和牛燒肉一郎 (荃灣廣場)

营业中

休息中

今晚想嚟一場真正嘅日式燒肉盛宴，所以我哋就嚟咗位於荃灣嘅和牛燒肉一郎食晚餐啦！🚀🐂 黑毛和牛4款(肉眼,牛肋肉,肩胛肉,一口牛) ⭐️頭盤有一大份黑毛和牛，真係無得頂。肉眼滑嫩、牛肋肉入口香滑、肩胛肉鮮味十足、一口牛啖啖肉香，每一款黑毛和牛都唔同風味 全部都可以一試🍖 **2色蔥花牛舌（鹽味） ⭐️**首先試下呢個2色蔥花牛舌，真係好好食🤗 兩種蔥花嘅香味配上鹽味嘅牛舌，簡直係絕配，牛舌嫩滑多汁😋🦑 **原隻魷魚筒 ⭐️**接住就嚟個原隻魷魚筒 鮮味夠🤤 外脆內嫩入口彈牙有嚼口，配埋特製嘅醬汁 推介🐟 **多春魚 ⭐️**然後必定要試嘅係多春魚，一燒出嚟已經聞到陣陣香味，每一條都炸得金黃酥脆，內裡嘅魚籽竟然係爆漿嘅 食得超爽🍣 **生牛肉壽司 ⭐️**生牛肉壽司亦都係一大亮點。薄切嘅生牛肉嫩滑，肉味超濃 一口一個，好滿足！😚🍍 **菠蘿 ⭐️**燒肉中途燒菠蘿就最啱解膩燒菠蘿香甜多汁，燒到外面焦香 正總括嚟講，無論食物質素定款式都有驚喜。🤩荃灣有間真係可以滿足燒肉慾，會推薦！👍

老闆今日生日，話全公司員工提早放工，仲請我哋去食餐好嘅，慶祝吓🎉我哋提議去荃灣嘅【和牛燒肉一郎】食放題，老闆聽完覺得提議唔錯，就應承咗！我哋叫咗最吸引嘅19款日本黑毛和牛套餐，每一樣都好好味啊😋頭盤送左一份極稀有嘅極上夏多布里昂擺盤好特別，仲畀咗一份特制醬汁撈埋一齊燒，配埋一齊食味道真係好正！仲有黑毛和牛六款係最經典嘅菜式！每一款牛肉都好新鮮，燒起嚟真係好香啊！黑毛和牛肉眼係最令我驚艷嘅牛肉部位！咬落去可以食到牛肉本身嘅甜味，一碟都唔夠我哋食！黑毛和牛西冷份量好足，油脂分佈均勻，每一啖都食得好滿足！我哋食飽仲同老闆飲咗啲酒。老闆仲好開心，話自己第一次食生日大餐食得咁爽！仲多謝我哋😝

試完荃灣嘅『和牛燒肉一郎』之後，我真心推薦呢間餐廳。新鮮嘅食材，配埋精湛嘅烹調方式，呢 間日式燒肉店提供嘅唔單止係美食，而係一種饗宴!🐂黑毛和牛4款(肉眼,牛肋肉,肩胛肉,一口牛)🐄首先，黑毛和牛四款肉類——肉眼、牛肋肉、肩胛肉，一口牛，都係高質之選。每一款都係肉香四 溢，令人難以抗拒。🥩黑毛和牛牛肉角切(一口牛)🥩最後，黑毛和牛牛肉角切(一口牛)更加係必試之一。呢款牛肉切得啱啱好，肉質嫩滑，入口滿滿嘅 牛味真係令人難以忘懷🥩M9 薄炙牛里脊肉🥩要推薦嘅就係佢哋嘅招牌 - M9 薄炙牛里脊肉。牛肉鮮嫩多汁，每一口都係入口即化，絕對係一種 極致嘅享受。🐟多春魚🐟佢哋嘅多春魚亦係值得一試，外皮烤到焦香，內裡鮮嫩，魚子更係豐富飽滿，一咬開就迸發出嘅美 味，真係令人回味無窮👅薄灸蔥花牛舌(鹽味)👅至於薄灸蔥花牛舌(鹽味)，真係唔得唔試。牛舌嘅香口嫩滑，配上鹽味同蔥花，味道層次感豐富， 係唔少燒肉愛好者嘅最愛。位於荃灣嘅『和牛燒肉一郎』，鍾意日式燒肉放題嘅你，一定要來試試。

今日同家人嚟咗呢間位於荃灣廣場嘅和牛燒肉一郎食晚餐。我哋三個人揀咗近飲品區嘅位。呢度仲有VIP房，如果人多嘅話可以包廂。餐廳環境乾淨舒適，中間有條路軌，專門俾送餐車自動送餐。呢度嘅主角係唔同價位嘅日本和牛放題任食套餐，除咗多款飲品，仲有自助Bar，沙律、汽水、甜品任食！三人決定嚟個任性消費，日本和牛燒肉F套餐。🤗呢個套餐包左極上夏多布里昂，黑毛和牛六款，海鮮就有甲羅燒、特大帆立貝、特大越南大虎蝦各一份。特別吸引嘅黑毛和牛六款都係精選嘅肉眼、肩胛肉、一口牛、三角腹肉、牛肋肉、牛肋條。一個套餐就足夠試到唔同部位，呢個套餐真係超值。極上夏多布里昂本身肉質好軟滑，最重要係脂肪均勻，入口唔油膩。稍為提一提，呢個係好珍貴嘅菲力中心特別部位，極稀少。其他精選肉款都好軟嫩好食，每一口都食得好滿足。跟住點左好多野食，最後嚟埋個雪糕完美句點~🍦

昨晚約咗好耐冇見嘅姐妹去荃灣睇戲，睇完戲之後我哋去咗間【和牛一郎燒肉】享用我哋嘅美味晚餐。餐廳嘅裝潢好精緻，燈光明亮，座位都好寬敞，坐得好舒服。最後，我哋揀咗【S2】配套，100分鐘入面可以品嘗到97道美食，Bar台提供無限量嘅飲品、沙律、甜品，真係物超所值！2色蔥花牛舌（鹽味）牛舌嫩滑多汁，唔會有腥味，食多幾盤都冇問題。蔥嘅清香同牛舌嘅肉搭配埋一齊，令人垂涎三尺。辣味增醬【牛五花】切得薄薄嘅牛五花，用辣味增醬腌制過，提升咗成個牛五花嘅口感，食落去唇齒留香！香草雞頸肉🍗香草嘅腌制配埋呢個鮮嫩嘅雞肉，簡直令人慾罷不能。雞頸肉咬落去鮮嫩多汁，充滿咗成個口腔。宮崎南蠻炸雞卷雞肉炸到金黃酥脆，配埋南蠻醬，每一口都令人回味無窮。快啲嚟體驗呢個令人垂涎欲滴又可以食到飽嘅和牛放題啦！呢度唔止有無限量供應嘅美食，仲有舒適嘅用餐環境同埋服務員貼心嘅服務。帶埋你嘅家人朋友，一齊嚟享受吧！

今日係朋友生日，約咗佢去荃灣行街，打算食buffet慶祝一下。入到餐廳真係令人眼前一亮，呢間餐廳係以列車主題為特色嘅燒肉放題餐廳，座位非常寬敞，好舒服。餐廳中間仲有條軌道，轉門係用嚟自動送餐嘅，對我哋嚟講非常特別。Menu入面有好多食物選擇，最後我哋揀咗F套餐。黑毛和牛六款入面包括咗肉眼、肩胛肉、一口牛、三角腹肉、牛肋肉同埋牛肋條。牛肉嘅質感非常細緻，入口即化；肩胛肉鮮嫩多汁，一口咬落去，濃郁嘅肉汁充滿成個口腔。肉眼嘅部分呢，肥肉分佈均勻，提升咗整體嘅味覺享受，真係令人回味無窮！極上夏多布里昂🥩肉質非常軟滑，脂肪分佈均勻，好食到停唔到口啊！入口唔會太膩，食落去好香滑🐂2色蔥花牛舌（鹽味）呢個係我第一次食牛舌，係我可以接受嘅味道。牛舌嫩滑多汁，有一定嘅嚼勁，兩個字：好食！青蔥配搭牛舌真係絕配！🐂生牛拖羅刺身和牛刺身真係入口即化，嫩而肥美，一份總共有8片，刺身嘅薄切令到口感更加輕盈，唔會有咀嚼嘅負擔。特大越南大虎蝦🦐烤起來嘅蝦肉依然嫩滑多汁，食完真係唇齒留香。餐廳仲設有自助bar，大家可以隨意揀沙律、飲品同甜品等慢慢返到座位享用。推薦大家可以嚟試下！

前幾日，我同朋友約咗去荃灣和牛燒肉一郎，呢間自助餐餐廳係佢介紹嘅，主打日本菜、燒烤、烤肉，環境好舒服。我哋兩個都好鍾意食牛肉，所以點咗set D，入面包含咗四款黑毛和牛：肉眼、牛肋肉、肩胛肉、一口牛。肉眼多汁嫩滑，脂肪均勻；肩胛肉嘅肉質比較緊實，但仲係好嫩滑；一口牛切成細容易咬除咗牛肉，我哋仲攞咗啲海鮮，有原只魷魚筒、青口、鮮蝦。魷魚好新鮮，烤咗之後好鮮甜，冇腥味；青口嘅口感好Q彈，帶有濃郁嘅海鮮鮮味🦐🦑新鮮嘅生牛肉放喺壽司飯上，再沾上wasabi一齊食，真係好味。肉質非常嫩滑，同酸甜嘅壽司飯係絕配。我哋仲特別攞咗石鍋牛肉飯，入面有醃製過嘅牛肉同多種新鮮嘅蔬菜，加上生蛋黃撈埋一齊食，唔止口感豐富，各方面嘅營養都好豐富。其中，黑毛和牛牛里脊係我朋友最鍾意嘅，被視為高級牛肉。就算烤咗，肉質仲係保持多汁，仲好細膩👍🏻朋友介紹嘅呢間餐廳真係唔錯，下次仲可以再嚟。如果你都想試嘅話，呢間餐廳值得一試🤤🤤

好耐冇食燒烤，諗住帶妹妹出街食燒烤。妹妹會考考到唔錯嘅成績返嚟，諗住可以帶佢燒嘢食食獎勵吓佢。荃灣搵到呢間和牛燒肉一郎，有和牛放題食，食材睇落好高級，就決定喺度同妹妹食飯。 呢度任食嘅選擇好多，叫咗放題Set E，呢個真係好抵食！我哋叫咗店員推介嘅鹽味色蔥花牛舌，牛肉醃得好入味，仲帶有蔥花嘅香味，我同妹妹都好鍾意。仲有味醂魚乾好新鮮，仲脆卜卜，好開胃啊！ 兩個生牛肉壽司嘅味道好特別，配埋芥末，味道更加惹味，口感仲有啲刺激。黑毛和牛牛肉角切（一口牛）切得好平均，真係可以一口食晒！仲可以食到牛肉本身嘅香味！ 食放題梗係唔少得黑毛和牛六款，好大一盤，我同妹妹食得好爽！每一款牛肉都好滑好嫩，仲有獨特嘅味道，真係好正！ 我同妹妹兩個人食得好飽！仲叫咗好得意嘅棉花糖做甜品。

因為生酮飲食關係燒肉都係我地外食既一個常見選擇。之前都久唔久會去食和牛燒肉一郎既S2 放題menu，$288/位加一，貪佢唔貴得黎有幾款澳州牛食，而且仲有厚切牛舌。點知六月改menu後昨日再去食S2 course，原來肉類選擇已經無曬澳洲牛美國牛，所謂「特選」既牛肉睇落/食落同平時打邊爐最平果種肥肉完全無分別！另外其他款既「特選牛」亦都偏瘦，變相燒完都好韌又無油香😥加上點餐既時候，以前有得直接選「無醬汁」選項，宜家依經無左。我地亦特意同waiter講左所有單都走醬汁，但每次上碟都仲係有俾醬！基本上要每次下單都揾侍應同廚房再講走醬，放題要咁樣落單法都好無癮！😪結論係和牛燒肉一郎既S1,S2餐已經大不如前，如果唔係食D餐以上既set都可以唔洗再去食！但如果要食到D-F餐既價位，又可以有好多其他餐廳選擇，唔一定要食佢！

2024-07-04 同朋友聚餐，見呢間係Openrice上面評價都唔錯所以就揀咗呢間，點知食到我頭都痛埋。一落完單，和牛壽司就上檯，味道好差，醋味好重，感覺就好似食緊一舊固體醋咁，咁我都未覺到反感，始終呢間餐廳主打燒肉。而第二樣上檯嘅就係牛五花，上菜速度係快，但可惜啲雪都未浴曬，另外牛肉質素好差，完全冇肉味，食幾舊已經唔想再食了。炸物方面，叫咗碟炸蠔，一上檯已經覺得唔對路，有一股濃烈嘅腥味，自問自己好食得腥，所以膽粗粗咬落去，果然令我冇失望，舊蠔唔新鮮嘅程度係要即刻要吐返出黎。最後甜品方面，佢地啲芝士布甸味道係唔錯嘅第一舊食完即刻想encore，點知食第二舊個陣就中伏，苦嘅，應該係壞咗。總括而言，呢間餐廳食材保存可能有啲問題，唔會再有下次。

2024-06-23 和牛燒肉一郎（荃灣廣場店）)🐃🐃🐃🐃🐃兩個人選了個埋單人均$6xx日本黑毛和牛D course，除了頭盤送果份和牛西冷稱得上和牛，其他落單嗌果啲質素同相果啲一樣，極少油脂。🐃🐃🐃🐃另外，D course寫明日本和牛6款，QR CODE點單只有3款。味道方面正正常常，口感一定不是和牛，對比上次食非常之失望😌😌😌，忍唔住留下食評。依個價錢唔會有下次😌😌😌😌😌😌

完全差差差，d 肉可以完全無味😣,無一舊牛係好食,雞都係無味，豬就薄過紙,燒熟已經溶晒😓,服務好一般,啲肉嚟到就咁擗晒喺枱角，$500一個人真係嬲死😔千萬不要去食

約朋友去荃灣食飯，朋友推介《和牛燒肉一郎》食佢地嘅S2 80品燒肉放題，餐廳比我第一印象就是氛圍很好，裝潢簡潔而舒適，讓我感到放鬆和舒適。關於食物，和牛絕對係no. 1, 肉質鮮嫩多汁，口感絕佳。S2套餐中的80品種類繁多，有各種不同部位的牛肉可供選擇，每一種都有獨特的風味和口感。本人最喜歡厚切牛舌，每一口都讓我感到舌頭上的享受！此外，配菜和飯食也非常出色，他們提供了各種新鮮的生菜和蔬菜，讓你可以將牛肉包在生菜中，增加了口感的層次感，而米飯煮得剛剛好，口感鬆軟，非常適合搭配燒肉。服務方面，工作人員態度友善，提供了很好的建議和推薦。他們非常專業，總是及時為我們補充食材，確保我們的用餐體驗愉快。

今日叫佢呢一個S1特價烤肉放題，價錢真係好吸引，只係需要$188，加一，呢個價位真係Super good deal!明太子飯捲，每一客有四件，入口有充滿到爆嘅明太子，絕對唔會偷工減料，辣辣地幾好食再加埋Wasabi牛舌，調味係洋蔥同青蔥，加埋嘅口感非常好食，薄薄地幾好食，味道都唔錯炸物，有炸蝦炸蠔同埋炸薯條，炸薯條會跟黑松露醬，出邊食最少都$60-70，薯條加埋黑松露醬好好食，炸蝦即叫即做，熱辣辣，而且炸粉唔係好厚，都幾好食！炸蠔加埋沙律醬，簡直係絕配！

和牛燒肉一郎不嬲以高質和牛放題為賣點，今次正值3週年驚喜大優惠！只要惠顧晚市燒肉放題A-F套餐，就可亨「四人同行一人免費」真係勁抵食！荃灣廣場分店門口有好多牛牛公仔可以打卡，環境闊落，設有好多卡位梳發非常好坐。Qr code 落單，簡單方便，佢哋仲有「和牛識別番號」！即系食緊啲牛牛嘅出世紙，可以比我哋了解多啲牛肉品質，和牛嘅口感就係最正㗎啦！套餐由A-F，價格由HKD198-HKD990/位，節假日價錢會貴少少，我哋揀咗Set D：有日本黑毛和牛6款放題，頭盤已經有黑毛和牛 4款＋海鮮3 款＋ 是日黑毛和牛精選 ！任飲梅酒、清酒及啤酒，食物多達132款，非常豐富！自助區提供沙律、甜品、雪條、多款果茶、果汁及罐裝飲品，其他食物就 Qr code 落單。店員先送上兩碟和牛燒肉拼盤，連擺盤都很精緻，有種高級感，今日嘅和牛精選系牛肋肉，里脊肉，一口牛，肉眼。先用牛脂肪燒吓個爐，食肉獸就可以開動啦！和牛肉質素超高，油花分佈均衡，油脂超豐富，入口即溶。餐廳提供多款醬料可以自由混醬，我就最鐘意柚子醋，酸酸咪咪開胃。嘢食都上得好快，呢邊未食晒，轉個頭又嗌到成枱嘢，仲可以嗌埋主食、小食，我就最鐘意冷麵同