喜點.鮮鍋粥底火鍋點心專門店 (已結業)

今晚請媽咪食飯，食好啲，揀咗間海鮮火鍋，發覺呢度啲嘢唔係剩係得好味，仲要係新鮮湯真材實料。唔想煩又經濟實惠，我哋揀咗食海鮮火鍋套餐，有海鮮又有不同嘅餃子同埋手打丸，何樂而不為。湯底本身想揀螺頭湯，點知缺貨，最後揀咗鯊魚骨嗰個湯底。湯底要講下，因為呢度體驗左真材實料，個湯係又花膠加半隻雞同埋鯊魚骨煲起嚟，有圖有真相。煲起嚟黎嘅湯底仲要係有甜味唔係剩係得啲料，我同媽咪都飲咗幾碗，因為堅好飲。海鮮方面，有龍蝦鮑魚帶子花甲聖子，龍蝦雖然唔係最大隻嗰啲，但都有膏同埋好新鮮，認真唔錯。鮑魚上枱嗰陣時仲見到識郁，所以食落去都好難唔好味。但最主要就係唔好overcook，所以我都係跟住餐牌上面嘅指示。手打丸，三款都好好味。特別係個芝士牛肉丸，要小心啲食，因為真係可能會噴出黎，鍾意食芝士嘅朋友一定會覺得呢個好味。總結：價錢合理，因為有好多唔同嘢食，同埋食材都算高質，仲有得免費飲豆漿同埋紅棗龍眼水。想食海鮮火鍋嘅朋友仔，可以試試佢，睇吓我哋嘅睇法係咪一樣。

我一向都係海鮮控！所以朋友吃過好吃的海鮮餐廳一定會介紹我去，今次朋友就推介我去長沙灣喜點.鮮鍋粥底點心專門店，今晚我就和媽媽兩人一起去吃海鮮。餐廳的環境寬闊，乾净企理而且設有卡位和圓枱！都很適合多人聚會。餐牌上的晚市套餐共有三款，每位 $298、$258 及 $198！可以按自己心水選擇。我就選擇了忘不了海鮮套餐 $298 ，净係湯底都已經有6款可以選擇，我選擇左淮山豬骨螺頭湯，湯地足料而且無味精，加上裏面有大大舊的豬骨和響螺肉令湯底很鮮甜。接著就到主菜！主菜當然就是海鮮（海鮮有機會按當日供應而定）。海鮮有：龍蝦、貴妃蚌、鮑魚、蟶子、大蜆和蝦。望都望到我地流曬口水！而且全部海鮮都非常生猛，新鮮肥味，鮮甜味十足。不得不提的是龍蝦！龍蝦（每人半隻）肉質豐厚潔白，而且口感彈牙鮮味！而且仲有蝦膏。之後還有頂級安格斯牛頭脊、蟹肉黑松露餃，肝墨魚丸，蟹籽蝦丸和炸響鈴和炸魚皮等等的配料打邊爐，牛頭脊肉質鬆軟，牛味很重。而我就喜歡的就是瑤柱韭菜餃，韭菜餃餡料翠綠令人食欲大增。食完海鮮仲有50多款的火鍋配料任食！其中包括鯇魚腩、雲吞、竹笙、淮山等等選擇眾多！外面更有免費的竹蔗茅根水和有機豆漿任飲。竹蔗茅

今日天氣有少少涼意，就會想食火鍋，咁啱經過天悅廣場見到呢間任食海鮮火鍋，諗都唔使諗就入去試吓啦我地叫咗個忘不了海鮮火鍋套餐，雖然話係套餐，但有好火鍋配料都係任食。首先我地叫咗淮生豬骨螺頭湯，個湯底都好足料，有好多豬骨同螺頭，飲落個湯好鮮甜，冇味精，似媽媽煲嘅湯，好正好期待嘅海鮮出場啦有龍蝦，鮑魚，蝦，聖子同貝殼類都有3種。龍蝦都幾大隻有好多膏，放入個鍋煮一煮，d肉吸收埋個湯底，真係好鮮甜，好新鮮。鮑魚上枱果時仲識郁，新鮮程度可想而知，將佢煮幾分鐘，食落一d都唔韌，好鮮甜好彈牙。聖子都有成隻手板咁長，係聖子皇，煮幾分鐘已經可以食，勁爽口，一d沙都冇。其他貝殼類都唔差架，d肉都好飽滿，食落有海水味，完全冇沙，勁鮮味我地一行4人，所以有剌身拼盤送，有三文魚，象拔蚌同北寄貝，d剌身都好新鮮，完全冇腥味，三文魚都幾肥美，唔錯。套餐除咗有海鮮之外，仲有可以選擇特式自制手打丸，餃類同頂級安格斯牛頸脊。瑤柱韭菜餃-好大隻，入面瑤柱都幾多，韭菜都新鮮蟹肉黑松露餃-係佢自家制，出面食唔到，黑松露味道相當特出，蟹肉充滿成隻餃，味道好夾蟹子蝦丸-佢嘅蟹子都唔少成粒蝦丸都有，蝦丸爽口瑞士芝士牛丸-原來芝士配牛丸

聽聞長沙灣好多嘢但我淨係對粥底火鍋比較有興趣不過過咗晚飯時間，就咁walk in行入去唔使卜位，都即刻有枱夜晚10點鐘去到仍然多人唔緊要啦唔係重點雖然食過好多次但都仲係好鍾意佢個海鮮拼盤仍然係水準之上最鍾意佢條多寶魚，次次食都係咁好味其他海鮮都十分之鮮甜。淨係食海鮮同埋啲配菜都已經覺得好飽今次同以前一樣都係食唔到個粥底配菜嘅份量都10分足夠兩個人食都出現又食唔晒嘅情況嘢飲方面都十分之出色佢嘅竹蔗茅根唔係剩係得甜，真材實料！

今次去左長沙灣呢間喜點.鮮鍋，有粥底鍋，火鍋同埋點心食而我地就揀左呢個忘不了火鍋套餐，我地8:30入座仲每位平左$40，4人以上仲送刺身拼盤，可惜我地爭一個人！首先選一款鍋底，套餐包左龍蝦，5款海鮮，特色水餃及丸類，肉類（每2位揀一款）所以最好人數最好係雙數呀！除左套餐既食物，仲有土54款食品無限追加醬料$15/位，有瑤柱XO醬呀！我地叫左比較特別既印度椰子雞鍋，餐廳會先上鍋底，然後上埋雞件，放完雞件後個湯滾左就開始食雞同飲啖湯先，個湯好香椰子味，椰肉唔會好硬，食落去勁香，而雞件都好新鮮餐廳會陸續上哂套餐裡面既食物，5款海鮮包括左蜆，蝦，鮑魚，帶子同蟶子，所有海鮮都好新鮮蜆肉每一粒都好飽滿，而且唔會有沙龍蝦肉鮮味彈牙，仲有羔安格斯牛肉牛味香濃，淥一淥就食得，肉質好滑而成個套餐裏面，我地最欣賞就係手打丸，墨魚丸裏面包住鵝肝，仲爆汁，所以食嘅時候要小心啲！而我地最鍾意就係呢個芝士牛丸，芝士同個牛丸出乎意料地夾，你唔鍾意食牛丸嘅媽咪都讚呢粒牛丸好食最後就係自家製炸魚皮同響鈴，脆卜卜又唔油！除左火鍋呢度仲有粥底鍋，一個人都係$200左右，都幾抵食！

收工約埋幾個同事去咗係長沙灣地鉄站附近嘅喜點粥底火鍋專門店，入到去見到其他客人枱面都有一盤非常大嘅海鮮拼盤，所以我地一座底就問個伙記，有乜好推介，佢話有個二佰幾蚊就可以任飲任食套餐，雖然只係 豆漿 及竹蔗水，但係其他食材可以任食，計落條數都好抵，同事先揀咗個滋補藥膳雞鍋做湯底，再叫咗一個 忘不了海鮮火鍋套餐 主菜有， 生猛龍蝦加五款時令海鮮，包括有鮑魚，蟶子，蜆，海蝦，沙白，同埋， 瑤柱韭菜餃，招牌水餃皇，法國鵝肝墨魚丸，即炸響鈴，炸魚皮，瑞士芝士牛丸，蟹肉黑松露餃 ，肉類有櫻花黑豚肉， 其他配料叫咗巨根蟹柳， 手工貢丸，滋補花膠，雲吞，唐生菜，美國肥牛， 酒香雞仔， 龍蝦丸，西班牙豬腩片，鮮滑雞 鯇魚腩，火煱配料十分齊全，我地所叫 嘅食物都非常新鮮，最正嘅係龍蝦，又大隻，又鮮甜，啖啖肉，瑞士芝士牛丸，比較特別，牛味濃郁，我地四個人不停咁食，都要食咗兩個半鐘先食晒所有叫咗嘅食物，同事們覺得今餐非常滿足，話揾日再來過。

今日一行5人晚餐我們揀咗粥底火鍋，有海鮮及可自選8款火鍋配料，材料新鮮，火鍋後會有職員幫你整粥底，再加上粟米南瓜芋頭煮成粥，因為有海鮮所以煮出嚟啲粥很鮮甜，味道亦不錯。

我已經打邊爐打到我同事一見我話約左人食飯，就問我「又打邊爐呀？」「係呀！又呀！」仲要又係長沙灣呀😌·今鋪試左呢間白天做點心、晚上做火鍋既店。佢有分三種價錢既套餐，我同男友揀左呢個「忘不了」😎·忘不了海鮮火鍋套餐HKD298/位．任食兩個半小時價錢合理啦，話哂都有新鮮海鮮喎🦞🦐🦀🐠🐙🦑·湯底方面🤔我本身想試猴頭菇鯊魚骨湯既但因為男友二話不說搶閘，答左店員要豬骨湯🤷🏼‍♀️咁我唯有下次先試啦🥺 但豬骨湯上到黎都好驚喜，真係一煲勁足料既湯，仲要有好多豬骨同埋螺頭，啖湯好清甜呀🤩·主食💁🏼‍♀️當然有主打既龍蝦同海鮮拼盤啦，除左龍蝦、鮑魚、蝦之外，仲有幾款貝類。食落幾新鮮，洗得乾淨👍🏻👍🏻除左海鮮，仲有三款特色水餃同丸類，我最中意係佢水餃皇同埋蝦丸（利申：蝦控🤭），超級爽口彈牙，對我黎講已經值回票價👍🏻其次就係芝士牛丸，好有特色唔係間間都有呢啲丸，當然味道亦唔錯啦·額外有五十幾款配料比客人任食，選擇都幾多下，亦都好貼心提供有機豆漿同竹蔗茅根水比客人任飲，打完火鍋都無咁熱氣，而且又有益🥰可以飲少啲汽水🙈·我最欣賞既其實係佢任食既落單方法，每次剔八樣先，唔夠食再剔八樣，又可以食得飽足，但又唔好一次叫到

聽聞深水埗有間平靚正既海鮮火鍋，任飲任食，就約左幾個朋友，行完黃金商場，就去折返一餐，由黃金行過去大約10分鐘左右。門口射燈光猛大大個招牌，唔洗等就有枱。打邊爐一定要混醬。。套餐附送既刺身很新鮮。。見天氣乾燥，我們就點了藥膳雞煲補一補，雞肉新鮮豔滑，藥材味濃真材實料。。炸魚皮和響鈴都很香脆。。忘不了的海鮮火鍋套餐，全部都是新鮮的，鮑魚還在喐，吃過真的忘不了。。這隻鮑魚都算大隻。超大舊龍蝦肉。花膠不會太韌。這些手打肉丸新鮮juicy, 肉丸裏面有肉粒有咬口，雲吞足料裡面豬肉和鮮蝦比例剛剛好。。還有50種食物無限追加，朋友們個個都食到飽飽，埋單都很千零蚊，決定下次食粥底。。。

雖然已經進入了春天，但時熱時冷，最適合都是打邊爐，尤其是一大班人喜歡食咩叫咩，合乎大眾口味。這間以海鮮及粥底火鍋為主的餐廳，套餐除了是粥底火鍋外，還有剩湯底，我們就叫了個淮山豬骨螺頭湯，湯底有媽媽的老火湯味道，一大舊的豬筒骨，味道鮮甜。牛頸脊肉質有咬口，肉味濃郁不會太肥。三款餃子及手打丸都極之高質，餃子裏面餡料豐富，大大隻的蝦肉及配料，非常新鮮；蝦丸彈牙、墨丸裏面包鵝肝，一咬即刻滲出陣陣脂肪香甘香。海鮮有即叫即劏的龍蝦、新鮮鮑魚、海蝦、蜆及蟶子，基本上不需要加任何調味料，已經十分鮮味。響鈴及魚皮炸很香脆。最後還有50多款的任食配料，唔好以為任食質素就下降，仍然有高質食物，好似魚旦、牛丸、花膠、竹笙等等，而且蔬菜的款式都很多，每位三百元有此質素，確實性價比高。

約了幾個朋友去打邊爐食海鮮，去了這間位於天悅廣場的火鍋店，我們點了$298/位的套餐，有五款海鮮及多款指定食物，還有任食火鍋料。海鮮有新鮮龍蝦及鮑魚，上枱時龍蝦手腳還動，鮑魚更是活的，其他還有蝦、蜆及蟶子，全部新鮮味道鮮甜，龍蝦肉彈牙。限量供應的牛頸脊色澤鮮紅，脂妨紋理清晰，肉味都香濃。水餃裏面全是爽彈的新鮮蝦肉，其他餃類都包得結實餡多。丸類更是超級高質，尤其是蝦丸真係有粒粒蝦肉。響鈴及魚皮炸得鬆脆。其他火鍋任食的配料竟然有花膠及竹笙這些貴價材料，另外魚旦都一定要試，十級彈牙。整體食物高質，除了飲品較普通外，所有食物都很新鮮，可見餐廳都想留住客人個胃。

其實深水埗呢邊越來越多嘢食，皆因好多私人樓宇和公屋都陸續入伙，所以識得食嘅我梗係周圍捐窿捐窿啦😬呢間「喜點」，有粥底火鍋，又有點心，而家仲多咗一個忘不了海鮮火鍋🍲我今日就專程嚟試吓🤗任食兩個半鐘$298，八點半後仲有特價$258一位，六款火鍋湯底比你揀，仲有海鮮🦞龍蝦，50多款配料無限追加，真係無得頂👍🏻仲有竹蔗水，有機豆漿免費任飲，佢D豆漿真係好有豆味，又唔會太甜，火鍋配佢好啱Key😍湯底揀左猴頭菇鯊魚骨湯底，仲有半隻鮮雞喺裏面，真材實料，淨係呢個湯底都已經滿分🤗海鮮類有完隻龍蝦🦞，生蝦🦐、扇貝、聖子王、鮑魚和貝類等等，齋呢碟海鮮，識計數嘅你都已經知道值回票價啦，真係貨真價實👍🏻再來八款不同火鍋料，擺放得好精緻，令人食指大動，應有嘅丸類同埋餃類都應有盡有，色香味全😍特別係呢個頂級安格斯牛肩脊，肉質富有牛味，雪花分布又均勻，厚薄適中，用嚟打邊爐就真係最理想，冇得彈👍🏻我個人就最鍾意呢個中山脆肉鯇魚片，估唔到可以咁爽咁脆兼有魚味，一於再encore多兩個round😋😋😋五十幾款火鍋配料任你追加，可以食足兩個半小時，啱晒自認大胃王嘅客人，成晚都冇漏單情況出現，服務效率高！我見佢成晚都好旺場

今晚涼涼地，所以晚飯決定打邊爐，我地一行三人去左深水步，買左啲生果同埋去旅行既電話卡，就周為搵野食。媽媽話聽朋友講過有間火鍋店好好味，又有粥底海鮮鍋，所以就坐左一個站地鐵去長沙灣搵果間火鍋店。一出地鐵站，向前行再轉個彎，就見到間餐店。向門口睇左佢個餐牌，我地決定吾食粥底，食佢個 忘不了海鮮火鍋套餐，因為可以無限追加指定食材，又可以食到海鮮。點知食完晒啲海鮮，我地竟然飽晒，加左個菜炸，哈哈，有少少蝕，但即係話佢有好多海鮮食😂😂😂餐廳設有卡位，好舒適，重有電視睇👍🏻個餐除左鮮之外，重包左好多野食。首先選一個湯底，之後啲海鮮同食物都包左人頭份量。我地選左印度椰子雞煲，因為無咁熱氣。個湯底上左之後，我地食一時間飲返淡湯先。個湯好清甜，好重椰子味，正👍🏻👍🏻啲椰子可以食埋，佢地煮到好淋😂原來佢啲野食重要任飲，有杞子桂元茶，竹庶矛根水同埋豆漿，夠晒下火。飲完湯，我地就整啲醬汁，整完就放啲雞落去煲，我地三個人，應該有半隻雞，重有啲海底椰比你放埋落去。保既時候，主角上菜啦，係海鮮同埋個餐包既野食。一人半隻龍蝦，一隻鮑魚，有好多蝦，好豐富🥰🥰。全部都好新鮮，啲鮑魚重識動嫁，哈哈。聖子皇好大隻，好鮮味。我

長沙灣總係令我覺得多住宅 多商廈就係略欠隱世食店點知朋友聽到我既偏見 就帶左我嚟見識喜點！入到去我覺得好寬敞 員工態度都幾親切好快就上左醬料盤俾我地我地揀左望不了套餐 包左頂級牛脊肉 一堆特色丸類 啲肉食得出靚料 脂肪分佈平均 仲有啲丸入面好足料 尤其有大大隻蝦 如果響鈴都可以任食就無得輸海鮮都係呢個套餐既賣點想講啲食材新鮮到 啲鮑魚同蜆都識郁架！我睇到眼都突埋😂😂仲有額外50幾款配料任食！任飲以自家製既涼茶爲主 我地全晚就揀左竹蔗矛根下火湯底揀左椰子雞湯 將新鮮雞加入湯底熬一陣 已經聞到好濃椰香 之後食啲雞都好嫩滑雖然其他食材個樣影落未必好吸引到你 但真係食果下毫不遜色！幾建議一班人好多野傾嘻嘻哈哈既嚟呢度食 因為唔會太嘈而且坐得舒適

今日黎左呢間質素好好，價錢夠哂抵食，海鮮又新鮮既火鍋店打邊爐！😁真係食過返尋味呀！佢有個叫做(忘不了海鮮火鍋🍲套餐），有六款新鮮時令海鮮🦞！超大隻肥美肉厚既龍蝦🦞啲膏多到呢！放落個湯底到，即於令到個湯底都係膏，好鮮味！龍蝦肉夠哂爽又彈牙，食得出係新鮮龍蝦黎🤤鮑魚新鮮到仲係識郁架🥰放落去滾幾分鐘就食得，食落好鮮，再沾少少豉油，啲鮮味出哂黎，好好味！鮑魚又大隻好厚肉。正呀！☺️蚌同海蜆都好新鮮，唔會話有沙。好鮮甜又爽口👍海蝦個鮮味都唔錯，食落彈牙。有得送刺身拼盤☺️☺️三文魚刺身好肥美鮮甜喔！仲有自家製手工丸同餃 既味道同質素都好好。尤其佢個招牌水餃🥟皇，好足料。大大隻蝦釀左入去，食落好彈牙呀！蟹肉黑松露餃味道好濃郁，味道幾match!瑞士芝士牛丸，芝士味好濃，鐘意食芝士就岩哂！頂級安格斯牛頸脊 肉質好嫩滑重牛味，油脂分佈得好平均，食落好好味😋😋我仲叫左花膠，豆腐，冬瓜，落落去個湯底到，索哂個湯食，好有海鮮味，好鮮甜呀🤤鯇魚骨腩仲重鮮魚味，都唔錯！當然唔可以缺少炸響鈴同炸魚皮🤭另外呢度既烏冬係稻庭烏冬黎架！正呀，好好味。😋😋豆漿，竹蔗水，龍眼蜂蜜 都係仼飲，又幾好喎👍👍