哥哥添飯•妹妹泡茶

营业中

休息中

🇹🇼之前經過幾次，見餐廳名好得意，雖然唔知食咩，但都好好奇想去試下🤭🤭✨餐廳裝修簡約，座位唔算好多，但亦唔會坐到覺得好逼，食物選擇好多，除左主餐，小食，飲品，仲有糖水同燉湯💁🏻‍♀️每個套餐都包左前菜3款同小甜品，當日既前菜係，話梅苦瓜、漬物同🦐蝦酥仔，甜品就係🍫朱古力Brownie 🔸鹽酥豬扒魯肉飯唔鐘意食魯肉飯既，可以揀藜麥或白飯都可以，豬扒超大塊，仲要有兩大塊🫣外皮炸粉唔會好厚，略嫌有少少唔夠咸，豬扒下面仲有沙律菜🥗🔸麻辣牛肉牛筋麵🌶️辣度固定左，牛肉同牛筋都係厚切😍份量好多同炆到好腍，湯底好香濃牛肉味，配菜都酸菜同蟲草花，麵條索哂啲汁，好惹味😋🍹套餐轉其他特飲減$10🔸桂花甘香柚子鐵觀音成杯飲品好香柚子味，酸酸甜甜，好解渴😚🔸水蜜桃果粒愛玉想有啲咬口尼杯飲品岩哂，茶底係玫瑰花茶，味道清香，加埋愛玉同水蜜桃🍑果粒，口感好豐富

去觀塘搵食，未食過呢間就試吓🍽️ 睇menu「青芥末汁滷豬腿」($98)幅豬腳圖好吸引，就叫呢個😌豬手滷得非常入味，芥末汁調得正好，又唔會搶咗fo，味道有驚喜‼️炆到好淋好嫩，皮Q肉嫩筋彈牙，膠質口感帶有黏性，感覺食咗好多骨膠原精華😂🌟食豬手如果見到豬毛真係會影響食慾，呢份處理得好乾淨，完全見唔到豬毛🎊套餐跟飯一碗，可選白飯或藜麥飯，飯面有滷肉，滷汁鹹甜度剛好，唔會太過重味；滷肉部分肥嫩剔透，瘦嘅部位瘦而不柴，唔錯🤝🏻另再包一碟前菜、三碟漬物、同一件小蛋糕，好豐富💗店內裝潢簡潔，坐得舒服，店員招呼合格，可以再去⭕️

之前食尼間都係嗌外賣，今次終於有機會試堂食🥰麻辣牛肉牛筋麵 一上來見到咁多辣椒，嚇到我，好彩唔係好辣，個辣度完全接受到嘅🤣仲有蟲草花，好養生嘅feel😆超足料，成個碗都係牛肉牛筋，牛肉肥肉相間，牛筋好軟淋😍😍滿滿的膠原蛋白😋😋會跟4款前菜同甜品。前菜好似日式漬物，最驚豔係苦瓜，第一次覺得苦瓜唔會特別苦，食落去好清新😌青菜就揀左魯肉青菜，尼間係我唯一接受到嘅魯肉，唔會特別肥同油🥰

今日訓醒去左觀塘瑞和街圖書館睇書📖睇什麼書🧐咪就係睇去台灣的旅遊指南書啦😀睇完書想食台灣小食😂又唔想食咁飽😗所以揀咗呢間餐廳食下午茶🍴鐵板蟹籽蟹肉蛋餅拼薯條（明太子醬） $88食物制作需時🤣食好嘢硬係要耐心等候啦😊蛋餅有四件😝蛋勁香食落軟熟🥰加埋蟹籽同蟹肉🙂合理的配搭😗再加埋明太子醬🥳夾上加夾呀🤩仲有下午茶必備的薯條同沙律😬本身以為二選一🤔點知兩款都有🤤正喎😬經典酸菜焢肉刈包 配QQ 紫芋波 $68刈包好軟熟，好易咬唔會好乾身😜 入面夾左一大舊焢肉，焢肉唔會好柴身， 肥瘦均衡，有油香仲有肉香味😋 酸菜係入面做一個平衡，好清新唔漏😊紫芋波波面頭有啲沙律醬，波波新鮮熱辣炸好，好鬆脆🤓 咬落去外脆內軟好香甜又濃芋頭味🤩乳酪芝芝荳花鮮芒 跟餐$38底部有滿滿的豆腐花，中間飲落好似芒果沙冰🥳夏天飲一流，而且佢仲可以揀甜度，我揀左微糖感覺岩岩好，飲完都感覺良好🤪最頂層又會有啲奶蓋，簡直多重享受🫢乳酪芝芝六重天綜合奶茶 跟餐$34呢一杯係滋味享受😎材料包括😬胚芽、乳酪芝芝奶蓋、黑糖珍珠、芋圓、芋泥同烏龍奶茶🧋嘩🥸今舖真係爽🤩全部都有啲😍抵飲推介😏又一多重享受系列😝📍哥哥添飯•妹妹泡茶 (觀塘)🔍觀塘

大隻仔今次覓食嘅店舖就係💥 哥哥添飯。妹妹泡茶 💥 大隻仔諗唔到食咩既時候，就會上OpenRice睇吓附近有咩餐廳推介，如果見到入選OpenRice 開飯熱點既餐廳，多數都係首選，比較有保證。大隻仔今日介紹呢間餐廳就係入選OpenRice2023 開飯熱點，餐廳名字都好得意 叫「哥哥添飯。妹妹泡茶」，呢間餐廳真係性價比超高，份量極之大，所有飲品跟餐都可以減$10，仲唔需要加1服務費，真係好抵食。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 特級牛三寶麵餐 $113 （包括： 3款前菜 + 甜點 + 滷肉燙青菜）呢碗牛三寶麵好高質，材料包括牛腱、牛筋、牛舌各2件，糖心蛋，少量酸菜、蟲草花、蔥花。每件肉都係厚切，而且炆到好淋，入口即溶，完全唔使用力，就已經溶化，炆煮時間足夠所以好入味，非常好食。牛肉麵湯底有藥膳味，帶微微辣度，配上酸菜、蟲草花，味道好夾，唔會好鹹，好易入口。🔥 鹽酥豬排滷肉飯餐 $98 （包括： 3款前菜 + 甜點 +

朋友介紹呢間位於觀塘嘅小店，主打多款台式料理，刈包、大腸包小腸、蛋餅、麻油雞、芋圓、牛肉麵、肉燥飯、樣樣有齊～ 裝潢以簡約風為主，帶點小文青feel，適合同朋友過嚟聚餐😬見餐牌寫著雞肉係名物鎮店就無理由唔試啦！呢款黑松露台式燒雞份量驚人，上枱時熱辣辣，外皮燒至香脆，內裡鎖緊肉汁，嫩滑啖啖肉，食落完全唔乾，而黑松露係分開上，十分貼心～ 另外搭配菠菜芝士薯餅，外皮酥脆，內餡飽滿，有驚喜🤩另一款係煎封比目魚拌蟹肉菠菜，比目魚賣相十分吸引，肉質肥美，魚香油滿滿，不過比較多骨所以要慢慢食～ 兩款定食都會包幾款前菜同漬物，配飯食都幾match㗎！而飲品方面有乳酪芝芝蘆薈巨峰同愛玉水蜜桃，甜度適中，芝士奶蓋濃厚，邪惡又好味🤤

下午茶時間到🤭搵咗呢間台灣嘢食，下午茶時段有好多款套餐揀，價錢$38-$88，今次同朋友揀咗兩款都係$4x，升級飲品，杯台式飲品仲可以減多$10╰☆ 九層塔一口鹽酥雞球｜迷你古早魯肉飯鹽酥雞球外酥內軟嘅口感令人忍唔住一啖接一啖咁食，九層塔好脆口，入口溫和帶甜魯肉飯一啲都唔迷你，都幾多飯🤭魯肉肉質軟腍，啖啖都有豬肉嘅鮮味同埋佢嘅醬汁好濃郁惹味╰☆ 魯肉滷蛋湯麵 配 以下一款 （厚豚排 / 雞腿排 / 夜市小香腸）朋友揀咗厚豚排，肉質嫩有肉汁，湯麵份量多，好滿足！╰☆巨峰波子蘆薈梳打味道酸酸甜甜帶提子香╰☆愛玉水密桃果肉爆冰桃味香甜，仲有愛玉同水密桃果肉好有咬口，沙冰冰涼解喝

餐廳位於觀塘同牛頭角之間，餐牌都幾多款式選擇揀，有主食、冷盤小食、台式甜品、台式飲品等等，食物嘅味道其實幾好食，不過就有唔少昆蟲飛嚟飛去，食飯時會覺得好滋擾🫣

出面落住傾盆大雨，上左巴士後，先諗下沿途有咩食店可以落車即達，唔洗淋雨，突然就醒起架巴士經過創紀之城見過一間叫唔知咩哥哥妹妹既食店，純粹因為個名好得意，所以對呢間店印象深刻，但唔知點解，成日只記得住哥哥妹妹，就記唔住個全名😛見其他食評話呢間於星期一至五都頗多人食，而且大部份評語都頗正面，本身都擔心要排隊等位，不過可能因落大雨，而且星期六好多office無開，所以兩個人一去就有位，完全唔洗等，Lucky😆今次食左兩個餐 + 一個甜品🍮餐1. 起司肉鬆蛋餅+沙律+鐵觀音茶HKD58😋😋😋份蛋餅既表皮煎香，咬落質感軟熟，中間肉鬆既份量多既，蛋層薄薄跟餅皮一起煎。但老實講，雖然叫蛋餅，但蛋味略淡，主要係食到佢蛋黃醬同肉鬆既味道，雖然佢有芝士，但芝士味唔夠濃，之前仲祈待芝士有得拉絲，係我諗多左。蛋餅個樣可以，而味道好難會差，因為肉鬆，芝士，雞蛋，蛋黃醬 呢d食材本身都好好食，所以呢個組合好難唔好食。只係，講唔上特別好食，同唔會深刻印象。如平時返工食lunch，當醫肚係ok的，特別來朝聖就唔會喇。餐2. 經典鹽酥炸雞+前菜漬物三道+ 魯肉飯+甜品+鐵觀音茶HKD98😋😋😋個餐既份量係大既，見格離枱

我都唔明，點解會有咁多好評！我地五個人去食下午茶~五個人都好失望！珍珠奶茶好飲一定會飲曬~但我飲淨四份三(仲要加奶蓋，早知唔加）~食物方面真係負評，食完完全唔開心~！服務方面落單超亂~好再check 單~如果唔係比多左一個餐嘅錢！無翻單機會！鹽酥雞無味~無雞肉味無咸味但有雪味！(我掛念豪XX）魯肉飯真係失望~完全唔覺自己食梗魯肉飯！（諗起阿元同龍鳳X好食好多）珍珠奶茶失望~（好掛住手作功夫x）好再係食下午茶~食午餐價錢我會當場小鬼~(其實食呢個下午茶個心都係度小梗）好恐怖嘅經驗！

朋友仔帶我去佢公司附近嘅一間台灣小店，唔係喺附近返工都唔會留意到呢間《哥哥添飯·妹妹泡茶》😆一聽個名就好難忘，好特別～餐廳以白色+木系嘅裝修，簡約光亮，感覺舒適。 基本上台灣特色美食，呢度都一應俱全，例如有台灣麵、蛋餅、手工刈包、鹽酥雞、大腸包小腸，台式飲料款式非常之多，彷彿將一個小型夜市放咗入餐廳入面🫶🏻主食加$10就可以升級定食套餐，包括時令小菜三小碟+魯肉青菜或杞子燙青菜+小甜品。（我哋走咗之後先記得最後無叫到店員上到小甜品🥹🤣）首先講吓升級咗個套餐，真係好豐富，份量超多～ 三小碟嘅小菜之中最好味嘅係糖漬苦瓜，第一次食醃苦瓜，甘苦中帶甜幾好味👍🏻 另外炸咗嘅蝦仔🦐都好特別好香口～岩鹽咸豬肉拼皮蛋醬生菜包 配 蒸刈包 $108⭐️推薦👍🏻皮蛋醬非常特別，有濃厚嘅蒜味同皮蛋香味，同咸豬肉一齊夾入去熱辣辣嘅刈包入面食，好好味😋 夾生菜都非常好食，份量好多足夠食曬所有刈包同生菜。過激椒麻脆炸雞 配椰菜絲沙律及魯肉飯 $108微辣有胡椒香，份量足足有半隻雞😆 炸得香脆，但係一啲都唔油膩，幾惹味。魯肉飯有如台灣食倒嘅味道，好香。水蜜桃果粒愛玉 $35唔會好甜，飲落去粒粒果肉同愛玉，唔錯👍🏻仙草

成日經過觀塘都見到間幾文青既台灣菜，一直想試，終於同朋友夾岩時間去😍睇個menu，都幾多選擇，有幾多台式小食、甜品、飲品選擇😍好想試長腳蟹濃湯泡飯配脆米鍋巴，但太受歡迎，已經賣曬🥲唯有下次再黎!麻辣鴨紅: 食落口感好滑嫩，無咩腥味。麻辣味，食落幾香同惹味，整得幾入味。黃金花枝丸: 花枝丸炸得好金黃，食落香脆幾有咬口，面頭仲有椒鹽，好好味!蒜片夜市香腸串: 台灣腸本身已經好好味，再加埋蒜片，味道再豐富D!台風三杯醬燒豬肋骨配薯條: 豬肋骨食落肉質鬆軟而又唔黏骨，連埋三杯醬簡直係邪惡到極點!份量都幾多下! share食比較好!咸肉菜浸菠菜: 菠菜面有幾片醃左既咸豬腩片，肥瘦分明，成道菜食落好咸香，唔錯!水蜜桃果粒愛玉: 呢到既飲品整得好靚，整到好似cocktail咁🍸👍忍唔住要打卡! 茶底幾香濃，仲有少少玫瑰花，愛玉又唔會話好甜。桂花甘香柚子鐵觀音: 鐵觀音味都幾出，連埋桂花香，因為入面有柚子，成杯飲落覺得好REFRESH🌱

係觀塘返工早收，所以打算係附近食個下午茶。經過見到呢個下午茶好似都唔錯，椒鹽鷄腿排+香草炒蛋+煉乳酥炸刮包，甘樣先$36仲有配飲料，我覺得呢個配搭比大家X或者大快X個d下午茶餐抵好多lo！對於我對食物要求比較高都覺得ok好食，甘就等於水準真係不錯了哈哈！

跟家人在觀塘逛街之後打算去坐巴士回家，然後走去巴士站的同時，看到有這家店，感覺挺好看的，然後發現有甜品可以吃，所以跟家人就打算順便吃個甜品再走🤣🤣我們叫了一個 混一式綜合手工芋圓還有芒芒甘露芋圓豆花配。這兩個都好好吃，而且裏面的配料超級多！那個芒芒甘露芋圓豆花配比較驚艷，因爲想不到楊枝甘露跟豆花竟然會很配！感覺這家是可以再來吃的哈哈🤣🤣

啱啱去咗哥哥添飯•妹妹泡茶試嘢，真係好驚喜！佢哋嘅菜式好有創意，味道又好好味！無辣鹽酥脆炸雞配椰菜絲沙律同魯肉飯，真係一個完美嘅組合！炸雞皮煎得好酥脆，肉質又好嫩，椰菜絲沙律清爽健康，魯肉飯嘅醬汁好香濃！三樣嘢一齊食，味道超滿足！👍起司肉鬆蛋餅都好好味！餅煎得金黃酥脆，加上香濃嘅起司同多士肉鬆，真係一道美味早餐！😋最後係嘅大腸包小腸都係一定要試嘅！包子皮好軟糯，加埋鮮味十足嘅小腸同大腸，再配上啲花生碎同香菜，真係好好味！😍總括而言，哥哥添飯•妹妹泡茶係一間非常有驚喜嘅創意餐廳，食物質素高，價錢亦都合理！下次再去就一定要試下佢哋嘅其他菜式啦！🤩