哥哥添飯•妹妹泡茶

营业中

休息中

今日又黎到我最喜愛嘅觀塘台式餐廳食晚飯，貪依度夠晒方便，地方又好坐適合同friend 慢慢食傾下計。我地叫左避風塘風沙排骨酥配椰菜絲沙律及魯肉飯、岩鹽咸豬肉拼皮蛋醬生菜包。排骨酥份量大，豬肉非常容易咬，一D都唔痴骨，避風塘亦都香好香口。配搭咗椰菜可以解解膩。岩鹽咸豬肉拼皮蛋醬生菜包係我嘅至愛，因為我係非常欣賞依道先食倒嘅皮蛋醬，好香橄欖油。豬腩肉係用岩鹽上，包埋一齊食真係非常滋味！今日試下鮮手工製芋圓奶茶，加料雪燕，原來餐廳茶底係用鐵觀音，比紅茶更岩我口味。芋圓軟硬適中，有芋頭味。甜品要左個對對碰芋圓仙草凍，仙草同椰汁都唔會太甜，性價比極高，所以打包左個比屋企人！

今日去咗觀塘創紀之城做嘢， 遲左食lunch , 剩返好少時間食lunch 就要趕下場繼續做野，經過見到d 間《哥哥添飯 妹妹泡茶》，係APM 行前少少， 價錢合理， 見環境乾淨舒服， 就試一試.本身唔係好肚餓， 叫咗個下午茶墨西哥Nacho 旦餅配薯條-nacho 配有牛油果醬，一齊食同分開食都唔錯，賣相精緻，旦餅內有芝士， 唔算好流，啖啖旦香， 有驚喜😻，薯條-即叫即炸， 脆口， 熱辣辣，粗身 ， 好味黑糖珍珠奶茶：唔太甜經濟快食之選

今晚啱啱喺觀塘呢一區收工，當然啦其實呢一間台式餐廳係朋友想去食嘅， 因為疫情未有再去，依家放寬咗啲，咁就入去試下， 一入到去裝修都幾有特色及簡潔， 另外座位嘅間隔坐得舒服， 咁我哋叫咗一人一個Dinner set 如以下:岩鹽咸豬肉拼皮蛋醬生菜包: 呢個生菜包其實個包有少少似饅頭,咁你就擺啲豬肉落個包再加埋佢個皮蛋漿撈埋嚟食，咁其實每樣嘢都幾夾，個皮蛋漿味都幾獨特 ，所以我都幾鍾意呢個包，因為好似做緊啲手作仔然後有好嘢食。避風塘風沙排骨酥:呢度餸對我嚟講係幾好食，熱辣辣咁送到你面前，啲排骨到好風沙，啲肉離曬骨咁，有啲似外國嘅燒肉排RIP一樣好食，同埋配咗佢避風塘嘅煮法，口感味道幾好。 而且自己都好鍾意食佢地既蒜蓉。最後飲埋杯乳酷酪芝芝鮮芒 & 乳酷酪芝芝巨峰就閃人， 其實呢間台灣嘢我覺得個價錢都幾算係reasonable，而且啲嘢食都係有質素嘅，咁如果大家行開呢頭，可以試下呢間台式餐廳。

記得之前搭地鐵已經見過呢間餐廳招牌，覺得個名好得意。餐廳裝修簡約舒服，以木色為主，文青feel。每個set 加$10就有三小碟前菜、一碟青菜或杞子燙青菜&小甜品，唔係唔加呀嘛~個盤放到滿哂，成個set超級豐富!!  其中一款較特別的小碟是醃苦瓜，爽得黎唔會太苦。無辣鹽酥脆炸雞配椰菜絲沙律及魯肉飯 ($108 + $10)鹽酥雞選用原隻雞脾，切開上脾同下脾，勁大件!!肉質亦相當嫩滑。 外皮入口酥脆 ，咬落”索索”聲；調味亦剛好，唔會過咸。魯肉飯甜甜地又唔會過咸；椰菜絲有酸汁作調味汁，好細心。岩鹽咸豬肉拼皮蛋醬生菜包配蒸刈包 (兩件) ($108+$10)有對即棄手套提供，可以落手慢慢做出自己口味的刈包。刈包鬆軟，咸豬肉片燒得香脆多汁，皮蛋醬咸咸地，夾埋爽口白菜，味道豐富又好夾。食完兩件包，淨菜沾皮蛋醬都好正!!最後連醬都比我地清哂，感覺個醬撈白飯都會好食。~加配台式飲品可以減$10~有時候想喝紅豆奶茶 (熱)奶茶茶味較濃，紅豆夠淋，唔會好甜。幾大杯。水蜜桃果粒愛玉 (少冰少糖)見menu個杯好別緻就試下，佢係一隻cocktail杯放大咗，望落仲多過杯奶茶! 好啱打卡。茶味同樣香濃，仲有少

好味指數：🌕🌕🌕🌕🌘舒適指數：🌕🌕🌕🌕🌗環境寬敞、設計簡約、而且有長枱可以坐一班人，同三五知己來食也不錯！食物方面，我地分別叫左。避風塘風沙排骨酥配椰菜絲沙律及魯肉飯。椒麻脆炸雞拚魯肉飯加10蚊可變套餐！有3小碟同青菜！青菜可揀杞子青菜/滷肉青菜～杞子配青菜較清甜，滷肉就濃味啲，但好好食。避風塘風沙排骨酥份量多，酥脆惹味！椒麻脆炸雞同樣香脆，有花椒香，不會太辣。飲品分別係 乳酪芝芝六重天綜合奶茶& 乳酪芝芝巨峰，芝士濃厚，好飲。

觀塘都係我成日搵食ge地方今次店舖地址向商廈入面地舖所以大家要注意下位置喇可能點舖位置關係晚餐時段唔算多人所以傾偈都幾適合而且店員服務欣勤感覺良好我地叫左2個餐加10蚊就可以有菜+3款小食十分抵食岩鹽鹹豬肉拼皮蛋醬生菜包 配蒸刈包首先個刈包好大個 好似食burger咁皮蛋醬比想像中好味（因為我本身唔食皮蛋）有少少香草味 就咁空口食都ok鹹豬肉好入味 配埋刈包同生菜食岩岩好無辣鹽酥脆炸雞凍左都仲脆唔油膩皮脆肉嫩 而且大件魯肉飯ge 肉唔會醃得太甜, 不錯特選水果玫瑰花茶味足 有原片水果食完飯食片水果清一清好清新水蜜桃果粒愛玉賣相超靚果味清新唔係太甜 好易入口

觀塘牛頭角美食攻略2023 文青CAFE 台式小吃店 哥哥添飯•妹妹泡茶 Gor Gor Mui MuiOFFICE區有間新鋪,今次過黎試下主打午餐同下午茶餐牌,仲有台式小食,特式飲品等~價錢合理,40~左右一位鐵板4重芝士蛋餅,配薯條,甜品,沙律所有食物都係即制,等20分鐘,蛋餅全部都係芝士,仲拉到絲添,好重芝香,皮薄有蛋香,加上沙律,份量幾豐富,蛋餅一客4件薯條夠脆口特色水果茶,帶玫瑰香氣,唔太甜,味道岩岩好呢~呢度飲品杯好靚甜品 楊枝甘露加芋圓,口感彈牙Q彈好足料,甜蜜足料好食,仲有芒果肉伴以台式炸雞肉,即鹽酥雞肉,幾惹味香口,份量岩岩好,做下午茶剛好觀塘觀塘道388號創紀之城一期地下6號舖Shop 6, G/F, Millennium City 1, 388 Kwun Tong Road, Kwun Tong

係附近放左工就約啲同事嚟試下呢間台灣菜，見個名改得咁得意😎。椒麻脆炸雞拚魯肉飯（少辣） $108+$10 時令前菜3小碟＋滷肉青菜+小甜品完全無諗到成個set咁大份，勁抵食，又菜又肉，炸雞熱辣辣出哂煙，炸粉好簿非常好👍，再配埋一大碗魯肉飯😚，肥瘦均勻。避風塘風沙排骨酥配椰菜絲沙律及魯肉飯 $108+$10 時令前菜3小碟＋杞子青菜🥬+小甜品同樣加左$10升級，真係好抵食，青菜🥬一大碗，都幾清甜，前菜分別有醃製既苦瓜、牛蒡等、花生🥜，另外，見有避風塘就試一試，好似幾特別咁，排骨肉質幾嫩口，唔會好難咬開，份量都幾足，食完仲有個小甜品🍮，原味&朱古力味既小泡芙，都唔錯😙😙水蜜桃果粒愛玉 $25果茶好fresh，飲落仲有啲咬口，唔錯唔錯😝乳酪芝芝荳花鮮芒 $38有一層厚厚既乳酪奶蓋覆蓋，底層係滑溜溜既豆花&幾甜既芒果🥭，飲落好滋味😋。混一式綜合手工芋圓 $44食完唔夠喉再叫埋甜品，Cp值一樣咁高😉，大大碗好足料，有手工芋圓、柴薯圓 、地瓜圓、蜜紅豆、黑糖珍珠、愛玉凍 、蘆薈配黑薑汁，出奇地唔會甜度岩岩好。芒芒甘露芋圓豆花配 $46有大大粒芒果肉、柚子、豆花、西米、手工芋圓 、紫薯圓 、地瓜

放工又再次嚟到呢間台灣嘢食飯 因為覺得佢選擇好多 而且價錢唔貴 無論係食物定係飲品 都好高質 今次試咗鹽酥雞 下次諗住試埋牛肉麵同埋佢嘅蛋餅🤣🤣-🍗脆炸雞配椰菜絲沙律及魯肉飯套餐 $108炸雞食得出係即叫即整 因為表面炸得脆卜卜 入邊就爆曬汁 搭配椰菜絲一齊食 中和番油膩感 升級嘅餐前小菜有醃青瓜苦瓜, 脆花生同時菜 跟餐有魯肉飯 都好食-🐷岩鹽鹹豬肉拼皮蛋醬生菜包配蒸刈包 $118刈包好鬆軟 鹹豬肉放咗喺岩鹽板上 可以自己控制豬肉鹹度 皮蛋醬好特別 食落好重皮蛋味 配上刈包 豬肉 生菜一齊食 好好食-🍨清一式芋芋西米露 $44有3色芋圓 芋泥 西米 椰汁 芋泥好creamy 同椰汁幾夾 西米西米份量超級多 芋圓煙韌-🥭🧀🧋乳酪芝芝豆花鮮芒 (冷) $48芝士奶蓋好creamy 配搭埋乳酪同🥭 酸酸甜甜咁 另外豆腐花好滑 冇諗過飲品都可以mix豆腐花🤣-📍哥哥添飯•妹妹泡茶 (觀塘)觀塘觀塘道388號創紀之城一期地下6號鋪

好耐之前已經想試 不過嗰次禁左晚市堂食冇開試唔到 今日黎試返✨椒麻脆炸雞拼魯肉飯 $108雞好大份 但冇斬開一舊舊 有比手套但都有啲唔方便食🤔 個雞炸得好脆 入面keep 住有肉汁 好香花椒味但冇乜辣味醬汁應該有芥末同蜜糖 同埋有檸檬可以擠黎解膩 配埋個飯食夠晒飽🙈🙈✨麻辣牛肉湯麵套餐 $92冇估到係咁辣🥵🥵 食到我出晒汗 牛份量都幾多 牛筋係炆到好淋嗰款唔係我杯茶🙈🙈 仲有好多配菜 杞子燙青菜啲杞子幾甜 仲有牛蒡 花生幾好食 不過苦瓜我就唔啱🙈☕️烏龍奶茶（熱）跟餐茶味同奶味都幾均勻 唔落糖都ok 🍹原片茶葉先泡鐵觀音 (凍）跟餐幾香鐵觀音味 同埋無糖幾健康👍👍總括黎講係好食嘅 😋 環境都幾舒適 淺色木系裝修 👍 味道❤️❤️❤️❤️💔抵食❤️❤️❤️💔服務❤️❤️❤️💔環境❤️❤️❤️💔💰午餐人均～$200 (唔收+1)

上班一族又嚟哥哥添飯•妹妹泡茶喇！時不時都會叫呢間lunch外賣同食去晚飯，因為呢間嘅台式料理同特飲，都非常出色！餐廳環境優美，充滿文青氣息！我哋點咗兩份台式料理再升級為定食，定食一set 包含前菜丶小菜丶主食丶甜品，很豐富！今次仲試埋佢哋嘅甜品，正！岩鹽咸豬肉 拼 皮蛋醬生菜包
十分推薦嘅台式料理！肉夾包可以放入自己喜愛的配料在包中，今次就試下個新食法，本人就比較喜愛加多一點皮蛋醬在裡面，充滿咸香的味道，再加入一片五花腩同少量生菜，入口也不會覺得油膩，而且非常有口感！避風塘風沙排骨酥 配椰菜沙律及魯肉飯排骨酥入口酥脆，仲有一碟秘製醬汁，沾上少少，更美味！而椰菜沙律帶走油膩感，呢個配搭唔錯。而套餐所配的魯肉飯，採用了珍珠米，非常有口感！甜品-泡芺套餐會包含一份是日甜品，今次都係原味及朱古力口味泡芺！乳酪芝芝水蜜桃 大大杯飲品，綿綿沙冰，入口清香，再加上台灣愛玉，非常美味！特選水果玫瑰花一杯清甜又滋潤嘅花果茶，入面有蘋果、香橙再加玫瑰花，將玫瑰的花朵香氣風味融入其中，好香甜！清一式芋芋西米露 十分足料嘅椰汁西米露，仲有一大球嘅手工芋泥！啖啖椰奶香，仲有軟綿綿嘅芋圓，好滿足啊！

📍 哥哥添飯•妹妹泡茶 Gor Gor Mui Mui🌍 觀塘觀塘道388號創紀之城一期地下6號舖Shop 6, G/F, Millennium City 1, 388 Kwun Tong Road, Kwun Tong📝 整體評分：7／10🥢無辣鹽酥脆炸雞拚魯肉飯🥢 $108炸雞一咬去脆卜卜且充實，肉質嫩滑多汁，伴菜有椰菜絲配帶柚子既醋，有助去膩~🥢避風塘風沙排骨酥配椰菜絲沙律及魯肉飯🥢 $108薄薄乾乾的一層炸皮，酥香惹味，排骨唔單只表層有鹹香避風塘風味，而且肉質有醃製過，味道好足~呢到除左台式飲品之餘，仲有好jeng既甜品。🥢芒芒甘露芋圓荳花🥢 $46甜甜芒果汁加埋又唔會好甘澀既柚子肉同滑溜溜既豆花，清新balance。🥢清一式芋芋西米露🥢 $44好濃郁綿密既芋泥加埋鮮奶，非常幼滑，西米露同芋圓口感豐富。

收工約咗朋友喺觀塘食飯，台灣菜不嬲都係One of my favourite🥰🥰，今次就揀咗呢間哥哥添飯·妹妹泡茶👦🏻🍚👩🏻🫖佢位置喺觀塘同牛頭角之間嘅創紀之城，出地鐵站大概行5️⃣分鐘就到，餐廳裝修簡潔明亮💡，以白色🤍🤍同木系🪵為主，俾人一種舒適嘅感覺🤩🤩🈴我哋今次就叫咗鹽酥脆炸雞🍗拼魯肉飯🍚，避風塘風沙排骨🐷酥配椰菜絲沙律🥗，同埋魯肉飯，飲品方面就叫咗個特選水果🍋🍊🍎🌿玫瑰花茶，同埋水蜜桃🍑果粒愛玉鹽酥脆炸雞🍗拼魯肉飯 $108呢個係佢哋嘅皇牌雞肉系列👑鹽酥香脆嘅炸雞，熱辣辣🔥又夠Juicy，雞肉🐥鮮嫩多汁雞肉嘅鹹香配埋甜甜地嘅滷肉飯🍚伴菜仲有椰菜絲沙律🥗，同埋酸甜開胃嘅沙律醬汁，超好食🤩🤩避風塘風沙排骨🐷拼魯肉飯 $108排骨份量好多，避風塘炒再加埋炸蒜🧄🧄更加香脆可口用嚟送魯肉飯真係不得了😋😋再加埋椰菜絲沙律🥗同埋酸甜嘅醬汁，感覺一啲都唔膩，仲超惹味🤤🤤飲品方面🍹特選水果玫瑰花🌹茶$28，有齊蘋果🍎檸檬🍋橙🍊薄荷葉🌿再配合埋玫瑰花🌹，用料十足🏝口感清爽🤣水蜜桃果粒愛玉，有好豐富嘅水蜜桃味，飲落去粒粒果肉，口感豐富😋

哩間位於觀塘創紀之城一期嘅台灣菜裝修簡約 環境令人好舒服~ 餐廳菜式選擇都多 今次我地就試咗佢地嘅雞~ 塔香松露台式燒雞(半隻) $118雞嘅份量好多 跟餐仲配炸薯餅/沙律 同一杯野飲 完全唔擔心食唔飽~ 佢嘅雞唔會焗到好乾同柴 雞皮亦好脆 食落口感好唔錯😋 不過味道方面小編就覺得佢有d偏鹹😢椒麻脆炸雞拚魯肉飯 $108哩個雞份量會比塔香松露台式燒雞少小小 但佢就跟咗魯肉飯 賣相吸引 雞炸到金黃酥脆 椒麻味好夠 不過一樣係略嫌有啲鹹😣

耐不耐就會嚟到創紀之城這邊，等朋友放工， 最喜歡就是他樓下這間台式餐廳， 木系感覺清新整潔， 而且食物款式也不少， 下午茶時間， 很多好抵食又款式多的套餐。黃金滿芋楊枝甘露加芋圓， 覺得呢個糖水真係幾好吃， 楊枝甘露夠creamy 芒果同埋金柚分量都唔少， 加埋煙煙韌韌嘅芋圓， 真係好吸引。 九層塔鹽酥雞球下午茶時段加埋 黃金滿芋， 都係六十幾蚊， 係超值之選， 平時單叫一個糖水都要40幾。 鹽酥雞球 炸到香香脆脆， 獨有台式鹽酥雞味道好吸引， 雞肉嫩滑又多汁。鹽酥雜菌刈包 鬆脆的 鹽酥雜菌， 配上軟綿綿的刈包， 再加埋 芝麻味濃郁的醬汁， 整體配搭不錯。QQ紫色芋波， 質感香甜綿密， 充滿芋頭味道， 外層脆卜卜內裏軟綿綿。大腸包小腸＋炸薯條經典台灣小吃大腸包小腸， 糯米腸包著傳統台灣腸， 旅行回憶即刻返曬嚟， 食完好滿足。 下午茶套餐配薯條， 薯條好脆分量好多。這間台式餐廳超多 特飲可以選擇，雪燕桃膠奶茶＋乳酪芝芝六重天綜合奶茶， 今次揀咗奶茶系列。 兩杯味道都唔錯 而且可以選擇熱飲或者少冰。