喜來稀肉 (已結業)

韓國過江龍人氣烤肉 — 喜來稀肉▫️呢間喜來稀肉係已經想食好耐，今次終於食到🤩同埋都好耐冇食過韓國燒烤。店員一開始會先送上前菜，包括醃蘿蔔、泡菜、酸瓜、芽菜等。▫️護心肉($158)豬嘅咁位多個部位之中我就最鍾意食護心肉㗎啦😍其實食落去口感就完全唔似豬肉咁，而且肉質爽口，一啲豬嘅蘇味都冇，啱晒一啲怕食豬蘇味嘅人。▫️生牛肉拌飯($105)面頭舖滿曬配料包括蘿蔔、菇、生菜、芽菜等，而且加上芝麻同麻油，充滿麻油香味，又食到生牛肉嘅鮮味，撈埋鵪鶉蛋食成個飯感覺好棉滑，全部配料撈埋一齊食口感豐富，加左隨飯附上嘅辣豆瓣醬一齊食更加風味十足。▫️炒年糕($75)加左魚餅同餃子一齊炒，年糕口感煙銀，醬汁微辣，好惹味～▫️牛護心肉($160)第一次食牛嘅呢個部位，估唔到牛都有護心肉！喺燒嘅時候聞到好香嘅牛肉味😍牛肉脂肪分布得好平均，建議大家可以點下韓式豆瓣醬增加風味～▫️地址：喜來稀肉尖沙咀金巴利道79-81號金栢閣1樓連地下。旺角廣華街3號百利達廣場地庫。銅鑼灣登龍街41-51號金龍大廈地下3號舖及1樓。▫️

香港數一數二的韓燒餐廳，前菜、生菜同邊爐蛋無限refill，而且食物出名高質。我同朋友今日都唔太餓，所以叫咗一個燒肉套餐一齊share食～801 壹頭豬 $420呢個套餐有護心肉、五花肉、豬頸肉、韓式烤豬大腸同韓式烤豬皮，份量好足，share食每人都大約有2-3舊可以食到～護心肉同五花肉肉質好嫩，燒完仲係好juicy，個人覺得韓式烤豬大腸好香口，豬大腸洗得好乾淨，完全無異味～我朋友好鍾意呢到嘅邊爐蛋，佢係先落咗韓式泡菜然後再加蛋漿，大約燒10分鐘左右就食得。店員refill得好快，我哋密密食，總共refill左三次，好正～個人建議泡菜可以自己用鉸剪再剪碎啲，口感更有層次～總結，好高質的韓燒，店員態度親切，上菜同refill好快，抵讚

小編成日覺得呢一間就等於香港韓燒嘅大佬，冇人會唔識佢😗的而且確呢間食物質素真係唔錯，好多時覺得韓燒啲牛肉真係好麻麻，但呢間就冇呢個問題😋同埋提一提大家，食完有免費一人一條雪條，覺得呢樣嘢好多人都唔知🧐.🐄牛舌 $148每次食燒肉，牛舌係必須的🥳有個特別嘅地方就係佢仲有分埋牛舌嘅唔同部份，有薄切，有厚切，調味適中😚.🐄喜來烤肉 $158呢個牛肉比較瘦而且係薄切，啱曬小編😘上枱好靚，切到好似朵玫瑰花咁🤪雖然捲埋一舊唔多覺，但其實份量都好多，好似燒極都仲有🤩.🐖喜來五花肉 $138當日最佳😍食韓燒的話，其實豬肉一定係最主打，牛肉係其次😂五花肉燒完啲油脂香到傻，調味都好正好正，呢個100分😛.💰人均消費: ~$300.🍽味道: 4/5🏙環境: 3.5/5‍👨🏼‍🍳服務: 4/5💧衛生: 3.5/5💰價錢: 3.5/5

之前一直都想試吓喜來稀肉 韓國燒烤今次終於試到啦 🤩適逢萬聖節餐廳內嘅店員都着上魷魚遊戲守衛嘅衣服 😍😍 仲有椪糖遊戲玩 🤩正 成功的話仲可以享有九折優惠 有睇魷魚嘅我梗係識玩啦 😛😛 唔使一陣就已經成功即刻享有九折優惠🤩 我哋一坐低 餐桌已經準備晒韓式配菜 而且份量好多 店員也即刻在烤爐邊倒入蛋漿由於同行嘅朋友唔太舒服 所以我哋主要都係叫多咗啲熟食 🙈希望下次再嚟可以再叫多啲燒肉套餐 🙈🙈 -1️⃣ 蟹籽紫菜飯團 $50 原來以為係已經搓好的飯團估唔到端上檯係一碗暖飯上面鋪滿了好多好多韓國紫菜及蟹籽🤩我哋就自己動手開咗搓成一個個飯團 味道食落好豐富 但啲飯有啲乾身 比起出面食開既 呢度無落麻油 感覺比較乾 -2️⃣ 喜來稀肉 $158係一碟擺成靚靚嘅花😍 我哋打完卡就即刻燒黎食 一放牛肉上烤爐已經好香 肉質煎到岩岩好 充滿肉汁 唔會太肥膩😋 包埋生菜 泡菜 一齊食 口感好豐富-3️⃣ 石頭鍋飯 $85 熱辣辣的飯 加上配菜超豐富 又有紫菜 煎蛋 泡菜 牛肉 拌埋辣醬食 一流😋😋牛肉味道香濃 😋😋 好味-4️⃣ 海鮮蔥餅 $90 呢個比較想像有啲失望🙈🙈🙈 海鮮份量較少 只得啲魷魚仔 蔥實在太多 而且

今晚同朋友一齊去一間韓國餐廳食韓燒，餐廳位於商場嘅地方裝修10分華麗。選擇非常之多的韓燒餐廳～我地叫左1頭豬韓燒套餐，食勻豬所有部份，分別係豬大腸、護心肉、豬頸肉、五花肉同豬皮，各部分口感不同，各有特色。護心肉是每頭豬只產出200克左右的珍貴部位，無油柔軟且多筋道，口感勁道是其特點。豬頸肉在肌纖維束之間有厚厚的肌內脂肪。 淺粉紅色的瘦肉上鑲嵌著大理石紋路看起來很有食欲。而前菜亦相當出色，泡菜、醃製白蘿白十分惹味，以最令我喜出望外既喺邊吃邊嗰兩條深具特色嘅雞蛋，泡菜雞蛋同芝士蛋吸收哂充滿肉汁精華，替今餐起左點精作用。我哋仲叫咗藍梅梳打同埋柚子梳打，非常清新～最後用韓國士多啤梨雪條作結，完美的韓燒～

好耐冇食過韓烤，一於同朋友嚟食好耐冇食過嘅喜來稀肉🥳壹頭豬 $420拼盆最適合選擇困難症嘅我哋🤣有護心肉+五花肉+豬頸肉+韓式烤豬大腸+韓式烤豬皮，拼盆份量都幾多，燒豬皮煙2個人食其實好夠，不過我哋又貪得意，另點多份牛🤣🤣喜來烤肉 $158 卷成一朶花，好靚唔忍心拆散佢🥲係薄牛肉片，輕輕烤一烤好快就熟，肉味濃帶少少甜，肉質軟熟，卷埋蔥絲嚟食正😋泡菜味道正宗👍🏻食得多肉，食下酸青瓜同蘿蔔冇咁滯😋生菜無限refill，我一個人食咗2兜🙈，加塊蒜片包住肉食，好fresh☺️另外鐵板2側有爐邊蛋，泡菜同芝士味，又係無限refill～不過我地refill咗一次就夠飽了🤣水冷麵 $85每次食韓國菜必點，喜歡蕎麥麵幼細又煙韌嘅質感，加上冰涼微酸嘅梨汁，特別開胃😋

在附近工作所以有時候想吃韓燒或鍋類熱食會去這裡吃午餐有lunch set，點lunch set的話會有四個小菜頭盤（一般一定有泡菜、紫菜、醃白蘿蔔and醬瓜）有時頭盤會有馬鈴薯lunch set會有指定飲品配set特別推薦人蔘雞（全隻）and 石鍋烤牛肉（有粉絲在鍋子裡另配一碗飯+一些生菜）如果想吃多一點飯，石鍋拌飯也很好吃中午12:45才開，所以如果要吃的話12:45去一般都會有位子 點餐的部分是用QR code點的，app裡點可樂的話可以跟店員說轉zero由於餐廳在地庫，燈光比較暗同埋濕，但可以接受有些店員應該是韓國人，所以有時候需要用英文溝通

今日小弟又同女友人黎左旺角喜來稀啦， 我覺得喜來稀肉就算無得任食都🆗,因為d肉既份量都算大。今次我地叫左招牌既汁燒喜來稀肉， 一個牛肉眼，一個牛肉雪濃湯，一個紫菜包飯。人黎講都好夠食， 個汁燒喜來稀肉我次次黎都會叫， 因為佢d燒汁調得同d肉好夾。 個肉眼扒就脂肪分佈都幾均勻，只需落少少鹽釣釣味就已經能夠帶出牛香，入口都富有鬆軟感。個雪濃湯都幾清甜，同埋佢入面仲有粉絲可以增加飽肚感。個紫菜包飯好彩有女友人係度主理， 佢包得好好， d蟹籽，飯同紫菜都撈得好均衡。成餐整體好滿足。

每個月都想食一次，放工後又黎燒一燒肉先。每次必點喜來烤肉，水準keep 得幾好，賣相都係咁靚，肉味香濃，有醃過，味道好啱我地口味！之後叫多塊肉眼扒，超大塊，一燒直頭起火，火喉十足，燒完剪一條條食，再灑啲鹽調味，牛味濃，又有少少油脂香，好正！叫多個蟹籽紫菜飯先夠飽，用手撈勻食好有風味～最後飲多個湯，揀咗個雪濃湯，牛骨煮出黎，湯頭奶白色，入口好驚艷！好濃牛味！入面仲有牛肉同粉絲，超滿足～爐邊嘅芝士蛋同泡菜蛋都係必食！

最近天氣涼返啲，除咗打邊爐之外食燒肉都好啱👍🏻之前成日見到好多人介紹呢間韓燒，終於夾到時間同朋友去試吓😌一坐低就開定個爐，又有晒泡菜、泡菜蛋芝士蛋俾你食住先😋啲嘢食都來得好快，一嚟到可以開始燒🤩喜來烤肉 - $158呢個有個手指公推薦嘅梗係要試吓啦😂雖然睇落唔多，但係原來燒燒吓發現都有好多塊～由於切得薄，所以係個爐上面輕輕燒幾下已經可以食😍呢隻肉肉味都幾香濃，仲多肉汁👍🏻同埋冇乜油脂，食多幾塊都唔覺油膩～壹頭豬 - $420呢隻係豬肉拼盤有護心肉、五花肉、豬頸肉、豬皮同埋豬大腸～～唔止款式多，每款份量都好多！護心肉比較少見，帶少少肥膏，好食😋五花肉同豬頸肉就正正常常，肉質都幾鮮嫩👍🏻成完呢set真係超滿足😌水冷麵 - $85第一次食水冷麵，都幾好食喎原來😂😂個湯底酸酸甜甜，啲麵又幾煙韌，食完燒肉食就啱晒啦，可以解晒啲肉嘅油膩感👍🏻😍

旺角喜來稀肉食韓燒肉， 呢間人氣店而且CP值高，除左韓牛、豬及雞肉外，亦有其他韓國料理供應。今日揀左壹頭牛🐂套餐 先黎3款前菜小碟，有正宗泡菜，味道好好味，酸辣度剛剛好。前菜、生菜和爐邊烤蛋都可免費無限追加。爐邊蛋有芝士蛋同泡菜蛋，兩款都好好味😋 壹頭牛套餐 Beef Set有～5款牛🔹️喜來烤肉 ~ 薄薄牛肉帶有醬料，味道出色🔸️牛肋骨肉 ~ 油花多而平均🔹️牛五花 ~ 油脂比較多，肉質細嫩又多汁🔸️牛頸 ~ 肉質煙韌爽口🔹️烤調味牛排骨 ~ 可以最後先食比較濃味呢款，特製醃料係牛排骨入面，多汁滋味 壹頭牛套餐都好大份又高質，款款好都各有特色，可以試度牛嘅唔同位置，係鐘意食牛嘅好選擇😊最後每人仲有枝免費雪條

平時食開銅鑼灣嗰間，今次嚟試下旺角呢間，睇下質素係咪一樣。上網睇旺角出口，但我行油麻地出口好似較快，位置都好易搵。一坐低就已經擺好晒前菜，醃蘿蔔、泡菜、酸瓜、沙律菜同生菜，超級豐富，個自家泡菜好吸引，即刻食左先，雖然好辣但好好味，吾知有無得買返屋企😋。不過餐廳係地庫，信號收得麻麻，落單要掃qr code，但落完單一陣已經上菜好快手。入門口個陣仲見到有免費雪條，每人可以攞一條，好期待食完可以食雪條。我哋兩個女仔食得唔多，所以叫咗一個五花肉同一份牛肉，一個石鍋飯同一個大醬湯。燒肉最快嚟到，個牛肉醃得好好食，試過三種醬汁，我個人鍾意個辣汁，辣醬都吾錯，同肉好夾，海鹽就提鮮，但我個人吾鍾意太咸。五花肉好多油脂但食落唔會好肥，加埋辣醬沙律菜勁好食，中和番個油脂味。芝士焗飯吾錯，反而大醬湯偏咸，入面有蟹仔同蜆，鍾意海鮮既人要試試。最後食埋個韓國冰條勁解渴，市面好少青提子雪條，好味，下次會再嚟食。

呢間燒肉係我印象中應該都算係香港比較元祖級出現嘅燒肉舖。想當初我係覺得好貴唔捨得食，轉眼過左咁耐開左咁多間燒肉店，發現原來呢間都唔算真係貴，價錢都係合理嘅範圍。間舖嘅裝修勁有氣氛，好似處身於冬天但揾到個好暖嘅地方可以盡情食野咁枱面已經準備好小菜同埋爐邊蛋。個泡菜好惹味不過都幾辣！爐邊蛋有2款，純蛋同埋泡菜款。燒肉點可以唔食牛舌！佢嘅牛舌勁大盤好抵食。醃得好入味，燒完之後就咁食已經好夠味，點少少鹽提升多少少牛嘅香味！肉質好薄薄一片好爽口，忍唔住食完一塊又一塊見咁多人推薦就叫多個喜來烤肉黎試下。雖然冇牛舌咁多但份量都唔少，牛肉油脂分布幾平均，唔肥膩，牛肉幾香，食得出係新鮮嘅肉！蟹籽紫菜飯團，簡簡單單就係好食紫菜配飯本身已經係冇得輸嘅，加埋蟹籽多左口感上嘅昇華就更加係不得了，$50勁抵食呀！另外再叫左個大醬湯黎解下膩，一開始以為佢會有飯配但原來係冇嘅。

食完呢間韓燒暫時真係覺得係我食過所有嘅韓燒裏面最好食嘅一間，所以想分享俾大家！ 朋友好鍾意食韓燒，所以專登Book咗位同佢食！喺旺角嘅呢一間餐廳嘅地方好闊落所以坐得好舒服。 因為我哋兩個女仔唔算好大食，食完埋單人均$250左右。分別各自叫咗豬肉同牛肉。豬肉方面叫咗喜來五花肉，牛肉就叫咗喜來烤肉！因為有秘製醬汁醃過嘅關係，燒出嚟已經好好味😋而且個爐嘅火候都好夠，微微燶邊加埋小小海鹽，極出色！用鉸剪剪做一塊塊都可以有10幾塊，所以都好夠飽！而且最鍾意佢有好多唔同嘅前菜，極好食嘅辣泡菜酸瓜，醃蘿蔔同生菜等等，令到你覺得食完都唔會好油膩👍 仲有爐邊芝士蛋，超正啊！跟住我哋仲要多咗一個芝士石鍋拌飯，份量岩岩好，好入味。另外叫咗一個海鮮大醬湯，成件事真係好有韓國感覺啊，令我諗起韓國旅行🥲 最後，仲竟然有免費雪條可以揀，我哋就揀咗係街邊比較少見嘅青提子雪條，食落都好好味好開心😍 一定會再課金再食😚😚

今日同朋友搵左間韓燒黎食呢間係旺角油麻地果頭要行落地庫一層落到去見到裝潢都幾有特色一坐低已經有幾道前菜酸瓜非常開胃泡茶都幾辣但個人十分喜歡今次叫左2碟肉一個係牛舌另一個係喜來稀肉份量完全冇失望比左咁既價錢真係有返同樣既份量肉質都好好燒完之後點少少鹽已經好夠味好好食非常滿意另外主食都叫左個蟹籽紫菜包飯要自己戴手套包幾好玩, 包出黎既味都好好大家可以一試另外都叫左個大將湯個湯帶少少辣味配上面果個紫菜包飯食啱啱好叫左幾樣野, 我同我朋友都已經食到好飽好滿足了