唐宮小聚 (The L. Place)

营业中

休息中

跟同事想了很久午餐吃什麼，有同事提議呢間，我聽過好多次但從未試過，於是讚同，唐宮小聚給我的感覺是很高級的茶樓，點心非常精美可愛，價錢自然會較貴，但我覺得合理，師傅很有心思設計和製造。味道亦非常有質素，送到上枱還是熱的，環境非常舒服，服務很好👍🏻 流沙包是我吃過最好味的，提醒一定要熱食先好食，但坐近出餐位會有好多煙，可能坐得唔舒服，我幸好是坐離出餐位。乳鴿很出名，於是叫黎試下，的確超好食，價錢合理，唔算太貴。下次會帶埋屋企人黎食。

男友人JT同佢太太MY約我哋食飯,怱忙間,我哋今朝約今日食晏,重同埋佢另一對朋友共6人一齊食,由於佢其中一個朋友仍返工,估計1:30pm到,咁我同老公預早半個鐘嚟攞位先啦.去到1: 09pm,好多人,我即攞位,職員答要等半個鐘,可去行吓先轉頭返嚟.到1:45pm終於有枱喇,我哋亦齊晒人,佢哋俾咗全場中間同唯一一張嘅乒乓波枱(半邊)俾我哋,真係好特別,呢張枱同時係全場唯一一張嘅搭枱.我哋睇完menu,就揀咗:1. $39.00件嘅猛虎咬豬3件其實係一片包夾住半肥瘦鹵肉,內裡重夾雜咗微辣酸菜解膩,味道唔太濃啱啱好,半肥瘦鹵肉唔覺油膩,OK.味道:5 分6. 後加$33.00一隻嘅白玉王鴿3隻新鮮熱辣要即食,肉嫩多汁,但我略嫌鹹咗啲.味道: 4分4. $49.00一籠3件嘅墨汁蝦餃2籠墨汁蝦餃皮只係顏色特別,內裡餡料豐盈,有少少黑松露而且好熱,呢個OK 嘅.味道: 4分2. $49.00一籠3件嘅黑金流沙包2籠內裡嘅蛋黃真係好流沙,好易流咗出嚟嘥晒,有微微蛋黃香亦唔太甜. 味道: 5分7. $49.00一籠3件嘅非常山竹造型係山竹,好神似,食落,外層係咸水角嗰種皮,內裡係龍蝦汁蟹肉,味道同樣

本身訂位訂了13:15分，13:00來到，整條走廊都人山人海，堆滿了人。催了又催，結果等到1:30才能入座，太久了吧！裏面座位尚算舒服，不過我留意到係等候區附近、近門口有張二人枱，在這張枱進食也鐵定不會享受，看著人逼來逼去，而且很嘈吵幸好不是被安排坐那張枱。遠處見到隻碗，仲以為係污糟了。近看原來是兩個烏蠅圖案，玩味十足。冷盤 - 沙薑豬手：豬手雪得夠涷，而且很爽口，切得一小塊的，一啖入口，十分方便。但是卻沙薑味欠奉😣黑金流沙：其實係流沙奶皇包。流沙真的很流沙，包很軟熟，一夾無耐就穿，味道還可，不會太甜，但略嫌流沙太流，如果能傑身少少，應該會更佳。麻醬抄手：好香的麻醬味，因為真的有很多麻醬😂 抄手有8小粒，一粒一啖。但這碟抄手本身沒有什麼味道，建議要沾上滿滿的麻醬才食。乳鴿：可說是唐宮小聚的招牌菜式，幾乎每枱都點叫。這個乳鴿無論係色澤或是味道，都十分好👍🏻 一隻乳鴿斬成兩邊，本身都不太多肉，兩個人食就剛剛好。餐廳提供一次性的手套，用手食特別滋味，又不怕弄到滿手都是油。不過，食的時候都要小心油滴污糟衫。螞蟻上樹：即食粉絲😂 粉絲炒得好乾身，而且味道剛好，微辣，用來送飯一流不過肉碎很少，味道

公司午餐開年飯，一行11人，預先1周訂臺，給了最大的一張乒乓球桌我們。中午時段其實很多人，起菜都好快，大概10分鐘就陸續上菜，很多同事第一次吃，所以點了很多店鋪有名的招牌菜色：紫蓉豬豬；黑金流沙；松露香菇包；冰鎮咕咾肉；火焰菠蘿；白玉王鴿；醉雞；豆腐皮蛋；雞絲粉皮；青蘋果；涼拌菜等等。相對於傳統的點心來說，唐宮小聚更有創意和心思，帶來視覺和味覺的享受。可惜人太多，如果要walkin等位時間便會較長。

今日lunch同同事去食左呢間唐宮小聚，雖然訂咗枱13點，去到都要等大約20分鐘先入到去。我哋叫咗乳鴿、黑金流沙包、麻辣燒賣、荷葉包飯......整體來講，同事同我都覺得非常之好食。外表非常之靚，最好食係王鵨，非常之入味，份量亦都啱啱好，大家都食得好飽，亦都冇成剩野。環境方面，店完安排左我哋坐窗邊嘅沙發座位，位置相對我哋得返寬敞，唔算擠迫，十分滿意。價錢方面，算係合理價錢，整體黎講，我地對個lunch 都滿意，值得推薦

一向都好鍾意食唐宮小聚因為覺得細細碟 又多款式 價錢又唔係好貴不過經過今晚之後可能未必會再去你睇下⋯大煙到呢又響哂警鐘仲要無人解釋發生咩事⋯全晚既服務都係令到我未必再黎既原因。野食都係一向既水準好多都無影例如次次都嗌既乳鴿，醉蟹，紫蓉豬豬野食都係一向既水準不過全晚既服務同體驗都會令人卻步希望下次去番尖沙咀分店會正常服務同埋唔會再有油煙味同俾不斷響既火警鐘騷擾啦。好彩響時 我都接近食完如果唔係 就更難享受美食

豬年開年飯，無奶油唔食中菜，朋友想試下呢間，就齊人四個飯腳去試！原先想去尖沙咀果間但點知一早就FULL左，所以唯有去中環呢間。訂左19︰30準時到，都要等15分鐘，而且重要好爆，一出lift已經企滿晒人，真係好好生意！終於有枱，確實星期五咁爆場，lift口重有人等緊位（已經差不多八點），我相信食物質素係有番咁上下，朋友見到好多必叫食物，好快就點左以下嘅點心。奶黃流沙飽，淨係睇佢外表就知贏左。我地係估用竹炭做包，塗上金色色素，而熱辣辣一咬，唔使講入面嘅奶黃實流晒出來，好味，而仔細去睇，重見到蛋黃蓉係汁入面，唔太甜，好食！之後就係荷葉飯，係出面食只會覺得蒸得過左火，飯太淋，或者蒸到D餸好感，或者飯無荷葉味，呢個飯不但好入味，飯嘅軟度岩岩好，料好足，份量又岩四人share，最緊要係重有荷葉少少清香，再贏多一次！乳鴿，本人唔太喜歡食，但朋友話一人一件，試下呢度嘅出名美食，好啦！估唔到，佢肉鮮皮脆，無話出面食到，係炸左好耐，你叫先叮番熱俾你，所以難怪佢繼奶黃色同荷葉飯，另一出名之作。苦瓜有幾多人鍾意食？本人就大愛，所以呢個咸蛋黃炸苦瓜就好鍾意。如果苦瓜嘅苦味有得揀級數，我想揀最苦果級！炒腸粉，D

聽聞這裏的燒乳鴿好正，今日成班朋友嚟食，餐廳淺色裝修好舒服，點心買相好可愛，點心的名字也好特別，$33一隻燒乳鴿，肉嫩，抵食，冰鎮咕嚕肉，係我食過咁多間咕嚕肉最鬆化的，墨汁蝦餃入口好香，「非常山竹」，我以為係山竹牛肉球，原來係買相似山竹嘅蟹肉鹹水角，得意又好好味，醉雞加凍豆腐加雞絲粉皮，三合一，109 抵食，醉雞雞肉好滑，「荷花蒸飯」好香荷葉味，酸湯魚略嫌太辣，紅油抄手份量太少，記得留返張單下次有50元 discount

星期四嘅下午同同事黎到唐宮小聚食午餐，因為有定位嘅緣故，我哋好快就可以入左啦。佢哋唔使我哋等齊人先至入座，呢個安排幾好，可以俾我哋一路叫住點心一邊等其他同事。呢度嘅乳鴿都幾好食，餐廳都好窩心，每人都會提供兩隻膠手套同埋濕紙巾。特色嘅點心有小小蘋果，初初睇點心紙嘅時候冇詳細講呢一個點心入面係啲乜嘢，但係見到個樣貌咁得意就好想叫黎試吓啦。食落去有玉桂味，味道都幾有趣。 墨汁蝦餃同燒賣，都好好食，好特別。

比較少在中環吃中餐。這天晚上本來是想要吃台灣料理，可惜因為關門時間比較早，因此唯有另覓地方。朋友推介下，第一次來到唐宮小聚，叫了招牌乳鴿，冰鎮咕嚕和黑松露炒飯。乳鴿皮香肉嫩，是在市區鬧市食肆中的不錯之選。冰鎮咕嚕以水果襯托，相輔相成令主食更見鮮甜爽口。炒飯，以濃汁緊緊包裹每一粒飯。好味，但個人比較偏好清淡菜式，所以吃一小碗已很足夠。店內環境舒適，唯不建議坐近open kitchen，是次用餐體驗比較差的一環是open kitchen一直飄過來的油煙。

呢間餐廳個名都聽得唔少，但都係第一次黎到唐宮小聚食晚餐，果然好受歡迎，座無虛席。知道呢度出名既係乳鴿，可惜本身唔食所以冇機會食呢度既招牌菜，但其實其他菜式都非常唔錯。松露鮑魚飯有小驚喜，望落算係平凡，但入口超重黑松露味，飯身有醬汁，味道剛剛好不會太鹹。西蘭花苗用蒜蓉炒，做法簡單但非常食落非常爽口，亦完全不覺得油膩。冰凍咕嚕肉感覺非常新穎，剛煮起的咕嚕肉加上蜜瓜、哈蜜瓜同藍莓放響冰粒上面，炸好的咕嚕肉依然可以保持外皮脆口，配埋生果望落有d怪，但其實可以平衡返食肉的膩，原來可以好夾。另外值得一讚係茗茶好好飲，比較清可以消濟，同埋員工都非常有禮貌！

Must try their 乳鴿 - reasonable priced and cooked to perfection! The dishes were traditional with a fusion twist so was pleasantly surprised. the dishes portion was not huge but were reasonably priced so could order a good variety to try out.wouldn't definitely visit again soon!

3個人8碟, 又一次眼闊肚窄 小敘拼盤1A+2B=$109蔥油樹雞- 估佢唔到份量咁多, 仲好多薑蔥添青芥木耳- 冇青芥味, 但木耳點整都唔會難食雷椒茄子- 嫌佢唔夠雷擔擔麵乳鴿唔夠脆, 同埋我地三位喎,都係斬一半?! 仲要大細邊得緊要, 最終要攞鉸剪自己動手 脆蝦雲吞芝士鮮蝦 鮮蝦多士外脆內軟, 軟到好似豆腐咁, 好正 黑金流沙小心流餡, 好流呀!飽到上頭殼頂, 嘻嘻

日前中環shopping完，介紹朋友嚟唐宮小聚，佢話感覺時尚，唔似傳統中菜，新派點心多款，今次我地叫咗個小聚拼盤，黑松露包，賽螃蟹餃，開蔥拌麵⋯⋯朋友喜歡白肉王鴿，雖然食落香脆，但我最想推薦是酒埕醉雞，一上枱就有一陣陣、一陣陣酒香，食落酒香慢慢透出而肉質嫩滑，雖然份量唔多但精緻好好味。無咁嘅水準都唔介紹啦，朋友話下次叫多兩個朋友黎，就可以試多幾款點心。

朋友約食LUNCH，想找一間好吃的中式餐廳，經人介紹來到了唐宮小聚，由於當天我們一早預約了位置，所以入座過程十分順利，一到達就可以入座了，可是門外輪候的人數甚多，建議想節省輪候時間的朋友提早訂桌。當天我們坐在靠窗位置，光線明敞環境舒適，菜色選擇種類繁多。我們一行六人分別點了一個小聚拼盤和幾款餐廳熱賣菜色。小聚拼盤自由組合配搭，我們分別選了醉雞、豆腐皮蛋和雞絲拉皮。其中的豆腐皮蛋絕對可以是考驗師傅的功架擔當之一，豆腐薄切上碟 ，配上皮蛋與麻醬，鮮味可口。最值得一提的是他的白玉乳鴿，外皮脆嫩肉質多汁有嚼勁，餐廳還貼心提供手套供顧客使用，服務貼心。其次推介黑金流沙包，超高質素的點心之一，黑芝麻的香軟外皮和與名字相乎的＂流金＂，喜歡吃流沙包的人千萬不要錯過。還有他的荷花蒸飯，一口荷葉飯吃下去，齒頰留香充滿驚喜。總括而言，這間餐廳的CP值很高，價格相宜，六人平均消費也是一百元左右，一定會再去！