咖吔

营业中

休息中

今日又嚟沙田同媽媽食下午餐，我地每人叫咗份下午茶餐，用優惠價加購特飲，另外叫咗東南亞薈萃系列嘅炭烤豬脾骨試吓～🐷炭烤豬脾骨 $128有4支豬脾骨，算多肉食，唔會嚡口，搭配酸酸辣辣嘅醬汁食，惹味開胃。🍗鹹蛋黃單骨雞翼6件 $56雞翼係細隻size，炸得酥脆可口，外皮裹滿香濃嘅鹹蛋醬，帶有濃郁嘅咸香味道。🐤串燒拼盤 $65拼盤分別有燒雞肉串、燒蝦串同燒魷魚串。雞肉串燒到外脆內嫩，配微辣嘅叄巴醬食，幾惹味。蝦串已經剝好殼，食起上嚟好方便。魷魚爽口彈牙，味道同蝦串一樣帶有甜味。🍹海鹽雪糕椰汁珍多冰 +$12椰汁味香濃，裏面嘅綠色粉條煮得夠腍身，配上甜中帶咸味嘅海鹽雪糕，配搭幾特別。🍹馬來芒果汁配芒果雪糕 +$12香甜嘅芒果汁配上冰涼嘅芒果雪糕，可以當做飯後甜品添阿！📍 咖吔 (沙田)沙田橫壆街1-15號好運中心3樓3008-3009號舖

今天和女朋友經過沙田，特地去試下咖吔。我點了佢既限時推介椰子雞湯和一杯馬來拉茶。等了差不多20分鐘，吹左兩次，終於上菜了，但發覺椰子雞湯的份量真的有點少，讓人有點失望。不過，湯既味道幾香，椰子味重，配上雞肉都不錯，就係份量少左D，同埋等得比較耐。至於馬來拉茶，味道普通，不過不失，喝起來幾順口。總體來說，這次體驗有好有壞，希望下次能改善一下服務和份量！

沙田不止有新城市廣場，毗鄰相連的好運中心、沙田中心中央一帶，都開滿不少抵食又好味的餐廳，其中這間新加坡菜就是一大選擇！新加坡喇沙摻摻 $88這碗麵大碗又足料，都是$88咋！豆卜已經吸盡喇沙香濃的咖喱椰奶味，加上蝦、魚蛋、魚板、紫洋蔥等多種配料，非常豐富！摻摻混合油麵和米粉，感覺地道正宗！娘惹椰子雞湯 $133今天11度，應該是夏天到來前最後一個寒冷的天氣吧？當然要抓緊冬天的尾巴，飲碗熱騰騰的雞湯補一補身！睇照片已經知道，雞油溢出，湯汁充滿濃郁的雞味，而雞件也頗滑嫩，加$20配白飯，又可成為湯飯！香茅鮮橙茶 $32吃濃味的喇沙麵，當然需要來一杯清新的水果茶，鮮橙香甜，香茅清爽，還有淡淡苦澀茶味，配搭一流！馬來拉茶 $28入口醇滑，浮現淡淡的紅茶味，與港式奶茶相比各有特色。

假日路經沙田附近，搜尋大型連鎖以外的茶餐廳選擇，眼見咖吔有星馬菜選擇，價錢$70以內，不妨一試。剛好正值靜場時段，員工禮貌、招呼語句做足，感覺到是經過用心訓練；餐廳環境整潔企理，坐得舒服，茶餐時段俾客嘅應有感覺都齊備，值得一讚。記得之前嚟食過海南雞、喇沙兩款招牌菜，今次就試檳城蝦麵配馬來拉茶，測試有無驚喜。檳城蝦麵 - 外觀吸引，蝦湯濃度唔夠，較為失色。蝦同其他配料只屬正常發揮，吸了淡味湯後，沒有給予到我任何記憶點要再次返嚟食。馬來拉茶 - 口痕想飲凍野而選擇了少甜，試出茶味都係偏淡，飲熱嘅可能會比較適合。因味道關係，$70埋單感覺略貴。原先打算嚟個濃味茶餐配合假期，豈料最終失望收場，下次都係揀返招牌菜開心啲。

環境好適合傾計，卡位坐得好舒服，下午茶時段唔多人。首先試咗「馬來炒貴刁」，炒貴刁嘅味道香濃，蝦都幾大隻，仲有香腸 豬肉都炒得恰到好處，配上少少辣味同青瓜芽菜蕃茄仔，口感十足，非常開胃。接住嚟嘅「牛油果五色米紙卷」，佢係一款素食。色彩繽紛，內裡包住新鮮嘅牛油果、蔬菜紅蘿蔔口感清新，適合夏天食，搭配特製嘅醬汁，令人一試難忘。「參峇蟹肉配炸饅頭」就更加令人驚喜，蟹肉鮮甜，佐以獨特嘅參峇醬，味道獨特，炸饅頭外脆內軟，沾住蟹肉一齊食，真係好味得不得了。飲品方面，「熱桔仔話梅水」係必試，酸酸甜甜，清爽解膩，喺炎熱嘅天氣中飲上一口，真係無得輸。而「海鹽雪糕椰汁」，融合咗海鹽同椰汁嘅香滑，甜而不膩，令人回味無窮。咖吔新加坡菜嘅菜式多樣，下次有興趣試吓佢喇沙。

啱啱喺星加坡返嚟對於星馬泰菜念念不忘, 就同朋友嚟咗沙田呢間口碑相當唔錯嘅餐廳. 門面睇到裝修幾靚, 餐牌都落足心機.一嚟就俾個海南雞飯拼喇沙餐吸引咗, 一次過可以滿足晒兩個願望, 呢個idea非常之好👍 另外仲有心心念念嘅馬來炒貴刁~ 海南雞嫩滑, 雞油豐富. Laksa 細細碗, 對於我食開小辣嚟講, 湯底個人認為偏辣, 不過都好惹味. 椰汁味重, 呢個配搭無可挑剔. 炒貴刁配料豐富: 臘腸，魷魚, 燒鴨絲通通都有, 鑊氣十足. 飲啖香茅青檸荔枝梳打直頭爽呀!

沙田的咖吔 餐牌似曾熟悉 感覺上似連鎖集團食物質素 同 服務比到驚喜我👏🏻馬來炒貴刁的鍋氣真的很足！裡面有廣式臘腸、蝦、魷魚等海鮮，配料豐富，整體是微微辣棵條與河粉撈埋一齊炒 一口吃落 雙重口感馬來咖哩牛腩煲牛腩口感Q彈爽滑，還有一股濃濃的椰香（混合著咖哩的香味）美中不中的是 要額外加配白飯（+$15）配上飯又真的越吃越香！參峇醬燒豬頸肉必叫！燒得好香口！豬頸肉爽口又啖啖肉，配合惹味醬汁，食到停唔到口～餐牌仲有好多不同的套餐拼搭，有二人餐、4人餐等，亦有信用卡聯乘優惠嘅套餐，仲有一款合你心意!

沙田好運中心，有間門面光鮮的東南亞菜，裝修大體，坐得舒適，連老人家小朋友的我，不再多想，就立即決定就這間了！味道唔錯，欣賞上菜速度快，職員態度又好，食完會先幫手執拾，而又不會暗示要你快走，體驗不錯👍海南雞飯 雞肉很嫩 給我的雞皮佔得不多 正合我意雞油米飯很好吃 這個上菜感覺只需5分鐘😂連冬瓜湯解暑香葉蟹肉辣肉碎伴脆脆球這個是很多打卡的推介～有點像融合了印度的那個瑪莎拉脆球［偷笑］。當然，廣東人不會用那個酸臭的瑪莎拉來搭配。這是一款融合東南亞菜，用的泰式九層塔打拋肉，同時搭配一款東南亞風味的解膩酸汁。少辣又惹味，加上球很脆，一口咬落去，有意外驚喜！

我地又來食呢間啦，一如以往都係叫返性價比高的二人套餐！$248就有套餐：有4款菜式+2杯飲品。⭐海南鷄海南鷄都算幾多肉，份量多，肉質夠滑，好味道！建議點曬三款醬料，好食。⭐馬拉盞通菜濃濃既蝦醬味好夾爽脆的通菜，惹味非常。⭐手打魚餅好熱同大舊，點埋沙律醬幾好食。⭐櫻花蝦柚子沙律柚子好甜，櫻花蝦香口，好快食曬全部野！好滿足的一餐♥飲品就非常推薦椰青，加$18真係好值得比啊！🥢咖吔 🌏沙田橫壆街1-15號好運中心3樓3008-3009號舖

今日又去咗沙田姨媽傢俬到行😂死唔信居屋380=325公屋😩😩😩拎埋把尺去睇吓，研究點擺位～～行返岀黎食街，已經係lunch hour…勁多人，我又唔想食神州美點…見到咖吔有位位，就入去坐下💕食物炒貴刁呢個真係辣，我已經拎走晒啲辣粉，樓面姐姐話如果唔想要辣粉可以叫佢哋走粉不過都係會有辣味，但真心好食同開胃🤤🙏🏻close up啲粉～～真係燶邊有鑊氣架！海南雞飯已經唔知食咩好，樣樣都想食。然後男朋友話未試過海南雞，咁招牌嘅嘢都唔食😂😂真係好滑！超級好食！仲要冇骨🫡小朋友最岩個油飯都好好食😋柚子西柚梳打好清新～～酸酸甜甜咁💕都唔知邊個話天氣會凍🤯搞到我哋著咗大褸🧥熱到傻藍莓巨峰梳打我本身想食芒果雪糕架～不過係ikea個陣食咗雪糕🤫所以嗌藍莓🫐巨峰～貪佢夠甜😏

今日天氣又突然間凍咗，好想食打邊爐，但又等陣上堂都唔係好夠時間，就入咗間星加坡菜食吓嘢啦。本身諗住食個喇沙湯麵就走人，點知原來呢度有好多暖笠笠嘅鍋揀呀！我揀咗5分鐘，最後要咗個椰子雞湯，不過呢個唔係餐，所以我加咗碗油飯。🤓個椰子雞湯都好多雞，唔會嚡口，而且好香。碗飯越食越好食。本身通常我食半碗飯嘅，我係食晒成碗飯，雞都未食完已經食晒啲飯啦！個湯完全唔鹹，基本上我又係飲晒😝我想試埋佢個喇沙鍋呀！下次要約人黎食埋個多士！

好友約我去位於沙田橫壆街1-15號好運中心3樓3008-3009號舖的《咖吔》食下午茶餐，環境舒適，坐得舒服。我地點左：🥢街頭雞鴨絲湯米粉🥢海南雞飯🥢牛油果五色米紙卷🥢馬來芒果汁配芒果雪糕2杯街頭雞鴨絲湯米粉份量不少，配菜豐富及新鮮，米粉軟硬適中，湯底鮮甜又好味；海南雞飯的雞肉嫩滑好味，油飯好食；牛油果五色米紙卷賣相繽紛，牛油果及蔬菜都新鮮好味，配芒果醬更加口感豐富；馬來芒果汁配芒果雪糕係我的至愛，雪糕好食，芒果汁好飲。

今日同母親大人去行街街食咗個下午茶再番屋企呢-Noodles in Curry Soup ($56)老街咖哩麵 ($56)濃濃嘅咖哩味傳出 配料相當十足當中有鴨肉魷魚蝦豆腐卜 超豐富仲有米粉同油麵 麵質食落夠彈牙可以索晒湯底入面嘅精華 好入味-Spicy Fried Rice Singapore Style ($78)馬來炒貴刁 ($82)單睇賣相就已經流晒口水 配料亦十分豐富呢有流心蛋臘腸魷魚蝦 油麵同河粉令口感大增而洋蔥絲青瓜同蕃茄仔 中和咗食落嘅油膩感可按喜好加埋花生碎同紅辣椒 食落特別惹味-Pandan Kaya Toast ($40)斑蘭咖吔多士 ($40)想當年喺新加坡日日必食 多士烘得好香脆😶👌🏻咖吔同牛油比較薄 份量多啲同熱啲就更好🤭🤟🏻-Skewer Platter ($65)串燒拼盤 ($65)賣相吸引 有雞肉大蝦同魷魚鬚各兩串雞肉肉質紮實 大蝦同魷魚食落好彈牙

下晝1點45分入座，我個friend食咗飯我未食飯佢上水陪我，所以我哋兩個人叫咗一個set lunch另外再加多一份咖央多。set lunch試咗呢間餐廳嘅新加坡喇沙，飲品就揀咗熱嘅南洋白咖啡。呢度嘅喇沙配料有半隻溫泉蛋、開邊切嘅蝦、仲有魚蛋同埋豆腐卜，麵就係傳統嘅油麵溝米粉。個湯底唔算好辣不過就好香。杯南洋白咖啡都幾香。咖央多比較薄身，入面夾住咖史央醬同埋牛油。呢度嘅侍應都幾細心，雖然我哋幫襯嘅時間都好忙，但係見我哋兩個人只叫咗一個餐，都主動攞一個碗仔畀我哋。

💫 斑蘭咖吔多士 $36每次一見到咖吔多士就忍唔住嗌😂經烘過巴嘅多士脆卜卜，夾住斑蘭醬同埋軟滑嘅牛油，外脆內軟💫 檳城蝦麵 $92麵底係摻摻，有齊油麵加米粉🙂‍↕️大大碗，配料多樣，有櫻花蝦、五花肉片、豆卜同蝦🦐💫 海南雞飯拼喇沙 $108可以一次試勻兩款！‼️海南雞份量都幾多，而且幾滑；K鐘意點辣醬多啲，惹味啲！🙂‍↕️喇沙的的骰骰咁，但裏面都有唔少配料 🌟💫 桔仔話梅水$32清爽又滋潤！ 😂😂