嘉寶漢堡 (已搬遷) 新店位置

已經係第唔知幾多次食, 第一次食就喜歡上, 特別係炸燒賣!!本身都試過好多地方BURGER, 特別係好多人話好多好食burger ge 美國.. 食過five guys, in&out, shake shack.., 但係我地香港ge嘉寶, 絕對唔會輸蝕!!! 至少比起我喺美國食ge任何一間 快餐burger好食,, 包面係脆的, 肉有大約1 cm厚, 汁多, 唔太咸, 而我每次其實都係食經典牛堡, 加烤洋蔥, 拼炸燒賣, 加杯熱飲,, 性價比很高, 四十幾蚊就有齊以上GE野, 唔鍾意牛都有雞呀魚呀羊呀咁~ 總有一樣啱你口味!! 葵興都有分店, 我都成日食, 但平日LUNCH HOUR都好多人, 平均比錢買左坐底都要等20分鐘先有得食,, 可能因為係黃店所以多左好多人去,, 

第一次食係在葵涌個邊食，第一次食就已經愛上左。但係條隊真係不得了，太長啦！今次就又去做第二間尖沙咀分店食，依然都係咁好食！！！呢邊條隊雖然冇總店長，但我都係等左四十幾分鐘😱不過等几耐我都願意❤️我最愛嘅就係蝦堡！非常有口感！真係有一隻隻蝦係入邊架！真材實料！正！！！尖沙咀呢間好難得俾我遇到有蝦堡，之前來過幾次都冇嗮啦，so sad🤧間鋪雖然細左點，但係都無法阻止我對呢間汉堡嘅愛！之前見到有其他食評話店員態度差，但我覺得態度幾好，個個都好nice！可能每個人都有自己嘅睇法啦，我就覺得幾好。我自認自己有時好多問題會煩到店務員，但今次同朋友來食，個收銀小妹妹幾有耐性咁同我地介紹和解答我嘅所有問題！黎兩次都係呢個妹妹仔，我都有同距傾過計，雖然個樣睇起來好惡，但係講野好溫柔😳整體黎講都好nice架！我會一直支持嘉寶汉堡！！！最愛嘅汉堡店就係距！大家快點來試下！保證一試難忘！！！

食物還可以，對得住個價。味道算幾濃郁，有煙燻味。加左生洋蔥，口感，味道，層次即刻倍增！生菜亦新鮮。但芝士5係呈半溶狀態，扣分而且有黑色的窿果d焦係張紙度。且portabrlla ge菇味5係太出，冇平時普通mushrooms 咁香。而beef patty 就較重調味料味，冇乜牛味。佢個包冇烘過，且可能因為外賣，d醬整到個包又濕又淋…不好似上面同下面2個包搽ge醬5同🤔thousands island ge係底，應該係for lettuce, 上面係重口味，惹味d ge for beef。不過呢個價錢，都收貨geAll in all, 牛堡除左冇牛味同較重香料味，其他還好，也算juicy。cp值算中上/高, 口感，層次同個味都OK. but I prefer the beef patty with more beef savoury

💛💛💛黃店推介💛💛💛唔洗再食M記啦！嘉寶漢堡曾經多次發聲支持香港人、參與罷市等等，點都好過唔肯比cctv嘅m記啦👻香葱雞扒堡（$36）轉餐，有嘢飲同小食 例如薯條或沙律（+$15）漢堡包係新鮮整，熱辣辣香噴噴咁上枱☺️望落好似有啲dry，但食落一啲都唔會，而且比起其他快餐店，呢間唔會用大量汁黎蓋過曬食物嘅味道，可能因為嗰間係用冰鮮食材，而呢間就全部食材都好新鮮💛😋一咬落口，雞扒好脆，入面啲肉汁好多，番茄嘅汁都一齊咇埋出黎，個蛋又好香，食落會有少少狼狽咖，但真係口感好豐富，味覺大享受😛😛價錢比起賣冰鮮嘢嘅快餐漢堡仲平，絕對抵食，值得支持！

呢間係我同朋友固定嘅canteen 真係冇得挑剔👍🏻價錢又平質素又高仲要係黃💛不過都預咗要排下 同埋入面坐得迫今日六點幾去到 但係牛就未返貨平時多數食芝士牛堡😭所以嗌咗個bbq菠蘿雞堡 反而幾有驚喜😍雞扒炸完keep到好多汁 勁大塊🥺入面嘅烤洋蔥好出色粒入晒味👍🏻本身唔係好鍾意食菠蘿都覺得配搭得幾好🤤轉套餐真係好抵 +$15就有小食同飲品 超級良心試過曬佢嘅小食咁滯 多數都係嗌薯格 蕃薯條或者炸燒賣 特別呀嘛😉嘢飲除咗普通汽水仲會有津露/椰青水揀 冇咁邪惡🥳呢間未食過嘅真係要去試吓啦‼️呢個價錢呢個質素香港真係冇第二間👍🏻

之前已經食過好幾次嘉寶，因為又抵又好味。burger肉汁豐富，而且算多選擇。小食方面特別鐘意食炸燒賣，炸得香口入味，唔會太油。可惜店內員工服務態度差，尤其是一位戴眼鏡、身型比較肥胖既女店員，上次食果陣問佢有咩野飲，佢妙哂嘴咁hea應我，好似同我有仇咁。本身都好支持嘉寶，但店員質素實在太差。希望老闆可以考慮下認真評估員工服務態度，等左咁耐先入到去，但個收銀黑哂面咁對你，搞到成餐dinner都食得唔開心。

今日同男朋友都放假 雖然疫情都令人有D驚驚地 少左出街 不過咁ARM去開TST拎野 就順便睇下有咩好食!忽然間諗起響金巴利道呢邊有間食BURGER既.. 即刻上開飯喇搵下.. YEAH 真係有 原來係叫嘉寶 於是即刻衝去食!下午2點半左右去到. 人唔夠. 不過店內真係比較細. 大概有15個位咁上下. 呢度都係先點餐付款, 之後就搵位坐低. 有專人送餐! 不過由於係開放式廚房, 油煙真係好勁. 食完都會有陣味. 大家要留意!我地叫左1個芝士牛堡同1個黑松露芝士牛堡, 配左1份薯格同1份炸燒賣, 再有飲品, 都係HKD124 , 好抵! 等左幾分鐘就有BURGER食啦.. 打開個包睇下先. 正呀喂. 好香既黑松露. 漢堡排都好厚下. 好正咁. 忍唔住即刻食啖試下. 的確幾好味. 不過就係唔夠熱. 如果可以熱D就更好! 而男朋友個芝士牛堡相比下就遜色少少! 薯格同炸燒賣係即炸關係. 要等10分鐘. 不過份量真係好夠!! 食晒成個餐超飽!!唯一美中不足係坐位真係好迫好迫.但.. 我地下次仍然會再黎食. wakaka !!

今次叫咗個黑松露牛肉漢堡$50+$15套餐一開包裝超香黑松露味 😍牛肉好厚，好juicy😆套餐嘅薯條亦好粗身，外脆內軟🥰一個女仔食好飽😂😂📍： #嘉寶小食

男朋友前排同朋友去左喜寶食漢堡包，佢地食完都讚不絕口。所以今晚佢都帶左我去食。我地叫左一個烤菇芝士牛堡，一個蜜糖芥末菠蘿雞堡同埋一個炸薯格。1. 烤菇芝士牛堡個漢堡包包身有調味同埋底面都有用心烤過，令到包身有少少微硊，好香口。至於個烤大磨菇同牛肉漢堡扒都烹調得啱啱好，保留到佢地應有嘅水份係每樣食物入面。而且，佢地嘅調味都好足夠，加上半溶嘅芝士同埋番新鮮嘅配菜，簡直係完美配搭。2. 蜜糖芥未菠蘿雞堡如上述，個漢堡包包身都有被用心烹調過。至於d配料，塊雞扒煎得好香口，好 juicy，同埋調味都岩岩好。而塊菠蘿有微微烤過，保留到成塊菠蘿嘅水份，好 juicy!!! 配上芥末醬，令到成個包酸酸甜甜，又有少少芥未嘅辣，好開胃。至於個薯格，就 normal，有正常水準，冇乜特別。我下次打算試佢個炸燒賣，睇到隔離枱食，好似好正咁

唔係講笑，呢一間burger舖嘅人龍嘅嘅誇張程度係我經過10次10次都係要排隊，好長龍～但正正因為我成日都會係經過附近，所以覺得小人啲先去都無所謂啦～但真係每一次都勁多人，所以今次的起心肝去排一隊！呢度堂食嘅地方比較細，都見到人打包拎走，大家如果真心想試又唔想排都可以考慮吓～其實本身以呢個價錢來講，本身都冇乜期望，但呢度嘅burger真心性價比好高！值得永遠都擁有一條長龍🤣即叫即整嘅關係，所以大概要等10分鐘左右，不過真心值得呀🥰.finally get to visit the famous @kabo.burger 🤩 there was always a queue every single time when i passed by & i finally decided to join the queue & give it a try 😇 & WOW it’s legit amazing! i especially love how they toasted the bun and the mixture of the sauces matched perfectly! i

晚上經過尖沙咀看到是吃飯时間就找下附近🈶️什麼吃的發現這一家是吃漢堡的所以就進店了漢堡的種類很多，我選了一個芝士牛堡套餐除了有一個芝士漢堡還有一份薯條和一支汽油水這樣一個套餐共$54,價格上還是算不貴的漢堡熱騰騰的而且size也算大喔，里長面有生菜，牛肉堡還有番茄，最吸晴的是那個芝士🤤是溶了的狀態，味道超好吃的😋還有薯條真的是有夠粗大😌這種才吃得過癮很新鮮，真的可以全吃光光下次會試下其他味😌

<香港·尖沙嘴>💛💛💛💛💛💛💛香辣煙肉菇菇牛肉漢堡 HKD50堂食太多等候，買黎係舖頭旁邊食！漢堡包新鮮整，熱辣辣！咬一啖，牛肉漢堡既肉汁BI哂出黎 真係體驗到爆汁既效果😍😍😍食到成手都係肉汁！好滿足！！！HKD50就食到，性價比高！讚！再凍都要排！真心好食過shxxx shxxx!!! #嘉寶漢堡

burger-lover推介食呢間，話說當時都仲未知係黃店，都好多人排隊。其實我早排都登門拜訪，夜晚8點半左右去到，勁多人排，我都諗住照排啦，但係到我截咗龍，包已經賣晒。最近同細佬去開尖沙咀，佢話唔想食粉麵飯，即刻帶佢食呢間人氣港式burger 🍔店內位置唔多，十零個，而且都坐得好迫下，可以考慮外賣。我哋等咗一陣都入到去，小店播住流行歌，好地道嘅感覺。落單畀咗錢先坐低等嘢食，一個burger $50左右，已經有勁豐富嘅餡料，我叫咗「香辣煙肉磨菇芝士牛堡」$50，覺得太辣🥵 煙肉有啲硬，芝士真係融入牛堡，塊牛都算高汁，幾厚幾juicy, 早知就咁食芝士牛堡（$39 only!) +$15有套餐（跟小食+飲品），薯條有味粉，我有另外再點茄醬，跟餐有柚子蜜😋細佬就點咗「烤菇芝士牛堡」$55，真係成塊漢堡包咁大嘅冬菇😳 烤得好香🤤 本身佢想跟薯格但可能好食得濟賣晒🤣 得返薯條，大家都食剩😅😅 由於跟餐嘅都係熱飲，佢只飲凍飲，得雪櫃嘅罐裝/枝裝飲品，+$5要咗枝椰青水。呢間漢堡小店都算係性價比高、用心製作👍🏻

店面雖然細，但係客人依舊好多，想試嘅朋友需要卑d耐心。牛堡好多汁又好有口感，我第一次食，戴眼鏡嘅服務員小妹妹好有心同我推薦咗加芥末加蝦嘅食法，真係不辜負我行依一趟。雖然價錢唔平，但係真係值依個價。好可惜，佢哋新年唔開，因為我宜家又想食啦

一直都有食開呢間，不過平時多數都係外賣，今次見早左出門口又未夠鐘返工，於是就堂食☺️🍔 黑松露芝士牛堡加煎蛋 $56真係平民價錢 高質享受😋牛肉係先經慢煮然後再煎香，勁多肉汁真係一邊食一邊滴汁🤤🧀 炸芝士 $22即叫即炸，芝士怪必點🤩🤩🤩小店位置真小，坐位不多！想試嘅朋友真係要比啲耐性！不過，有樣嘢真係希望可以改善下，就係店內某位戴眼鏡嘅女侍應嘅態度，落單時已見佢西口西面，語氣亦唔友善，唔知以為我哋得罪左佢啲咩😒衰啲講句，我哋係嚟消費嘅，有需要受你面色嗎?!