喜善中餐廳 (已結業)

食完整體感覺麻麻地，唯一比較好食嘅就係片皮鴨，但佢地切到半皮肉，如果有得選擇會更好。仲有碗仔翅都ok嘅。入面無咩好食，我食左兩個鐘見有好多餸無郁過就咁放係度，例如三文魚抄飯、炸魚柳、魚蛋(食過無彈性)、東風螺、類似宮保雞丁的物體(見到唔想食)、萬年煮的感覺。至於壽司方面得甜蝦比較好，仲有幾厚下的三文魚，其他都係普通野，蟹柳or蛋壽司。入面仲有燒味、曲奇、姐喱、沙津(奇怪的組合)、雀巢杯裝雪糕。本身諗住轉第間，但見爆位未試下，二百蚊係咁上下，不過唔會去第二次。如果你真係想食嘅記得早啲打電話book,但佢個電話成日都唔通，可能廣告效應掛(奶左廣告野)PS:親身體驗之感想

因為係Facebook見到有推廣，睇片好似好吸引所以星期六走左去試。價錢二百頭係吸引，不過去到發覺同條宣傳片落差都好大吓。食物極普通......簡單講就係食完一次唔會再番黎。只可以話用一個合理價錢食多好多款好普通嘅野食，魚蛋，極plain蛋炒飯，碗仔翅，蒸魚，炒翠肉瓜，炒螺...甜品叫做好少少，有好多糕，例如椰汁糕，桂花糕，仲有啫喱，芒果布甸，渣渣糖水，雀巢杯裝雪糕，西瓜，哈蜜瓜...整體黎講比較失望...

九展簡直係美食沙漠🙄。-一大棚人要一齊食個午飯首選一定係中菜，咁就一係十三樓一係就三樓，通常都係揀三樓架啦。人渣老細點半先放飯，多得佢地咁無人性先可以唔駛卜位直入坐低。-極速點菜。嗱，做個精明消費者😏。想點四人餐？Nonono，點兩個二人餐啦😎，貴四蚊多一個小菜架😁😁😁。-拼盤系列👇🏻▶️燒味拼盤海蜇爽，叉燒係瘦叉但唔柴，燒鵝OK 。▶️脆皮燒腩仔堅脆皮！好食！-小食系列👇🏻▶️雞絲涼拌粉皮小辣，唔錯，但好細好細碟。-小菜系列👇🏻▶️炒小菜係好食嘅！鑊氣好夠！掛住食都冇影其他相。但黎多兩碟好似碟碟都差唔多味又差唔多樣😂。-留意返，個餐無跟飯，一定要散叫多碟炒飯炒粉先餵飽成圍枱🙈。-再留意返，上菜速度偏慢，啲菜出左都無人傳上枱，明明一個二個棟哂係度，上到枱已經變暖，咁咪扣分囉。-評分界乎好評同OK之間，九展黎講呢間算係咁啦🙂。

一行六人， 想喺九龍灣附近舒舒服服咁食一餐晚餐。因為怕咗德福嘅擁擠情況，於是就揀左係九龍灣Emax 嘅喜善食中菜。原來7月中開始，喜善有中菜dinner buffet，週五價錢 $238一位， 6個人就有75折，計起來每人 $200左右，自助午餐價錢食自助晚餐，於是抱著食環境及招呼心態不防一試。酒樓個地方好寬敞乾淨，不過見淨係得小貓三四隻，初初都唔抱有厚望。坐低咗睇原來食品嘅選擇都係好多，可以話係意料之外。首先試咗片皮鴨主打，皮脆而肉嫩，唯一要扣分是薄餅皮太細及黏難包。至於另一主打三文魚， 味道十分鮮甜，水準不下於元x壽司。另有成2.5吋長凍蝦，全都是大大盤放在檯上任取， 全場不停添加，單吃兩樣已回本。其他餸菜還有冷盤嘅壽司、沙律、 八爪魚等等 ;  熱湯有翅同椰子雞湯， 另熱薰有魚、燒味、 東風螺、青口、帶子 等， 甜品重有好多樣不同款中西糕點及糖水(慕士、 馬豆糕、 缽仔糕、曲奇餅、雪糕、 龜苓膏、 紅棗燕窩糖水、 紅豆沙及咋喳)。比起坊間自助餐，雖然缺少牛扒及即切壽司檯，但以質量比，吃足三小時， 可用平靚正三字總結。

上次寫喜善的午茶被打回頭，希望今次不會。快要離開現時的部門，所以最近常被邀吃散水飯。今天又來到前陣子跟舊同事來過的喜善。因有休假的同事幫忙找位子，所以即時入座。跟13樓的煌府相比，這裡的點心和小菜的選擇相對是較多的。同事預先叫了以下食物：鹹魚雞粒炒飯：偏乾，也偏硬，但份量足夠，鹹香惹味素叉燒：是每桌限叫其中的特價點心，味道尚可，份量偏少，本人會較喜歡滴水坊的素叉燒多一點蝦肉菜苗餃：饀料豐盈，今日其中一項較滿意的點心潮州粉果：賣相尚可鮮蝦腸粉：腸粉皮偏厚然後，再點了以下食物：蝦餃：餃皮太薄，一夾即散炸芋角：炸的鬆脆，芋蓉香軟，另一滿意點心鮮蝦腐皮卷：份量偏小，味道不過不失野米燒賣：第一次看到這樣的配搭，但沒有燒賣應有的味道喇沙魷魚：上次吃的是鮮魷，但今次是以水魷奉客，喇沙味道太淡，與期望有很大落差黑糖西米布甸：其實是凍的椰汁西米糕，澆了少許黑糖就變成這樣，不太甜，有點偏硬同事叫的西米露也只是一般事實上這裡食物的選擇雖然多，但整體而言只是一般而已，此外，人手極度不足，要很久才找到侍應，為免久候和漏單，最好一次過叫好所有食物。無論如何，謝謝同事請客。

美好的週末約左朋友係E-Max飲早茶看電影係九龍灣有free shuttle bus 當然要黎獨有的喜善中餐廳試下啦好多信用卡都有折扣優惠, 例如東亞和匯豐很吸引呢因為我們11:00黎到 時間尚早(餐廳開10:30)所以人流暫不算多而呢度環境都幾大, 而且裝修靚樓底高朋友都說很有酒店的感覺呢午市二人套餐非常抵食, 我們要了以下四款食物, 只是$1511. 燒味拼盤燒鴨皮香脂薄 入口滑而帶油感 咬落肉汁四溢 非常吸引叉燒薄身肉甜 脂層較薄 屬於瘦叉燒 不過筆者還是偏向略帶肥膏的半肥瘦呢海蜇滑溜爽口 涼涼的作飯前小食的確不錯2. 蟹籽海皇羹材料很多, 蟹籽蝦肉瑤柱... 非常足料海蝦粒加上蛋白 令這海皇羹滿是滑溜口感和充滿海鮮味友人都食得讚不絕口3. 芥蘭煙肉炒蝦球芥蘭食落鮮嫩 腍身程度很有BB的感覺而煙肉炒蝦球這個配搭亦很特別食出鮮味中的鹹香4. 黑椒去骨豬手三色蔬豬手去骨當然是極致享受而其肉感亦不能忽視 啖啖肉中的嚼勁令人上癮的一塊接一塊欲罷不能5. 南瓜西米羹跟餐送的甜品就不能有過高要求了西米量少 南瓜味淡食落甜味過重 蓋過應有的南瓜香另外亦點了麥皮流沙包這是筆者每次飲茶都必食的可惜

在九展再嚐久違了的宴宴滋味，整體感覺很不錯吃，在此與大家分享一下。「大紅乳豬件海蜇」典型例牌䦕席菜。覺得好吃，絕對是因為肚餓的原故啦。「腰果翠玉炒鮑螺蝦仁」切成粒粒的鮑螺，調味略鹹，味道很有炒鴨肉鬆的影子。說真，若用它來包生菜㫓，該會很搭配。「生財金錢好巿」𧐢豉一向深得朕的寵幸，每片𧐢豉都扣得入味，連冬菇也受惠於香濃的茨汁，很受席間人士搶手。「龍鬚花姿球」是一粒有 BB 小拳頭般大的炸墨魚丸，由於太大粒，也是剛炸起，用筷子吃會有點狼狽。。。若要說飲宴炸物類，朕個人則較喜歡蟹蚶或蟹蓋，感覺較惹味。「花膠筒螺頭燉豬𦟌」本人是十萬個不支持吃魚翅的！當你看過「Discovery Channel」的生態節目，看見活生生的鯊魚被切下翅後是如何殘忍地被放下大海自生自滅，相信誰也不忍心吃魚翅。是晚的原盅豬𦟌，螺頭甜美全都跑進湯頭𥚃，是很清甜滋潤，小花膠筒也是原隻清𥇦可見，料下得足，比魚翅湯好喝百倍啦。「鮮鮑汁扣百靈菰鵝掌」近年酒席棄用真鮑片，多選用鮑魚菰作替代品，除了價錢較相宜及保育原因外，味道與口感的像真度也很高，這點朕也是十分支持。鵝掌炆得軟腍起膠，滑溜的口感也很不錯。「清蒸大海青班」蒸魚的時間與

昨晩一行八大兩小童到<喜善>與老公的小學同學慶祝生日，見到Openrice 有廣告每位只售$168豪嘆新派中菜(喜善中菜廳）足4兩大閘蟹魚翅晚飯套餐，所以就訂左位試下啦!去到座底已經係晚上七時正，大家都好準時，我地7時15分已經落單叫了餸，套餐的列表如下：每人一隻大閘蟹；每人一盅紅燒蟹皇翅；由於7-9位可選擇六個小菜（例）1) 大閘蟹 - 鮮甜夾多糕;2) 紅燒蟹皇翅 - 湯的稀杰合到好處, 但湯料就唔夠了, 蟹皇& 翅都係得小貓三四粒;3）魚香四川炒帶子 - 沒有魚香味, 帶子又很細；4）蟲草花杞子浸菜苖 - 蟲草花算多, 但菜苖只是白菜仔略嫌cheap左D;5）黑醋菠蘿腩仔煲 - 菠蘿係新蘚菠蘿好食, 但又係無咩黑醋味;6）鮮茄炒班片 - 這個味道OK. 班片好滑;7）雜菜馬拉盞炒蝦仁 - 這個有D辣但沒有馬拉盞的咸香味;8）中華雜綿炒雞丁 - 正常不過的雞丁.每人一杯橙汁／汽水／啤酒等了不到廿分鐘，一碟八隻的大閘蟹就上枱了，大家就立即動手一齊大舉拆蟹，隻蟹足足搞左我地成個鐘呀！不過隻蟹都唔錯-鮮甜夾多糕，當我地所有人都食哂隻蟹之後，經我們要求後待應奉

同人慶功~貪佢有「次」有蟹有蝦~仲有coupon~都幾抵既~不過啲員工既態度有小小奇怪~唔知係我心多定點~好似用coupon個態度好似唔想做生意咁，日期都要我自己搵。一人一個送"次"OK~個芝士蝦都幾得~不過牛仔骨就.......總之一句我唔食辣啦整體唔錯又豐富~又有汽水不過人地飯都未食完就送啲蟹上黎~好似趕客咁...但明明又無人又有糖水...飽到嘔人少到嘔....真係偷情一絕.....男朋友去個到食飯就小心喇無花無假...coupon有用...不過要book...148x0.8=118.4+14.8=118.4兩個人都唔洗270...都幾岩兩口子一齊食二個提醒...1)蟹最後食(因為味最重)2)食蟹唔好飲橙汁(之前有人話我知會中毒)九龍灣德福有免費車去食完可以行寵物街同打保"玲"唔岩去maga box睇戲/影貼紙相或者溜冰

昨晚在九展睇演唱會前, 在網上查下九展內有什麼好吃, 叫到他們有時令的大閘蟹套餐便去試試.套餐是每位一菜, 一蟹, 一翅, 一飯, 一飲品. 盛惠148@ 都幾飽, d嘢食味道唔錯, 侍應服務不俗. 可惜唯一不好是衛生可能麻麻, 我們食食下, 叫到有隻非常小的小小強在桌上(不知從那出來, 不是在菜裡的). 嚇得我呀, 幸好老公很快就大開殺誡了!! 蟹糕非常甘香, oiishiiiiii... 蝦新鮮爽脆 蝦乾很惹味, 海參亦弄得很好, 軟硬適中..總括都是不錯的選擇!

因為屋企人要去9 展睇野, 所以就順道去喜善食個lunch啦~宜家做緊午市88折。所以好似比上一次黎多人好多。呢到最好係無咩人, 唔洗等位,大把位俾你任揀。同埋呢到d 野食, 佢話係唔用味精既, 不過我唔識分有無味精。 佢有好多小菜,點心做特價, 我地3 個人叫左4樣野~1)$10 上湯鮮竹卷, 有3條, 料係多菜小肉, 感覺比較健康, d 上湯唔油, 食完仲可以飲幾啖。2)賽磅蟹, 好抵, $38咋, 個樣睇得, 食落仲好得, $38仲有幾隻帶子嫁。3)海鮮蕃茄炒麵 $40咋, 但原來炒麵, 係個麵餅炸左, 好似平時羅漢齋炒麵咁, 所以比較油囉, 但個味道好好, 唔係好膩, 個汁配得好好, 仲好細心把麵餅分左4份, 方便一人一份。4)甜品--芋蓉紫米糍, 唔係好甜, 出面個皮係用紫米做既, 好香紫米味, 入面有芋蓉, 以為好會好膩, 又唔係哦, 好好食呀! 又特別, 出面好少食得到!雖然係88折.但我覺得呢到d 點心貴左d, 小點都16蚊, 仲要小點係好小野揀, 所以食小菜係抵食好多!因為掛住食,唔記得影相, 所以鮮竹卷同炒麵就無相俾大家睇啦~最後埋單$12x, 算抵啦~

因為有coupon , 所以就揀左黎食晚飯啦!!其實呢到真係好冷清清嫁, 成晚得5 圍台。但好處係d waiter 服務好周到, 可能無咩人關係。佢地晚夜有個波士x龍蝦魚翅套餐, $138@1位~包括有半隻芝士焗龍蝦, 1 碗翅, 2-6人可以一人一個小菜, 汽水同甜品。聽落都幾抵, 我地係門口諗左一諗好唔好, $138好似都幾貴, 諗左幾諗, 個waiter 仲俾左個優惠我地, 叫4個餐就免我地一個錢, 嘩...聽完就立即入去試啦~半隻芝士焗龍蝦, 個樣幾好, 但食落無咩芝士味, 但d 肉ok既~翅係最正既, 真係有蟹肉,有真翅, d 料十足~gd~~另有4 個小菜1) 燒鰻魚...唔熱, d 味唔同日本舖頭食個d , 唔太得, 同埋好"流"2)西芹炒靈芝姑帶子, 都係好普通既一個家常菜。3)西蘭花牛油焗蝦, d 蝦唔爽, 唔係好得。4)唔知咩咩扒菜苗, 最好味既, 成碟掃晒。甜品係麥米弼/ 雪梨雪E~ 唔太甜! 好潤~~不過最唔好既一樣係D 送唔係好夠熱。最後用左$20 COUPON, 4 個人TTL $43X ~~

因為見到有買2送1優惠, 而且還有避風塘炒蟹, 金莎大蝦, 醉鴿..等, 非常吸引, 所以去試, 點知真是十分極度失望我們一行六人訂了19:00(BUFFET是18:30開始), 其中有些朋友已經準時到達(我就遲了15分鐘), 去到後發現很多食物都沽清, 還要等很久才有師傅出來添加食物, 但都只是甜品, 菜和魚, 必食推介就沒有, 尤其是避風塘炒蟹, 薑蔥焗蟹, 白灼生中蝦..等, 最離譜就是連最普通的花生雞腳, 沙薑豬手也沒有, 那時才19:00多, 叫人怎能接受, 當我看到有廚師拿食物出來時, 我已急不及待地去問他幾時會有蝦, 蟹..等再出, 他竟然回覆說沒有了, 我真的從未吃過這樣的自助餐 回程時坐SHUTTLE還不停漏水(外面落緊大雨), 搞到差不多成身都濕(這個是我的報應, 因為是我提議去這裡吃)總結只得一句 -- 差我相信除非大家能夠18:30入座, 否則絕對絕對不用考慮去這裡吃

因為要去9 展睇傢俬, 所以順道去個到飲茶!上OP做好research, 其實個到無咩得揀擇, 所以我地就揀左喜善。bk 左1130, 人地開1115, 我地係第1批人客囉!未試過去酒樓係無人, 好驚囉! 心諗係米差到無人食!原來呢間酒樓多數做旅行團嫁! 只有少數街客。個到d 點心都唔平嫁, 平均都$20碟嫁, 但宜家做緊88折。我地叫左幾個點心, (煎蘿白糕, 煎腐皮卷, x燒飽, 牛柏葉, 粫米卷, 粉果, 百花讓魚肚,燒腩仔,,)最抵食係d 麵, $38有一碟, 我地叫左碟炒河, 幾好食, 有少少spicy, $38仲有好多隻帶子tim呀!d 點心都比平時出面酒樓既大碟! 不過最差係蘿白糕, 好似食緊一舊粉團咁! 其他都ok!最後5 個人, 折左都係$25x , ok抵哦!!而服務都幾好!! 可能無咩人, 感覺上幾呀個人一齊招呼你。呢到最衰係地方偏僻, 多數有車先會去囉!!

因為就屋企人口味, 就選擇左呢間酒樓中式buffet..一入去見到係傳統中式酒樓既佈置.. 有d怪...可能因本人少食中式既buffet..食物: 優點吧: 食物夠熱,中式口味, 竟然有西式蛋糕 數埋有幾十款, 按自己口味都有好多既想食但係唔晒; 缺點吧: 飲品款少左d, 叫酒就另加錢服務: 算係咁, 加食物都幾快手地方: 整潔, 若多點節日氣氛會更好