哥哥添飯•妹妹泡茶

营业中

休息中

今日lunch time落雨，同事都懶得出街食，就wtsapp落單叫外賣，辛苦外賣員🙏🏼Total 9個人，嚟到咗到幾袋大大盒。無論飯定麵都好足料！ 飲品都大大杯！我由lunch time飲到收工😂好抵飲有3位同事叫咗胡椒豬肚雞，全部都勁多豬肚食到佢哋好滿足！我就叫咗雞絲撈，略嫌個麻醬唔夠，同埋足料到無乜位撈😂😂 好鐘意個麵嘅質地，好食，一啖接一啖！

喺火炭度呢工廠區冇咩特別多嘢選擇啦咁撳foodpanda嘅時候呢見到呢間做緊免運費優惠咁就叫嚟試吓啦平時啲外賣嘅份量呢，都係比比較少嘅但係呢間嘅外賣份量好多滷肉飯係呃到實一實另外，佢有個脆皮炸雞配薯條80幾蚊半隻雞超抵食

無錯，由於今日喺火炭有活動，全日都會喺火炭搵食，由於黃昏活動開始會好忙，活動主管指示提早一點買外賣到活動場地先進食。即刻拎個電話睇吓有咩食？喺外賣平台見到就在隔離街有間台式外賣店，落單叫咗正宗紅燒牛肉牛筋麵，加杯珍珠奶茶，十分鐘後到店自取，攞返活動場地打開熱辣辣，特別設計外賣碗湯同麵及餸分開裝，台式牛肉即牛腱好入味，牛筋都一樣入味，肉淋不失彈性，麵亦滑溜有咬口，湯底濃郁鹵水味，有酸菜及蟲草花伴邊，好好食。珍珠奶茶甜度適中有茶味，珍珠煙韌彈牙合格以上。

希望除了注重食物質素外，個人及食物衞生也很重要，即使忙碌時打噴嚏並不是用衫袖遮擋，無洗手/清潔便繼續處理凍飲。另外，戴着手套從溼答答地上拾回餐具，轉頭又取即棄餐具給食客亦有食物安全風險。希望多加注意。

幾年前已經有幫襯過依間喺火炭嘅台式餐廳，當時食過佢嘅養生花雕醉雞飯，就一試難忘🤩本身自己就好鍾意藥膳類型嘅嘢，依間嘅花雕醉雞飯同我嘅口味完全係Perfect match😋😋原來佢哋嘅花雕醉雞飯係逢星期二，四，六先有，幾年後既今日再試依然十分驚喜，花雕藥膳味超濃，雞肉好嫩滑用料選材十分有心機，lunch買跟餐有杯餐茶送，問左職員係蜜糖鐵觀音黎，一開頭對送嘅餐茶都唔抱有太大期望話晒都係跟餐送，但係估唔到超好飲😂勁重茶味甘甘地蜜糖味又唔會太甜，成個配搭勁夾有層次👍🏻👍🏻👍🏻職員好有禮貌有耐性，因為太耐冇食對每一樣嘢都好好奇🙈問咗好多問題收銀靚女都好有耐性解答態度好好👍🏻 無論係落單取餐以及食物質素感覺到十分之良好，極力推薦👍🏻👍🏻👍🏻

今次走入呢間小店，一入門口就聞到一股撲鼻而來嘅香味，原來係佢哋招牌嘅煎魚薯餅！店員態度好親切，幫我哋介紹咗幾款人氣小吃。點了份煎魚薯餅，一上桌就已經被隻金黃色嘅外表吸引住，外層煎到啱啱好，酥脆得嚟唔油膩，一啖咬落去，薯餅入面係軟綿綿嘅馬鈴薯泥，同啖啖肉嘅煎魚拼配咗起嚟真係正到爆！仲有佢哋嘅豉油皇炒麵，可以講係鬼香！麵條爽滑彈牙，跟住係個微微焦香，喺呢個巷仔樓下一家普通嘅小店搵到咁嘅手藝，真係有啲出乎意料之外。至於糖醋排骨，就甜甜酸酸，排骨嘅入味程度恰到好處，食落唔覺得膩口。仲有飲品推介，佢哋嘅凍檸茶，解渴得嚟又唔會太甜，係呢個炎熱天氣之下嘅救星！總結，呢間店嘅食物真係做到平民價錢、五星級享受。下次再黎，我一定要試多幾款佢哋嘅特色菜！ 🔥🍲👍

有時候有D鋪頭堂食足料，一到外賣就走哂樣。不過呢間位於火炭既台式食店外賣都做到好食兼物有所值，如果住係沙田附近又唔想煮飯，可以試下上門堂食又式者叫熊貓🐼送上門，我就食到好飽，要叫返幾句「唔唔順啦」抒發吓D胃氣呀！椒鹽雞腿排拼滷肉飯 $62 🤩🤩🤩🤩🤩首先不得不比個手指公就係用料好足，飯多、汁多、配料多，唔似某D鋪頭，份量一變外賣就縮水。椒鹽雞腿同滷肉加埋一齊都唔覺得咸，椒鹽味亦唔算特別重，唔洗狂飲水清喉嚨。外賣送到黎D雞都重係脆口，口感唔錯。起司煙肉蛋餅 $34 🤩🤩🤩🤩皮鬆，餅亦唔係油膩，蛋味亦都好香。如果好怕食蛋餅食到成口油，呢個蛋餅就岩哂心意。青咖哩厚豬扒飯配蛋 $66 🤩🤩🤩🤩🤩青咖哩汁多到成個飯面都係，同埋青咖哩汁亦唔係好spicy (我怕辣都覺得入得口既)，用黎配飯都幾開胃，豬扒就大大塊，亦好細心咁預先切開豬扒。豬扒亦都係好鬆軟，幾易入口。相對於椒鹽雞腿，厚豬扒就油咗少少，不過撈埋咖哩汁一齊食，又唔會覺得食到成口油既。鋪頭有一系列青咖哩汁既便當，下次可以叫下其他肉類便當。總結黎講呢，呢間都算係性價比幾高既台式便當，至少入得口又食得飽，簡簡單單又一餐！

幫襯了差不多三年，疫症期間，多數以外賣速遞。一直欣賞食物的質素！疫情減退，轉以外賣自取形式光顧，但卻令我非常失望。火炭分店員工態度惡劣，說話欠禮貌，每次光顧後都感到非常不尊重。昨晚情況更甚！我的先生對我說，這次是我們最後一次幫襯這間店舖了！

牛肉麵係唔錯嘅當然唔可以期待快餐連鎖店係好真材實料啦湯底算係調得幾濃郁同埋牛肉嘅份量都幾多起碼有三嚿而且大大嚿個面都唔會太淋太硬嘢食準備嘅速度都夠快最正係佢都有平平哋跟啲特飲不過就唔推薦飲佢個茶啦店名有泡茶兩個字令人對佢嘅茶底有啲期望點知係好苦澀完全唔得另外佢嘅蛋餅算係正正常常仲有甜品，有時同朋友簡單食個飯，叫個小食share都唔錯不過因為佢都叫做平午餐時間都幾多人建議用QR code叫定外賣自己拎

已經唔係第一次係哩度買嘢食，真心覺得哩間野越做越差！肉燥腥味重、雞扒又腥、D飯又硬！仲有，有個男人高高瘦瘦戴帽應該係老細來既，同朋友一齊企係鋪頭度食煙，我帶住小朋友一直避開都避唔到，焗住一齊食！門口又坐左一檯，係度阻街！最離譜既廚房有個肥佬直接係廚房入面食煙！知廚房佬都好求其，但是你係開放式廚房，我地係可以直接睇到，真係冇下次！

在火炭附近少有名氣的台灣小吃店，以往很喜歡點它們的外帶，包裝很是漂亮，份量大而且味道好。可是最近質素有點不穩定了，食材也明顯沒有以前那麼的好吃。⏩起司煙肉蛋餅蛋餅算保持水準了。蛋餅皮薄，內餡又慧富。加了點辣醬使整體更提味！⏩青咖哩厚豬扒飯配蛋豬扒像下了很多調味粉，感覺比較重鹹，再搭配青咖哩醬，越是重口味了。⏩椒鹽雞腿排拼滷肉飯雞腿排問題倒是不大，可是滷肉有陣腥臭而油膉的味道，不知道是否滷肉食材不新鮮，使整個飯都吃不下了。

鹹蛋黃炸薯條$28 食咗第三次 必食 外賣返到屋企都唔會冧晒 夠鹹蛋黃味紫芋地瓜球 $25 5粒佢本身會有沙律醬 覺得可以唔使要；好煙韌 就好似平時放題食嘅裡面芋頭餡芋泥肉鬆蛋餅36新品 有驚喜 芋泥好多 又唔會油招牌塩麴雞跟（油飯）$55個雞滑 但唔太完整 可能星期六太忙 個油飯有驚喜 似係醬油炒飯 唔會太濃味 酸菜同蛋就正常發揮台南雞腳8隻 $28食第二次 其實係沙薑味 一啲都唔辣 煲到好入味 係屋企食可以入曬啲骨裡面既汁 混一式綜合手工芋圓$44 價錢略貴 但個底係黑糖薑汁 唔係hea果種 食得出芋圓係手作 有啲真既芋頭粒粒係裡面！仲有蘆薈粒 珍珠 口感唔錯兩個人食左$218 滿足

唔係第一次嚟.啲野係幾好食.前幾日來唔知係唔係新請番來個帶眼鏡既收銀態度衰到我真係唔會再幫襯.自己落錯單對唔住無句.我又要等多10分鐘.咩交代都無唔好意思都無句.差到無人有

鹽酥雞腿你啲自己睇，黑嘅，唔好講其他，跟住我明明叫嘅鹽酥雞退拼滷肉飯，無滷肉，再講鹽酥雞，一啲味道都無，鹽酥雞無鹽味，個鹽酥雞系腥嘅，一啲無吹水，我要點醬料先食到味，再講個鹽酥雞腿，佢系硬嘅，算我外賣不如即食，不至於咁差啊？以後唔會幫親。食咗一半掉咗，打咗電話，佢啲話會退錢，我盡系摞我未俾滷肉果個，其他算我中伏，以後唔會再來，我寧願食個m記好過。如果有人唔信邪可以去試下嘅，以上講嘅野絕無假信息。。

花雕醉雞湯面已經不是第一次惠顧了，醉雞入味肉嫩，花雕酒香，味道不會過濃。每次點這個醉雞湯面，不會全是雞胸，會帶有雞脾或雞翼，非常貼心！面質不會過分粉感，有咬口，軟硬適中，湯底鮮味！