛肋肉肥瘦均勻，肉質細嫩，又有濃郁嘅牛肉香氣。燒完嘅牛肋肉，既食到肉汁嘅鮮甜又食到牛肉嘅豐潤，肉食嘅極致享受😍🤍特選薄炙牛里脊肉特選和牛里脊肉經過炙燒，肉質細嫩多汁，搭配著微焦嘅外皮，帶來一種獨特嘅口感同味道🥰🤍薄切上等牛舌芯牛舌芯口感豐富多樣，每一啖都食到牛舌肉嘅嫩滑同鮮美😍🤍牛肉可樂餅可樂餅外酥內嫩，肉汁豐富，充滿牛肉嘅香氣同可口嘅味道😛🤍溫泉蛋紫菜飯溫泉蛋紫菜飯口感綿密，帶來一種濃郁嘅口味，溫泉蛋同紫菜嘅配搭一絕，加上飯粒分明，好啱同燒肉一齊食😋🤍生和牛刺身壽司品味到和牛肉嘅鮮嫩同壽司飯嘅口感，搭配著醬汁同配料，口感好特別🤪🤍雞腿肉雞腿肉肉質鮮嫩多汁，燒完之後香氣十足，經炭火燒過嘅雞

今日去咗荃灣呢間和牛燒肉一郎🥰見到都好多人推薦🔥店內以和牛為主題☺️有好多打卡位🫶🏻🫶🏻見到呢個「Course D」幾抵食☺️～～～120分鐘放題套餐包括了日本黑毛和牛6款+海鮮☺️總共有132種食物選擇～和牛牛肉角切🥩一口牛肉汁四溢，口感鮮嫩多汁，讓人回味無窮😍和牛肉眼🥩肉眼咬落嚼勁十足，加上肉汁嘅爆發，感受到了絕對嘅肉質美味😋和牛牛肋肉🥩每一片肋肉都帶著濃郁嘅肉香，經過烤製後，外層微焦嘅酥脆與內裡嘅柔軟肉質形成了絕妙的對比🥰特選薄炙牛里脊肉🥩薄切嘅牛肉經過炙燒，外層微微焦香，內裡鮮嫩多汁，香氣誘人，食落讓人垂涎欲滴😛和牛里脊肉🥩里脊肉切得恰到好處，肉質嫩滑，口感細膩每一口都散發著濃郁的牛肉風味🤤薄切上等牛舌芯🥩牛舌芯肉質細緻，經炙燒後，食到濃郁嘅蔥花同牛肉香氣🤩雞頸肉🍗雞頸肉經過烤製，外層酥脆，內裡多汁，食落帶有嚼勁同烤雞嘅香氣，肉汁豐富口感鮮嫩😍生和牛刺身壽司🍣新鮮嘅和牛刺身搭配上酸甜嘅醬汁，生和牛食落淋淋地肉質鮮嫩，好似三文魚嘅口感，味道鮮美，第一次試到生和牛感覺好正☺️牛肉可樂餅🧇可樂餅外酥內軟，入面牛肉肉質鮮嫩，口感豐富，有創意又好食😋溫泉蛋紫菜飯🍚呢碗飯飯粒飽滿，加上溫熱嘅溫泉蛋

放假同咗我妹去咗荃灣嘅一郎食燒肉，午市套餐好抵食喎，而且環境乾淨企理，評分幾好。加$20可以任飲飲品同埋有沙律吧，加$48就會有埋甜品tim😱燒肉汁特選牛肋肉套餐 $138牛肋肉肉質好嫩滑，又有咬口，一啲都唔韌，可以自己加啲黑椒鹽，或燒肉汁，配埋白飯一流。燒肉汁特選燒肉拼盤（特選牛里脊、豚肋肉、雞腿肉）$138有唔同種類嘅肉拼埋一齊，滿足晒我哋嘅口感，經過隻燒嘅肉類，有陣陣嘅隻燒香氣，份量足味道好。沙律包方面有生椰菜、沙律菜、紅蘿蔔、紫椰菜、粟米。另有五至六種沙律汁自己揀，我自己就揀咗檸檬鹽，細妹揀咗胡麻醬。飲品都有好多可以揀，我自己就揀咗可樂，另有荔枝烏龍茶、檸檬茶等等非常多選擇。食評總結： CP值好高，另外有燒肉放題揀嘅，但因為我食量唔多所以冇揀，而且環境都好好坐，有下次👍

次次經過荃灣廣場都見到d廣告圖好吸引 終於都book黎試下嗌左D餐 大大隻字寫住黑毛和牛6款 到點餐時見到得兩款 問侍應 侍應答每款有3隻味Ok😂 咁都叫6款都無咩野好講和牛質素普普 其他特選牛更加唔洗講有驚喜既竟然係燒蠔 雖然唔大隻 但個炸皮夠新鮮 雪條選擇都多 甜品唔太感興趣 無試飲品普普 沙律都無試到 醬汁出奇地古怪 無隻好味和牛揀左燒肉醬 送黎係有醬係和牛面 但燒完竟然係無味既😂會員正價8折 加一正價計 唯番成5百幾/人絕對唔值

第一次試呢間燒肉店 😋😋😋👍 餐廳環境光亮乾淨闊落，坐位舒適，QR code自己落單，店員好快就會送到你張枱。同朋友二人揀咗Dinner set D，燒肉任食，都幾多款牛可以選擇。另外有自助沙律吧，飲品甜品都係任飲任食🌟🌟🔶是日寶箱黑毛和牛西冷 一打開有仙氣效果😳和牛油脂分布平均，顏色粉嫩，入口即溶，牛味濃郁，好食到停唔到口😋😋 🔶特選薄炙牛里脊肉，推薦🌟🌟🌟 🔶特選薄炙牛肋肉 🔶海鮮類。魷魚原條上，加啲黑椒同鹽落去燒，食落非常惹味 彈牙爽口👍 美中不足係個爐都偏細，好難一次過燒多d野，食得有點趕😮‍💨

午餐時間嚟到屋企附近嘅廣場食 揀咗2個燒肉套餐——🥩特選牛肋肉$98/100g 同🥩特選燒肉拼盤（牛里脊、豚肋肉、雞腿肉 ）$138/ 100g 套餐包飯 包味噌湯 還有泡菜 性價比相對高 +$20蚊就可以任揀飲品飲同沙律食 +$48蚊有埋甜品 不過都係揀咗前者😂 因為驚食唔哂 個飯都真大碗 任飲區 設計都幾似時髦工廠款式 其實個人都覺得幾抵食 最便宜嘅燒肉餐 $百蚊就有得食 而店舖嘅肉亦係靚 拼盤又提供蔬菜燒 如南瓜 茄子 椒類 環境乾淨同舒服

今日聽朋友介紹去咗荃灣食呢個和牛燒肉一郎，發現啲和牛的確好正👍🏻，仲有火車送餐，相當有趣😍-Set D (Weekdays)頭盤：原塊日本 A4 和牛扒＋黑毛和牛4款＋海鮮3款呢個set非常多嘢食，總共有132款食物，仲有梅酒，清酒，啤酒放題，其中仲有6款係日本黑毛和牛，真係好抵食😋，全部牛肉都非常好味🥰，食落非常滿足❤️‍🔥最推介嘅就係黑毛和牛牛肋肉😍😍，肉質嫩滑多汁🤤，每一啖都有濃郁香甜嘅牛味，超好味👍🏻👍🏻最驚喜嘅係佢有好多生牛肉嘅料理，例如有生牛肉壽司，炙燒牛外橫膈膜，佢哋嘅生牛肉片鮮嫩多汁，質感軟滑，仲有淡淡嘅牛肉香味，好正👍🏻👍🏻最後一定要試下佢哋嘅甜品🍧有好多雪糕雪條，包你一定揀得落😙😙