喜相逢 (砵蘭街)

营业中

休息中

好好味，辣辣地。 你陣間餐廳 夜晚就做酒吧日頭就賣下餃子餐廳位於 太子地鐵站旁邊好鬼方便喜相逢 你個名都好京川滬入到去試下佢啲餃子再試下佢嘅 川味雞餐牌都係用上車仔麵嘅感覺 當然食咩嘢就聽乜嘢餐廳原本夾掉係酒吧格調 所以坐位好闊落好舒適飲水都係自助的 有好多種選擇你啲 秘製 味雞非常好味大大啖全部肉 我叫咗一個例牌一個人食剛剛好水餃大大隻原味水餃配上清湯分外嘢未食得出 蝦肉鮮甜紮實每一粒都係大大粒用心製作 值得推介呢一間小店值得推介

有日喺太子發現呢間話係正宗四川手工餃子店，天時暑熱又唔想食粉面飯，就揀餃子食啦！佢個樣勁有風味，離遠睇唔係好似食餃子，不過有個大Banner，所以就吸引左我食😛我主要叫咗一個湯餃子一個煎餃子，問吓職員佢話鴛鴦戲水即係酸辣湯嘅餃子😆職員（定係老細？）仲同我哋傾左幾句佢話佢係四川人，啲餃子都係佢自己整👍🏻👍🏻叫咗韭菜豬肉煎餃子有六隻，煎到個底金黃色勁靚，好香口！而且咬落去好juicy! 職員仲好細心咁叫我哋煎餃子要趁熱食😋白菜豬肉湯餃子，有八粒，咬落去啲餡料都幾多。職員拎咗兩款醬汁俾我哋嘅，用嚟配餃子。左手邊似係用咗陳醋，微辣，用嚟點湯餃子，又幾襯喎。右手邊係菜譜，我勁鍾意食，咬落去好爽，又係微辣，食完勁開胃。招牌口水雞（例牌）呢個份量都幾多，啲雞都幾嫩滑，我要左小辣，不過發現唔係好夠辣，啱啲唔食得辣嘅朋友。下次可以叫中辣😗仲要係價錢好抵 一份餃子$30幾$40就有🥟👍🏻

今日去咗太子做嘢，夜晚就喺地鐵站附近度食嘢，揀咗呢間D出口轉個彎就到嘅喜相逢。呢度有麵、餃子、特色小食，各種切雞食，我就每樣都食咗啲。🐣 醉雞 （$78）一食發覺呢度嘅醉雞，比我以前食過嘅醉雞，酒味都要濃烈。問一問老闆娘先知，佢係用咗花雕酒同另外幾種酒特調嘅，出面食唔到咖！而雞乽大係十分嫩滑👍🏻🍜 重慶小麵 （$36）麵入面有青瓜、芝麻、雞肉絲、芫茜，仲加咗袐製麻辣油，正🤪 我叫咗小食都辣咗啲啲，好彩有豆漿送😛🥟 白菜豬肉煎餃 （$33）餃子煎好熱辣辣咁上枱，老闆娘提我煎餃一定要襯熱食，唔係凍咗就會變硬唔好食咖啦～ 我襯熱食，個皮脆脆哋好正🥰價錢相宜、食物出色，會再黎👍🏻

要不是有人介紹, 真的不會走進去呢!喜相逢門面像一間韓國菜, 走進去像酒吧, 坐下拿起餐牌的一刻才會發現: 原來是食餃子的!!!真的是人不可以貌相喔~餐紙雖然精簡地只有一頁, 但應有盡有~醉雞-例牌《$78》※ 推薦指數: 4/5身為一個超愛花雕的人, 見到醉雞就一定要點吧!只點了例牌, 份量都不少, 當日好運地得到雞脾位呢~醉雞酒味超濃香, 酒香味十足! 雞皮雞肉又爽又滑, 但就是少了點肉。鴛鴦戲水-香菇芫茜豬肉餃x雲耳椰菜豬肉餃《$40》※ 推薦指數: 4.5/5鴛鴦戲水其實是解麻辣湯底。點了香菇芫茜豬肉和雲耳椰菜豬肉, 兩個都很不錯!而香菇芫茜豬肉就芫茜迷必試, 因為芫茜份量夠所以很香, 而且不會切得太碎, 滿有口感的。煎餃-韮菜豬肉餃《$33》※ 推薦指數: 5/5比起湯餃, 大推煎餃呢!煎餃的皮更加彈牙, 而且煎得像鍋貼般香而不膩, 即使只是韮菜餃, 都已經好好味重慶小麵《$36》※ 推薦指數: 3/5這個普普通通, 雖香辣但麵質不夠爽口, 中規中矩之作。

今次去這間是朋友介紹的餐廳，有西式同中式食物仲要有辣當然就和朋友來吃啦，來到見到裝潢都幾特別，有個餐牌入面好多西式食物而餐紙就中式食物，我們二人叫了五款食物都二百一十多都好抵食而且仲要食不完，坐的位置都幾好，下次可以和朋友來試西式。雞都有幾款選擇都是我喜歡，待應講這個秘製醉雞有不同就叫了，雞皮竟然有點爽口，細問下原來是走地雞，肉質幾嫩滑而且好入味。以為細碗的重慶小麵來到都不少，我們要了小辣就剛好，麵幾爽身，配菜不少幾惹味。我們二款餃都有叫，湯餃可雙拼，雲耳椰菜豬肉餃和芹菜豬肉餃，餃都幾大隻而且料十分多好香。煎餃就香菇元茜豬肉餃，推介好食，皮脆口而入面加了元茜煎完更香，仲有辣油和菜甫夾住一齊食。水晶皮蛋，黃色比較少有，沒有黑的有股味，但食到少許流心效果，醬汁都可以，下次要叫再多點醬汁更好。

今日喺太子買完啲嘢，突然好想食上海野，就搵吓附近有咩相關餐廳。估唔到入面都幾有氣氛情調，自己一個黎食都覺得好浪漫。😍😂我叫左個鴛鴦戲水，可以叫兩款餃子。我叫左雲耳椰菜豬肉餃同埋香菇芫荽豬肉餃。份量好多，我唔係好食得辣，所以叫左清湯。估唔到湯底都幾鮮甜。佢仲有d生菜，唔錯唔錯！好足料，d雲耳同椰菜都好爽口！稱得上皮薄餡令！感覺到每一件餃子都係用心製作。我好鍾意食芫荽，所以覺得好多芫荽真係好正！同埋我覺得佢有少少微微皮蛋味，真係好似飲緊芫荽皮蛋瘦肉湯咁哈哈！如果你覺得清湯太寡，佢都比左d菜脯比你送口！然後我再叫左個雞絲湯麵，佢個麵好好食好爽口，配雞湯一定唔會唔好食！睇圖就知佢d雞絲勁多，我自己食雙拼餃子同埋個湯麵真係好飽！好滿足！

今日同朋友去左太子一間小店食家常美食，呢間店係主打水餃，呢度既水餃都係老闆每日親手用心去包既！除左水餃，仲有好多地道四川家常小食。黎呢到當然要點佢既招牌水餃啦，我地點左碗湯餃，選左雙拼既味道，我地點左韭菜豬肉餃同埋雲耳椰菜豬肉餃。佢既餃子皮厚薄岩岩好，入面啲餃子料好新鮮，韭菜既味道好香，而雲耳椰菜豬肉餃既口感就好豐富！我地仲點左煎香菜豬肉餃，煎餃有另一種風味，一樣咁好味！有啲辣醬，鐘意食辣既人岩哂啦！另外，呢個雞絲湯麵都好正，雞絲幾嫩滑，加上鮮甜既湯麵，係家常既味道啊！最後，我地仲點左水晶皮蛋，呢個皮蛋好特別，係透明既，第一次見，呢款皮蛋比起傳統既皮蛋無咁濃烈，好易入口。食辣野配豆漿就一流啦！

位於太子餃子店，入面既裝潢比較古式古香，主打既餸子都係店家每日新鮮制作麻辣水晶涼皮 $36(美味指數: 😋😋😋😋😋)有大，中同小三個唔同辣度選擇。今次試左小辣，好惹味。份量十足，而且加左青瓜絲，雞肉絲同蒜蓉粒。到主角粉皮，大大條，唔會好碎，每一條都吸晒辣汁，係好好既開胃菜水晶皮蛋 $28(美味指數: 😋😋😋😋)同個名一樣，真係好似水晶甘透透地明既。口味彈牙，唔會好硬，蛋黃有點流心狀態。雖然個汁係唔辣既，冇咁重味而且好香湯餃子 $40(美味指數: 😋😋😋😋)到主角餃子，有湯餃同煎餃選擇，今次選擇左湯餃。而湯餃亦有辣湯同清湯選擇，可雙併或單拼。今次選擇左香菇芫荽同木耳椰菜餃，最怕餃子皮太厚同太乾，但一咬開係爆汁，而且粒粒都係爆料，絕冇偷工。特別係香菇芫茜餃，絕對適合鐘意芫茜既朋友。另外酸辣湯底酸酸辣辣，配餃子都唔錯😋整體食物質素：4 / 5💰性價比：4 / 5👍推薦指數：4 / 5

預防感染新冠肺炎加上禁聚令，我放工都叫外賣回家吃，減少外出用餐。公司附近有一間充滿四川風味的小店，hello, 喜相逢。我叫左麻辣水晶粉皮 （小辣），四隻白菜豬肉餃& 四隻雲耳椰菜豬肉餃雙拼（小辣）。10分鐘就到喇！麻辣水晶粉皮係凍食，水晶粉皮勁好咬，有口感，唔係好多地方有，加上青瓜和雞絲，辣味同酸味調教得啱啱好，辣味酸味慢慢浸出黎，好好食又特別。白菜豬肉餃 拼 雲耳椰菜豬肉餃 ，珠圓玉潤的餃子，隻隻都好大隻，熱熱的，餃子皮厚度適中，咬落去啖啖肉，又有肉汁咇岀嚟，菜同肉既比例啱啱好。白菜爽口，雲耳椰菜有好香雲耳味，又好甜。

店舖裝修十分古色古香，大大個招牌寫住舖頭名 入去坐啲座位都好舒服，樓底好高！小店來講食物選擇都算唔少一定要叫呢度嘅招牌湯餃湯底係酸辣湯底，可以揀大中小辣～ 我哋揀咗韭菜豬肉同埋白菜豬肉餃雙拼韭菜豬肉餃嘅餡料好嫩呀～ 仲要好足料 韭菜味好香呀白菜豬肉餃就比較淡味，但係都唔錯 同樣係好足料另外在叫咗一款煎餃，揀咗香菇芫荽豬肉餃～ 每一啖都好友芫荽味配埋旁邊個辣豉油，正小食都點左幾樣～ 醉雞好入味，每啖都係濃濃嘅酒味呀 雞唔算好滑，但啖啖肉，滿足～ 小食來講我最鍾意呢個！有青瓜絲，肉絲同埋麵條，撈埋個辣汁，夠凍又好惹味呀！最後仲叫埋個皮蛋試吓，如果鹹多少少就好啦

今日有嘢做來左太子，經過望到呢間門口都幾特別，望下餐牌原來係食餃子🥟嘅！都好啱我，有湯餃又有煎餃，另外仲有好多小食，選擇都好多！所以就決定今日晚餐係呢度解決啦！入門口前度下體溫保障下大家先！座位都分得好開，好安全！每次食餃子我都會揀一款湯餃同一款煎餃，來比較下😆！而今次湯餃方面就揀咗雙拼（8隻），韭菜豬肉同白菜豬肉各4隻，而湯底仲可以有辣度揀，本身都鍾意食辣所以一定係揀辣啦！不過喉嚨岩岩好返都唔敢食太辣住，所以揀咗最小嘅小辣！來到就試左個湯底先，酸酸辣辣好開胃😋而白菜豬肉餃就較淡味、韭菜豬肉餃就較濃味，食完一隻白菜再食一隻韭菜真係配搭得啱啱好👍🏻餃子皮真係一啲都唔厚，真係皮薄餡靚！煎餃方面就揀左雲耳椰菜豬肉餃（6隻），食第一啖真係好有驚喜，個底煎到好脆，其他位置又好煙銀好有口感👍🏻真係好正，不過就係細隻左啲，兩啖就食完一隻！老實講一份我都唔夠食🙈！

餐廳既定位應該係東北地區既食物，所以主打係餃子同其他辣既小食。如果鍾意食辣既朋友不妨可以黎試試。醉雞例牌$7878蚊既價錢唔算太貴，份量都okay有10件左右。味道就還好，酒味好濃郁，可能本身自己對酒既苦味有d抗拒，所以就唔太中意酒味太重既醉雞。麻辣水晶涼皮$36份量唔少，35蚊既價錢都幾抵。唔食得太辣既朋友可以叫店員落bb辣。涼皮好彈牙好有咬口，再加上青瓜絲同雞肉絲，口感幾豐富。總結餐廳都幾抵食，可以一試。

太子界限街附近不嬲都多野食，今日去附近想搵間餃子店食，openrice搵到呢間就直接入去食午餐。入到餐廳就比到我一個視覺既衝擊，雖然係上海菜餐館，但裝橫似西方酒吧風，黑色紅色既配色加張梳化椅，煮野食既吧枱，感覺都幾特別。然後睇緊餐牌期間突然有隻黑色小貓走過黎我地個位，眼仔碌碌超可愛，一D都唔怕人餐筷用獨立筷子，疫情底下夠哂衛生餃子有分水餃同煎餃，水餃同鴛鴦戲水既分別係前者係湯餃 有滿滿湯水上菜，而後者就係唔係浸哂。餃子價錢相宜，最平可以33 最貴都係$40我地叫左湯餃相拼白菜豬肉餃 （四隻）拼 雲耳椰菜豬肉餃 （四隻）皮都好薄，白菜豬肉爽口多肉，雲耳椰菜有好香雲耳味，味道同白菜豬肉既味道有所分別，唔同菜既鮮味上左湯餃既同時店員送上菜脯比我地伴菜，只係加一兩粒，就令口感同味道層次提升好多煎餃揀左 香菇莞茜豬肉 ，配上辣油 （雖然我湯餃都用左辣油點）一食煎餃，真係特別驚訝，係好好食皮唔係用湯餃既麵粉皮，係非常之薄。但經過煎一煎，食得到底下既焦香及脆口再加上莞茜同香菇餡，真係秒速之間就食完一碟除此之外，我地仲叫左麻辣水晶粉皮。雖然我同朋友都中意食酸辣，但係我地唔食得辣，見到之前openric

上次食過之後覺得不錯 今日又係太子附近決定再visit一次 食上次未有機會食既野先🥢醉雞友人想食醉雞 濃濃酒味 如果你鍾意飲酒哩碟醉雞好岩你食 例牌唔夠下次叫半隻🤣🥢麻辣水晶粉；中辣醬汁好正 又酸又辣又麻 三種口感齊晒上面有大量蒜頭，花生🥜，芫荽夠晒香水晶粉份量不算好多 但絕地夠食 因爲佢好煙Un...食太多反而會唔消化🤭🥢重慶小麵我推介比朋友食 上次食過好好味哩個價錢30幾蚊有咁大碗麵好抵個醬汁比水晶粉酸小小 成個麵有雞絲，花生，蒜頭夾住食好多重口感🥰🥢韭菜煎餃姐姐話係即時包 時間耐小小 不過好新鮮 個餃子皮同上次水餃個皮係唔同煎餃個皮係煙韌唔厚皮 餃子底部煎得好脆豆漿今日賣晒所以無特別叫飲料飲水健康d 店鋪有隻黑色小貓 好得意 一d都唔怕人

今日放工之後太肚餓，所以去左附近搵野食，醫下肚先返屋企，見到呢間既裝修好古色古香，好有古代茶樓既味道，而且環境好清幽，於是就揀呢間食，返工忙完一輪想relax下。食川菜當然唔少得食辣既野啦🤪🤪🤪我地點左個麻辣水晶涼皮，佢有分唔同程度既辣，我朋友唔係好食得辣，所以我地點左小辣。不過少辣黎講，我覺得辣味都好夠👍🏾👍🏾👍🏾第一啖食落去係普通既辣味，不過慢慢係口中變麻，而且個麻既感覺都keep到好耐😂😂😂😂連我朋友唔食得辣，都覺得個麻辣好正😍😍😍另外我地仲點左隻蔥油雞，雞肉一啲都唔鞋口！！仲有～～～見到雞骨間有少少煮熟左既新鮮血😯😯😯即係佢地既雞係用新鮮雞而唔係冰鮮雞，肉質較為好！！😋😋😋😋😋而且脂肪比例較少，岩岩注重健康既都市人🤟🏾🤟🏾🤟🏾最後，我地點左個拼湯餃，白菜豬肉餃+香菇元茜豬肉餃，兩款都好好食😋😋😋皮薄得黎又唔會穿，肉汁係哂入面，而入面既餡料都好足好豐富😍食完呢餐真係好飽好滿足😘😘蔥油雞（例牌）$78麻辣水晶涼皮（小辣）$36湯餃（白菜豬肉餃+香菇元茜豬肉餃）$40喜相逢 (太子)太子砵蘭街420號地下B號舖