咖哩葉

营业中

休息中

本身好少食印度野，今日行過佐敦一帶，太熱了，見到間餐廳幾企理就入咗去。職員首先會比胡椒餅我哋食，佢哋嘅胡椒餅俾我之前食嘅胡椒味更加濃，少少辣印度煲仔飯平時香港煲仔飯就食得多，原來印度都有類似嘅食物🤣🤣🤣一拎到出嚟好得意，見唔到啲雞肉，原來佢同我哋平時食開嗰啲好唔同。下面放滿咖喱雞肉，雞肉份量好多，有7件左右，即係接近半碗。上面先至係飯，雞肉本身帶有香濃咖喱汁，所以我哋首先將飯同雞肉混和，而且仲配有佢哋特製嘅沙律醬。香味俱全又惹味，店員送到時熱騰騰😉芒果奶昔大杯得好緊要，所以我同朋友仔兩個都夠飲，芒果味道香濃，但係甜咗少少。上面仲有拉花✨✨✨

佐敦食肆對我黎講一啲都唔陌生不過茂林街呢間正宗印度餐廳就真係第一次光顧，餐廳工作人員全部應該都係印度人，見佢地有個special menu 推薦煲仔飯幾得意，煲仔飯就食得多啫印度煲仔飯本人就真係大鄉里未食過啦，印度菜當然唔少得咖哩啦，佢地咖哩都有好多種口味店員就推薦我試原味或者白咖哩，我一於就試原味咖哩羊好似穩陣啲，羊肉份量都唔少羊肉軟滑腍身好味點完菜店員先送上一客印度胡椒餅~呢個胡椒餅好好食脆卜卜又好香胡椒味👍😋雞肉煲仔飯~幾特別一食落口就感覺到有好多種香料少少辣😋原味烤餅Naan~食咖哩唔少得好味👍😋

最近愛上左食印度菜，今次去了佐敦的Curry Leaf食個lunch。 店舖細細，不過裝潢精緻，仲有Bar枱可以同朋友飲杯野傾下計。店員同廚師都係外藉人士，仲有唔少外國人黎幫襯，食物質素都唔錯。 入座後，就會奉上一道前菜。好特別的脆片，非常脆口，仲有少少辣味，配上醬食，非常開胃。🌟牛油咖哩雞呢個咖哩雞好好食，蕃茄汁好香甜濃郁，配埋嫩滑雞肉，先食到蕃茄汁的甜味，跟住會感覺到辣味，非常特別🤩咖喱唔重味精，香料好有層次，同埋唔會好辣，所以唔食得辣嘅朋友都應該接受到，配埋蒜蓉薄餅真心正🥰🌟蒜蓉薄餅蒜味既印度簿餅，新鮮滾熱辣，又夠軟熟而且仲要係超濃嘅蒜香，點上咖哩後，非常惹味🤤🌟芒果奶昔 Mango lassi每次食印度野必飲！芒果奶昔個拉花好靚，個杯夠晒吸睛，入口香滑，甜度適中，飲落去真係好creamy，芒果又甜又新鮮同乳酪嘅酸好夾，大大杯好好飲😍📍咖哩葉 (佐敦)佐敦茂林街16-18號茂林商業大廈地下

今日同朋友去咗位於佐敦嘅印度餐廳食飯，餐廳係地鐵站附近，所以好易揾。有卡位，坐得好舒服。Butter chicken ($118) - 去親食印度菜必叫butter chicken ，呢個起碼top 3咁好食。啲咖哩汁好creamy好香，雞肉份量都ok多，餸薄餅一流。Garlic naan ($28) - 蒜蓉味好香，烤到外脆內嫩。Keema naan ($38) - 呢個係羊肉薄餅，羊肉好入味而家一啲都唔騷，有驚喜喎！2人食完2份naan好飽好滿足～

今次嚟到佐敦食印度菜，早前上網訂位，有網上預約優惠，滿＄300就會送一支酒。由地鐵站行去餐廳大約5分鐘左右，地點唔算難揾，基本上沿住大路直行，經小巷轉入茂林街就到。餐廳一共有兩層，地下嗰餐大約坐到20～25人左，上層就坐到30人。去到餐廳，被安排坐二樓，座位好闊落，同隔離枱有一定位置，唔會有壓迫感。當日係平日，所以食客唔多，靜靜哋，環境好舒服。一坐低，就叫咗飲品先，再慢慢揀食物。所有食物都可以揀辣度，唔食得辣嘅我，就揀咗最少辣😆😆餐牌上嘅沙冰可以加爆谷🍿我就揀咗最穩陣嘅芒果奶昔Mango Lassi / Mango Aamb ($58)，朋友揀咗士多啤梨沙冰Strawberry Smoothie & Popcorn ($78)🍹杯沙冰好靚😍沙冰上面仲有厚厚嘅忌廉🤤好有誠意，爆谷多到滿瀉!! 而且係脆爆谷👍🏻奶昔嘅甜度適中，朋友就覺得沙冰太甜。不過食辣嘢，甜少少仲好😂叫咗兩個前菜。香炸空心球 Paani Poori ($68)，空心球上面鋪滿紅石榴肉，入面有餡料，酸酸甜甜，再配羅望子醬，倒入空心球入面一齊食，好清新，好開胃😋咖喱角沙律Samosa Chat ($78)，將咖喱角切粒做成沙

Traditional Indian Cuisine 🇮🇳 Curry Leaf🍴..佐敦有一間印度菜🥢 傳統印度餐廳👳🏿‍♂️👳🏿，裝修氣氛都有有印度風情。主打北印度菜，提供特別印度菜餚 & 印度特色飲料。🔸青檸蘇打 Lime Soda $38無酒精雞尾酒 Mocktail 比一般🍹 來得特別，有印度香料獨特味道！🔸牛油咖喱雞 Butter Chicken $118bbq chicken cooked in tomato base creamy sauce蕃茄汁濃醬燒碳烤無骨雞塊🥘，味道香甜不辣，雞件嫩滑有驚喜🐥，配上薄餅很match 喔。🔸印度薄餅 Naan $28發酵軟烤餅🌮 soft leavened bread 比一般軟熟，蘸點咖喱真不錯！..餐前小食，薄脆咸香！由印度人主理，一不小心就會錯過既佐敦橫街小巷既正宗印度菜🥢，試試傳統有特色口味吧！..×××××ש佐敦茂林街16-18號茂林商業大廈地下..

天氣熱，想食啲濃味野。就喺openrice 搵到呢間好多讚好嘅印度餐。我最鐘意就係拎住塊薄餅，LAM哂啲咖哩汁放入口，超滿足架！🥠 素食咖喱角（＄48）三隻好飽滿嘅咖哩角。裡面係薯仔、青豆，調味岩岩好，唔會辣唔會咸。配上呢個清新嘅薄荷汁，好香啊～如果個皮薄啲會更脆更正啦！🐔 菠菜咖喱雞 （＄118）開頭會以為個咖哩會係綠色，其實佢入而都有菠菜的。呢個真係出乎意料咁好食。啲雞係有陣陣炭燒味，仲要無骨超嫩超滑！加埋個有豐富香味嘅咖哩汁，應該有好多香料，雖然食落唔識分。啖啖肉，用汁點個餅食真係好正～洋葱烤餅 （＄38）食咖哩點可以無烤餅呢。呢個洋蔥烤餅裡面好多洋蔥，仲要熟透，有洋蔥甜味，就咁食都好好食。用來點咖哩汁仲正～呢個薄脆係送嘅~ 咸咸地又幾香口啊。地方坐得舒服，慢慢食都OK~ 總括都係一個舒適滿意的用餐，有得ENCORE呀~順帶一提，樽裝水要收費架～

Butter chicken 牛油咖喱雞 🧈🍗 $118蕃茄汁濃醬燒炭烤無骨雞塊裏面有好多大小不一嘅滑嫩雞塊😍，滲滿咖喱同牛油香，雖然睇落去深紅色，辣嘅程度方面唔算太辣🌶，仲有淡淡的蕃茄味🍅，酸酸地幾開胃Naan 🫓 印度薄餅 (R) $28 呢款傳統嘅印度薄餅唔會有濃烈嘅香料同配料味，烤出黎冇好多油分感覺上不太肥膩，味道唔會太鹹，點埋咖喱一齊食充滿印度風味Garlic Naan 🧄 蒜蓉薄餅 (L) $28 蒜蓉薄餅同印度薄餅比較之下🍕，面頭多咗蒜蓉同芫荽，油分比較重，每一啖都充滿蒜香，係另一款好多人推薦嘅烤餅

本來諗住有3日假期可以去離島玩下，點知…… 一個颱風就打亂晒成個plan, 認真掃興囉，放假先黎打風😑，呢啲日子除左打麻雀，訓覺，就梗係出街搵食啦，趁今日無咩雨又落左風球就即刻出動，系佐敦見到有間2層高嘅印度菜，好似幾企理，一於膽粗粗入去試下先😜。點完菜waitress就攞左啲胡椒餅比我地，好香胡椒味，食完胃口大開。Tandoori Mushroom ~ 呢個烤磨菇辣辣地幾好食。Mutton Saagwala ~ 菠菜咖哩羊肉吾好睇佢顏色怪怪地，系咖哩汁加左菠菜蓉，呢個好有驚喜，好好味。有咖哩汁又點少得佢 ~ garlic naan第一次食正宗嘅印度菜，估吾到甘好食，連平日吾太鐘意試新菜式嘅另一半都讚不絕口

行過路過唔好錯過， 今日路經佐敦約咗朋友，見到呢間餐廳好似唔錯，就決定入去試吓！ 🇮🇳🇮🇳🇮🇳🇮🇳羊肉咖喱角咖喱角嘅皮好厚，同香港食到嘅咖喱角好唔同，酥脆！唐多利烤雞香料非常獨特，雞肉雖然烤過，但係都好嫩滑！奶滑烤雞擺盤靚💁🏻奶油味道香濃，好欣賞❤️芝士薄餅芝士味好香濃，不過可惜做唔到拉絲效果羊肉餡餅呢個鍾意食肉嘅朋友一定會超鍾意！餡餅裏面塞滿豐富嘅羊肉，唔錯芒果奶昔芒果唔會係香精嘅味道，奶香味都好重， 啱晒健身人士飲呢間餐廳主打印度菜，味道正宗，令我回想起去印度旅行嘅感覺。

🔺PapadomSimple appetiser that is crispy with a kick of spiciness from the black pepper🔺Tandoori Chicken TikkaGo-to tandoori dish of all-times. Sizzling hot boneless chicken pieces that is marinated with abundant Indian spices is super nice, however I find it a bit on the drier side but the marinade is really flavourful. The portion size is also great.🔺Prawn CurryNot easy to see prawn on the menu but I really loved this variation of curry - not too heavy on the coconut/cream side but using more d

同朋友去佐敦食飯！朋友話好想食咖喱，所以我哋就去咗食～ 真係好開心！食咗好好味嘅素茄子咖喱！好好味！我叫咗羊肉咖喱角同埋素茄子咖喱+蒜蓉Naan，仲叫左雲呢拿奶昔～羊肉咖喱角真心超級好味😋個皮好趣，個餡好香～ 好香口既羊肉碎，羊肉碎內有青豆同印度香料～ 素茄子咖喱真心超好味～ 大贊，茄子好似有炸過咁，非常香口！仲有好多唔同既蔬菜都係咖喱內，真係一個好豐富好多口感好好味既素咖喱！餐牌上都有好多素食可以選擇，素食人士真係可以好多選擇！茄子配埋蒜蓉Naan真係好好味！雲呢拿奶昔好香好滑，好好飲！食完濃味一點的咖哩再加埋清新的奶昔真係一流～

之前同bb都食過印度菜…但都未有食過話特別啱胃口嘅一間…今次見有朋友介紹…而bb又話想要啲新鮮感…就晚餐前去食少少嘢咁啦🤭🤭話時話呢度裝修都幾ok！幾有異地風格！可能一入門口係對住個酒吧位置…如果一個唔留意經過望入去…有可能誤會係間bar添😜anyway…坐低之後商量好食乜…就由bb用英文向店員落單啦❤️我哋叫咗✅Butter Chicken ！賣相幾好噃！嫩滑雞肉件數都唔少！啲汁又夠creamy！嚟到啲汁多到好似碗餐湯咁！一於叫番個✅Naan 嚟點汁一齊食！熱辣辣即刻整好送到嚟！用手拎住食就更入鄉隨族啦😛滋味😛之後仲點咗杯印度特飲 ✅Mango Lassi ！好重乳酪味道兼帶有微微芒果清香甜美！唔錯😁😁

日日中西日韓意😜想俾啲新鮮感自己！是日喺午餐同晚餐之間走去食個印度菜醫吓肚👳🏽印度朋友叫我去試吓呢間位於佐敦小巷嘅正宗餐廳！一入已見全部係外籍職員！而且裝修滿滿異國風！仲播住印度歌舞👠心情即刻進入狀態！外語落單done!!. ✨Naan 印度薄餅大大塊三角形薄餅😃新鮮熱辣辣出爐！一陣用嚟沾美味咖喱汁已經好match！！. ✨Butter Chicken 牛油咖喱雞個靚靚拉花好有風格😍😍個燒炭烤無骨雞肉醃製得軟滑入味！最正係個滑溜又微微甜辣個蕃茄汁濃醬！Lam lam脷之選😋. ✨Mango Lassi 芒果奶昔呢杯印度傳統特飲又係有個靚拉花🥭當季芒果夠甜！加上清新乳酪酸咪咪！飲落好fresh又解油膩！！

去探朋友～ 同佢係屋企附近食飯～ 由於好耐無食咖喱，所以我地決定去食咖喱滿足下味蕾！餐廳裝修幾舒服，侍應都好Nice！我地叫左白咖喱羊肉配蒜蓉Naan! 仲有Mango Lassi!白咖喱羊肉個樣唔錯，廚師裝飾到好似藝術品咁～ 羊肉好香口～炆到好淋～ 配埋蒜蓉Naan一齊食真係好好味～ 個蒜蓉Naan都幾抵食！一盤有4件厚厚地又香口，除咗蒜蓉仲有芫荽係上面，令到個Naan更加香！Mango Lassi 真係每次食咖喱一定會叫既野飲，酸酸甜甜，邊食咖喱邊飲真係一流～ 超級美味！餐廳仲有好多唔同嘅飲品～ 有沙冰，有果汁，健康又美味！