喜來稀肉 (瓊華中心)

营业中

休息中

陪朋友去信和買模型玩具,之後去咗瓊華間喜來稀肉食燒肉肉,入到去環境好寬闊,空間大,座位唔會好逼夾！員工先奉上自家醃製泡菜,酸蘿蔔,青瓜,芽菜,生菜等等,係任拎👍本人勁鍾意食,,唔覺唔覺食咗好幾轉😄仲有爐邊蛋同芝士蛋,,真係好好食!🥢真雪花牛肉진꽃살...$228(150g)牛肉雪花分布平均,肉質鮮嫩,入口即溶,濃郁牛味冲衝味蕾,好好食,果然無失望!🥢牛護心肉안창살...$160(150g)本身已醃好醬料!經火烹調後燒到微微焦香後,肉香撲鼻,好惹味！🥢韓豚五花肉 한돈삼겹살...$180(150g)豚五花肉,半一層瘦肉一層肥肉的間隔,油脂較多口感偏軟嫩口感、香氣四溢,食起來滿口油香,加埋烤肉辣醬包生菜食就最正,又可以中和油膩,正！總括嚟講不錯,我好想試埋唔其它吾同部位, 得閒再約朋友家人再來😂

其實，愛玩小生好少寫關於烤肉的食評，因為每次食完烤肉都好易上火同埋口嚨痛。因為好耐無去過喜來烤肉，所以今次就例外一次，約朋友收工來吃吃啦！記得上一次食喜來烤肉，已經10多年前，當時仲要只有尖沙咀分店呀！而家原來開到好多分店啦！以下是旺角分店：烤肉方面，我們淺嘗2款：護心肉建議品嚐豬的橫隔膜肉，也被稱為「護心肉」。成年牛僅有少量，十分稀有。搭配特製醃醬，口感爽口，油脂適中。喜來五花肉配特製醬汁此款五花肉較為厚身，連豬皮切法使得肉質更有彈性，清爽的口感不會過於油膩。特製醬汁為其增添了獨特風味。主食，我們品嚐了：韓式海鮮拉麵這碗拉麵份量十足，滿滿的海鮮，包括大隻的紅蝦和豐富的蜆、青口等。拉麵的口感獨特，湯汁濃郁，呈現出令人愉悅的風味。人蔘雞湯人蔘雞湯以原隻嫩雞搭配糯米、紅棗、韓國人蔘等材料烹製而成。湯汁濃郁暖胃，雞肉軟嫩，質素優良。Overall，平日光顧人流不算多，餐廳不會太「污煙漳氣」，不會食完周身燒烤味，而品質仍然保持到，好味！

「喜來稀肉」是來自韓國的過江烤肉店，唔使親身去到韓國，都可以食到當地美食。 餐廳環境以深藍色裝修為主，每桌都有燒烤爐及獨立抽氣系統，進入餐廳時，沒有油煙味，抽氣設備不錯。 餐廳設有自取醬料及前菜區，內裡包括：生菜、泡菜、醃蘿蔔、大豆芽…等等，而且芝士蛋漿及蛋漿可無限添加。 除了燒肉外，客人還可選擇拌飯、麵、小食、湯類…等等。 😋餐廳使用QR code點餐，是日選擇：1️⃣蔘雞湯 🍽雞肉軟嫩，湯香醇濃郁，蔘味十足。 2️⃣護心肉 🍽護心肉頗有厚度，經燒烤後，油脂不多，爽滑彈牙。3️⃣喜來韓豚五花肉 🍽肥瘦均勻，仍可保持肉汁。不需配上任何醬汁，已很入味。

有朋友係韓燒嘅fans，無論貴定平都會有興趣試一試。今次佢帶我嚟咗呢間旺角應該都開業有啲歷史嘅韓燒餐廳，餐廳中間位置擺咗幾盤可以任食嘅韓式前菜，包括大頭芽菜、兩款kimchi、酸白蘿蔔、酸青瓜、生青蔥、同埋生菜。 調味方面有唔同嘅醬汁，仲有麻油、海鹽、同埋胡椒。 另外呢度嘅賣點就係佢哋會有無限添加蛋漿同埋芝士，咁一路燒肉一路就可以有蛋蛋食🍳 仲有生蒜都係可以無限添加🧄 我哋就叫咗一款牛肋骨肉 (HK$150)🥩 兩款韓式豬豬HK$180@ (「喜來韓豚五花肉」 - 已經醃好咗薄切 及 「韓豚五花肉」- 冇醃製過嘅原條厚切豬腩肉)🐷 溫馨提示呢度個火都幾大，所以建議唔好開到最大，如果唔係嘅話呢，燒豬多油花嗰陣就有機會啲油會彈出嚟😉

【旺角•喜來稀肉】 ——————————————————原來舖頭已經轉咗新地址，店舖空間大咗新淨咗，座位而家坐得好寬敞。無限re-fill泡菜/蘿蔔/爐邊蛋。喜歡吃呢度泡菜。🍯｜韓式烤豬皮｜HKD 150必叫😍滿滿的骨膠原，口感Q彈，韓國人喜歡沾黃豆粉食，帶出豬肉的味道和解膩。🍯｜護心肉｜HKD 158護心肉係豬肉的珍貴部位，燒香後油脂不會太多，爽滑彈牙，用生菜和泡菜包住食一流。🍯｜牛肋骨肉| HKD 150味道濃郁，油花多，肉質結實有彈性。🍯｜水冷麵 ｜HKD 95食太多肉都需要解膩，麵條有嚼勁，配搭青瓜絲和醃蘿蔔，加入韓式辣椒醬和些少黃芥辣拌勻。

今次再訪都系為咗佢個爐邊芝士蛋，烤爐有三個烤蛋格，一個用來烤原味雞蛋，另一格則是芝士加蛋槳，也是我最愛的 （如果想吃泡菜的話，可以到自助區夾一點泡菜，剪碎加落原味蛋漿中），最後一格則是烤蒜頭之用。每次包肉時，都會以生菜包著烤蒜和烤肉一起吃，會更惹味。烤肉今次我們叫了兩款牛肉，分別是喜來烤肉和牛肉眼。喜來烤肉是餐廳的招牌菜，是薄切牛板腱來的，雪花分布平均，牛味香濃嫩滑，每邊烤10秒就可以。而牛肉眼大大塊，比喜來烤肉厚一點，脂肪較少吃落冇咁油膩，更得我心。蔘雞湯以石鍋盛上的人蔘雞湯非常滾燙，原只雞份量絕對不少，雞肉口感松化，雞腔內的糯米吸滿嫩雞和湯汁精華，飲落香醇濃厚帶有淡淡蔘味，養生之選。牛肉石鍋拌飯韓式石鍋拌飯底部有微微脆的鍋巴，濃郁醬香的炒牛肉加上輕爽涼拌的蔬菜，加上蒜味鮮香菇，拌上微酸微辣的泡菜，最後再放上半熟蛋和飯醬，真系會令人ㄧ口接一口吃光光，營養滿滿好好味。

喜來稀肉都算係韓風燒肉店既始祖…最出名當然係佢地既鐵板上面放上蛋漿安排左係窗邊位…可以有夜晚旺角街景睇下呢度個自助區有泡菜、醃蘿蔔、青瓜、涼拌小菜等多款韓式前菜，還有生菜和醬料可以自由選擇。我個人很喜歡這裡的泡菜，味道酸辣爽脆，非常開胃。店裡提供兩種蛋漿，一種是原味，一種是芝士味。我個人比較喜歡芝士味蛋漿，香濃的芝士味和烤肉搭配在一起非常美味。最鍾意d蛋漿微焦。仲有可以放d蒜係鐵板上配肉一齊食。我地點左牛五花…厚切五腩…雪花牛同護心肉…牛肉石鍋飯同水冷麵牛五花燒起來非常香。五花腩厚切最正…燒到微焦配麻油加鹽就最好味。兩款牛肉味濃…肉質好嫩牛肉石鍋飯…石鍋夠熱做到有飯焦效果，拌上醬汁和牛肉一起好好味。水冷麵麵條好Q彈，湯頭酸甜非常清爽酗讚下抽氣做得不錯，吃燒肉的時候不會覺得好大煙。門口仲有噴噴辟下味…細心。仲有就係呢度提供韓國常見的水樽，好有韓國的感覺。整體係一間值得推薦的韓國燒肉店。肉質新鮮…服務周到…環境舒適…價格合理。

係OP睇到哩間韓燒泡菜任食，咁即刻試試。店鋪以藍色為主，裝修得好INS風。宜家新推出咗數款新品，睇落唔錯。晚市兩個人都可以安排沙發位，坐得好闊落。一座低，侍應即刻落左蒜片同爐邊蛋，仲會加芝士落蛋裡面。出面泡菜好多款式可以揀，有酸蘿蔔，韓式醃黃瓜，芽菜同2款泡菜等。最鐘意食酸蘿蔔同喜來泡菜，酸辣惹味。醬汁種類都唔少，有4-5種可以揀。可樂，食開韓燒一定要叫汽水，同烤肉好夾。牛五花，牛肉薄切好大一件，燒大概1分鐘已經可以食。牛肉肥瘦相間，食落牛味好重，肥膏處有少少奶香同彈牙，好味。辣韓豚五花肉，預先用韓式辣醬醃制，醬料入到五花肉裡面。五花肉好厚切，要燒耐少少，逼出油脂，食落才唔會滯。五花肉加埋蒜片，泡菜同生菜一齊食，好食到停唔落口。豬肉泡菜湯，配料比湯還多。落咗大量泡菜，豆腐，五花肉同金菇，食落酸辣開胃，好飲。最後食完烤肉，仲可以食埋爐邊蛋，芝士落咗蛋裡面，蛋更加嫩滑同埋好香芝士味！

韓國元組級燒肉間唔中都會黎食下藍色為主，打造出韓國食燒肉既感覺一坐低，侍應已經立即幫我們開爐並加入蒜片，蛋漿，另一邊會加埋芝士外邊有自助吧，前菜酸青瓜、酸蘿蔔、兩款泡菜等，還有包着燒肉的生菜，都可以無限添吃醬料也在外面自取喜來烤肉以點名命名嘅招牌菜，將牛肉切成薄片卷成玫瑰花形狀，配合秘製醬汁，賣相一流入口甜甜地有口感，配埋醬料、蒜片，用生菜包起來一起吃好好味醬油雞肉一大件，肉質嫩滑又juicy 蟹籽紫菜飯團鋪滿大量紫菜、蟹籽、沙律醬，可以用手套搓成一個個飯團波波

喜來稀肉位於旺角瓊華中心，地點非常方便。餐廳有很多卡位，非常寬敞，坐得舒服。除了韓燒外，中午還有午市套餐，選擇多，而且價錢合理，最驚喜的竟然還有套餐買三送一，十分適合4人或以上一起前來。石鍋牛肉拌飯，石鍋熱辣辣，配料有牛牛肉，芽菜，菠菜，冬菇，紅蘿蔔，煎蛋等，加點韓式辣醬，把這些配料拌勻，惹味可口，加上卜卜脆的飯焦，令人一口接一口地食。烤牛肉定食以一個8格木盒呈上，每一小格裝著不同配菜，大格就裝著烤牛肉，份量很多，還有生醃八爪魚，波菜卷蛋等，十分豐富，打卡一流。另外還點了牛排骨湯及石鍋烤牛肉餐。牛排骨燉得軟淋，很易咬開，湯鮮甜有牛香。烤牛肉醬汁惹味，很好送飯。午餐還附有餐飲，桃汁及梨汁，兩款都有果肉，相當不錯。餐廳的午市套餐超值，選擇又夠多，而且味道好，一定有下次。

有驚喜韓燒😍 店員服務好好，主動換鐵板同蛋😆 環境好寬敞，好適合同朋友放工去食飯🥳 人均約$250🥩牛舌肉質色澤鮮亮，質感細嫩。燒牛舌好有嚼勁，口感豐富多汁。牛味濃郁，搭配上醬料，增添了風味層次🥓喜來韓豚五花肉肉質鮮嫩多汁，每一片五花肉都好入味，口感豐富。建議搭配上一些配菜和醬料，增添了層次感和風味，令整道菜更加美味可口🍙蟹籽紫菜飯團推薦！好抵食又好味😍 飯團中的蟹籽增添了豐富的口感和海鮮的鮮味，配紫菜的香脆口感則提供了與飯團相輔相成的口感😍 加上他他醬好好味～🍜韓式海鮮拉麵湯頭香辣美味，配料搭配得恰到好處，海鮮的鮮味完美融合在湯中，麵條的彈牙爽口，好好味😋

間中想食下韓燒就會諗起依間，因為keep住都係質素好好！前菜、醬料都放左係出面仼添！仲有芝士爐邊蛋都係仼食，又滑又香蛋味，芝士甜甜地同蛋都好夾叫左個牛護心肉（$160），係牛嘅橫膈膜，肉味濃郁得黎帶啲油脂嘅甘香，燒到七八成熟入口肉質就更加柔軟另外叫左韓豚五花肉（$120），適逢十周年有特價，好抵食！五花肉油脂好豐富，燒完之後油香味濃郁肉質厚實另外仲叫左個蟹籽紫菜飯團（ $50 ），好濃郁嘅麻油香味配埋紫菜同蟹籽口感同味道都好豐富，仲可以夾埋肉一齊食最後仲加咗個嫩豆腐湯（$85），豆腐好滑，吸哂韓式甜甜辣辣嘅湯入味又開胃，餡料仲幾多有豬肉、泡菜、大葱呀咁今餐真係豐富又好食！

呢間韓式燒肉嚟香港開咗好多年，應該好多人都食過～ 今次嚟食見到佢哋做緊10周年優惠，有7款肉都做返10年前嘅價錢，都幾抵食！雖然個優惠而家完咗，不過都推介食韓燒嘅朋友仔試吓～ 一坐低店員就會加蒜同埋倒蛋汁落爐邊，有一半爐邊蛋仲加咗芝士，而且有得免費refill真係好正！泡菜、生菜同醬汁都係自助，配菜都有幾款，夾多幾次都無問題！店員仲好主動換網，服務幾好👍🏻🔸真雪花牛肉 特價$200用木盤裝住，幾打卡～ 有十幾塊，牛肉每面各燒幾秒就食得，肉質軟嫩，牛味香濃！配油鹽醬食好正！又可以用生菜包住、加啲泡菜一齊食😋🔸護心肉 特價$130招牌肉之一，護心肉係豬嘅橫隔膜同肝之間嘅肉，數量比較少～護心肉油份唔多，口感比較爽滑！都幾好食！🔸水冷麵食燒肉當然要配冷麵啦😍 叫咁碗水冷麵試吓，估唔到好好食！香港嘅冷麵好多都一般，但呢度嘅好正宗，冷麵湯好清爽又夠味！唔會淡而無味，同喺韓國食嘅味道好似！麵條好煙韌爽口，好好食👍🏻

好耐冇食過燒肉啦，今次嚟到旺角試下韓國燒肉， 餐廳裝修精緻，顏色配搭得好好，大部分都係卡位，坐得好舒服，近窗邊可以望到街景，張枱都好寬闊， 雖然係你面前燒烤，但一啲都唔油煙，抽風系統好好， 最lucky係今個月原來係做緊十週年紀念，所以有部分嘢食特價，真好彩🎉✨️P.S. 這間店嘅服務質素真的好好，侍應們 會自動時不時幫你換燒烤過的鐵板，簡直係賓至如歸🤗✨️P.S. 2 另外一個重點係芝士蛋漿，蒜片可以無限任添，餐廳中間亦放置了四-五款食物是任食的，例如有生菜，kimchi和芽菜等 🤩喜來烤肉(牛)上枱嘅時候牛肉係砌到一朵花咁，好靚㗎，牛肉切得夠薄，好快就熟，食落去好軟熟，牛味重 🥰護心肉(豬)選了個稀有肉，每隻豬唔係有好多護心肉的， 豬就煮耐少少，但都好快熟呀，因為都切得好薄，真係好軟熟同埋醃得好入味，好鬼正 😁海鮮蔥餅另外我們嗌了海鮮蔥餅，蔥餅煎得香脆內軟， 餡料都好多，有蝦，魷魚，八爪魚，佢亦有配埋一個酸酸哋嘅汁，好開胃 😚蟹籽紫菜飯糰最後我哋嗌咗兩個蟹籽紫菜飯糰，餐廳會提供手套畀你自己包飯團，蟹子紫菜都很多，另外配埋沙律醬，簡直一絕 😍

不嬲都係喜來稀肉嘅fans～網上面睇到有10周年感謝活動，就即刻約埋朋友嚟食😋😋嚟喜來稀肉一定要食喜來烤肉😂😂 因為招牌必食㗎啦，肉質好軟好入味😋 入口好順口夾埋生菜食更fresh。牛五花都係好好味既，佢上面本身就冧咗啲醬汁，似燒烤汁，鍾意醬汁嘅朋友唔可以錯過！雖然我知道咁樣有啲奇怪，但係我真係好想推介呢間燒肉店嘅牛骨湯俾大家😂😂因為每次去無論夏天定係冬天，都一定要叫碗牛骨湯嚟飲，因為真係好鬼正，熱度夠、又夠入味，底下面仲有粉絲，性價比極高。跟住仲有炒年糕，啲魚糕黏曬啲辣醬好好味，仲要年糕份量剛好，不會太膩！同埋呢度最正嘅係可以自己去拎配菜，啲泡菜好好味，記得要揀喜來泡菜，比較鮮甜！呢到坐得又舒服，同朋友都好relax！