咖吔

营业中

休息中

高質新加坡菜必試！今日同朋友過嚟沙田行街，入咗嚟食下午茶，仲有下午茶餐，所以我哋就放肆地食咗四個下午茶餐，咁多個下午茶餐都令我哋非常之滿意，發覺原來呢間餐廳食物質素好高質！老街咖喱麵味道咖喱味非常之濃郁，啱晒重口味嘅人士，香料味非常之惹味，融合咗兩種麪質口感非常豐富，而且份量非常之大，必點之選！大蝦青木瓜沙律木瓜絲粗幼切得啱啱好，調味調得啱啱好，非常之惹味！香辣炒飯大大碟，用料非常之豐富，炒得一啲都唔油膩好乾身，又係必點之選！餐廳員工服務非常之好，座位都坐得好舒適好乾淨，一定會再探店！

今日出咗沙田行街買嘢， 順便約下朋友食tea.經過見到d呢間餐廳幾多人食,就入咗去試吓.D 間下午茶幾抵食，2:00 pm開始, 選擇都算多， 平均都係約$70 一個餐.海南雞飯： d 雞好嫩滑， 唔鞋口， 啖啖肉， 份量多 ， 可以轉咗白飯，沾埋海南雞飯秘製既醬汁一齊食， 好食， 又夠飽👍👍大蝦青木瓜沙律：大蝦新鮮彈牙，沙律酸酸辣辣好開胃，木瓜絲爽口，蕃茄仔香甜多汁，夏天熱辣辣，食呢個都唔錯， 推介熱白咖啡：提神之選， 每日一杯

呢間店我真係食過唔止一次！6月4號下午13:26，同屋企人食晏飯簡直激到飽——叫咗排骨山米粉配熱奶茶，上枱時又熱又甜，我就拎多個杯倒咗半杯出嚟（加埋水溝淡），原杯剩低嗰半杯完全未動過！點知攪拌嗰陣覺得怪怪哋，杯底有嘢發出聲，撈起嚟睇真啲……成個人傻咗🤮杯底有塊大概2cm嘅玻璃碎片（或者塑膠碎片）！！好彩我攪拌時發現，真係唔敢諗如果有碎到睇唔到嘅雜物俾人飲落肚點算！（建議可查監控！一個扎高馬尾嘅女店員一見到即刻搶走杯奶茶拎去銷毀）同店員反映之後，佢淨係講句「唔好意思幫你換過一杯」，雖然換咗新飲品，但由頭到落單結賬，全程冇一句關心有冇事，連問吓有冇飲到異物、身體舒唔舒服都冇！最後埋單仲要俾埋服務費，真係嬲到頂癮😤其實今次唔單止飲品有異物，連排骨都係凍嘅（懷疑係預製菜）！之前一直覺得佢哋好食，依家真係好失望😞避雷主因：飲品入面有玻璃/塑膠碎片，店員處理態度極差，完全冇理會客人健康，呢種餐廳真係要小心！（重點：起因係點餐時發現未動用嘅飲品有異物碎片，結果店員只更換飲品冇任何關心，處理方式極度敷衍，強調餐飲安全及服務態度問題。）

斑蘭咖吔多士(36hkd) 對比其他店，做法比較健康，用麥包，牛油🧈咖吔醬較薄，無咁油膩，好乾脆～五彩自家手打蝦餅(88hkd) 外面的彩色星星💫不是只有裝飾之用，炸咗之後是超脆卜卜，令個炸皮更加脆和有層次 第一次食呢個口感，蝦餅QQ彈牙，加上辣醬好開胃🤤必食有驚喜👍🏻海南雞飯(88hkd) 無骨海南雞就是爽，是雞胸位，啖啖肉，尤其雞皮好滑嫩，雞油飯幾香有味，雞湯不咸，做到個水準！南洋白咖啡(28hkd)咖啡味香濃，奶好滑，少少回甘，不算太甜青檸紅茶(28hkd) 同平時飲開的凍檸茶不同，青檸🍋‍🟩微澀，好清新，微甜#foodiblum東南亞

下午茶超抵食，60有找就有一個粉麵加嘢飲，唔夠仲可以嗌小食～老街咖喱麵好大碗咖喱味偏辣，但超級香椰漿味有豆卜蝦芽菜長豆女仔細食真係要share嚟食🤣🫣馬來炒貴刁有臘腸、鴨絲、魷魚粒等等，炒得超有鑊氣，個人每次必叫！鹹蛋黃單骨雞翼, 最鍾意單骨可以一口食晒，鹹蛋黃超香🤤話梅桔仔水唔會淡茂茂，唔止一粒話梅，應該見到仲有柚皮，冷熱都好好飲. 🥰炸鮮奶炸得香脆，入面流心QQ, 唔會太甜， 當甜品食一流👍

呢間係我飯堂，二人套餐性價比好高！今次試$328套餐：4款菜式+2杯飲品。⭐鹹蛋黃單骨鷄翼超好食，鷄翼表面沾滿鹹蛋黃，外面咸香内裏juicy!建議一定要試下。⭐蟹肉配炸饅頭第一次食，饅頭即炸好香脆，點埋蟹肉醬好夾。⭐白胡椒肉骨茶有兩大舊肉，不會柴都，好柔軟，仲有幾舊豬肚，湯底就辣少少但都幾好飲！⭐櫻花蝦柚子沙律整體不錯。飲品不需要價錢，味道正常，下次試下椰青先。🥢咖吔 🌏沙田橫壆街1-15號好運中心3樓3008-3009號舖

今日返工去咗咖吔食海南雞飯套餐，12點半都唔洗排隊，但一點後就開始滿座了。點餐唔洗十分鐘就已經有得食，海南雞雞雞肉鋪滿大半個碟，份量夠晒慷慨！雞肉去大部分冇骨啖啖肉，整得好滑嫩，蘸埋黑豉油同薑蓉，經典配搭無得輸～ 黃油飯粒粒分明，油香滲透每口飯，胃口唔大既我都食晒成個餐！ 套餐跟咗碗老火湯，可惜鹹到似飲豉油……建議直接skip，我嗌左個鮮橙茶反而幾清新，解膩一流～ lunch 黎記得早啲到，或者可以Gulu 拎定飛。

娘惹茶燻鴨喇沙摻摻 $68賣相吸引，估唔到鴨胸肉咁大件，外皮輕切一格格，煎得香脆金黃，肉質依然軟嫩多汁，且帶著鴨肉特有的香氣。喇沙湯底濃郁，椰奶順滑濃郁，再加入辛香料完美融合，帶輕微辣意。米線充分吸收濃湯精華，非常不錯。海南雞飯拼喇沙 $96海南雞份量都唔少，每件都皮薄肉嫩，帶著雞油香氣，口感嫩滑。按個人喜好沾上三款經典的醬料香濃微辣嘅辣椒醬，薑蓉醬，以及濃郁黑色甜醬油。不得不提香氣四溢嘅雞油飯。米粒晶瑩剔透，粒粒分明，每口都帶著濃郁的雞油香和蔥薑的微香。整體黎講，價錢唔貴，又幾好味喎。

今日接完囡囡放學，之後出咗沙田行街+ 食tea.經過見到d呢間餐廳幾多人食,就入咗去試吓.D 間下午茶者好抵食，2:00 pm開始,一個餐有飯有湯有嘢飲，都幾抵.海南雞飯： d 雞好嫩滑， 唔鞋口， 啖啖肉， 份暈都多 ， 我個人怕肥就轉咗白飯，加埋海南雞飯秘製既醬汁送飯，惹味，可以食晒成碗👍👍大蝦青木瓜沙律：大蝦都新鮮彈牙，有三隻，沙律酸酸甜甜好開胃，木瓜絲爽口，出街唔食油菜，食呢個都唔錯，熱白咖啡：香濃咖啡味，提神之選， 每日一杯

在沙田好運中心尋找有沒有合適的餐廳，看到很久沒有吃的咖吔，想起這裡的新加坡料理，就立即進入開餐吧。餐廳環境舒適，裝修雅緻，地方潔淨，可以慢慢享受吓美食啦！馬來烤雞配雞油香飯         $68外層烤至金黃嘅雞扒，好香脆，大大件，雞肉嫩滑，咬落去肉汁豐富，帶少少咖喱香氣，集酸辣甜於一身，香味撲鼻，搭配油香十足嘅雞油飯，非常滋味。新加坡喇沙          $56想感受最地道嘅新加坡菜我覺得一定要試新加坡喇沙，呢度嘅喇沙非常足料，當中食到魚蛋、鮮蝦、流心雞蛋、豆卜、魚片、芽菜、紫洋蔥、蝦乾等等  ;  而湯底亦要一讚，金黃色賣相相當搶眼，飲落好重椰香味，仲帶少少辣度，好開胃，而麵條煮嘅時間啱啱好，食落唔會太硬太腍身，有些咬口，真心好味。串燒雞           $42串燒當中最鍾意雞肉，外層燒得香脆帶微微炭香，肉質嫩滑，雞味濃郁，點上秘製醬汁，食落微辣更滋味。新加坡鹹蛋黃單骨雞翼 (6件)         $56雞翼即點即炸夠新鮮，一上枱熱辣辣，雞翼外脆內軟，嫩滑有肉汁，鹹蛋黃醬汁香濃，越食越滋味。椰青         (+$28)椰青水清爽解渴，椰肉好鮮甜，好適合配搭這些濃味食物

沙田呢間餐廳嘅新加坡菜味道正宗，尤其喇沙足料抵食，值得再次幫襯！🌟新加坡喇沙 $88呢碗喇沙湯底有非常濃郁嘅咖喱椰奶味，微辣帶甜，米粉同油麵非常掛汁，配料仲有鮮蝦、豆卜、半熟蛋、魚旦、魚片、炸洋蔥，口感豐富，風味十足！🌟海南雞飯 $88雞肉滑嫩多汁，皮爽肉嫩，油飯香氣撲鼻，搭配薑蓉、辣椒醬和黑醬油，簡單卻超美味！ 跟餐仲配左冬瓜湯。🌟斑斕咖央多士 $36酥脆的烤吐司夾著香甜斑斕咖央醬和冰涼牛油，冷熱交融，甜而不膩。🌟凍手工拉茶 $28奶茶味道濃郁香甜，香醇嘅紅茶加入煉奶令口感更順滑🌟桔仔話梅水 $32桔仔嘅清甜酸香加上話梅嘅鹹甜滋味，可以解喝同減低油膩感😬

放假同屋企人食下午茶，突然諗起一間，所以就入左去食，味道都唔錯，性價比好高海南雞飯嫩滑的雞肉配上香氣四溢的油飯飯著稱。雞肉煮得恰到好，搭配特製的醬油和辣椒醬，好 match 馬來炒貴勺炒得好有鑊氣，用咗河粉+粗麵撈埋啲海鮮一齊炒，再配上青檸同埋辣椒，口感豐富。班蘭咖央多士多士外脆內軟，香甜可口，而且做得好薄身，班蘭醬與牛油的好配搭街頭雞串燒串燒肉質鮮嫩，經過炭火烤制後，外焦內嫩，搭配特製醬料，味道十分誘人新加坡鹹蛋黃魚皮鹹蛋黃魚皮酥脆可口，味道濃郁。鹹蛋黃的香氣和魚皮的脆感形成絕妙搭配椰子班蘭冰椰子班蘭冰口感清涼，班蘭的香甜與椰子的濃郁完美結合，讓人仿佛置身處熱帶海灘馬來芒果汁配芒果雪糕芒果汁搭配滑順的芒果雪糕，讓人感受雙重芒果極致風味，適合夏天飲用

今日又嚟沙田同媽媽食下午餐，我地每人叫咗份下午茶餐，用優惠價加購特飲，另外叫咗東南亞薈萃系列嘅炭烤豬脾骨試吓～🐷炭烤豬脾骨 $128有4支豬脾骨，算多肉食，唔會嚡口，搭配酸酸辣辣嘅醬汁食，惹味開胃。🍗鹹蛋黃單骨雞翼6件 $56雞翼係細隻size，炸得酥脆可口，外皮裹滿香濃嘅鹹蛋醬，帶有濃郁嘅咸香味道。🐤串燒拼盤 $65拼盤分別有燒雞肉串、燒蝦串同燒魷魚串。雞肉串燒到外脆內嫩，配微辣嘅叄巴醬食，幾惹味。蝦串已經剝好殼，食起上嚟好方便。魷魚爽口彈牙，味道同蝦串一樣帶有甜味。🍹海鹽雪糕椰汁珍多冰 +$12椰汁味香濃，裏面嘅綠色粉條煮得夠腍身，配上甜中帶咸味嘅海鹽雪糕，配搭幾特別。🍹馬來芒果汁配芒果雪糕 +$12香甜嘅芒果汁配上冰涼嘅芒果雪糕，可以當做飯後甜品添阿！📍 咖吔 (沙田)沙田橫壆街1-15號好運中心3樓3008-3009號舖

今天和女朋友經過沙田，特地去試下咖吔。我點了佢既限時推介椰子雞湯和一杯馬來拉茶。等了差不多20分鐘，吹左兩次，終於上菜了，但發覺椰子雞湯的份量真的有點少，讓人有點失望。不過，湯既味道幾香，椰子味重，配上雞肉都不錯，就係份量少左D，同埋等得比較耐。至於馬來拉茶，味道普通，不過不失，喝起來幾順口。總體來說，這次體驗有好有壞，希望下次能改善一下服務和份量！

沙田不止有新城市廣場，毗鄰相連的好運中心、沙田中心中央一帶，都開滿不少抵食又好味的餐廳，其中這間新加坡菜就是一大選擇！新加坡喇沙摻摻 $88這碗麵大碗又足料，都是$88咋！豆卜已經吸盡喇沙香濃的咖喱椰奶味，加上蝦、魚蛋、魚板、紫洋蔥等多種配料，非常豐富！摻摻混合油麵和米粉，感覺地道正宗！娘惹椰子雞湯 $133今天11度，應該是夏天到來前最後一個寒冷的天氣吧？當然要抓緊冬天的尾巴，飲碗熱騰騰的雞湯補一補身！睇照片已經知道，雞油溢出，湯汁充滿濃郁的雞味，而雞件也頗滑嫩，加$20配白飯，又可成為湯飯！香茅鮮橙茶 $32吃濃味的喇沙麵，當然需要來一杯清新的水果茶，鮮橙香甜，香茅清爽，還有淡淡苦澀茶味，配搭一流！馬來拉茶 $28入口醇滑，浮現淡淡的紅茶味，與港式奶茶相比各有特色。