哥哥添飯•妹妹泡茶

营业中

休息中

味道：新鮮有心好味珍珠奶茶比平日的例牌做得更有心刈包更是好味得影相都影唔切就已經放左入肚。假日黎買都見到好多外賣，相信平日一定客似雲來。真心可以繼續encore！

第一次食呢間。。肉燥飯幾好味😋諗住買小食食，見選擇都多，可惜原來小食要2pm 先開始供應🙈2pm 前主要提供飯/ 麵餐～但甜品類都有得賣😋.豬扒都好厚身同埋份量都多😲👍🏻.整個餐😀😀份量都幾多😋.另外都叫了綜合芋圓糖水，咩都有😁

好長嘅一個店舖名，“哥哥添飯，妹妹泡茶”，不過令人深刻印象！雞腿扒魯肉湯麵正宗嘅台式風味，雞排亦大塊，性價比高！鹽酥豬扒拼魯肉飯豬扒炸得香脆又唔油膩，入面鬆軟，幾好。只係略嫌個魯肉飯，d魯肉少左d，畀多啲魯肉嚟撈飯就更加好啦！

外賣牛肉麵for lunch, 一打開蓋，見到牛腱有一條黑粗毛髮，打算拎走當看唔到，但一路食，見到牛筋，麵，甚至酸菜都有，真係食唔落，好嘔心….. 希望餐廳認真檢討!

成日因為被呢間店個名吸引而食🤣🤣🤣係分量飽足既台灣菜！🤤💕-🍴椒鹽雞腿排拼魯肉飯便當即使係外賣 個椒鹽雞腿排凍左都仲係有d脆口 舊舊都好大塊 多到個盒都滿瀉咁 大滿足😋一啖飯一啖魯肉一啖雞腿排 食到停唔到口👍🏻🍴玉米起司蛋餅玉米起司係經典不敗既口味 永遠都食唔厭❤️餅皮好煙韌 好香蛋味 玉米加起司多到滿瀉 仲配埋沙津醬同甜辣醬 好味😋💕💕💕@cheatdaycheatmeal👸🏻👧🏻

因為住係火炭，所以都食過次呢間餐廳。之前試過牛肉麵覺得普普通通，見佢出左便當🍱，於是就叫左鹽酥大雞腿肉便當。午巿時佢重有送一杯凍紅茶，甜甜地都幾好飲。個雞腿肉便當塞得滿滿的，雞腿肉有手掌咁大塊，而且煎炸得香酥香酥，調味咸香，又有雞肉香。飯面嘅肉躁好多，滿滿鋪了半個飯面，大部分都係豬肥肉，入口即融，充滿油香，肥而不膩。配有半顆滷蛋，略嫌乾硬，不過味道不錯，加埋青瓜絲，尚算解膩。要將成個便當吃光都不容易，吃完一定捧住個肥郁唔到🤣

見到佢平時咁多人排隊，就去試吓啦珍珠奶茶難飲到一個極點，完全冇味食佢啲小食啦，叫咗個九層塔鹽酥雞乜Q鹽酥雞嚟㗎，又係冇味嘅，d炸漿又超多，最好食係啲九層塔😂唔信且嘅我又去嗌咗佢啲飯食，um只能講好普通，唔算好食

望到幅圖係雞脾，已經特登問清楚個收銀係唔係。佢話要加錢先有。加咗錢轉雞脾肉，宜家成碗都係雞胸，咁唔老實既餐廳都有既🤬雖然5蚊唔算多，但都要提大家睇清楚，check清楚。

今日想求其叫個外賣食算，見到呢間台灣野都幾吸引，又多選擇，就決定試試佢。叫左個紅燒牛肉乾拌麵同埋起司肉鬆蛋餅。紅燒牛肉乾拌麵最吸引我既係有幾舊牛肉大大舊，肉唔算乾身鞋口，有肉味，麵條既份量多，另加左個麻辣汁更加好味，好香口好好食，仲有半隻滷水蛋、青瓜絲、紅蘿蔔絲咁，幾抵食，食到好飽。台灣野黎講我好鍾意食蛋餅，呢個起司肉鬆蛋餅真係好好食，芝士味好濃，肉鬆份量都足夠起碼食落啖啖都有肉鬆，面頭有啲沙律醬同辣醬好惹味。

主要做外賣生意的小店，原本見佢好似主要做手搖飲品，所以以為啲主食會差啲，但令人好有驚喜！今次嗌咗 椒鹽雞排配滷肉飯。對於女仔黎講份量都好夠，同埋餸同飯嘅比例係餸比較多，適合啲唔中意食咁多碳水化合物嘅人，但又夠飽肚。買套餐仲送買野飲，今次係送四季春（細杯），不嬲對跟餐嘅飲品都無乜期待，但真係唔錯，配埋啲嘢食仲可以消除滷肉飯油膩嘅油膩感。另外包裝都好有心思，有張紙仔同啲配圖，令個飯都有啲高級嘅感覺。不過要留意嘅係如果lunch買可以事先call定去，如果唔係都幾多人下，都要有排等。

上次食完，今次特登外賣自取，搞搞新意思，唔叫主流正餐嘅飯😂可以係WhatsApp落單真係好方便，佢仲要秒回，係openrice睇餐牌唔夠清楚可以直接whatsapp問佢拎我叫咗避風塘炸燒賣 $14 、手工芋圓椰汁西米 $38 同埋麻醬雞絲刈包 $22，佢仲有好多唔同優惠，又減$10，又減$5，唔太明佢點解，仲之平咗😳燒賣100分，但係另外嗰兩嗰好奇怪🥲 今次再食芋圓，真係唔好食，西米又淡到😅 嗰個麻醬雞絲包真係好一般。我諗我再食都唔會再食佢嗰芋圓😑

喺app度見到呢個名好搞笑，就click左入去睇，跟住俾佢啲飲品吸引咗話時話我第一次叫app係咁快送到！成個過程唔使20分鐘！如果趕時間，但係又要送外賣，呢個都係唔錯嘅選擇啲滷肉飯係幾好味😋，揀返自己鍾意配搭嘅餸，有雞扒豬扒個啲 不過男仔就可能唔夠飽，所以一定要叫埋嘢飲！咁應該就啱啱好啦我自己就叫咗個手工芋圓烏龍奶茶，佢仲會俾埋隻匙羹叉咁嘅物體，俾你食芋圓，聽講呢個芋圓係自家制！食落係幾有口感，但味道就唔係幾夠，同埋個奶茶無乜茶味，杯飲品真係有啲失望🙍我兩嗰朋友叫嗰杯雪山蘋果鐵觀音，一個就話啱啱好，一個就話太淡冇咩味真係各花入各眼

在火炭工廠區工作的朋友，午餐的選擇來不開上樓飯堂、連鎖或港式快餐廳，選擇不多這家店反而走精緻台餐外賣，為區內帶來多一點選擇哥哥招牌鹽麴雞拼白飯 $45黑椒夜市小香腸 $14特選水果四季春 $29（原價$88，Foodpanda自取價$82.4）鹽麴雞🐓是店家的signature food，用上鹽麴為雞肉調味，鹹香有鮮味，雞肉嫩滑爽脆，美中不足是雞肉的冰鮮感很重除了雞肉還有一隻煎得美美的太陽蛋🍳 飯的份量非常足夠，對👩🏻女士來說絕對有點多小香腸本來選了🍯蜜糖味但最後因為取餐時才知道蜜糖味沒了，黑椒味重，味道都如外間買到的一樣，煎得香口這個還是一讚👍🏻最近喝多了鮮奶組合或水果茶，這次點了水果四季春（不加甜），四季春茶味清香不苦澀，水果新鮮種類也不少，酸酸甜甜的很適合配這個飯價錢方面亦算中規中矩，份量搭夠，包裝亦算精美火炭近年多了不少餐廳食肆，但說到台灣🇹🇼菜的話真的沒有，店家雖然只做外賣還是在區內有一定吸引力🧲

呢間野長期大量外賣車隊等候，同附近其他店形成強烈對比，今日我都終於試咗啦。我同朋友從一盒盒擺喺度等緊外賣仔黎拎既外賣睇到，最多人嗌似乎係個拌麵。不過今日想食飯，我地兩個人都嗌咗鹽酥雞魯肉飯。我唔飲茶，所以我個餐飲就轉左-$10優惠價嗌咗個芋圓糖水。唔好睇盒飯仔細細咁，打開都pack到幾滿，份量都幾多。有半隻蛋，有啲酸菜，有啲青瓜絲，有勁多魯肉，同埋塊雞扒。雞扒炸得幾好，唔會好多粉漿，又唔會炸到好熱氣咁，雞肉好滑。啲飯都煮得岩岩好，魯肉唔係肥淋淋油淋淋嗰款。我呢排胃口唔好，都差唔多食哂成個咁濟。芋圓糖水無影到相，芋圓係幾煙韌，糖水甜度適中，不過唔算令人印象深刻。只係附近工廠區都無咩糖水嗌，想食糖水時都可以試下。下次想試下拌麵同埋個鹽麴雞。睇人地個鹽麴雞飯盒啲雞好似份量少少地咁。下次試咗再寫食評啦。

懶帶飯，又唔想出街食，一齊叫外賣，好準時送到，真開心叫左醉雞伴麵，醉雞份量幾多，有6、7件，係雞翼位，好滑又入味！正！醉雞汁好濃，有酒香但唔會苦，有杞子同埋藥材片，好足料！半隻蛋雖然細細隻但好入味，yummy😋可以楝配飯、湯麵或者伴麵，覺得醉雞配伴麵好似夾d,伴麵爽口，仲有青瓜、蘿蔔&雲耳，撈埋醉雞汁，正！餐包左蜜桃鐵觀音，好清新多又唔會太甜，幾好！原來仲送一小份甜點，似日式蕨餅，配綠茶粉，仲有紅豆蓉，甜得黎又甘甘地，為lunch 劃上個完美句號🥰