喜喜冰室 (已搬遷) 新店位置

番學之前去買個早餐食，叫左個通粉炒蛋牛油三文治，因為朝早去所以入面無咩人，可能岩岩開舖無幾耐，都等左一段時間先拎得走，通粉食個時仲係熱嘅。無浸到淋哂，火腿炒蛋幾好食，炒蛋岩岩熟好正，牛油三文治就咁食會有D dry,我建議將炒蛋夾住三文治泥食，味道唔太特別，唔會有驚喜位，呢個價錢食呢份早餐我覺得唔太抵。

這裏主打懷舊，很有味道，我久不久會來一次。可以在這裏吃餐飽，吃渡輸餐；銀絲米粉，莎利蛋糕，很多懷舊小吃也有。今天來到就試一下他們的午餐，餐包括了餐飽，餐湯，主菜，餐茶及甜品。最後甜品來到時，竟然是我兒時最愛吃的啫喱，太開心了！奶茶做得很香滑，絕對有上上水準；好奶茶者不要錯過。牆壁很多懷舊東西看。渡輸餐：雞扒司華力腸意粉，美味。餐飽，熱熱的，甚為新鮮，對板。粟米湯，很多粟米，絕對好味。來到銅鑼灣又想懷舊一下，這間絕對是不二之選。

好早前就聽講過喜喜冰室嘅名氣,原本唔喺專登去食嘅,純粹喺去到銅鑼灣,行下行下見到呢間茶餐廳門口放左架好懷舊嘅單車,成個門面裝飾都好似回到80年代咁~ 見到咁有風情,不如就入去試下.入到裡面都感受到濃濃懷舊情,墻上掛有80,90年代嘅玩具同海報,連地磚都喺果個年代嘅style,勾起人童年嘅回憶.因為一般般肚餓,所以我地每人叫左份常餐 叉燒意粉常餐, 叉燒都算大舊,肥瘦適中,其他就無咩特別,不過個炒蛋加蔥,炒得好香番茄牛肉通粉常餐, 番茄味都幾濃,整體不過不失.服務方面態度OK,速度也很快~不過食物水平方面可以再加強

喜喜三寶飯.所謂三寶: 蜜汁叉燒 焦糖午餐肉 煎蛋叉燒做得不錯 肥瘦適中 而且份量極多 差不多佔了碗的一大半 午餐肉就煎得不脆口 而最大得問題出現在甜豉油上 味道是偏港式(偽日式)燒汁 個人很不喜歡 

今日去左銅鑼灣行街，見肚餓就上Openrice search下有咩好野食，我個人最鍾意去懷舊冰室或者茶餐廳，所以一見到喜喜冰室就兩眼發光，決定去呢度食野喜喜冰室係銅鑼灣有兩間分店，我今日就去左加寧街果間，係希慎廣場果邊行幾個街口就到，唔算難搵！喜喜冰室果然無令我失望，成間冰室充滿懷舊氣氛，不過太肚餓啦，所以一坐低即刻叫野食男朋友叫左呢個脆皮雞肶配西炒飯，佢話隻雞脾醃得好好味，不過略嫌炸得太乾身 我就叫左雞批浮台同香蕉Pancake，雞批浮台即係雞批配綠豆蓉湯，呢道菜超級特別！綠豆蓉湯好重豆味，真係勁好飲，好明顯係真材實料個雞批就不過不失，我覺得分開食會好味啲，因為個湯會浸淋個雞批，不過夠特別，起碼唔會係其他餐廳搵到香蕉Pancake真係不得了，真係勁好味，Pancake超鬆軟，而且充滿蛋香，面頭再加上香蕉果肉，核桃同香蕉糖漿，成個配搭真係起正鍾意香蕉的朋友一定要試呀！

黑白多士 $22喜喜最出名嘅黑白多士首先個厚多士烘得好香好脆搽上勁多份量勁唔孤寒嘅黑芝麻醬再加埋啲煉奶淋係上面將完全唔甜嘅黑芝麻醬配上甜嘅煉奶呢個配搭又真係幾有驚喜幾特別黑芝麻味好濃郁 絕對岩曬黑芝麻迷之後仲嗌多咗杯飲品黎試下 就係谷古啦黎到啲比較懷舊嘅冰室 好多時候都有呢啲飲品唔係間間茶餐廳都搵得到架而呢杯谷古都算正正常常 落足粉唔會太稀但係就真係太苦 到最後都係加咗粒糖 先較易入口

喜喜係一間裝修好vintage既冰室， 記得以前睇過一個atv節目訪問陳奕迅，都係呢度取景我真係好中意食常餐，成日去茶記唔睇menu就嗌常餐，今次都唔例外，嗌左個懷舊常餐。 呢個常餐幾出色！本身常餐係叉燒意粉，不過我食果時賣哂，轉左沙嗲牛肉，味道唔錯，意粉唔硬唔林，幾爽。奄列有火腿同蔥，好味。多士就燶左d奶茶夠燶，奶同茶既比例剛好，好飲整體來說，好食!環境又好，又靚又好坐。果日去無乜人，同朋友係度食個常餐，兩個人傾傾下計都坐左個幾鐘，好安靜好悠閒好舒服

成日聽人講這裡有雞批配豆湯，覺得點解會有咁既配搭覺得好奇怪，專誠來銅鑼灣這裡試試我叫了一個雞批浮台同一杯奶茶，享受屬於自己一個的下午。雞批上臺時仲係暖暖的，都還算鬆化，配合豆湯，鬆化批餅融入豆湯，咸咸甜甜都不錯。奶茶向來是我最愛，這裡的奶茶頗香滑，茶味和奶味比例均勻，入口不錯。總結來說，食物不錯，下次會再試其他東西。

畢業後一直沒有碰面的小學同學，三月底從加拿大回港，在繁忙的日程中，只能騰出兩個小時的下午和我們一起懷舊一番。選擇喜喜冰室正是因為他那裝扮懷舊的外表和室內裝修。其實這些懷舊玩具，很多我也沒有玩過。反而算盤我卻有認真研究過。這部電視是真的嗎？讓豬豬最感興趣的，竟然是這個巨型晾衫木衣夾。實在太有親切感了！港式絲襪奶茶，口感香滑，茶味香濃，合格！黑白多士，黑芝麻醬和煉奶這個新鮮配搭還可以。奇怪的是，黑芝麻醬帶點口感苦苦的燒焦味，也許炒黑芝麻的時候過火了吧。

剛好有一天在銅鑼灣開完會，就跟大哥都附近搵食，無意中發現呢間幾有特式的茶餐廳．完全以懷舊影院做主題，而我地坐既位都係戲院椅，我個張仲要係入牆的，但因為跟大家一起食，唔係咁好意思成個港女周圍影相（內心十分想影，哈哈）懷舊茶餐７，全日供應叉燒湯意我覺得好一般般個奄列都好ＯＫ足料，而且多士好香，我好喜歡

一間刻意裝修很懷舊的冰室，內部陳設每個角落都有悉心安排過！首先講吓食物方面，沙嗲牛肉叉燒通粉，牛肉有味、叉燒亦很「淋」難得！多士+煎蛋，多士上應該加了芝士再焗，金黃色及咸咸的，蛋煎得微濃。算是有心的了😋室內一直播著7、80年代的電視節目，見到的人和事都覺得很有趣👍整體都覺得很滿意😄

下雨天, 總掛念從前……星期日同男朋友睇完戲，決定回去爸媽年代，懷舊一番 ！之前無意中睇食評見到呢間"喜喜"，巧有黑白機年代feel , 見咁多好評，一於試下先……六點零鐘到達，室内陣設簡陋，甚有五、六十年代feel, 客人唔多...我地參考左食評中既推介，就點呢几款試試 :-1.特餐 (香蕉班㦸+雞批浮台) : 香蕉班㦸加左料喎 , 有雲呢拿軟雪糕係面既 , 班㦸其實係兩塊軟熟既熱香餅，淋上左花生醬及數粒核桃，班㦸面上再加上兩三片香蕉，味道不錯。雞批浮台既賣相怪無怪樣，一點也不討好！個綠色青豆湯麻麻地，無厘味道 ，又唔夾個雞批 ，只係為左個名而營造出來既效果罷了 ！雞批濕左落個青豆湯, 批皮腍左一d都唔好食，無哂酥香既口感 囉！幸好內饀有些少嫩雞肉撘夠！2.黑白多士 : 未食過咁既多士，貪新奇試下喇……只是多士上擦左黑芝麻醬加練奶 , 黑芝麻醬巧薄身，味道普通過普通，揀西多士好過，味道都勝百倍 啊！3.熱B仔鴛鴦 : 味道係阿華田加好立克，面頭放左粒大綿花糖，嗜甜既我都覺得甜耶耶呀 4.凍B仔鴛鴦 : 用特餐轉款加5蚊凍飲, 男朋友話甜到爆。冰室裝飾

女朋友仔期待以久既喜喜冰室，今次終於有時間去試一試。女朋友話好想試下雞批同黑白多士啊作為男朋友既我當然會陪佢去試食啦，我地下午在尖沙咀看完電影後，便前往目的地了。點之。。。中伏作為食家既女朋友都唔好意思門面好有懷舊feel店內裝飾佈置也很懷舊1.黑色多士:多士厚厚的洪得好香脆，但可惜唔熱既。。。多士面上加上黑芝麻同煉奶，食落感覺真係一般，正宗既西多士好食d.2.B仔鴛鴦:這個係柯華田加好立克，面上仲有粒棉花糖添。一個字講哂。。。勁甜囉3.雞批浮台:雞批加豆豆湯，雞批麻麻地，雞肉同菇勁少，火腿直頭係無既，本來都算，個豆豆湯係完全唔夾個雞批囉，我睇見個豆豆湯就唔想飲。4.香蕉班戟:這個算係最好食的，但比我既感覺係，好似係m記食物，軟雪糕好好味同m記一樣，班戟都好軟淋淋熱烘烘的，但係又勁似m記既熱香餅，仲有香蕉其實好新鮮好香。可以一試

早陣子聽過喜喜冰室，但一直都未有前來。今天與朋友在銅鑼灣逛街的時候，突然想起喜喜冰室便前來一試。一看餐牌便看到很多高卡路里的食物，但每一款食物都很吸引，所以我們沒有多想便點了好幾個食物。公司三文治麵包烘得外脆內軟，非常討好。不用多說，一看這照片便知道這三明治的餡料十分之多。由於餡料多，吃下去很有滿足感。餐肉和雞蛋煎得非常香口，而生菜和蕃茄兩樣都非常新鮮，十分美味。黑白多士老實說，奶醬多試得多，但從沒有試過黑白多士，所以我們點了一個。多士厚厚，烘得外脆內軟，口感絕對是一讚的，但熱多一點會更好。濃濃的黑芝麻醬與煉奶配搭得宜，令我們吃過不停口。咸牛脷一丁麵厚厚的咸牛脷煎得十分乾身，一點也不油膩，帶有咸香而不會過咸，美味得很。有時候吃外間一丁麵的湯底都是過咸，但這個香濃得來又不會過咸，很值得一讚! 可惜的是一丁麵有少許過淋的情況出現。雖然黑白多士和咸牛脷一丁麵各有一點美中不足之處，但整體食物還是美味可口，所以再回來用餐的指數是甚高的。

脆皮雞肶配西炒飯$66 成日聽到喜喜冰室 今日終於有機會試下啦 去左銅鑼灣個間 啲侍應好nice 個環境好有八十年代feel 連糖都係用方糖 好耐無見過 入到去 見到差不多每張枱都有人點雞脾 個侍應都話哩個係招牌 咁就試下啦 雖然價錢都小小貴 但係以哩個食物質素 我個人覺得值得嘅 雞脾皮脆肉嫩滑 最緊要係個人不愛洋蔥 個西炒飯 無洋蔥 料多好足 超好味 如果想食啲懷舊境嘅就可以去喜喜冰室哩種港式茶餐廳 勁力推介評分:7.5/10☺☺☺白雪公主 七喜加雲呢拿雪糕 就黎熔但又係汽水上邊就係頂級享受 細細個冰室成日都有黑牛就係類似咁既懷舊飲品公司三文治 三層麵包 有蛋蕃茄生菜 午餐肉芝士火腿叫人又愛又恨 有新鮮健康既蔬菜但另一面夾著邪惡的芝士午餐肉 不肥膩也難 真的叫人再三增加罪惡感總評8/10