喜相逢 (砵蘭街)

营业中

休息中

今天專程出來太子行街，順便在這邊食晚餐，一向都知道太子係一個覓食好地方!經過太子砵蘭街呢間食餃子的店，一邊寫住"喜相逢"一邊寫住"晉家門"，門面感覺非常有趣，充滿古色古香，決定一試入到去燈光昏暗，感覺有點像古裝片，但有卡座坐，坐得舒服!現在疫情期間還會探熱和提議消毒用品，令你食得放心我們選了 蔥油雞非常好食!雞肉不鞋而且唔會好多肥膏，配合埋蔥油汁!食到唔停口，令我想起我婆婆那邊的秘制家鄉的味道!令人回味!另外點了煎餃子一款是香菇芫荽豬肉煎餃，另一款是韮菜豬肉煎餃兩款都煎得香脆不油，皮薄餡靚，食落 juicy, 配埋秘制醬汁一流!還一款是重慶小麵是冷麵，麻辣醬汁加埋雞絲青瓜絲，辣得過癮之餘加埋青瓜絲中和返，很清爽食得很過癮!喜歡辣的朋友必定喜歡!

今日同媽媽出太子買野同抖氣😛 順便醫埋個肚~~路過見到喜相逢裝修幾特別 有種客棧feel 加上本身鍾意食餃子🥟 所以就決定試下!🏮門面同店內環境一樣有古色古香既感覺~~食物方面💁🏽‍♀️-原本諗住叫西洋菜豬肉餃 但係店員話西洋菜最近質素麻麻 有苦澀味 所以就改叫雲耳椰菜豬肉餃~~-我地無留意到鴛鴦戲水係辣架😛 好彩店員問一問我地要咩辣度🌶 因為媽媽唔食辣 所以轉左做普通湯餃~~秘製醉雞(例牌) ($78)雞肉偏瘦 無咩脂肪 雞皮好彈牙每件雞件酒香味好重好重👍🏽雲耳椰菜豬肉煎餃($33)店員溫馨提示我地要快d食左煎餃先 又因為知道我地有人唔食辣 所以俾左碟醋同菜脯我地👍🏽✨呢度既煎餃無油膩感 餃子底煎到金黃香脆岩岩好~~而且皮薄餡靚😋雙拼湯餃($40)香菇芫茜豬肉餃🥟芫茜控必試🌟 因為芫茜份量非常多啊!芹菜豬肉餃🥟芹菜餃係比較少見既餃子口味~~ 果然有驚喜!! 可能因為川菜口味 所以加左酸菜喺入面 味道豐富左 無咩青味👍🏽豆漿($12)大和豆漿豆味重啊😋感覺呢閒小店好用心經營老闆娘(?)兼任大廚 一直密密煮店員服務態度好 又好細心 招呼客人之餘又即場包餃子🥟最緊要係食物性價比高 值得再幫襯

餐牌選擇都好多，都係啲重慶四川嗰啲辣野，都幾吸引，價錢唔算貴，而且環境好似中式祠堂嗰啲，都幾得意。重慶小面$36我個friend叫咗中辣，嗰種辣味係好香，而且係喉嚨都彈返出嚟，而且啲麵質系好有彈性，唔錯！麻辣涼皮$36呢個見到佢咁靚嘅透明就知道夠爽口啦，仲有啲雞肉青瓜嗰啲係好吸引。韭菜豬肉煎餃$33-6隻不得不提呢度嘅餃子真係好正，基本上係專人即叫即包，超級新鮮而且啲韭菜份量好多，加埋佢哋個辣醬真係無敵⋯拍青瓜$28水晶皮蛋$28 食小食點少得呢兩款，青瓜味道酸酸地幾開胃，最緊要係水晶皮蛋顏色好靚，冇平時食嗰啲皮蛋咁濃烈，但係特別彈牙！

呢間餐廳嘅裝修非常特別有種古舊嘅感覺唔係好識形容佢嘅style 好似70年代嘅嗰啲音樂場所咁佢主要係食餃子同埋一啲小食嘅🥟韭菜豬肉煎餃 $33佢唔算煎得好油係個底有少少煎過嘅痕跡 入面嘅韭菜同肉餡料都好豐富 🥟湯方面係雙拼白菜豬肉餃同冬菇莞茜豬肉餃 $40白菜豬肉清清地都幾好食冬菇芫荽餃既 芫荽味就好重 鍾意食嘅就一定唔好錯過🍜雞絲湯麵 邊似係傳統嘅嗰啲黃面 上邊就撒左啲雞絲 都幾大碗🍜重慶小麵$36都幾辣下 係麻辣嘅 我哋已經揀少辣 但係都覺得好辣😂😖但佢辣得來其實都幾香最後叫咗支豆漿$12 去配啲辣嘅面 都幾減到辣😂😂🤓兩個人食$200都唔使 但又食得好飽 所以都唔算貴 同埋如果鍾意食啲涼拌小食佢都有好多可以食☺️有機會仲可以見到貓貓🐱

每次想食得輕盈少少，我通常都會選擇食餃子。今日就去咗太子一間裝修好古色古香的餃子店食午餐。我哋二人一共叫咗2碗共四款湯餃子， 一份水晶皮蛋同一客雞絲湯麵。水晶皮蛋$28，先講講有驚喜特別之處—皮蛋是淡黃金透明精瑩通的，因為用上被稱為黃金皮蛋的皮蛋，配埋特製嘅川汁，小小辣辣地非常之開胃。湯餃$40/8隻，而且可以雙併，即併每款各4隻第一款當然係我最愛—韭菜豬肉餃，餃子皮厚度適中，其實只要睇餃子皮就已經反映到隻餃子味道如何。啲餃子個size都幾大，所以份量絕對夠食，八隻已經夠飽 。另一款芹菜豬肉餃，芹菜味非常之香，但係芹菜個味，有啲人就非常抗拒，所以點之前要睇清楚 。另外一隻雲耳椰菜豬肉餃，雲耳配上椰菜味道出奇地匹配。最後一款就係白菜豬肉餃， 白菜好爽脆好有咬口， 整體嚟講呢一間嘅餃子都幾唔錯 。其實最想試的是季節限定的西洋菜豬肉餃，可惜西洋菜而家唔係季節。雞絲湯麵$36 配上清湯，上台時有一股麻油香，卻沒有太多花巧，有時簡簡單單就係最好。順帶一提店舖提供嘅菜脯整得好好食， 配上餃子食就錦上添花，而且是免費的。

經過太子見到尼間主打川菜同手工餃子既店鋪，裝飾古色古香，播住懷舊經典金曲。廚房係開房式，但係絕冇油煙味。除左川菜仲有西餐可以點，選擇多多。叫左秘製醉雞例牌($78)，鴛鴦戲水湯餃($40)，雲耳椰菜豬肉煎餃($33)。醉雞係餐廳既必食推介。醉雞酒味香濃，每啖雞肉都充斥住花雕味，而且脂肪凝結成膠狀，加上鮮嫩既雞肉口感豐富，伴碟有少少曬乾咗既杞子。湯餃可以雙拼，各款有4隻。揀左香菇元茜豬肉餃、白菜豬肉餃，湯餃每粒都脹卜卜，餡料十足。香菇元茜豬肉餃既元茜味非常重，有大量元茜，適合中意食元茜既人。而白菜豬肉既比例均勻，粒粒都好足料。湯餃會附送辣辣地既菜脯，爽口帶辣，令淡淡地既湯底更添色彩。雲耳椰菜豬肉煎餃，煎得剛剛好，唔會過火，尼個餡料既配搭好有層次感，而且食落好健康，點埋四川辣椒醬汁就過哂癮。整體，餐廳裝潢有心思，以木為主既設計令人有種好似去左古代食餃子既感覺。餃子餡料豐富，而且包得靚。抵食。

放工長征回家，中途來這裏晚餐。環境中西的古色混合風格，顯得份外型。泡椒鴨舌，$78。份量其實很多，有肉地好軟潤，夠辣夠滋味。再加上爽口配菜、口感豐富。食到停不了口😋。重慶小麵，$36。雖說是小食，但份量足夠當主食👍。似撈麵版的四川擔擔面。麵質乾爽Q彈，醬汁完全吸附在麵條上，好惹味。混有雞絲、切條配菜、花生粒 ，口感一流。鴛鴦戲水，即雙併自選餃子各四隻，$40。湯餃，麻辣。可選辣度。要了雲耳椰菜豬肉餃，白菜豬肉餃。餃子皮厚度剛好，肉餡新鮮，特別雲耳椰菜豬肉餃，更帶有鮮爽口感。如果覺得辣，枱面有清水，可自行飲用😆。同場加映外表和這裏絕襯的高傲又可愛貓貓。下次再來探牠😉。

是日返夜開工前黎太子附近幫朋友買啲野🙈搞掂正值Lunch時間🍴還掂連早餐都未食一於黎同隻豬食下川香小店醫肚先🤪位於太子砵蘭街既喜相逢🏮😋喺太子站D出口行過黎亦夠哂方便😆呢度簡約設而充滿古色古香設計既環境裝修🙇🏻‍♂️大廚亦煮出性價比高既川香料理👨🏻‍🍳😆睇得又食得之餘仲好經濟實惠抵食🤪🤪🥟🤤韭菜豬肉煎餃煎餃餃子皮都算薄身之餘🥟內裡肉餡脂肪比例均勻唔會太過肥膩😆混合韭菜及豬肉既肉質都夠滑嫩Juicy及口感🤤🥟經煎香既餃子又難得少油煎煮更為健康😆🥟香菇芫茜豬肉餃餃子會拌以無味精既老火清湯送上☺️🍲加入芫茜配合既豬肉湯餃既增添風味😋🌿拌以香菇粒更使口感昇華😋乃芫茜控之大愛也🌿🤤😆重慶小麵以花生生蒜雞絲等配合拌煮既風味麵食🍜😋配合爽口彈牙既重慶小麵係絕配😆😋🍜水晶皮蛋秘制醬汁夠哂開胃之餘😋營造出溏心效果既皮蛋更係難得一見😆做開胃菜一流😋涼拌木耳爽口彈牙拌木耳😋富有微香香醋味同麻油香之餘😆夠哂開胃再配合辣椒粒更增添微微辣香😋🌶

平時好少會去食上海菜 但呢間既裝修 令我不自覺走入左去好似入左去一個古色古香既餐廳🍴價錢都幾相宜 鄰近太子站秘製醉雞 ($78) 例牌超超超超超醉！如果食開重口味 呢間既醉雞 真係要黎試下而且雞件都幾多肉 好入味之餘 食落去噡噡肉招牌菜係餃子🥟湯餃 （可雙拼-$40）雲耳椰菜豬肉餃 4隻+韮菜豬肉餃 4隻食材相當新鮮 一咬落去就好有鮮味個皮包得好薄 好考功夫😍而個湯似係老火湯 好飲到成個湯飲曬😳麻辣水晶涼皮 （$36）利申已經嗌左小辣！！但都係好辣😂😂 果然係地道菜辣道都同普通辣唔一樣😆 所以我最後都係食唔曬🤪不過個涼皮係超透 超彈牙 好好食配搭埋d香料+雞絲 簡直係地道美食😆

係附近行完金魚街，睇完貓貓狗狗，就去左呢間醫肚。🤩開胃小菜涼拌木耳四川風味，可以選攞小辣，中辣，大辣！不過，我本身不食辣，揀左小辣都搞掂掂。我朋友就好鐘意，因為佢有芝麻，蔥，芫荽，再加啲辣油，超野味！啲木耳清脆鮮美，滑嫩爽喉，做到「素中之葷亅嘅效果？🤩白菜豬肉餃，香菇元茜豬肉餃，韮菜豬肉餃，雲耳椰菜豬肉餃我揀左雙拼，每樣4隻，配上老火湯，更特顯到餃子的鮮美。每款餃子餡料豐富得幾乎撐穿餃子皮，豬肉同菜的比例都剛好，菜多肉少，非常健康！蔬菜色澤鮮綠，口感清脆！每款都各有特色！🤩芹菜豬肉餃我採用煎的方法，估吾到佢保存都肉汁！油而不膩！加上，一些酸菜，又酸又鹹，更添口感！打邊爐都可以外賣一打番去！眾多款之中，我特別喜歡韭菜豬肉！店主話不食的時候，可放冰格，吾止放2星期！佢地成日收到好多訂單，如果吾想等，要早點訂購。今次，我臨時要外賣，要等10分鐘，佢即包比我！

又係幫人補完習，要食嘢補充體力嘅時候啦！今日唔太想食飯或者麵，就一於去食餃子啦😆依間係太子嘅喜相逢好近地鐵站，超容易就可以揾到。店舖環境ok嘅，係暗咗少少😆我點咗一份雙拼湯餃子(四隻白菜豬肉餃同四隻雲耳椰菜豬肉餃）同一份水晶皮蛋。我怕自己受唔到辣，所以仲叫咗豆漿😂😂😂如果一個人去食，我建議大家真係好肚餓先點埋小食，因為佢啲餃子好足料🤣先講白菜豬肉餃，一食落去有少少酒味，再感覺肉汁嘅味好強烈，但因為有白菜嘅關係，味道重得離唔會太過👍🏻第二隻我就點咗辣油，食落又另一翻風味！我幾推介大家好似我咁先試佢嘅原味道，再根據個人喜好點辣油😆雲耳椰菜豬肉餃嘅豬肉味同酒味無白菜豬肉餃強，但依款餃子所有餡料嘅味都食得出，都唔錯呀！最後小食辣嘅水晶皮蛋幾特別，係透明㗎！😳因為配咗啲青瓜絲，所以辣都唔怕！

經過門面幾特別 加上價錢又唔貴 就入去試吓 入到去係酒吧既格局 但係 光線都足葱油雞 雞味重又夠滑 唔似用雪藏雞 葱油即叫即撞 唔咸好夠香味湯餃雙併 上網見評價高就叫黎試吓 結果係好好食 皮薄餡鮮 食到菜鮮同新鮮豬肉味 我叫咗香菇芫茜豬肉同雲耳椰菜豬肉 芫茜味好香 雲耳椰菜好爽甜 兩款餃都好有豬肉香味 一定係必叫之一韭菜豬肉煎餃 一上枱就見皮薄 以為一夾會穿 但係又唔會穿喎 一咬煎餃底係煎到脆黃 好好食 皮又有少少Q彈 呢樣都係要必叫既涼拌萵苣絲 叫咗小辣 萵苣入口好爽甜 醬油好香 麻辣勁係後上 食完由脷底湧上 正雖然叫既野唔多 但係份量都好足 兩個人食完都好飽 呢啲價錢對比呢個份價 性價比都好高 好值得再食

呢間位於太子既小店，主打係食餃子，有分湯餃同煎餃。面餃子既款式都有幾款可以選擇，有d仲幾特別係普通既餃子店唔會有，例如西洋菜豬肉，香茹元茜豬肉同雲耳椰菜豬肉。本來想叫西洋菜豬肉餃，因為好似幾特別，後來都無食過。點知店員講依家西洋菜唔係季節，所以無呢款餃子供應。之後就叫左白菜豬肉同香茹元茜豬肉餃子。餃子每隻都脹卜卜，好足料。叫水餃仲會附送涼菜同醬汁一碟，個湯清清地，所以配埋涼菜食就更加開胃。白菜豬肉餃，肥肉較多所以口感更好。香菇元茜豬肉餃，口感清爽。

今次點的食物都是涼拌為主，冰冰涼涼很適合夏日。店內的裝修很有特色，我男朋友也很喜歡泡椒豬手這個泡椒豬手份量不少，有六大件，最值得稱讚的是全部豬手都沒有一條注目，證明他們用心處理最基本的烹調步驟，而且這個泡椒豬手的口味調教得很適合香港人，不會太辣，有泡椒香味之餘，亦有花椒和蒜頭的香味，酸酸辣辣最適合現在這種天氣食用秘製醉雞（例牌）每一件雞都有很濃郁的酒香，但又不會過濃而出現苦澀味，你令我意外的是，每件醉雞的肉質都很彈牙爽口👍🏻 西洋菜餃 拼 芹菜餃餃子皮很薄，咬下去便有很多肉汁，口感頗豐富，點了小辣的湯頭，辣道適中，配合湯中其他香料，味道一流，我臨走時還看到老闆娘和員工一起包餃子，看到他們在每隻餃子皮上都放很多肉水晶皮蛋上菜時，我和男朋友都像發現新大陸一樣，探究為何皮蛋是晶凝通透、白雪雪的，吃起上來蛋黃很甘香，蛋白還有雪花，好奇之下問問事頭婆，才知道這是四川獨有的皮蛋重慶小麵（小辣）點餐之前，沒有想過重慶小面是有雞肉的，吃起來就像雞絲拌麵，小麵冰冰涼涼，配合自家調製的獨有醬汁，再加上面上炒香過的芝麻，十分滋味

今日到旺角太子附近行街，午飯時間去咗喜相逢吃餃子。這間小店在太子地鐵站附近，門口相當有特色。店舖以寫點餐紙點食物主要叫左：雲耳椰菜豬肉餃（煎）白菜豬肉餃（煎）西洋菜豬肉餃（湯）七喜雞絲湯面先來的係西洋菜豬肉餃感覺餃裏邊仲有些少馬蹄或荀（唔確定🤣），這個組合好夾，店員說是冬季限定，兩星期後就冇，可能係配合返冬天嘅西洋菜比較合時及好味。當配搭埋佢配菜同埋麻辣醬一齊食，好正！麻辣醬好香，麻味重。再上的是煎雲耳椰菜豬肉餃。呢個配搭比較爽口，感覺食落去餡料豐富，配合埋黑醋好好味。這是我三款餃子中最喜愛的。之後係白菜豬肉餃。白菜同埋豬肉呢個係最常見嘅餃子配搭，餡料比較柔軟，配合麻辣醬一齊食都幾好味。我哋仲叫咗雞絲湯麵估唔到好大碗，食完之後好飽暖。我其實不是太吃得辣嘅人，但係喜愛麻辣醬，餃子加麻辣醬實在太吸引！好在有一罐七喜幫我紓解一下🤣依度嘅餃子應該都好新鮮，係我哋食緊野嘅期間，聽到廚房嘅切菜聲，也看見員工在店內工作間包餃子。另外，店員都好熱情介紹各項食品，好親切。呢度值得再次幫襯💕