啡寮 (已結業)

週末去左長洲一日遊，行完山之後好口渴，朋友介紹左依間主打冰滴咖啡嘅小店飲杯咖啡涼吓冷氣。啡寮嘅設計偏工業風，最打卡嘅一定係門口一排嘅冰滴器具，非常有特色。正所謂慢工出細貨，Iced Dripped Coffee需滴漏6-8小時，萃取嘅咖啡精華仲要再冰釀發酵多1-2日，其費時嘅萃取過程，加上甘甜香醇嘅絕佳風味，都造就左其身價不凡嘅原因，十分值得一試！菠蘿冰滴咖啡🍍$48菠蘿味好出，一入口會覺得好似飲緊菠蘿汁，慢慢品嚐後，咖啡嘅香醇就會出返嚟，整體感覺好fresh，口感甘甜，冇咖啡嗰陣苦味或酸味，呈現返咖啡最佳嘅原味，本身唔鍾意飲咖啡嘅朋友仔都可以試吓😉椰皇冰滴咖啡🥥 $58朋友嗌左依杯好有特色嘅椰皇冰滴咖啡，原個椰皇即叫即開夠晒新鮮，朋友話整體味道清甜，夏天飲消暑一流👍🏻海鹽朱古力🍫 $42依杯味道比較普通，個人覺得有啲淡，都係飲返咖啡會比較有驚喜😂

黎到長洲，突然咖啡☕️忍發作😭行到勁攰勁眼訓，終於搵到聽講都幾出名嘅一間咖啡小店☕️入到去個種感覺已經好舒服啦陣陣既咖啡☕️香味，真係忍唔住要叫返杯咖啡☕️飲下👍🏻咁我就叫左杯Cheung Chsu White sugar 🤩 $40佢就唔會好大杯🫣$40蚊有小小貴，飲落就即刻飲到咖啡☕️味係唔同d，所以貴得黎係值得一試既🫣環境呢到都好好嫁👍🏻當你係長洲行到攰，真係可以舒舒服服坐係到，嘆番杯咖啡☕️先走人🫣唔似其他店，好趕咁想你快d走👍🏻

長洲熱門特色Cafe - 主打冰滴咖啡假日去到幾多人係門口打卡，買就等咗五分鐘左右炭燒朱古力冰滴咖啡 ($48)朱古力味濃 唔甜椰皇冰滴咖啡 ($60)熱辣辣飲好清爽，飲落都好match但有少少椰皇搶咗咖啡嘅feel

☕️作為咖啡控，去到邊見到cafe都想試下，環境幾舒服，入面啲牆幾岩打卡1️⃣單品冰滴咖啡(左)選用淺烘焙咖啡豆，味道偏淡帶酸，咖啡味唔重，啲冰開始溶之後，咖啡味就更淡🙈推介指數： ⭐️⭐️⭐️2️⃣長洲冰滴咖啡(右)可以揀有奶/無奶，加糖/不加糖，我揀左無奶不加糖，用左深烘焙豆，咖啡味比較濃，飲到炭燒既味道推介指數： ⭐️⭐️⭐️⭐️

啡寮主打冰滴咖啡，需滴漏6-8小時，萃取的咖啡精華再經冰釀發酵1-2天，好花心思同時間。炭燒朱古力冰滴咖啡 $48可可味好濃郁，不苦澀深烘焙炭卷味咖啡豆，不帶酸味朱古力同咖啡比例啱啱好，飲落口感係好順滑，甚至乎會覺得呢杯係咖啡味嘅朱古力行到熱辣辣不妨試杯凍咖啡解一解暑，雖然未去驚艷嘅地步，但總不會令人失望☕️啡寮 (長洲)長洲新興街4號地下

好耐無去過長洲，發現長洲開左好多文青小店，呢間啡寮就係其中一間。呢間咖啡店主打冰滴咖啡，今次就試左最出名嘅椰皇冰滴咖啡🥥☕️。咖啡平時係用原個椰子上，但今次去就唔曬，用左杯上。冰滴咖啡本身香，甘但唔苦，而且好順滑，好容易入口。咖啡混入左好多清甜嘅椰子水，甜度適中，唔需要額外加糖，呢個fusion 嘅配搭新鮮，個人非常鍾意。同行嘅朋友試左蜂蜜檸檬冰滴咖啡🍯🍋☕️，酸酸甜甜，有少少似檸檬茶，個人覺得都幾夾，可以試下！

❣️長洲冰滴咖啡（黑）Menu簡介話使用深度烘焙咖啡豆，香、濃、醇。入口真係好濃嘅齋啡味，但就飲唔到其他咖啡應該有嘅酸度、厚度、圓潤感等等🥲估唔到冰滴咖啡都可以咁濃😂可能同佢使用深度烘焙嘅咖啡豆有關，不過價錢來講就唔可以挑剔咁多😂長洲應該可以有更加好嘅選擇！

愛飲咖啡嘅我真係好想試下#冰滴咖啡。望下Menu，啲味都幾獨特。不過我地嘅期望實在太大喇😑又貴又奇怪……我叫左炭燒朱古力冰滴咖啡。好普通嘅朱古力咖啡，不過值得一讚嘅係炭燒味好特別，出面冇食到。另外叫左菠蘿冰滴咖啡，試試新搞作。仲…個杯好搞鬼，完全貼合呢杯咖啡。只係菠蘿糖水加落杯凍咖啡度，同埋糖水嘅比例過左火，搞到我以為自己飲緊菠蘿汁。店主養左隻狗，綁左喺門口。舖頭冇乜座位，狗狗隔離有個位可以坐一陣，一邊飲咖啡一邊同狗狗玩。狗狗唔怕陌生人，好文靜，唔驚狗嘅你可以同佢玩一陣。

接着太座同我去到一間叫做啡寮Cafe , 叫咗佢一杯椰子王滴漏咖啡、簡單來講即係一個椰子入邊裝住啲滴漏咖啡。我本身唔識得欣賞咖啡，完全沒有知識嘅我飲完第一啖就覺得好似飲緊淡咖啡充滿椰子水味道但係就冇咖啡味、有椰子但係唔俾匙羹你刮，$60 一杯 ，Eason 嗰首歌就係不如不見，今日我呢首歌叫做不如不飲、真係有啲揦脷兼失望

與其說是“冰滴咖啡”，倒不如說是茶記的 “凍檸啡加蜜糖” 更為貼切。因當天天氣炎熱，加上看見此 “冰滴” 咖啡室，所以被其所吸引。原本想嘗試菠蘿冰滴咖啡，但店員表示沒有菠蘿，所以轉了檸檬蜂蜜冰滴咖啡。店內環境一般，座位並不舒適，燈光憂暗，再仔細看，咖啡枱面的用具感覺殘舊、淩亂及似是很久已沒有使用，現場並沒有冰滴咖啡正在製作過程中。當店員遞上咖啡後感覺極度失望及愕然。首先明白可能因疫情關係所以使用了外賣膠杯。賣相已不討好，再加上加入了大量冰塊，令味道方面完全沒有了咖啡香味，反而檸檬蜜糖的味道更突出，份量更不用說。感覺是已一早「沖調」好的 “咖啡底”，放進冰櫃裏備用，有order時再根據不同口味而加入不同材料，直接將兩者混合便給客人飲用。但價錢卻是茶餐廳的2倍有多。HK$50一杯絕對不值。總括而言，無論味道、份量、價格比起茶餐廳的凍檸啡更為不堪。

行來行去兜圈再兜圈，花掉個幾兩個鐘都無一間髪型屋肯接，必須預訂時間，唯有放棄。身水身汗兼疲倦不堪，搵間小店坐低歇一歇，精液咖啡專門店？用消毒酒精紙巾抹抹枱，黑色的紙巾。單品冰滴咖啡，不鏽鋼器皿有趣而特別，加冰的凍齋啡始終味道有點偏淡，好彩還嚐到啡香味。

☕️ 啡寮 🛖自從上年去完長洲飲過啡寮之後真係念念不忘 必有回響今年再黎長洲就一定要飲啡寮今次再飲左凍嘅冰滴黑咖啡深度烘焙既咖啡豆再以冰滴既方法唔會太酸 酸度啱啱好入口甘甘地咖啡香味好重好香真係齒頰留香呀呀呀唔係一般飲到既咖啡味好濃好特別如果以呢個價錢飲到呢個質素真係好抵搞到我今次臨搭船離開之前都買咗杯冰滴黑咖啡上船飲下次黎都會係必飲今次無飲炭燒朱古力冰滴咖啡因我試左上次無飲到既菠蘿咖啡啡味出得黎又同菠蘿味幾夾鍾意試新野既人先好試啦

鐘意飲咖啡既朋友仔應該都聽過長洲哩間啡寮 聽過好多朋友仔專登入去試佢個椰皇冰滴咖啡同菠蘿冰滴咖啡 不過我個日去就無哩2款 所以就外賣試左哩個檸蜜蜂蜜滴漏咖啡😚佢個樣望落真係好似茶記凍檸茶😆味道我個人就非常之鐘意 檸檬蜂蜜既酸甜 加上咖啡既苦澀 咖啡味唔會比酸甜既味道蓋過 清新易入口 nice 👍🏼

呢間都幾推薦，比較上係飲精品咖啡。🔸菠蘿冰滴咖啡🍍呢杯冰滴咖啡選用咗新鮮即榨菠蘿汁同淺炒咖啡豆🍍☕️ 一入口有強烈嘅菠蘿香味，吞落肚之後咖啡嘅香味越來越突出👍🏻 完全冇苦澀味，咖啡都唔酸💯🔸單品冰滴咖啡Taste note: Oragne🍊Lemon🍋Grape🍇呢杯冰滴咖啡選用咗淺烘焙咖啡豆，口感比較薄身，我就唔太飲得出咖啡嘅果香😅 但絕對唔係難飲嘅咖啡😂📍#啡寮 (#長洲美食)長洲新興街4號地下

📍 啡寮純粹行過來街嘅時候見到有一間幾靚嘅咖啡店☕️，所以我同朋友就行咗入去睇吓，入邊嘅裝修簡潔，有文青feel😆見佢有冰滴咖啡所以我哋就走黎買一杯trytry❣️新年一樣都係有加二服務費🧧舖頭入邊有好多打卡位大家不妨黎買杯嘢飲坐低打下卡📸🔸長洲冰滴咖啡 $40呢款咖啡可以揀有奶嘅白咖啡或者冇奶嘅黑咖啡，我哋揀咗有奶嘅😆原來呢個係啡寮嘅大熱飲品，由於用咗深烘焙拼配豆，所以味道較為濃一啲。飲落非常順滑。值得一試🤩評分時間❣️ (最多五顆星，如不推薦會打交叉）食物質素⭐️⭐️⭐️⭐️環境⭐️⭐️⭐️⭐️服務質素⭐️⭐️⭐️⭐️價錢💸:埋單$40餐廳資料📋: 啡寮🕌地址: 長洲新興街4號地下 想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩