嘉寶漢堡 (嘉寶大廈)

营业中

休息中

💛 嘉寶漢堡(葵涌) 💛..............................相信大家幫襯開黃店都會聽過嘉寶其實我唔係幾like食漢堡包 我以前去係食撈麵而家嘉寶無撈麵食lu 唯有去食包😳本身想食蝦堡 但13:30去已經賣晒好可惜呀 蝦堡真係好好食🤤🤤🤤店員話大約12點零就賣晒如果大家想試蝦堡記得早啲去啦❤️.🔅想知黃店原因請Pm💛..............................🍽脆薯牛堡 $33（👏🏻7/10）+升級套餐（小食+飲品）$13.嘉寶超多人超爆場就眾所週知🥳但佢地都無馬虎預先整好晒食材再砌積木即使lunch time都係即整嘅 保證新鮮熱辣一咬落去牛堡啲肉汁噗哧噗哧咁爆出黎對比起鬍鬚仔 嘉寶塊牛係Juicy啲🥰因為佢地嘅漢堡扒係低溫慢煮 keep住啲肉汁以前嘉寶未搬舖 嘉寶姐姐會喺門口真空啲漢堡扒哎呀好懷念以前嘅撈麵同識識薯條🤤不過如果講包 鬍鬚仔就略勝一籌啦嘉寶嘅包比較乾同塊皮硬少少牛油香都冇咁濃 對我嚟講唔夠軟熟😣.薯條都係實的的貨真價實嘅薯條 唔粉嗰種如果老闆睇到呢篇文 我想講我好掛住你地啲識識粉呀！.如果大家想坐定定環境好啲 可以揀嘉寶如果唔介意買

呢排突然想食漢堡包🍔於是拉埋男朋友嚟聽講長期排長龍嘅嘉寶漢堡好好彩可能過咗繁忙時間我地嚟到唔洗排隊就入得食物都整得好快漢堡包性價比高 價錢貼地仲可以自由追加自己鐘意嘅配料💕我食嘅係松露芝士牛堡加蛋♥包嘅外皮焗到脆脆地 松露味勁香😌牛肉juicy多汁 係咬落去爆汁嗰種肉質彈牙成個包好食到我希望自己有多個胃可以食多個😂只要加13蚊就可以升級套餐配一款小食(有7款小食揀)同飲品環境舒適唔會好迫值得再去嘅餐廳

之前都成日聽人哋講食呢一間嘉寶漢堡🍔🍔🍔平時見到都會好多人排隊今日因為就嚟收舖頭所以少人一啲就過咗嚟食下啦🥰🥰🥰其中一樣我最鍾意嘅嘢就係佢可以俾我哋自由配搭 可以每次都食到唔同配搭嘅漢堡🥰🥰🥰每一款配料嘅價錢都唔係太貴所以會令人唔自覺咁加咗好多料🤣🤣🤣個牛肉同醬汁係我最鍾意嘅嘢食咗都好開胃😛😛😛加上係本土嘅小店 大家都應該多多支持!!!除咗麥當勞, shake shack 之外香港地食漢堡都仲有好多選擇㗎！😝🍔

一個放假的週末，最岩就係周圍去搵野食，最近經朋友推介，介紹了一間位於葵興光輝圍內的漢堡店，由於鋪頭位於馬路旁，平時搭巴士都應該容易看到。由於今日是星期日，所以特意地選擇了tea time時候去幫襯。鋪頭門口設置自助取票機，只需取票就能等候入座。點餐情況：客人要到櫃臺落單，再等叫號碼到吧枱取餐。食物質素：第一次幫襯，就點了1. 蜜糖芥末菠蘿牛堡+薯格+汽水2. 蜜糖芥末菠蘿雞堡食物製作用了10分鐘，覺得食物新鮮好食，不油。衛生情況：客人用餐後要自行棄置垃圾到指定位置。交通便利程度：駕駛者可以泊車在光輝圍錶位，十分方便；鋪頭外是巴士站，搭巴士到都十分便利。

朋友介紹 話漢堡抵食又好味😋就即管放假去試下 雖然禁制令下 6點後無得堂食 但6點前依舊好多人幫襯 雖然等左吾系好耐 餐廳自助形式 但餐廳自助說明並不清楚 令到服務品質覺得好差 漢堡系好食 😋 而且價錢吾貴 值得一試 但甘既服務質數我吾會再去

門口今天吃了很好吃的漢堡🍔🤤出品很高質。來到幸好今天不多人，一入去就有位置坐了。賣相不錯芝士和黑松露醬好吸引黑松露芝士牛堡-包有烘熱過，所以有點微脆，黑松露醬不吝嗇，很濃黑松露味，味道有層次感，蕃茄生菜新鮮，牛肉漢堡扒咬下去有肉汁。凱撒雞堡-雞肉漢堡醃得很入味，生菜爽口，份量很多，配合雞肉吃起來感覺很健康。炸燒賣-入味但口感比較硬一點香脆粟米片雞塊-超脆口。薯條-是很粗身的薯條，點黃芥末醬或茄汁也不錯。BBQ雞翼-醬的口味很像麥當勞麥樂雞的甜酸醬，比較重口味。

呢排疫情好緊張，但係日日煮嘢食都會疲勞，所以就去咗買外賣食。行過漢堡店見到唔算好多人，大約有10個左右，所以就去咗買嘢食。我叫咗個煙肉芝士磨菇雞漢堡，加咗$13轉套餐加咗薯條同嘢飲， total $57。於是乎就企咗喺度等啦。等嘅途中見到收銀員收完錢，間唔中又去幫手執嘢食。有時又會掂下口罩外邊，再掂嘢食。我自己就對呢啲非常之敏感，因為之前話醫院有人因為掂左啲錢所以感染肺炎。我本身以為收銀會同執嘢食嗰個人分開，所以先會買依間店舖嘅嘢食。但係我見到嗰個收銀有時冇handrub就掂野食，我自己就有啲介意喇。企喺度等等吓，見到佢有好多唔同嘅外賣單，咩網上外賣平台、ubereats，我7:08落單，7:45先有野食，最後我等咗半個鐘有多先有野食，由好天都等到變落雨。返到屋企食野拆禮物喇。個薯條返到屋企都已經林晒凍冰冰咁，不過佢薯條都厚身，都足料既。漢堡方面都幾足料，應該有嘅地方都有，唔會話Miss咗啲配料，不過塊肉可以再入味啲。飲品方面叫咗小冰都幾多冰，可能係顧及外賣嘅需要，奶茶都幾好飲。整體來講，呢間舖頭嘅嘢食都OK，但係如果要喺夏天落雨嘅情況底下，未足以放工之後返屋企白企七個字係度等。如果想

哩間嘢真真極品，昨晚條氣唔顺打去問可以電話"訂包"嗎？他說可以，於是要咗個"双層芝士牛堡"，訂單号碼153，仲叫我20分鐘去攞，心諗今次冇甩拖掛。準時20分鐘去到同佢講153攞包，点知佢話冇153呢張單，我要爆喇😤。喂!哥仔，咁你仲叫我噏153就可以攞包，你地搞乜鬼呀！佢話我唔知，最多現在即做，我問要幾耐，佢話唔知，仲話想快去隔離"老麥"及可以唔食。😤😤咁樣同客溝通，簡直痴線。好喇，直至攞到個包，食落係好過"老麥"嘅，但肉質偏及霉，以50蚊嚟講肉味一般，50蚊買難受。祝佢生意興隆。其實好唔好食其次及好個人，開得門口做生意咁樣同客講嘢，記憶中第一次經歷。

一直想食嘉寶，但成日見排隊所以一直無試。所以同老板有日就早去等位，12點半左右到達已見數十人排隊付款⋯烈日當空之下好彩只係排10分鐘左右。先坐低後點餐，地方細細都放左好多檯。落單需要自己出收銀落單，我揀咗麻醬雞堡，老板揀左bbq蛋豬堡！小食就要左蕃薯條同炸燒賣～漢堡即叫即整，又多單所以都需要時間。飛碟機響，需要自行去取餐～無諗過個漢堡都幾大個，麻醬都香濃，好多醬，塊雞肉好厚，啖啖肉！而且生菜同蕃茄都好新鮮～個包都好軟熟！！！！至於蕃薯條同炸燒賣就一般。老板話凍奶茶唔錯，而我杯熱柚子蜜就淡出了來～不過即叫即整嘅漢堡同超值價錢絕對係值得回頭！食完我地就自行乖乖地收返餐盤～

由於晚市禁堂食，放工去左買外賣，叫左個burger 返屋企食。一去到見到好多人排隊，而且casher 一路都有人打電話訂，所以決定試下，叫完個包，等左十幾分鐘先有得拎。芝士牛堡 $31返到屋企切開見到個包中間有蕃茄、生菜同埋芝士，牛漢堡既肉質都幾彈牙，呢個價錢呢講都幾抵食，芝士味好濃，而且蕃茄水分控制得幾好。

呢間網上評價都吾錯的 我又對漢堡包係無抵擋力架😂只要見到吾錯嘅都會試下可能呢間係網紅店嘅關係，我下午茶黎食都爆場大家lunch黎食應該要排喔😏 -芝士牛肉漢堡$31熱辣辣，漢堡排吾會乾但冇咩肉汁，質感對我而言偏淋偏軟，屬於中等水平 可以接受🥳-香辣煙肉蛋羊堡$45值得試下啵！羊嘅漢堡比較少見，吾係到到有得食，有微微嘅羊羶味。可能為迎合大眾嘅口味，唔會有太大陣羊羶味，但都會食得出係羊肉黎嘅👍🏻 ，就算唔太鍾意食羊嘅我都接受到。但塊漢堡都係偏淋，總括而言呢款都係幾有驚喜！-+13可以要套餐 叫咗番薯條（再+$4） 要椰子水（再+$4)番薯條好高質，大大條，好香嘅番薯味，外皮炸到脆卜卜其他小食都好想試 有炸燒賣😍夠晒本土👍🏻-🙎🏻‍♀️：小店食物質素唔錯，價錢平民，小食同漢堡都有心思，係性價比幾高嘅一間漢堡店，值得推介

雖然舖頭嘅位置有啲偏僻，但係都無阻大家去排隊買來食～佢係新式嘅港式漢堡，豬牛雞羊都有，多款味道任君選擇！我個人就鍾意泡菜蛋豬堡或者麻醬雞堡（其實隻隻都好好食）一定要配番薯條啊，雖然要加錢，但係出邊好少有機會食到番薯條，好味！薯條都好味，佢係粗身嘅薯條堂食方面座位就迫啲啦，食完野要自己收野，不過快餐店嚟㗎嘛差唔多啦。令人卻步就係無論係外賣定係堂食，你都預咗要等好耐，因為真係好多人

呢間漢堡店真係唔算就腳，因為附近又冇商場..黎嘅人真係單單為左佢 (我係咁諗) Anyway, 今日想食得juicy啲！見佢有款有埋燒菠蘿 P1 就你啦！我轉左豬做雞->即係「蜜糖芥末菠蘿雞堡」。今日都係好多人啊..好在我一個唔洗等好耐就有位，order完到整好我諗10分鐘度佢好厚lol, 根本咬唔晒其實都食得幾狼狽下，但係佢塊菠蘿真係好出色啊！好香好多汁真係佢啲sauce多到流晒出黎..once again..好狼狽..建議同初約會對象唔好食啲咁難handle嘅東西..咁個雞我就覺得比較散..不過咁嘅價錢都好難expect係原雞扒/柳，佢都係肉碎整成嘅扒咁，鍾意食雞嘅我都有點失望，下次未必再食雞~~可能本身嘅豬會幾夾，期待下次加13$做套餐，有我配燒賣唔咁熱氣都幾開心，鴛鴦黎講，我prefer豬over魚肉。加多杯熱柚子滿足！

一改以往尖沙咀店的壞印象 !三年前幫襯過尖沙咀店，印像很差，三個店員亂七八糟，又唔識收錢，又只得兩三款漢堡包，又黑口黑面，加錢要套餐薯條又賣曬，三年來都唔敢再去幫襯佢。直到近期見葵涌店大排長龍，一定有啲嘢，比次機會自己再次嘗試下，店員全部都係後生仔，帶住口罩都覺得佢有笑容和有禮貌。~漢堡包的包面有烘過所以脆脆地。~漢堡牛肉有牛味唔鞋也不會太實。~芝士溶曬喺漢堡牛肉上面。~ 番薯條，外脆內軟味濃厚。小店以這個價錢超抵食(平均每人$50~)，超好味，超級推薦👍

今日難得屋企唔煮飯，咁就同屋企人出去食，本身就唔知道食咩好嘅，最尾都諗住食返啲香口野，咁就嚟咗呢間食漢堡包，之前都食過一次嘅，喺尖沙咀，評價都好高，今次就一於試吓去佢令一間分店度食，因為呢間鋪係比較大間啲，容易啲搵位，二來都近啲屋企嘅。我哋嗌左三個飽啦，一個就係雙層芝士漢堡包，一個就係麻醬雞，令一個就係芥末雞扒，其實全部嘅包都好好食，因為佢出邊個包皮其實係烘過，其實係好脆，二來佢份量真係好多，本身諗住雙層芝士漢堡嘅就係諗住跟一塊牛肉嘅嘅，點知佢嚟嗰兩塊喎，所以其實我覺得佢用料都好足，不過唯獨是如果係菇轉左去做大啡菇會好啲，咁樣嘅話會令到個包入邊嘅汁就會多少少啦，咁我本身自己係食芥末雞扒嘅，其實我覺得係好食嘅，因為佢本身入邊有好多蕃茄同生菜，呢兩日其實都係我好鍾意食嘅嘢啦，咁二隻色落去個感覺都好新鮮嘅，不過唯獨是佢個雞扒就比較乾身一啲，但我就覺得係好食嘅。咁另外啦我哋就加咗個套餐，咁跟住杯嘢飲同埋一個小食，咁我自己就飲佢嘅椰青水，咁一嚟可以解渴啦，二來都可以下火嘅，咁同埋佢嘅小食都做得好出色，咁佢個炸燒賣其實係用咗豬肉燒賣炸喇，出邊其實好少食嗰一種嘅炸燒賣嘅，咁另外我哋嗌左炸薯條啦，炸薯