哥哥添飯•妹妹泡茶

营业中

休息中

成日都會經過呢間台式小店, 好多時都會見到人人排隊買早餐, 自己都想試好耐見今日時間有D鬆動又唔算太多人就決定試試佢早餐有刈餅, 炒面, 通粉可以選擇, 可以加錢配埋飲品最後比起司爆蛋個名吸引左, 所以就叫左佢, 加錢配埋咖啡簡單講解下咩係刈餅, 刈餅就係白饅頭入面再加饀料夾黎食除左芝士同蛋之外, 仲夾左D青瓜絲同沙律醬芝士已經係溶哂既狀態，芝士夾哂係個刈餅入面，冇癡住哂膠袋👍🏻芝士，蛋同沙律醬加埋一齊食既味道真係好夾，配埋青瓜絲一齊食就會冇咁膩，個饅頭都好味，甜甜地，唔會太硬或者太軟，值得一試

今日早上11時半到達火炭見一個客人，她推介我去附近這間台式外賣店買飯盒和木瓜雪耳桃膠糖水返屋企食，我求其點左：1. 哥哥招牌鹽麴雞便當$59，一直以來我就想想日本人的烹飪班學做鹽麴，因為這個日本人用的調味料係用白米和不知什麼和鹽發酵成為一個代替鹽的調味品，但是時間夾不到，點知呢間野整嘅呢個菜式好好味，啲雞肉好滑，好香，去咗骨的，啲鹹味好清新，有其獨特的香味，嗰啲白飯粒粒分明，不會太軟，仲有隻煎得好靚嘅太陽蛋，蛋黃是半生熟的，配菜有幾粒切開咗一半嘅車厘茄，還有幾片生的青瓜，啲白飯嘅份量差不多夠兩個人食了！👍👍👍2. 香烤厚豚拼魯肉便當$45，快厚切豬扒唔會好似一般餐廳咁攞嚟炸（因為貪快），所以不會油膩，軟硬度適中，唔似係急凍的；還有半隻滷水蛋，超好味！啲魯肉係全收嘅豬肉碎，唔會肥死人！啲魯肉鹹甜度適中，又係嗰句！啲飯多到可以夠兩個人食咁滯！可能啲男人大食就會覺得足夠。3. 木瓜雪耳桃膠糖水（跟一個就加$14），足料，材料軟硬度適中，湯水不會太甜，正！4. 其中一個餐送的水果味綠茶，呢個味道有啲假，我唔鍾意！5. Order完食物之後發現原來佢哋有一樽樽嘅自製「鹽麴」賣，每張$78，睇落好

火炭除左茶餐廳之外真係冇乜野食, 而家陸陸續續開左D唔同既小店, 實在太好了店名好得意, 哥哥添飯。妹妹泡茶, 去買外賣既時候不禁會去睇下邊個係哥哥, 邊個係妹妹呢間餐廳係賣台灣便當, 只有外賣, 冇堂食餐盒既設計幾有心思, 睇落去好靚, 但就唔係太環保啦台灣野點少得魯肉飯, 椒鹽豬朳魯肉飯弁當係佢地既推薦之一首先講魯肉飯先, 一整盒都放滿左飯, 真係唔使擔心唔夠飽, 下次再食應該要叫佢小飯有半隻蛋, 青瓜絲同埋紅椒做配菜 魯肉飯既肉碎唔會太肥, 瘦肉同肥肉既比例個人覺得幾好, 味道都唔錯, 份量都好多, 夠撈哂所有飯!!不得不讚呢個椒鹽豬朳, 即叫即炸, 佢似係用左鹽酥雞既做法, 個外皮好鬆軟, 皮又唔會好厚,加上少少椒, 好好味!另外弁當係會配埋飲品, 今日配既係芒果冰茶, 濃濃既芒果味, 但又唔會掩蓋哂佢應有既茶味, 甜度適中, 好評!!

火炭真係無咩好食，早排係坳背灣街開左間台灣便當兼珍珠奶店，為身的我又點會錯過，早早係試業期間已經大排長龍。餐廳有午餐Set，$33-43就已經有個台式便當加杯飲品，相比附近60幾70蚊的Cafe，都算幾抵食。由於試業期間，難免不能適應，所以D order都有D亂。今次我們叫左3份不同的便當，當中佢招牌鹽麴雞便當最受大家歡迎，最多人試！烤厚豚拼魯肉飯的豬排唔係真係好厚，不過煮得唔算太乾，味道還可以。不過佢的魯肉又幾香，值得一試！本身以為椒鹽雞排係炸雞排，不過原來係烤雞排。口感都幾香，不過都係佢的魯肉較吸引。最後係佢的招牌鹽麴雞便當，同樣53蚊，我覺得更抵食！鹽麴雞都幾入味，雞肉都算滑。飲品只係一般台式飲品店的Quality，無咩特別。不過比起玻璃屋個間，係好飲D的。