品味人生中國廚房 (已結業)

前排同媽媽去綠楊行行，見開了多間食店，個名叫<品味人生>，就揀尼間享受人生，點了羅漢齋抄河粉、奶黃包，即叫即抄，來到仲熱，真好，配料多。個包都係熱，想漏黃，不算甜。媽媽同我講了句話，話些碗斜斜咁放，望落似山墳，聽完再望，真係幾似下。

見佢門口咁多剪報介紹, 咪試下囉.一坐底, 叫完餸, 已經餓到飛起, 點知佢廚方出菜好慢, 等左差不多15分鐘先有D前菜食下,第一個燉湯仲叫OK, 但越食越唔對路, 連腐乳通菜都鹹到我要搵滾水沖下先食得落.杯仔蘿蔔糕勁粉, 一D蘿蔔味都無, 個雜菜紙火煱只係玉子豆腐, 一條蟹柳, 幾片日本魚蛋同幾扎芋絲, 求其過求其. 炒麵又乾又凍, 甜品係桂花紅豆糕但係D紅豆都未起沙, 真係唔掂.如果真係去, 千祈唔到貪方便叫套餐, 散叫好好多!仲有綠楊坊泊車好唔抵, 個停車場已經遠, 佢地既停車優惠只係每小時平2蚊, 有等於無!

呢間餐廳ge 職員冇禮貌~加上每個餐牌的餐都要1圍起果隻~根本family去食,例如2個人去食,想叫1人餐都強迫要人地叫2人餐,要200蚊起...實在唔抵食~餐牌寫ge 資料完全唔清楚~又倒了茶,想走都唔走得,仲之無奈地叫左15蚊ge擔仔麵,肉燥飯擔仔麵..係一般酒樓都好過呢間正宗ge廣東菜餐廳肉燥飯...普通白飯+幾粒肉碎,完全冇乜味出黎只係叫左呢2小碗ge野,都要成110蚊先走得人..真係好貴!!!唔怪得呢間餐廳真係唔多人入去食的~

今日去食晚飯，食到一肚氣裝修餐廳裝修ok。食物食物分量很少，六人叫了十樣餸也不夠飽。食物味道部份可以，但部份極之難食，特別係個擔仔麵，完全係分得出每樣材料的味道，湯完全係大快活通粉湯底，麵條又粗，如果你們只是為了生存可以食。速度食物來的速度和落單的速度都很慢。待應態度待應態度極差，以下為其中例子：1. 帶我們入座後就無人理我們，呆等廿幾分鐘。(但檯面連碗筷及杯都無)2. 待應清理碟面時d餸汁照頭淋到我個friend，佢件衫完全報銷。但個待應連sorry到無講，簡直不知所謂。食完完全唔飽，但只有一肚氣。

** 此食肆的第一個OK **今朝(22-3-2008 Sat)同爸媽o黎呢間佢o地話坐卡座,間到一格格唔似酒樓o既酒樓飲茶.佢o地先落o黎,我大約8:20am到o黎,門口o個啲多數係四人卡座,我行到中間,終於發現爸媽o既蹤影.佢o地坐梳化椅,我坐高背椅,個椅背真係高到近天花,唔知係咪想啲人留意,唔好踫撞到呢啲椅呢?我o地選o左:4.脆皮鯪魚球－選燒汁(中點)皮都唔係好脆吖,我揀燒汁,但畀o左似辣椒油咁o既色o既汗我o地,明顯唔係燒汁,不過爸媽都照醮o黎食,算吧.送到我咀邊,我卻臭到有陣似魚鯹帶少少縮o既味咁,食落,唔...應該冇問題o既,而個汁,冇乜味o既?我睇返點心紙,有黑椒汁,燒汁同蜆介汁三款揀,明顯,佢o地畀錯o左蜆介汁我o地,但又唔覺有蜆味,奇怪.5.蘿蔔千絲酥(大點)嘩!呢個係大點啊?真係好唔抵喎,好細件.食落,係好多蘿蔔絲,但冇蘿蔔味.2.金沙奶皇包(大點)好熱,包唔大件,幸皮唔太厚,奶黃唔太香但口感可以.3.田園時蔬(大點)冇難度.1.雲南脆瓜珍菌腸(大點)如相中所見,個碟好長,一碟三件,但其實唔長.夾起,因為冇油,所以黐住個碟同筷子.食落,好淡,只有蔥味,要落豉油.而

第二次跟家人在這裡吃，純粹是找個地方見一見面先說食物，什麼都mini-size的，還好價錢不算太不合理叫了兩個小籠包、一個杯仔麵、一個豆腐、一個炸籮白絲卷、一個石頭(碗)雞、一個竹筍好聽就是「的式」，不好聽就是...質素麻麻，石頭碗雞的只是「雞翼」...連雞柳都唔比服務真的是十級差Waiter都唔知發生o羊事我最討厭一坐下就被人「提醒」/「警告」要一個半小時後交檯說真的，我到時不走你再跟我說說「很多客人我們可能不太夠檯」我會比較受重點是你間鋪又不是外面排長龍，又不是沒空位，幹嘛這樣一早就趕人？感覺很差第二次來這裡食，還是我未食完就幫我收野迫我走個石頭碗雞我食完d雞仲想食埋d京蔥，佢見無哂雞就想幫我收走，比我同我媽話佢無禮貌服務又慢...d waiter態度真係麻麻，問佢又無乜耐性叫佢拎多set餐具比我就走去serve人地落單先(落十世都未落完)，唔識分邊樣快邊樣慢...食物係ok，不過坐落黎感覺好差，好似成日比人趕唔受尊重咁，所以都係簽卡無比tips

其實我去呢間野既時候都係好幾個月前o個陣見間野新開咪去試下囉見佢裝修幾靚，價錢都唔平，諗住：點都有翻d水準點知失曬望~！1.有小昆蟲服務員唔單只唔捉左隻野，仲話"冇野既~冇野既~"結果要我地自己KO隻野，講真，乜胃口都冇曬2.d野唔好食500幾蚊個餐，咁既質素真係好唔得佢d野食都唔好食既，又普通量小質素低~~~比$200都"嚴"比多佢3.服務態度超差a.碟野都未食完佢就收左佢！問都唔問我地！b.我地叫餐既，跟餐有甜品，有芒果布甸，咖啡布甸，鮮橙凍同埋桂花紅豆糕比我地揀.....我地四個人，分別叫左：鮮橙凍x2桂花紅豆糕x1芒果布甸x1個服務員黎到，話冇鮮橙凍同桂花紅豆糕，之後放低兩杯芒果布甸同兩杯咖啡布甸！問都唔問我地揀乜，就求其拎d野比我地食！！！正常既都會話：我地冇xxx wo，你會唔會揀過另一樣？咁我地就話：我唔要呢d甜品，你叫經理黎丫~個服務員聽到我地話搵經理，"jap"左一聲，黑曬面拎翻d甜品走~~(原來呢位服務員都係經理黎！！！結果我地搵老闆黎傾)老闆既解釋係佢地所有人都係新黎，未train好小昆蟲佢就冇解釋啦~haha！___________又貴，又唔好食，又0禮貌...

叫了個二人餐，真係好多嘢食，樣樣都幾好。最好就係啲服務。

一早知道呢度二人餐既份量多，所以三個人只叫一個二人套餐就夠。螺頭湯和花旗蔘雞湯、蘿白、鐵板鴨胸、錦鹵雲吞、中華沙律手卷、籠仔蒸三鮮菇、糯米飯同埋甜品，種類真係好多。飲了少許花旗蔘雞湯，好淡，似飲水，雞肉也是沒味的；蘿白唔得鮮甜，同車品品比簡直是天與地；鐵板鴨胸算是合格，鴨胸不太韌，京蔥香口；錦鹵雲吞外皮就脆，不過餡料甚少；中華沙律手卷，反而是脆皮筒比內容好；糯米飯，溫度唔夠，材料也不足；籠仔蒸三鮮菇是最好，用蒜泥蒸起好香，冬菇淋，脾菇爽，送飯唔錯。甜品要桂花紅豆糕和香橙果凍，賣相可以，不過味道還是差少少，食啫哩好過。可能太多人等位，侍應個個好急咁，野都未來整就話同我地埋左張單先，咁樣食野我就唔係咁鐘意。

最近綠楊坊改頭換面,為沉悶的荃灣飲食市場添上不少生氣. 基本上,我已光顧了全部綠楊坊的新食肆(除了那間sell製服誘惑的食店外). 當中,教我最痛心疾首的是"品味人生"了.開張當日,我和媽媽便急不及待地幫襯了這食肆(我可稱它為酒家嗎?). 我看到肥仔老闆在食店內團團轉,十分忙碌, 誠意可嘉! 我再看看它的點心紙, 雖然它的設計不大環保, 但是當中的款式可以知道老闆在設計菜式時, 是下過一定的苦功的.遺憾的是這老闆遇上一位天馬行空的設計師. 餐枱太小, 餐具太大. 負責室內設計的人要好好反思! 座位設計太出奇, 令人坐得很不舒服! 而且一點也不好看! 大概要有kate moss的身型才可安然坐下來.點心來了,食物不太差, 很有新意. 沙薑豬肚很不俗, 而一些傳統的點心, 它更提供了三種不同的煮法給食客選擇, 例如牛肉, 你可以選清蒸,葡汁或清湯燉. 當日的侍應的態度也不太差(我想是因為老闆在場吧). 數天後, 我本想和媽媽到隔離的小籠包饅頭店(不俗的,另文詳談) 吃的, 可是它要到十一時半才營業, 我們便唯有再一次光顧品味人生了.這一次, 食物依然. 可是侍應的態度是太離譜了!

環境好狹窄，枱與枱好貼，明明冇乜人都要迫我地困係一間房，又唔比轉枱，部長態度勁差，都唔明解要限時個半鐘頭交枱，叫左幾廿百次都冇人收野，結帳結左成世.....總之一個字"差" !!!

(8/12/07)在旺角店食過,勉強ok。這裡新開,有人龍-_-。奶奶話想來,唯有是但吃點。落左單,要等許久。鳳爪ok。公主豆腐,那百福豆腐盒的坑印,明顯可見,用上湯浸,淡如無味。潮州粉果,餡一pet汁咁,好不濟!小籠包,唔好玩啦!幾碟都整到咁差,小籠包唔好諗,會係小籠包喇!豉椒牛腩炒麵,獻汁多到一pet,牛腩?韌."痴"牙!陳婆婆南瓜煎餅、炸鲮魚球,選黑椒汁(比左蜆介)。件頭已細少,隻碟明明有四格,擺得三粒,第四格懶靘,擺粒車梨茄裝飾。整頓lunch,好食o既只有炸鲮魚球,和腸粉。千萬不耍再食第三次。

來品味人生，除了這個理由，想不出別的原因。4個人吃了自選私房菜(4位)，款式繁多卻質素平平。　頭盤可選4款。茶杯粒粒蘿蔔糕伴XO醬(圖1)-大家都認為是全晚最好吃的一味，我覺得很普通。品味創作中國沙律手卷-向來喜歡沙律醬菜式，OK。照燒巨魷鬚伴照燒汁-頭盤卻是差不多最後才上?不熱不脆又油，頗難吃。木魚飄飄水晶蘿蔔-最最後上的一味，不好吃，吃剩大半棄掉。　每人都可選一款餐湯。板栗南杏百合燉脾赤、花旗參鬚燉鮮雞沒試，試了"特首去新加坡都吃唔到...肉骨茶"。搞笑的名字，一般的味道。　主菜可選4款。水晶蝦仁伴玉面西施-玉面西施是滑溜的蛋白，不過加上水晶蝦仁與蕃茄粒，有點九不搭八?大大個菠蘿包．芝士西蘭花-這裡挺多這種gimmick食物。大包不是菠蘿包而是酥皮包，芝士醬只見其色吃來不覺其味其香，麻麻。更上一層樓．這不是豆腐-那四件其實是玉子豆腐，煎得香香的，是較好的一味。桑拿石滾咖哩雞肉-女侍在我們面前將生雞肉、熱石粒攪拌，後放入木桶以桑拿原理焗熟雞肉；肉類其實可揀豬或牛，醬汁也可揀燒汁、黑椒汁、沙茶汁，自由度都幾高，貪新鮮可一試。不過味道一般。　有4個主食。士林夜市肉燥飯-細妹激讚肉燥飯多汁